(a)

Jikkoordina l-aċċess għar-riżorsi u s-servizzi pprovduti mill-Membri u mill-Osservaturi ta’ INFRAFRONTIER ERIC jew minn xi Nodi Nazzjonali li jkunu daħlu fi ftehim legalment vinkolanti ma’ INFRAFRONTIER ERIC biex jikkontribwixxu għar-riżorsi u s-servizzi ta’ INFRAFRONTIER RI;

(b)

Jistabbilixxi u juża proċeduri ta’ aċċess għar-riżorsi u s-servizzi ta’ INFRAFRONTIER RI li huma f’konformità mal-istandards Ewropej rispettivi;

(c)

Jistabbilixxi u jadotta standards ta’ kwalità u proċeduri operattivi standard għall-ġenerazzjoni, il-fenotipar, l-arkivjar, id-distribuzzjoni u l-ġestjoni tad-data tas-sistemi tal-mudelli in vivo/in vitro u tad-data relatata;

(d)

Jippromwovi u jikkoordina l-iżvilupp ta’ teknoloġiji ġodda għall-ġenerazzjoni, il-fenotipar, l-arkivjar, id-distribuzzjoni u l-ġestjoni tad-data ta’ sistemi tal-mudelli in vivo/in vitro u data relatata biex jittejjeb il-valur xjentifiku tar-riżorsi u s-servizzi ta’ INFRAFRONTIER RI;

(e)

Iservi bħala punt ta’ kuntatt għall-partijiet ikkonċernati nazzjonali u internazzjonali ta’ INFRAFRONTIER RI;

(f)

Jippromwovi u jippubblika r-riżorsi u s-servizzi ta’ INFRAFRONTIER RI u jiddiskuti l-aspetti regolatorji u ta’ politika tal-ġenerazzjoni, il-fenotipar, l-arkivjar, id-distribuzzjoni u l-ġestjoni tad-data tas-sistemi tal-mudelli in vivo/in vitro u tad-data relatata;

(g)

Jiġbor riżorsi minn sorsi nazzjonali u internazzjonali biex jiffaċilita l-attivitajiet ta’ INFRAFRONTIER RI;

(h)

Jikkonsulta u jagħti pariri lill-organizzazzjonijiet nazzjonali u internazzjonali li jaħdmu fil-qasam tal-ġenerazzjoni, il-fenotipar, l-arkivjar u d-distribuzzjoni tas-sistemi tal-mudelli in vivo/in vitro;

(i)

Jagħmel disponibbli liberament l-informazzjoni dwar l-attivitajiet ta’ INFRAFRONTIER ERIC u ta’ INFRAFRONTIER RI; u

(j)

Iwettaq kwalunkwe attività oħra meħtieġa biex jinkisbu l-kompiti ta’ INFRAFRONTIER ERIC.