EUR-Lex Access to European Union law
This document is an excerpt from the EUR-Lex website
Document 02019R0945-20200809
Commission Delegated Regulation (EU) 2019/945 of 12 March 2019 on unmanned aircraft systems and on third-country operators of unmanned aircraft systems
Consolidated text: Regolament Delegat tal-Kummissjoni (UE) 2019/945 tat-12 ta' Marzu 2019 dwar sistemi ta' inġenji tal-ajru mingħajr bdot abbord u dwar operaturi ta' sistemi tal-ajru mingħajr bdot abbord minn pajjiżi terzi
Regolament Delegat tal-Kummissjoni (UE) 2019/945 tat-12 ta' Marzu 2019 dwar sistemi ta' inġenji tal-ajru mingħajr bdot abbord u dwar operaturi ta' sistemi tal-ajru mingħajr bdot abbord minn pajjiżi terzi
Dan it-test ikkonsolidat jista’ ma jinkludix l-emendi li ġejjin:
Att li jemenda | Tip ta’ emenda | Is-subdiviżjoni kkonċernata | Data tal-effett |
---|---|---|---|
32024R1108 | Emendata minn | artikolu 40 paragrafu 1 | 01/05/2025 |
32024R1108 | Emendata minn | artikolu 3 punt 38 | 01/05/2025 |
32024R1108 | Emendata minn | artikolu 40 paragrafu 2a | 01/05/2025 |
32024R1108 | Emendata minn | artikolu 40 paragrafu 2 | 01/05/2025 |
32024R1108 | Emendata minn | anness parti 4 punt 13 | 01/05/2025 |
32024R1108 | Emendata minn | anness parti 2 punt 15 | 01/05/2025 |
32024R1108 | Emendata minn | artikolu 3 punt 39 | 01/05/2025 |
32024R1108 | Emendata minn | artikolu 3 punt 3 | 01/05/2025 |
32024R1108 | Emendata minn | anness parti 3 punt 17 | 01/05/2025 |
32024R1108 | Emendata minn | artikolu 40 paragrafu 1a | 01/05/2025 |
02019R0945 — MT — 09.08.2020 — 001.004
Dan it-test hu maħsub purament bħala għodda ta’ dokumentazzjoni u m’għandu l-ebda effett legali. L-istituzzjonijiet tal-Unjoni m'għandhom l-ebda responsabbiltà għall-kontenut tiegħu. Il-verżjonijiet awtentiċi tal-atti rilevanti, inklużi l-preamboli tagħhom, huma dawk ippubblikati fil-Ġurnal Uffiċjali tal-Unjoni Ewropea u disponibbli f’EUR-Lex. Dawk it-testi uffiċjali huma aċċessibbli direttament permezz tal-links inkorporati f’dan id-dokument
REGOLAMENT DELEGAT TAL-KUMMISSJONI (UE) 2019/945 tat-12 ta' Marzu 2019 (ĠU L 152 11.6.2019, p. 1) |
Emendat bi:
|
|
Il-Ġurnal Uffiċjali |
||
Nru |
Paġna |
Data |
||
REGOLAMENT DELEGAT TAL-KUMMISSJONI (UE) 2020/1058 tas-27 ta’ April 2020 |
L 232 |
1 |
20.7.2020 |
|
REGOLAMENT DELEGAT TAL-KUMMISSJONI (UE) 2022/851 tat-22 ta’ Marzu 2022 |
L 150 |
21 |
1.6.2022 |
REGOLAMENT DELEGAT TAL-KUMMISSJONI (UE) 2019/945
tat-12 ta' Marzu 2019
dwar sistemi ta' inġenji tal-ajru mingħajr bdot abbord u dwar operaturi ta' sistemi tal-ajru mingħajr bdot abbord minn pajjiżi terzi
KAPITOLU I
Dispożizzjonijiet Ġenerali
Artikolu 1
Suġġett
Dan jistabbilixxi wkoll ir-regoli dwar it-tqegħid fis-suq tal-UAS u tas-settijiet tal-aċċessorji u tal-aċċessorji supplimentari għall-identifikazzjoni mill-bogħod, kif ukoll dwar il-moviment liberu tagħhom fl-Unjoni.
