This document is an excerpt from the EUR-Lex website
Document 32019R0396
Commission Delegated Regulation (EU) 2019/396 of 19 December 2018 amending Delegated Regulation (EU) 2015/2205, Delegated Regulation (EU) 2016/592 and Delegated Regulation (EU) 2016/1178 supplementing Regulation (EU) No 648/2012 of the European Parliament and of the Council as regards the date at which the clearing obligation takes effect for certain types of contracts (Text with EEA relevance.)
Regolament Delegat tal-Kummissjoni (UE) 2019/396 tad-19 ta' Diċembru 2018 li jemenda r-Regolament Delegat (UE) 2015/2205, ir-Regolament Delegat (UE) 2016/592 u r-Regolament Delegat (UE) 2016/1178 li jissupplimenta r-Regolament (UE) Nru 648/2012 tal-Parlament Ewropew u tal-Kunsill fir-rigward tad-data li fiha l-obbligu tal-ikklirjar jidħol fis-seħħ għal ċerti tipi ta' kuntratti (Test b'rilevanza għaż-ŻEE.)
Regolament Delegat tal-Kummissjoni (UE) 2019/396 tad-19 ta' Diċembru 2018 li jemenda r-Regolament Delegat (UE) 2015/2205, ir-Regolament Delegat (UE) 2016/592 u r-Regolament Delegat (UE) 2016/1178 li jissupplimenta r-Regolament (UE) Nru 648/2012 tal-Parlament Ewropew u tal-Kunsill fir-rigward tad-data li fiha l-obbligu tal-ikklirjar jidħol fis-seħħ għal ċerti tipi ta' kuntratti (Test b'rilevanza għaż-ŻEE.)
C/2018/9122
ĠU L 71, 13.3.2019, p. 11–14
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
13.3.2019 |
MT |
Il-Ġurnal Uffiċjali tal-Unjoni Ewropea |
L 71/11 |
REGOLAMENT DELEGAT TAL-KUMMISSJONI (UE) 2019/396
tad-19 ta' Diċembru 2018
li jemenda r-Regolament Delegat (UE) 2015/2205, ir-Regolament Delegat (UE) 2016/592 u r-Regolament Delegat (UE) 2016/1178 li jissupplimenta r-Regolament (UE) Nru 648/2012 tal-Parlament Ewropew u tal-Kunsill fir-rigward tad-data li fiha l-obbligu tal-ikklirjar jidħol fis-seħħ għal ċerti tipi ta' kuntratti
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 648/2012 tal-Parlament Ewropew u tal-Kunsill tal-4 ta' Lulju 2012 dwar derivati OTC, kontropartijiet ċentrali u repożitorji tad-data dwar it-tranżazzjonijiet (1), u b'mod partikolari l-Artikolu 5(2) tiegħu,
Billi:
(1) |
Fid-29 ta' Marzu 2017, ir-Renju Unit ressaq in-notifika tal-intenzjoni tiegħu li joħroġ mill-Unjoni skont l-Artikolu 50 tat-Trattat dwar l-Unjoni Ewropea. It-Trattati ma jibqgħux japplikaw għar-Renju Unit mid-data tad-dħul fis-seħħ ta' xi ftehim dwar il-ħruġ jew, fin-nuqqas ta' dan, sentejn wara li tkun saret in-notifika, jiġifieri mit-30 ta' Marzu 2019, sakemm il-Kunsill Ewropew, bi ftehim mar-Renju Unit, ma jiddeċidix b'mod unanimu li jestendi dan il-perijodu. |
(2) |
