(1)

Fl-20 ta’ Settembru 2016, il-Kunsill adotta d-Deċiżjoni (PESK) 2016/1693 (1).

(2)

Fl-10 ta’ Ġunju 2024, il-Kunsill tas-Sigurtà tan-Nazzjonijiet Uniti (KSNU) adotta r-Riżoluzzjoni 2734 (2024). Il-KSNU afferma mill-ġdid li atti jew attivitajiet li jindikaw li individwu, grupp, impriża jew entità huma assoċjati mal-ISIL (Da’esh) jew l-Al-Qaida jinkludu, meta jitwettqu minn, flimkien ma’, taħt isem, f’isem, jew b’appoġġ għal Al-Qaida, ISIL, jew kwalunkwe ċellola, grupp affiljat, sottogrupp dissidenti jew derivattiv tagħhom, il-parteċipazzjoni fil-finanzjament, l-ippjanar, l-iffaċilitar, it-tħejjija jew it-twettiq ta’ atti jew attivitajiet; il-forniment, il-bejgħ jew it-trasferiment ta’ armi u materjal relatat; jew ir-reklutaġġ għal, jew l-appoġġ b’xi mod ieħor tal-atti jew l-attivitajiet ta’ Al-Qaida, ISIL, jew kwalunkwe ċellola, grupp affiljat, sottogrupp dissidenti jew derivattiv tagħhom. Huwa rrikonoxxa wkoll li l-ippjanar, id-direzzjoni jew it-twettiq ta’ atti li jinvolvu vjolenza sesswali u abbażi tal-ġeneru, inkluż l-istupru, l-iskjavitù ta’ persuni, u każijiet ta’ ħtif u traffikar ta’ persuni jistgħu jkunu eliġibbli għal deżinjazzjoni fil-lista ta’ sanzjonijiet tan-NU kontra l-ISIL (Da’esh) u Al-Qaida abbażi ta’ dawk il-kriterji tal-elenkar, meta tali atti jkunu qed jintużaw mill-ISIL, Al-Qaida u individwi, gruppi u entitajiet assoċjati bħala tattika tat-terroriżmu.

(3)

Fid-dawl tat-theddida kontinwa mill-ISIL (Da’esh) u Al-Qaida, u minn persuni, gruppi, impriżi u entitajiet assoċjati magħhom, il-Kunsill iqis li huwa meħtieġ li jiġi ċċarat li l-kriterji għall-impożizzjoni ta’ miżuri restrittivi mill-KSNU, skont ir-Riżoluzzjonijiet 1267 (1999), 1333 (2000) u 2253 (2015), jew mill-Kumitat stabbilit skont ir-Riżoluzzjoni 1267 (1999) jinkludu wkoll l-ippjanar, id-direzzjoni jew it-twettiq ta’ atti li jinvolvu vjolenza sesswali u abbażi tal-ġeneru, inkluż l-istupru, l-iskjavitù ta’ persuni, u każijiet ta’ ħtif u traffikar ta’ persuni, meta tali atti jkunu qed jintużaw minn ISIL (Da’esh), Al-Qaida u individwi, gruppi u entitajiet assoċjati bħala tattika tat-terroriżmu.

(4)

Għalhekk, jenħtieġ li d-Deċiżjoni (PESK) 2016/1693 tiġi emendata skont dan,

(1)

fl-Artikolu 2, il-paragrafu 1 huwa sostitwit b’dan li ġej:

(2)

fl-Artikolu 3, il-paragrafu 1 huwa sostitwit b’dan li ġej:

“Il-fondi kollha, l-assi finanzjarji u r-riżorsi ekonomiċi oħrajn, li huma l-proprjetà ta’ jew ikkontrollati, direttament jew indirettament, minn persuni, gruppi, impriżi u entitajiet deżinjati u soġġetti għal iffriżar tal-assi mill-KSNU skont l-UNSCRs 1267 (1999), 1333 (2000) u 2253 (2015), jew mill-Kumitat, identifikati bħala li:

għandhom jiġu ffriżati.”.