◄
Artikolu 2
Kamp ta' Applikazzjoni
Il-Kapitolu II ta’ dan ir-Regolament japplika għall-prodotti li ġejjin:
Il-UAS maħsuba biex jitħaddmu skont ir-regoli u l-kundizzjonijiet applikabbli għall-kategorija “miftuħa” tal-operazzjonijiet tal-UAS jew għad-dikjarazzjonijiet operazzjonali skont il-kategorija “speċifika” f’konformità mar-Regolament (UE) 2019/947, għajr il-UAS mibnija privatament, u li jkollhom fuqhom tikketta ta’ identifikazzjoni tal-klassi kif stabbilit fil-Partijiet 1 sa 5, 16 u 17 tal-Anness ta’ dan ir-Regolament li tkun tindika għal liema klassi mis-seba’ klassijiet tal-UAS imsemmija fir-Regolament ta’ Implimentazzjoni (UE) 2019/947 tappartjeni;
is-settijiet tal-aċċessorji tal-klassi C5 kif stabbilit fil-Parti 16;
l-aċċessorji supplimentari għall-identifikazzjoni mill-bogħod kif stabbilit fil-Parti 6 tal-Anness ta’ dan ir-Regolament.
Artikolu 3
Definizzjonijiet
Għall-finijiet ta' dan ir-Regolament, japplikaw id-definizzjonijiet li ġejjin:
“inġenju tal-ajru mingħajr bdot abbord” (“UA”) tfisser kwalunkwe inġenju tal-ajru li jitħaddem jew li huwa maħsub biex jitħaddem mingħajr bdot abbord;
“tagħmir biex inġenju tal-ajru mingħajr bdot abbord jiġi kkontrollat mill-bogħod” tfisser kwalunkwe strument, tagħmir, mekkaniżmu, apparat, suppliment, softwer jew aċċessorji li jkunu neċessarji għat-tħaddim sikur ta' UA għajr parti minnu u li ma jinġarrux abbord dak l-UA;
“sistema tal-ajru mingħajr bdot abbord” (UAS) tfisser inġenju tal-ajru mingħajr bdot abbord u t-tagħmir biex dan jiġi kkontrollat mill-bogħod;
“operatur ta' sistema tal-ajru mingħajr bdot abbord” (“operatur ta' UAS”) tfisser kwalunkwe persuna ġuridika jew fiżika li topera jew biħsiebha topera UAS waħda jew aktar;
kategorija “miftuħa” tfisser kategorija ta' operazzjonijiet tal-UAS li hija ddefinita fl-Artikolu 4 tar-Regolament ta' Implimentazzjoni (UE) 2019/947;
kategorija “speċifika” tfisser kategorija ta' operazzjonijiet tal-UAS li hija ddefinita fl-Artikolu 5 tar-Regolament ta' Implimentazzjoni (UE) 2019/947;
kategorija “ċertifikata” tfisser kategorija ta' operazzjonijiet tal-UAS li hija ddefinita fl-Artikolu 6 tar-Regolament ta' Implimentazzjoni (UE) 2019/947;
“leġiżlazzjoni tal-Unjoni dwar l-armonizzazzjoni” tfisser kwalunkwe leġiżlazzjoni tal-Unjoni li tarmonizza l-kundizzjonijiet għat-tqegħid ta' prodotti fis-suq;
“akkreditament” tfisser akkreditament kif definit fil-paragrafu 10 tal-Artikolu 2 tar-Regolament (KE) Nru 765/2008;
“valutazzjoni tal-konformità” tfisser il-proċess li juri jekk ir-rekwiżiti speċifikati relatati ma' prodott ġewx sodisfatti;
“korp tal-valutazzjoni tal-konformità” tfisser korp li jwettaq attivitajiet ta' valutazzjoni tal-konformità inklużi l-kalibrazzjoni, l-ittestjar, iċ-ċertifikazzjoni u l-ispezzjoni;
“markatura CE” tfisser markatura li permezz tagħha l-manifattur jindika li l-prodott huwa konformi mar-rekwiżiti applikabbli stabbiliti fil-leġiżlazzjoni ta' armonizzazzjoni tal-Unjoni li tipprovdi għat-twaħħil tagħha;
“manifattur” tfisser kull persuna fiżika jew ġuridika li timmanifattura prodott, jew li għandha prodott iddisinjat jew immanifatturat u li tikkummerċjalizza dak il-prodott taħt isimhom jew it-trejdmark tagħhom;
“rappreżentant awtorizzat” tfisser kwalunkwe persuna fiżika jew ġuridika stabbilita fi ħdan l-Unjoni li rċeviet mandat bil-miktub minn manifattur sabiex taġixxi f'ismu fir-rigward ta' kompiti speċifikati;
