29.3.2014   

MT

Il-Ġurnal Uffiċjali tal-Unjoni Ewropea

L 95/24

(1)

Id-Direttiva tal-Kunsill 2002/60/KE (2) tistabbilixxi l-miżuri minimi li għandhom jiġu applikati fl-Unjoni għall-kontroll tad-deni Afrikan tal-ħnieżer. Għaldaqstant, skont id-Deċiżjoni ta’ Implimentazzjoni tal-Kummissjoni 2014/100/UE (3), kif tikkonferma d-Deċiżjoni ta’ Implimentazzjoni tal-Kummissjoni 2014/134/UE (4), u skont id-Deċiżjoni ta’ Implimentazzjoni tal-Kummissjoni 2014/178/UE (5), il-Polonja trid tiżgura li ż-żona infettata fit-territorju tagħha tirreferi mill-anqas għaż-żona infettata mniżżla fl-Annessi ta’ dawn id-Deċiżjonijiet. Bil-ħsieb li jkun evitat it-tixrid tad-deni Afrikan tal-ħnieżer u sabiex tevita aktar xkiel għall-kummerċ fil-Polonja u ‘l barra minnha, fis-26 ta’ Frar 2014 (6) il-Polonja adottat xi miżuri preventivi addizzjonali f’dik iż-żona infettata. Minħabba f’hekk, il-kummerċjalizzazzjoni ta’ laħam frisk tal-majjal u prodotti tal-laħam tal-majjal minn dik iż-żona infettata hija soġġetta għal miżuri ta’ sorveljanza partikolari, għal tikkettar obbligatorju b’marka sanitarja speċjali u għall-applikazzjoni ta’ xi restrizzjonijiet tal-kummerċjalizzazzjoni fis-suq uniku.

(2)

Ir-restrizzjonijiet għall-kummerċjalizzazzjoni ta’ laħam frisk tal-majjal u prodotti tal-laħam tal-majjal li ġġib l-applikazzjoni ta’ dawn il-miżuri veterinarji, jimplikaw tnaqqis importanti fil-prezz fiż-żoni milquta u qed ixekklu s-suq tal-laħam tal-majjal f’dawk iż-żoni. Għalhekk, fil-5 ta’ Marzu 2014 il-Polonja talbet lill-Kummissjoni biex iddaħħal miżuri eċċezzjonali ta’ appoġġ għas-suq kif previsti fir-Regolament (UE) Nru 1308/2013. Dawn il-miżuri li jkunu japplikaw biss għal laħam frisk tal-majjal u prodotti tal-laħam tal-majjal minn ħnieżer imrobbijin fiż-żoni affettwati direttament bir-restrizzjonijiet, għandhom jiġu adottati għaż-żmien strettament meħtieġ.

(3)

L-ammont ta’ għajnuna għandu jiġi espress bħala ammont għal kull 100 kg piż tal-karkassa ta’ annimali eliġibbli, għal kwantità limitata u b’piż tal-karkassa massimu kompensabbli għal kull annimal. Sabiex jiġi ffissat l-ammont ta’ għajnuna għandha titqies informazzjoni riċenti fis-suq.

(4)

Għal ħnieżer imrobbija fiż-żoni kkonċernati, l-appoġġ għandu jkun bil-kundizzjoni tat-twassil tal-annimali sal-biċċeriji, tal-qatla u l-immarkar tagħhom u tal-kummerċjalizzazzjoni tal-laħam derivat jew tal-prodotti tal-laħam derivati skont ir-regoli veterinarji aktar stretti li japplikaw għaż-żoni kkonċernati fil-jum tat-twassil.

(5)

Għandha ssir dispożizzjoni għall-awtoritajiet kompetenti tal-Polonja biex japplikaw il-miżuri kollha ta’ kontroll u sorveljanza meħtieġa u jgħarrfu lill-Kummissjoni b’dan kif xieraq. It-trasport u l-qtil tal-annimali eliġibbli u t-trattament eventwali, meta meħtieġ, u t-tqegħid fis-suq ta’ laħam frisk tal-majjal u prodotti tal-laħam tal-majjal derivati minn dawk l-annimali għandhom isiru bil-kontroll tal-awtoritajiet kompetenti.