L-obbligu ta' kklerjar stipulat fir-Regolament (UE) Nru 648/2012 ma jiħux f'kunsiderazzjoni l-eventwalità li Stat Membru joħroġ mill-Unjoni. L-isfidi ffaċċjati minn dawk il-partijiet ta' kuntratt ta' derivattivi OTC li l-kontropartijiet tagħhom ikunu stabbiliti fir-Renju Unit huma konsegwenza diretta ta' avveniment li huwa lil hinn mill-kontroll tagħhom u li jista' tpoġġihom fi żvantaġġ meta mqabbla ma' kontropartijiet oħra fl-Unjoni. |
(3) |
Ir-Regolamenti Delegati tal-Kummissjoni (UE) 2015/2205 (2), (UE) 2016/592 (3) u (UE) 2016/1178 (4) jispeċifikaw id-dati minn meta l-obbligu tal-ikklerjar jidħol fis-seħħ għal kuntratti li jappartjenu għal ċerti klassijiet ta' derivati OTC. Barra minn hekk, dawn ir-Regolamenti jipprovdu għal dati differenti skont il-kategorija ta' kontroparti għal dawk il-kuntratti. |
(4) |
Il-kontropartijiet ma jistgħux jipprevedu x'se jkun l-istatus ta' kontroparti stabbilita fir-Renju Unit jew sa liema punt dik il-kontroparti tkun tista' tkompli tipprovdi ċerti servizzi lil kontrapartijiet stabbiliti fl-Unjoni. Biex din is-sitwazzjoni tiġi indirizzata, jista' jkun li l-kontropartijiet jkunu jridu jinnovaw il-kuntratt billi l-kontroparti stabbilita fir-Renju Unit tiġi sostitwita b'kontroparti fi Stat Membru. |
(5) |
Jekk, minħabba l-ħruġ tar-Renju Unit mill-Unjoni, il-partijiet jiddeċiedu li jissostitwixxu kontroparti stabbilita fir-Renju Unit b'kontroparti ġdida stabbilita fl-Unjoni, in-novazzjoni tal-kuntratti se tagħti bidu għall-obbligu tal-ikklerjar jekk din in-novazzjoni sseħħ fi jew wara d-data li fiha jidħol fis-seħħ l-obbligu tal-ikklerjar għal dak it-tip ta' kuntratt. Bħala riżultat, il-partijiet ikollhom jikklerjaw dak il-kuntratt f'CCP awtorizzata jew rikonoxxuta. |
(6) |
Kuntratti kklerjati b'mod ċentrali huma suġġetti għal reġim kollaterali differenti minn kuntratti kklerjati mhux ċentralment. L-iskattar tal-obbligu tal-ikklerjar jista' għalhekk jobbliga ċerti kontropartijiet li ma jkomplux bit-tranżazzjonijiet tagħhom, b'mod li ċerti riskji jibqgħu mhux iħħeġġjati. |
(7) |
Sabiex ikun żgurat il-funzjonament bla xkiel tas-suq u li jkun hemm kundizzjonijiet ekwi bejn il-kontropartijiet stabbiliti fl-Unjoni, jenħtieġ li l-kontropartijiet ikunu jistgħu jissostitwixxu l-kontropartijiet stabbiliti fir-Renju Unit b' kontropartijiet stabbiliti f'xi Stat Membru mingħajr ma jiskatta l-obbligu tal-ikklerjar. Sabiex ikun hemm żmien biżżejjed għas-sostituzzjoni ta' tali kontropartijiet, id-data li fiha jidħol fis-seħħ l-obbligu tal-ikklerjar għan-novazzjoni ta' dawk il-kuntratti għandha tiġi 12-il xahar wara d-data tal-applikazzjoni ta' dan ir-Regolament. |
(8) |
Jenħtieġ għalhekk li r-Regolamenti Delegati (UE) 2015/2205, (UE) 2016/592 u (UE) 2016/1178 jiġu emendati skont dan. |
(9) |
Dan ir-Regolament huwa bbażat fuq l-abbozz ta' standards tekniċi regolatorji ppreżentati mill-Awtorità Ewropea tat-Titoli u s-Swieq lill-Kummissjoni. |
(10) |