“importatur” tfisser kull persuna fiżika jew ġuridika stabbilita fl-Unjoni li tqiegħed prodott minn pajjiż terz fis-suq tal-Unjoni;
“distributur” tfisser kull persuna fiżika jew ġuridika fil-katina tal-provvista, barra l-manifattur jew l-importatur, li tqiegħed prodott fis-suq;
“operaturi ekonomiċi” tfisser il-manifattur, ir-rappreżentant awtorizzat tal-manifattur, l-importatur u d-distributur tal-UAS;
“tqegħid fis-suq” tfisser kwalunkwe provvista ta' prodott għad-distribuzzjoni, il-konsum jew l-użu fis-suq tal-Unjoni tul attività kummerċjali kemm jekk issir bi ħlas kif ukoll jekk tkun mingħajr ħlas;
“introduzzjoni fis-suq” tfisser li prodott jitqiegħed għall-ewwel darba fis-suq tal-Unjoni;
“standard armonizzat” tfisser standard armonizzat kif definit fil-punt (c) tal-Artikolu 2(1) tar-Regolament (UE) Nru 1025/2012;
“speċifikazzjoni teknika” tfisser dokument li jistabbilixxi r-rekwiżiti tekniċi li jridu jiġu sodisfatti minn prodott, proċess jew servizz;
“UAS mibnija b'mod privat” tfisser UAS immuntata jew manifatturata għall-użu proprju minn min jibniha, eskluża UAS immuntata minn sett ta' partijiet imqiegħda fis-suq mill-manifattur bħala kitt waħda lesta għall-immuntar;
“awtorità tas-sorveljanza tas-suq” tfisser awtorità ta' kull Stat Membru responsabbli għat-twettiq tas-sorveljanza tas-suq fit-territorju tiegħu;
“teħid lura” tfisser kwalunkwe miżura maħsuba biex jittieħed lura prodott li jkun diġà sar disponibbli għall-utent aħħari;
“irtirar” tfisser kull miżura maħsuba biex prodott fil-katina ta' provvista ma jitħalliex jitqiegħed fis-suq;
“spazju tal-ajru uniku Ewropew” tfisser spazju tal-ajru fuq it-territorju li għalih japplikaw it-Trattati, kif ukoll kwalunkwe spazju tal-ajru ieħor fejn l-Istati Membri japplikaw ir-Regolament (KE) Nru 551/2004 tal-Parlament Ewropew u tal-Kunsill ( 1 ) f'konformità mal-paragrafu 3 tal-Artikolu 1 ta' dak ir-Regolament;
“bdot mill-bogħod” tfisser persuna fiżika responsabbli għat-tmexxija sikura tat-titjira ta' UA bit-tħaddim tal-kontrolli tat-titjira tagħha, b'mod manwali jew, meta l-UA jtir b'mod awtomatiku, bis-sorveljanza tar-rotta tagħha u biż-żamma tal-possibbiltà ta' intervent u ta' tbiddil tar-rotta tagħha fi kwalunkwe waqt;
“massa massima tat-tluq” (“MTOM”) tfisser l-ogħla massa ta' UA, inkluż it-tagħbija u l-fjuwil, kif definita mill-manifattur jew il-fabbrikant, li bih jista' jitħaddem l-UA;
“tagħbija” tfisser kwalunkwe strument, mekkaniżmu, tagħmir, parti, apparat, suppliment, jew aċċessorju, inkluż tagħmir tal-komunikazzjoni, li huma installati fl-inġenju tal-ajru jew imqabbda miegħu, u li ma jintużawx jew li ma jkollhomx l-għan li jintużaw fit-tħaddim jew fil-kontroll ta' inġenju tal-ajru fit-titjira, u ma jkunux parti minn qafas tal-inġenju tal-ajru, minn magna jew minn skrun;
“modalità ta' insegwiment” tfisser modalità tat-tħaddim ta' UAS li fiha l-UA kostantament isegwi l-bdot mill-bogħod fi ħdan raġġ predeterminat;
“identifikazzjoni diretta mill-bogħod” tfisser sistema li tiżgura t-trażmissjoni lokali ta' informazzjoni dwar UA waqt l-operazzjoni, inkluż il-markaturi tal-UA, biex din l-informazzjoni tkun tista' tinkiseb mingħajr aċċess fiżiku għall-UA;
“ġeokonsapevolezza” tfisser funzjoni li, abbażi tad-data pprovduta mill-Istati Membri, tindividwa ksur potenzjali tal-limitazzjonijiet tal-ispazju tal-ajru u twissi lill-bdoti mill-bogħod biex ikunu jisgħu jieħdu azzjoni effettiva u immedjata biex jipprevjenu dak il-ksur;
