—

tannulla s-sentenza tat-Tribunal għas-Servizz Pubbliku fil-Kawża F-1/16,  WQ (*1) vs Il-Parlament;

—

tannulla d-deċiżjoni tal-Awtorità tal-Ħatra tas-27 ta’ Marzu 2015 li isem ir-rikorrent ma għandux jiġi inkluż fil-lista ta’ uffiċjali magħżula sabiex jipparteċipaw fil-programm ta’ formazzjoni tas-sena ta’ ċertifikazzjoni 2014;

—

tikkundanna lill-Parlament għall-ispejjeż taż-żewġ istanzi.

1.

L-ewwel aggravju bbażat fuq żball ta’ liġi li t-Tribunal għas-Servizz Pubbliku wettaq fl-eżami tal-motiv invokat mir-rikorrent fl-ewwel istanza, ibbażat fuq il-ksur tal-prinċipju ġenerali ta’ ugwaljanza fit-trattament, billi ddeċieda li r-rikorrent kien f’sitwazzjoni fattwali differenti minn dik ta’ kandidat li kellu diploma tal-istess livell, wara li kien segwa kors ta’ mill-inqas sena.

2.

It-tieni aggravju bbażat fuq żball ta’ liġi li jirriżulta mill-fatt li t-Tribunal għas-Servizz Pubbliku ddeċieda li d-deċiżjoni kkontestata, jiġifieri dik li ma jiġix inkluż isem ir-rikorrent fil-lista ta’ uffiċjali magħżula sabiex jipparteċipaw fil-programm ta’ formazzjoni tas-sena ta’ ċertifikazzjoni 2014, ma kinitx tmur kontra l-Artikolu 165 tat-Trattat dwar il-funzjonament tal-Unjoni Ewropea u t-tqassim tal-kompetenzi bejn l-Unjoni u l-Istati Membri tagħha fil-qasam tat-tagħlim.

3.

It-tielet aggravju bbażat fuq żball ta’ liġi li t-Tribunal għas-Servizz Pubbliku wettaq meta ċaħad l-eċċezzjoni ta’ illegalità, imqajjma mir-rikorrent fl-ewwel istanza, minħabba li l-kriterju li segwa kors ta’ mill-inqas sena kien iġġustifikat u proporzjonat fid-dawl tan-natura tal-proċedura ta’ ċertifikazzjoni. F’dan il-kuntest, ir-rikorrent iqis li t-Tribunal għas-Servizz Pubbliku wettaq żnaturament tal-argumenti tiegħu meta ddeċieda li dan tal-aħħar ma kienx ikkontesta l-fatt li t-teħid inkunsiderazzjoni tad-diploma inkwistjoni kien iwassal sabiex tiġi vvalorizzata d-doppju l-esperjenza professjonali tiegħu miksuba fi ħdan l-istituzzjonijiet.