(6)

Ir-restrizzjonijiet għall-kummerċjalizzazzjoni ta’ laħam frisk tal-majjal u prodotti tal-laħam tal-majjal applikaw għal bosta ġimgħat fit-territorji kkonċernati u din is-sitwazzjoni xekklet is-suq u ġabet telf lill-produtturi, kif ukoll żiedet b’mod sostanzjali l-piż tal-annimali u allura l-benesseri tal-annimali ġiet f’qagħda intollerabbli. Għalhekk, il-miżuri previsti f’dan ir-Regolament għandhom ikopru annimali mwassla mis-26 ta’ Frar 2014, id-data tal-adozzjoni tal-miżuri preventivi Pollakki. Il-qagħda tas-suq u l-impatt ta’ din il-miżura għandhom jerġgħu jiġu vvalutati fid-dawl tal-iżviluppi futuri u għalhekk il-miżura għandha tapplika biss għal perjodu ta’ tliet xhur.

(7)

Il-miżuri previsti f’dan ir-Regolament huma skont l-opinjoni tal-Kumitat ta’ Ġestjoni għall-Organizzazzjoni Komuni tas-Swieq Agrikoli,

(a)

ħnieżer li jkopri l-kodiċi NM 0103 92 19;

(b)

ħnieżer li jkopri l-kodiċi NM 0103 92 11.

(a)

l-annimali jkunu trabbew fiż-żoni mniżżla fl-Anness tad-Deċiżjonijiet ta’ Implimentazzjoni 2014/100/UE jew 2014/134/UE jew fil-Parti II tal-Anness tad-Deċiżjoni ta’ Implimentazzjoni 2014/178/UE għall-perjodi rilevanti, jew f’xi Deċiżjoni ta’ Implimentazzjoni tal-Kummissjoni oħra adottata f’dan ir-rigward, u l-laħam tal-majjal minn annimali mrobbijin f’dawk iż-żoni jkun soġġett għal ċertu restrizzjonijiet tas-suq minħabba d-deni Afrikan tal-ħnieżer;

(b)

fis-26 ta’ Frar 2014 l-annimali kienu fiż-żoni msemmija fil-punt (a) jew twieldu u trabbew wara dik id-data f’dawk iż-żoni;

(c)

il-miżuri preventivi addizzjonali li jistabbilixxi r-Regolament tal-Ministru tal-Agrikoltura u l-Iżvilupp Rurali tal-Polonja tas-26 ta’ Frar 2014 dwar miżuri li għandhom jittieħdu rigward id-deni Afrikan tal-ħnieżer fi ħnieżer slavaġ, jew kull regola nazzjonali oħra adottata f’dan ir-rigward u li tissoġġetta lil-laħam tal-majjal għal restrizzjonijiet tal-kummerċjalizzazzjoni minħabba d-deni Afrikan tal-ħnieżer, japplikaw għaż-żona fejn trabbew dawk l-annimali meta twasslu sa biċċerija.

(a)

jissorveljaw it-trasport tal-annimali mill-azjenda sal-biċċerija permezz ta’ listi standardizzati ta’ kontroll li jkun fihom folji tal-użin u tal-għadd, u bl-oriġini u d-destinazzjoni tal-annimali;

(b)

jiżguraw li kull prodott li tingħata għajnuna għalih ikun konformi mar-restrizzjonijiet applikabbli għat-territorji msemmija fil-punt (a) tal-Artikolu 1(2);

(c)

jagħmlu kontrolli amministrattivi u ta’ kontabbiltà f’kull biċċerija parteċipanti mill-inqas darba fix-xahar, biex jiżguraw li l-annimali u laħam imwasslin, u li għalihom tista’ titressaq talba għall-għajnuna, mis-26 ta’ Frar 2014 jew mill-aħħar kontroll, ikunu ġew trattati skont dan ir-Regolament;

(d)

jipprevedu kontrolli fuq il-post u rapporti dettaljati dwar dawn il-kontrolli li b’mod partikolari jindikaw:

(a)

l-għadd ta’ ħnieżer nisa u l-għadd ta’ ħnieżer oħrajn ikkonsenjati għall-qatla f’konformità ma’ dan ir-Regolament, kif ukoll il-piż tal-karkassa ġenerali tagħhom;

(b)

l-ispejjeż finanzjarji stmati għal kull kategorija ta’ annimali msemmija fl-Artikolu 1(1).