21.11.2006   

MT

Il-Ġurnal Uffiċjali ta’ l-Unjoni Ewropea

389

(1)

Dan l-aħħar il-Komunità kkonkludiet ftehim ta’ kummerċ għall-prodotti agrikoli pproċessati mar-Rumanija bħala preparazzjoni għall–adeżjoni tagħha fil-Komunità Dan l-arranġament jipprovdi għall-konċessjonijiet li jinvolvu, min-naħa tal-Komunità, l-abolizzjoni ta’ rifużjonijiet ta’ l-esportazzjoni fuq ċerti prodotti agrikoli pproċessati.

(2)

Id-Deċiżjoni Nru 3/2005 tal-Kunsill ta’ Assoċjazzjoni KE-Rumanija li tikkonċerna t-titjib ta’ l-arranġamenti għall-kummerċ għall-prodotti agrikoli pproċessati kif ipprovdut fil-Protokoll 3 tal-Ftehim Ewropew (2) tipprovdi għall-abolizzjoni ta’ rifużjonijiet fuq prodotti agrikoli pproċessati li m’humiex elenkati f’Anness I tat-Trattat meta dawn huma esportati lejn ir-Rumanija, mill-1 ta’ Diċembru. 2005.

(3)

Bħala kumpens għall-abolizzjoni ta’ rifużjonijiet ta’ l-esportazzjoni kif stabbiliti fid-Deċiżjoni Nru 3/2005 tal-Kunsill ta' Assoċjazzjoni KE-Rumanija, l-awtoritajiet Rumeni ħadu r-responsabbilità li jikkonċedu arranġamenti reċiproki preferenzjali ta’ importazzjoni ta’ prodotti impurtati fit-territorju tagħhom jekk il-prodotti kkonċernati jkunu akkumpanjati b’kopja tad-dikjarazzjoni ta’ l-esportazzjoni li jkun fiha annotament speċjali li jindika li m’humiex eliġibbli għall-ħlas ta’ rifużjoni ta’ l-esportazzjoni. Ir-rata totali tad-dazju tapplika fl-assenza ta’ dan it-tip ta’ dokument.

(4)

Bid-dħul fis-seħħ tad-Deċiżjoni Nru 3/2005 tal-Kunsill ta’ Assoċjazjoni KE-Rumanija, dawk il-prodotti li għalihom l-operaturi jkunu applikaw għaċ-certifikati tar-rifużjonijiet skond ir-Regolament tal-Kummissjoni (KE) Nru 1043/2005 tat-30 ta' Ġunju 2005 li jimplimenta r-Regolament tal-Kunsill 3448/93 dwar is-sistema ta’ għotja ta’ rifużjonijiet ta’ l-esportazzjoni fuq ċerti prodotti agrikoli esporatati fil-forma ta' prodotti mhux koperti mill-Anness I tat-Trattat, u l-kriterji biex jiġi ffissat l-ammont ta’ dawn ir-rifużjonijiet (3), mhux se jkunu eliġibbli iktar għar-rifużjoni meta jiġu esportati lejn ir-Rumanija.

(5)

It-tnaqqis ta' ċertifikati ta' rifużjoni u r-rilaxx pro rata tal-garanzija li tikkorrispondi magħhom għandhom ikunu permessi fejn l-operaturi jistgħu juru b’mod li jissodisfa lill-awtorità nazzjonali kompetenti li t-talba tagħhom għar-rifużjonijiet saret sad-dħul fis-seħħ tad-Deċiżjoni Nru 3/2005 tal-Kunsill ta’ Assoċjazzjoni KE-Rumanija. Meta jkunu qegħdin jiġu evalwati t-talbiet għal tnaqqis ta' l-ammont taċ-ċertifikati u r-rilaxx proporzjonali tal-garanzija rilevanti, l-awtorità nazzjonali kompetenti għandha, f’każijiet ta’ dubju, tagħti attenzjoni partikolarment għad-dokumenti li jirreferi għalihom l-Artikolu 1(2) tar-Regolament tal-Kunsill (KEE) Nru 4045/89 ta’ l-21 ta’ Diċembru 1989 dwar l-iskrutinju mill-Istati Membri ta’ transazzjonijiet li jiffurmaw parti mis-sistema ta’ finanzjament mis-sezzjoni ta’ Garanziji tal-Gwida Agrikola u tal-Fond ta’ Garanziji ta’ l-Unjoni Ewropea u li qed iħassar id-Direttiva numru 77/435/KEE (4) mingħajr preġudizzju għall-applikazzjoni tad-dispożizzjonijiet l-oħra ta' dak ir-Regolament. Għal raġunijiet amministrattivi, ikun adegwat li jiġi pprovdut li t-talbiet għal tnaqqis ta' l-ammont taċ-ċertifikat tar-rifużjoni jridu jsiru f’perijodu qasir u li l-ammonti fuq liema t-tnaqqis ġie aċċettat għandhom jiġu kkomunikati lill-Kummissjoni fil-ħin biex dawn jiġu inklużi fid-determinazzjoni ta' l-ammont fuq liema se jinħarġu ċertifikati tar-rifużjoni għall-użu mill-1 ta' Frar 2006 skond ir-Regolament (KE) Nru 1043/2005.

(6)

Il-miżuri pprovvduti f'dan ir-Regolament huma skond l-opinjoni tal-Kumitat tal-Ġestjoni dwar kwistjonijiet orizzontali li jikkonċernaw il-kummerċ ta’ prodotti agrikoli pproċessati mhux elenkati fl-Anness I tat-Trattat,