Huwa neċessarju li tiġi ffaċilitata l-implimentazzjoni ta' soluzzjonijiet effiċjenti minn parteċipanti fis-suq malajr kemm jista' jkun. Għalhekk, l-Awtorità Ewropea tat-Titoli u s-Swieq, analizzat il-kosti u l-benefiċċji potenzjali relatati iżda ma wettqet ebda konsultazzjoni pubblika miftuħa skont it-tieni subparagrafu tal-Artikolu 10(1) tar-Regolament (UE) Nru 1095/2010 tal-Parlament Ewropew u tal-Kunsill (5). |
(11) |
Jenħtieġ li dan ir-Regolament jidħol fis-seħħ bħala kwistjoni ta' urġenza u jenħtieġ li ma jibdiex japplika qabel il-jum li jiġi wara dak li fih it-Trattati ma jibqgħux japplikaw għar-Renju Unit, u fir-Renju Unit, sakemm ma jkunx daħal fis-seħħ xi ftehim ta' ħruġ konkluż mar-Renju Unit sa dik id-data jew sakemm ma jkunx ġie estiż il-perjodu ta' sentejn imsemmi fl-Artikolu 50(3) tat-Trattat dwar l-Unjoni Ewropea, |
ADOTTAT DAN IR-REGOLAMENT:
Artikolu 1
Emenda għar-Regolament Delegat (UE) 2015/2205
Ir-Regolament Delegat (UE) 2015/2205 huwa emendat kif ġej:
(1) |
fl-Artikolu 3, għandu jiżdied il-paragrafu li ġej: “3. Permezz ta' deroga mill-paragrafi 1 u 2, għar-rigward ta' kuntratti li jappartjenu għal klassi ta' derivattivi OTC msemmija fl-Anness, l-obbligu tal-ikklerjar għandu jidħol fis-seħħ 12-il xahar mid-data tal-applikazzjoni ta' dan ir-Regolament meta jkunu ssodisfati l-kundizzjonijiet li ġejjin:
|
(2) |
fl-Artikolu 4, il-paragrafu 3 jiġi sostitwit b'dan li ġej: “3. Fil-każ ta' kontropartijiet finanzjarji fil-Kategorija 3, u ta' tranżazzjonijiet li ssir referenza għalihom fil-paragrafi 2 u 3 tal-Artikolu 3 ta' dan ir-Regolament, konklużi bejn kontropartijiet finanzjarji, il-maturità residwa minima li ssir referenza għaliha fil-punt (ii) tal-Artikolu 4(1)(b) tar-Regolament (UE) Nru 648/2012, fid-data li fiha jidħol fis-seħħ l-obbligu tal-ikklerjar għandha tkun:
|
Artikolu 2
Emenda għar-Regolament Delegat (UE) 2016/592
Ir-Regolament Delegat (UE) 2016/592 huwa emendat kif ġej:
(1) |
fl-Artikolu 3, għandu jiżdied il-paragrafu li ġej: “3. Permezz ta' deroga mill-paragrafi 1 u 2, għar-rigward ta' kuntratti li jappartjenu għal klassi ta' derivattivi OTC msemmija fl-Anness, l-obbligu tal-ikklerjar għandu jidħol fis-seħħ 12-il xahar mid-data tal-applikazzjoni ta' dan ir-Regolament meta jkunu ssodisfati l-kundizzjonijiet li ġejjin:
|
(2) |
fl-Artikolu 4, il-paragrafu 3 jiġi sostitwit b'dan li ġej: “3. Fil-każ ta' kontropartijiet finanzjarji fil-Kategorija 3, u ta' tranżazzjonijiet li ssir referenza għalihom fil-paragrafi 2 u 3 tal-Artikolu 3 ta' dan ir-Regolament, konklużi bejn kontropartijiet finanzjarji, il-maturità residwa minima li ssir referenza għaliha fil-punt (ii) tal-Artikolu 4(1)(b) tar-Regolament (UE) Nru 648/2012, fid-data li fiha jidħol fis-seħħ l-obbligu tal-ikklerjar għandha tkun ta' ħames (5) snin u tliet (3) xhur.”. |
Artikolu 3
Emenda għar-Regolament Delegat (UE) 2016/1178
