EUR-Lex Access to European Union law
This document is an excerpt from the EUR-Lex website
Document 62019CN0601
Case C-601/19 P: Appeal brought on 7 August 2019 by BP against the judgment of the General Court (Fifth Chamber) delivered on 11 July 2019 in Case T-888/16: BP v FRA
Kawża C-601/19 P: Appell ippreżentat fis-7 ta’ Awwissu 2019 minn BP mis-sentenza mogħtija mill-Qorti Ġenerali (il-Ħames Awla.) fil-11 ta’ Lulju 2019 fil-Kawża T-888/16, BP vs FRA
Kawża C-601/19 P: Appell ippreżentat fis-7 ta’ Awwissu 2019 minn BP mis-sentenza mogħtija mill-Qorti Ġenerali (il-Ħames Awla.) fil-11 ta’ Lulju 2019 fil-Kawża T-888/16, BP vs FRA
ĠU C 432, 23.12.2019, p. 19–20
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
23.12.2019 |
MT |
Il-Ġurnal Uffiċjali tal-Unjoni Ewropea |
C 432/19 |
Appell ippreżentat fis-7 ta’ Awwissu 2019 minn BP mis-sentenza mogħtija mill-Qorti Ġenerali (il-Ħames Awla.) fil-11 ta’ Lulju 2019 fil-Kawża T-888/16, BP vs FRA
(Kawża C-601/19 P)
(2019/C 432/24)
Lingwa tal-kawża: l-Ingliż
Partijiet
Appellanti: BP (rappreżentant: E. Lazar, avukat)
Parti oħra fil-proċedura: L-Aġenzija tal-Unjoni Ewropea għad-Drittijiet Fundamentali
Talbiet
L-appellanti jitolbu li l-Qorti tal-Ġustizzja jogħġobha:
— |
tannulla s-sentenza appellata u konsegwentement |
— |
tannulla d-deċiżjoni tal-awtorità li għandha s-setgħa tikkonkludi kuntratti ta’ ingaġġ (AHCC) tal-21 ta’ April 2016 li ma ġġeddidx il-kuntratt tax-xogħol tagħha; |
— |
tagħti kumpens għad-dannu materjali u morali sostnut mill-appellanti bħala riżultat tad-deċiżjoni illegali li, minn naħa ma ġġeddidx il-kuntratt u min-naħa l-oħra li teżegwixxi s-sentenza fil-Kawża T-658/13 P; |
— |
tagħti kumpens għad-dannu materjali u morali sostnut mill-appellanti minħabba li l-appellata naqqset milli tadotta r-regoli legali għall-evalwazzjoni, għall-klassifikazzjoni mill-ġdid u għat-tiġdid u l-ħsara relatata li tirriżulta mill-assenza ta’ dawn ir-regoli legali; |
— |
tiddeċiedi li l-Linji Gwida tal-FRA għall-evalwazzjoni u għall-klassifikazzjoni mill-ġdid u d-deċiżjoni tad-Direttur tal-FRA 2009/13 dwar it-tiġdid ta’ kuntratti ta' xogħol huma illegali safejn dawn ir-regoli ġew adottati wara proċedura illegali minn awtur nieqes minn kompetenza xierqa; |
— |
teżerċita l-ġurisdizzjoni sħiħa tagħha sabiex tiżgura l-effettività tad-deċiżjoni tagħha; |
— |
tikkundanna lill-konvenuta tħallas interessi awtomatiċi bir-rata prinċipali tal-Bank Ċentrali Ewropew b’żieda ta’ żewġ punti perċentwali fuq l-ammont eventwalment mogħti jew kull għotja oħra ta’ pagament ta’ interessi li l-Qorti Ġenerali jidhrilha ġusta u xierqa; |
— |
tikundanna lill-FRA għall-ispejjeż sostnuti fl-ewwel istanza u fl-appell. |
Aggravji u argumenti prinċipali
L-ewwel aggravju: il-Qorti Ġenerali wettqet żball manifest fl-evalwazzjoni tat-tieni motiv relatat mal-illegalità tar-regoli tal-FRA u tar-raba’ talba relatata mal-eċċezzjoni ta’ illegalità invokata mill-appellanti skont l-Artikolu 277 TFUE. F’dan ir-rigward il-Qorti Ġenerali wettqet evalwazzjoni żbaljata tal-fatti u tal-provi, żnaturat is-sens ċar tal-provi, wettqet żball ta’ liġi, kisret id-dmir li tagħti raġunijiet u kisret id-dritt għal smigħ.
It-tieni aggravju: il-Qorti Ġenerali naqset milli tiddeċiedi dwar it-tielet talba u ma eżerċitatx ġurisdizzjoni sħiħa kif mitlub taħt il-ħames talba. F’dan ir-rigward il-Qorti Ġenerali kisret ir-rekwiżit li tkun issalvagwardjata l-legalità kif previst fl-Artikolu 19(1) TUE u kisret l-Artikolu 268 TFUE.
It-tielet aggravju: il-Qorti Ġenerali kisret l-Artikoli 35, 36, 64 u 65 tar-Regoli ta’ Proċedura tal-Qorti Ġenerali. F’dan ir-rigward il-Qorti Ġenerali kisret il-prinċipju ta’ kontradittorju; naqset milli tinnotifika lill-FRA l-ittra tal-25 ta’ Settembru 2017 u naqset milli tinnotifika lill-appellant dwar dan; kisret il-produzzjoni tal-prova relatata mar-replika u kisret ir-regoli dwar il-provi; ċaħdet b’mod żbaljat ir-Rapport tal-OLAF fil-każijiet magħquda OF/2014/0192 u OF/2015/0167; kisret id-dritt għal smigħ; kisret id-dritt għal smigħ xieraq; u kisret l-Artikolu 52 tal-Karta tad-Drittijiet Fundamentali tal-Unjoni Ewropea.
Ir-raba’ aggravju: il-Qorti Ġenerali kisret id-dritt tad-difiża u l-prinċipju ta’ protezzjoni ġudizzjarja effettiva stabbilita fl-Artikolu 47 tal-Karta u pproduċiet motivazzjoni tad-deċiżjonijiet mhux xierqa.
Il-ħames aggravju: il-Qorti Ġenerali kisret l-Artikoli 134 u 135 tar-Regoli ta’ Proċedura tagħha dwar l-ispejjeż. F’dan ir-rigward il-Qorti Ġenerali naqset mid-dmir tagħha li tagħti raġunijiet.