Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62015TN0224

Kawża T-224/15: Rikors ippreżentat fis-6 ta’ Mejju 2015 – Cofely Solelec et vs Il-Parlament

ĠU C 205, 22.6.2015, p. 41–42 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

22.6.2015   

MT

Il-Ġurnal Uffiċjali tal-Unjoni Ewropea

C 205/41

Rikors ippreżentat fis-6 ta’ Mejju 2015 – Cofely Solelec et vs Il-Parlament

(Kawża T-224/15)

(2015/C 205/55)

Lingwa tal-kawża: il-Franċiż

Partijiet

Rikorrenti: Cofely Solelec (Esch-sur-Alzette, il-Lussemburgu), Mannelli & Associés SA (Bertrange, il-Lussemburgu) u Cofely Fabricom (Brussell, il-Belġju) (rappreżentant: S. Marx, avukat)

Konvenuta: Il-Parlament Ewropew

Talbiet

—

tannulla d-Deċiżjoni Nru 103299 tas-27 ta’ April 2015 tad-Direttorat Ġenerali għall-Infrastruttura u l-Loġistika tal-Parlament Ewropew li permezz tagħha l-offerta tar-rikorrenti għall-lott Nru 75 “elettriku – kurrenti qawwija” ippreżentata fid-29 ta’ Settembru 2014 fil-kuntest tas-sejħa għal offerti referenza INLO-D-UPIL-T-14-AO4 dwar il-proġett ta’ estensjoni u ta’ mmodernizzar tal-bini Konrad Adenauer fil-Lussemburgu ġiet miċħuda u d-deċiżjoni li tagħti l-kuntratt lill-offerent ieħor;

—

tordna l-produzzjoni tad-dokumenti li ġejjin:

—

ir-rapport tal-kumitat għall-evalwazzjoni li għamel riferiment għalih il-l-konvenut fil-komunikazzjoni tiegħu Nru 101690 tas-27 ta’ Frar 2015; u

—

id-dokumenti fil-fajl għall-għoti tal-kuntratti fejn inżamm rekord tal-kuntratti li saru bejn il-Parlament u l-offerenti konformement mal-Artikolu 160(4) tar-Regolament ta’ Delega tal-Kummissjoni (UE) Nru 1268/2012, tad-29 ta’ Ottubru 2012, dwar ir-regoli tal-applikazzjoni tar-Regolament (UE, Euratom) Nru 966/2012 tal-Parlament Ewropew u tal-Kunsill, tal-25 ta’ Ottubru 2012, dwar ir-regoli finanzjarji applikabbli għall-baġit ġenerali tal-Unjoni u li jħassar ir-Regolament tal-Kunsill (KE, Euratom) Nru 1605/2002;

—

tikkundanna lill-konvenuti għall-ispejjeż.

Motivi u argumenti prinċipali

Insostenn tar-rikors tagħhom, ir-rikorrenti jinvokaw żewġ motivi.

1.

L-ewwel motiv huwa bbażat fuq in-nuqqas ta’ osservanza tal-kriterji ta’ għażla u iktar preċiżament tal-kriterji dwar il-kapaċità finanzjarja u ekonomika kif ukoll tal-kapaċità teknika u professjonali.

2.

It-tieni motiv huma bbażat fuq in-nuqqas ta’ osservanza tal-kriterji ta’ assenjazzjoni. Ir-rikorrenti jsostnu li, sa fejn ikun minnu li, meta tiġi mqabbla l-offerta tal-offerent li ngħata l-kuntratt mal-offerti ppreżentati mill-offerenti l-oħra, din l-offerta hija baxxa wisq, il-konvenut kellu jiċħad l-offerta u jagħti l-kuntratt lir-rikorrenti.
Top