Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62011CN0559

Kawża C-559/11: Talba għal deċiżjoni preliminari mressqa mir-Rechtbank van koophandel te Antwerpen (il-Belġju) fis- 7 ta’ Novembru 2011 — Pelckmans Turnhout NV vs Walter Van Gastel Balen NV et

ĠU C 32, 4.2.2012, p. 13–13 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

4.2.2012   

MT

Il-Ġurnal Uffiċjali tal-Unjoni Ewropea

C 32/13

Talba għal deċiżjoni preliminari mressqa mir-Rechtbank van koophandel te Antwerpen (il-Belġju) fis-7 ta’ Novembru 2011 — Pelckmans Turnhout NV vs Walter Van Gastel Balen NV et

(Kawża C-559/11)

2012/C 32/23

Lingwa tal-kawża: l-Olandiż

Qorti tar-rinviju

Rechtbank van koophandel te Antwerpen

Partijiet fil-kawża prinċipali

Rikorrenti: Pelckmans Turnhout NV

Konvenuti: Walter Van Gastel Balen NV, Walter Van Gastel NV, Walter Van Gastel Schoten NV, Walter Van Gastel Lifestyle NV

Domandi preliminari

(1)

Il-ftuħ ta’ ħanut, sebat ijiem fil-ġimgħa, minn kummerċjant u l-fatt li dan jiġi rreklamat, għandhom jitqiesu bħala azzjoni, ommissjoni, kondotta, proċedura jew komunikazzjoni kummerċjali, inkluż ir-reklamar u l-marketing, min-naħa ta’ professjonist, b’rabta diretta mal-promozzjoni, il-bejgħ jew il-provvista ta’ prodott lill-konsumaturi, u konsegwentement, bħala prattika kummerċjali fis-sens tad-Direttiva 2005/29/KE tal-Parlament Ewropew u tal-Kunsill, tal-11 ta’ Mejju 2005, dwar prattiċi kummerċjali żleali fin-negozju mal-konsumatur fis-suq intern?

(2)

Id-Direttiva 2005/29/KE tal-Parlament Ewropew u tal-Kunsill, tal-11 ta’ Mejju 2005, dwar prattiċi kummerċjali żleali fin-negozju mal-konsumatur fis-suq intern jew dispożizzjoni oħra tad-dritt tal-Unjoni Ewropea, bħalma huma, fost oħrajn, l-Artikolu 34 jew 35 TFUE jew l-Artikolu 49 jew 56 TFUE, tipprekludi leġiżlazzjoni nazzjonali, bħalma hija dik tal-Artikoli 8 sa 14 tal-liġi tal-10 ta’ Novembru 2006 (dwar il-ħinijiet ta’ ftuħ fil-kummerċ, l-artiġjanat u s-servizzi), li — b’riżerva għal xi eċċezzjonijiet elenkati fil-liġi — timponi lill-kummerċjant sabiex jagħżel jum fil-ġimgħa fejn il-ħanut ikun magħluq, minħabba l-fatt li huwa pprojbit, b’mod totali, li kummerċjant jiftaħ il-ħanut tiegħu sebat ijiem fil-ġimgħa u dan indipendentement mill-effett li dan għandu jew jista’ jkollu fuq il-konsumatur medju u indipendentement mill-kwistjoni dwar jekk dan l-att jistax jitqies, fiċ-ċirkustanzi konkreti (ta’ dan il-każ), bħala li huwa kuntrarju għad-diliġenza professjonali jew għall-prattiċi kummerċjali leali, u wkoll indipendentement mill-fatt li, indipendentement minn din il-liġi, il-mistrieħ tal-ħaddiema bħala dritt tax-xogħol huwa ggarantit minn leġiżlazzjoni oħra?
Top