Ir-Regolament Delegat (UE) 2016/1178 huwa emendat kif ġej:
(1) |
fl-Artikolu 3, għandu jiżdied il-paragrafu li ġej: “3. Permezz ta' deroga mill-paragrafi 1 u 2, għar-rigward ta' kuntratti li jappartjenu għal klassi ta' derivattivi OTC msemmija fl-Anness, l-obbligu tal-ikklerjar għandu jidħol fis-seħħ 12-il xahar mid-data tal-applikazzjoni ta' dan ir-Regolament meta jkunu ssodisfati l-kundizzjonijiet li ġejjin:
|
(2) |
fl-Artikolu 4, il-paragrafu 3 jiġi sostitwit b'dan li ġej: “3. Fil-każ ta' kontropartijiet finanzjarji fil-Kategorija 3, u ta' tranżazzjonijiet li ssir referenza għalihom fil-paragrafi 2 u 3 tal-Artikolu 3 ta' dan ir-Regolament, konklużi bejn kontropartijiet finanzjarji, il-maturità residwa minima li ssir referenza għaliha fil-punt (ii) tal-Artikolu 4(1)(b) tar-Regolament (UE) Nru 648/2012, fid-data li fiha jidħol fis-seħħ l-obbligu tal-ikklerjar għandha tkun:
|
Artikolu 4
Id-dħul fis-seħħ u l-applikazzjoni
Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Huwa għandu japplika mid-data ta' wara dik li fiha t-Trattati ma jibqgħux japplikaw għar-Renju Unit, u fir-Renju Unit, skont l-Artikolu 50(3) tat-Trattat dwar l-Unjoni Ewropea.
Madankollu, dan ir-Regolament ma għandux japplika f'xi waħda minn dawn l-eventwalitajiet:
(a) |
ikun daħal fis-seħħ sa dik id-data xi ftehim ta' ħruġ konkluż mar-Renju Unit f'konformità mal-Artikolu 50(2) tat-Trattat dwar l-Unjoni Ewropea; |
(b) |
tkun ittieħdet deċiżjoni li l-perijodu ta' sentejn imsemmi fl-Artikolu 50(3) tat-Trattat dwar l-Unjoni Ewropea jiġi estiż. |
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, id-19 ta' Diċembru 2018.
Għall-Kummissjoni
Il-President
Jean-Claude JUNCKER
(1) ĠU L 201, 27.7.2012, p. 1.
(2) Ir-Regolament Delegat tal-Kummissjoni (UE) 2015/2205 tas-6 ta' Awwissu 2015 li jissupplimenta r-Regolament (UE) Nru 648/2012 tal-Parlament Ewropew u tal-Kunsill fir-rigward ta' standards tekniċi regolatorji għall-obbligu tal-ikklerjar (ĠU L 314, 1.12.2015, p. 13).
(3) Ir-Regolament Delegat tal-Kummissjoni (UE) 2016/592 tal-1 ta' Marzu 2016 li jissupplimenta r-Regolament (UE) Nru 648/2012 tal-Parlament Ewropew u tal-Kunsill fir-rigward ta' standards tekniċi regolatorji għall-obbligu tal-ikklerjar (ĠU L 103, 19.4.2016, p. 5).
(4) Ir-Regolament delegat tal-Kummissjoni (UE) 2016/1178 tal-10 ta' Ġunju 2016 li jissupplimenta r-Regolament (UE) Nru 648/2012 tal-Parlament Ewropew u tal-Kunsill fir-rigward ta' standards tekniċi regolatorji għall-obbligu tal-ikklerjar (ĠU L 195, 20.7.2016, p. 3).
(5) Ir-Regolament (UE) Nru 1095/2010 tal-Parlament Ewropew u tal-Kunsill tal-24 ta' Novembru 2010 li jistabbilixxi Awtorità Superviżorja Ewropea (Awtorità Ewropea tat-Titoli u s-Swieq) u li jemenda d-Deċiżjoni Nru 716/2009/KE u li jħassar id-Deċiżjoni tal-Kummissjoni 2009/77/KE (ĠU L 331, 15.12.2010, p. 84).