This document is an excerpt from the EUR-Lex website
Document 52021M10178
Prior notification of a concentration (Case M.10178 — Eni/Aldro EyS/Instalaciones MD) Candidate case for simplified procedure (Text with EEA relevance) 2021/C 58/17
Avviż minn qabel ta’ konċentrazzjoni (Il-Każ M.10178 — Eni/Aldro EyS/Instalaciones MD) Każ li jista’ jiġi kkunsidrat għal proċedura ssimplifikata (Test b’rilevanza għaż-ŻEE) 2021/C 58/17
Avviż minn qabel ta’ konċentrazzjoni (Il-Każ M.10178 — Eni/Aldro EyS/Instalaciones MD) Każ li jista’ jiġi kkunsidrat għal proċedura ssimplifikata (Test b’rilevanza għaż-ŻEE) 2021/C 58/17
PUB/2021/120
ĠU C 58, 18.2.2021, p. 84–85
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
18.2.2021 |
MT |
Il-Ġurnal Uffiċjali tal-Unjoni Ewropea |
C 58/84 |
Avviż minn qabel ta’ konċentrazzjoni
(Il-Każ M.10178 — Eni/Aldro EyS/Instalaciones MD)
Każ li jista’ jiġi kkunsidrat għal proċedura ssimplifikata
(Test b’rilevanza għaż-ŻEE)
(2021/C 58/17)
1.
Fil-11 ta’ Frar 2021, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Dan l-avviż jikkonċerna l-impriżi li ġejjin:
— |
Eni gas e luce S.p.A. (“Eni G&L”, l-Italja), sussidjarja li hija proprjetà kollha kemm hi ta’ Eni S.p.A. (“Eni”, l-Italja) |
— |
Aldro Energia y Soluciones, S.L.U. (“Aldro EyS”, Spanja) u Instalaciones Martinez Diez, S.L.U. (“Instalaciones MD”, Spanja), it-tnejn sussidjarji u proprjetà kollha kemm huma ta’ Aldro Energy, S.L.U. (“Aldro Energy”, Spanja). |
Eni takkwista, fis-sens tal-Artikolu 3(1)(b) tar-Regolament dwar l-Għaqdiet, il-kontroll ta’ Aldro EyS u Instalaciones kollha kemm huma.
Il-konċentrazzjoni hija mwettqa permezz tax-xiri ta’ ishma.
2.
L-attivitajiet kummerċjali tal-impriżi kkonċernati huma:
— |
Eni: grupp dinji li jaħdem fiż-żejt u l-gass, attiv fl-esplorazzjoni, il-produzzjoni, l-irfinar u l-operazzjonijiet tal-bejgħ, l-elettriċità u l-kimika, Eni G & L, li hija sussidjarja u proprjetà kollha kemm hi tagħha, hija attiva fil-provvista tal-elettriċità u tal-gass naturali, kif ukoll fis-soluzzjonijiet tal-enerġija madwar l-UE. |
— |
Aldro EyS: il-provvista tal-elettriċità u l-gass naturali fi Spanja u l-Portugall. |
— |
Instalaciones MD: tipprovdi servizzi ta’ back office u għall-konsumaturi lil Aldro EYS. |
3.
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.Skont l-Avviż tal-Kummissjoni dwar proċedura ssimplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.
4.
Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta lill-Kummissjoni.Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:
M.10178 — Eni/Aldro EyS/Instalaciones MD
Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt.
Email: COMP-MERGER-REGISTRY@ec.europa.eu
Faks +32 22964301
Indirizz postali:
European Commission |
Directorate-General for Competition |
Merger Registry |
1049 Bruxelles / Brussel |
BELGIQUE / BELGIË |
(1) ĠU L 24, 29.1.2004, p. 1 (“ir-Regolament dwar l-Għaqdiet”).