“livell ta' potenza akustika LWA” tfisser potenza akustika ponderata-A f'dB b'rabta ma' 1 pW kif definit fl-EN ISO 3744:2010;
“livell ta' potenza akustika mkejjel” tfisser livell ta' potenza akustika kif determinat mill-kejl kif stipulat fil-Parti 13 tal-Anness; il-valuri mkejla jistgħu jkunu ddeterminati jew minn rappreżentanti ta' UA waħda għat-tip ta' tagħmir jew mill-medja ta' numru ta' UA;
“livell ta' potenza akustika garantita” tfisser livell ta' ħoss ta' qawwa determinat skont il-bżonnijiet imniżżla fil-Parti 13 tal-Anness li tinkludi l-inċertezzi minħabba varjazzjoni ta' produzzjoni u proċeduri ta' kejl u fejn il-produttur, jew ir-rappreżentant awtorizzat tiegħu mwaqqaf fil-Komunità, jikkonferma li skont l-istrumenti applikati u li jissemmew fid-dokumentazzjoni teknika dan ma jinqabiżx;
“żamma fl-arja” tfisser li tibqa' fl-istess pożizzjoni ġeografika fl-ajru;
“ġemgħat ta' persuni” tfisser laqgħat fejn il-persuni ma jkunux jistgħu jitilqu minħabba d-densità tan-nies preżenti;
“unità tal-kmand” (“CU”) tfisser it-tagħmir jew is-sistema ta’ tagħmir biex inġenju tal-ajru mingħajr bdot abbord jiġi kkontrollat mill-bogħod kif definit fil-punt 32 tal-Artikolu 3 tar-Regolament (UE) 2018/1139 li jappoġġa l-kontroll jew il-monitoraġġ tal-inġenji tal-ajru mingħajr bdot abbord waqt kull fażi tat-titjira, għajr l-infrastrutturi kollha li jappoġġaw is-servizz ta’ kollegament C2 tal-kmand u l-kontroll;
“servizz ta’ kollegament C2” tfisser servizz ta’ komunikazzjoni pprovdut minn parti terza, li jipprovdi kmand u kontroll bejn l-inġenji tal-ajru mingħajr bdot abbord u l-unità tal-kmand (CU);
“billejl” tfisser is-sigħat bejn tmiem l-għabex ċivili ta’ filgħaxija u l-bidu tas-sebħ ċivili ta’ filgħodu kif definit fir-Regolament ta’ Implimentazzjoni (UE) Nru 923/2012. ( 2 )
KAPITOLU II
UAS maħsuba biex jitħaddmu fil-kategorija “miftuħa” jew fil-kategorija “speċifika” bid-dikjarazzjoni operazzjonali, settijiet tal-aċċessorji li jkollhom fuqhom tikketta ta’ identifikazzjoni tal-klassi u aċċessorji supplimentari għall-identifikazzjoni mill-bogħod
TAQSIMA 1
Rekwiżiti tal-prodott
Artikolu 4
Rekwiżiti
Artikolu 5
Tqegħid fis-suq u moviment liberu tal-prodotti
TAQSIMA 2
Obbligi tal-operaturi ekonomiċi
Artikolu 6
Obbligi tal-manifatturi
Meta l-konformità tal-prodott mar-rekwiżiti stabbiliti fil-Partijiet 1 sa 6, 16 u 17 tal-Anness tintwera b’dik il-proċedura tal-valutazzjoni tal-konformità, il-manifatturi għandhom ifasslu dikjarazzjoni tal-konformità tal-UE u jwaħħlu l-marka CE.
Meta jitqies li jkun meħtieġ fir-rigward tar-riskji ppreżentati minn prodott, il-manifatturi għandhom, għall-finijiet tal-protezzjoni tas-saħħa u tas-sikurezza tal-konsumaturi, jagħmlu testijiet fuq kampjuni ta' prodotti kummerċjalizzati, jinvestigaw, u jekk ikun meħtieġ, iżommu reġistru ta' lmenti, ta' prodotti mhux konformi u ta' sejħiet lura ta' prodotti, u għandhom iżommu lil distributuri informati dwar kwalunkwe monitoraġġ ta' dan it-tip.
Artikolu 7
Rappreżentanti awtorizzati
L-obbligi stabbiliti fil-paragrafu 1 tal-Artikolu 6 u l-obbligu li titħejja d-dokumentazzjoni teknika msemmija fil-paragrafu 2 tal-Artikolu 6 ma għandhomx ikunu parti mill-mandat tar-rappreżentant awtorizzat.
Rappreżentant awtorizzat għandu jwettaq il-kompiti speċifikati fil-mandat li jkun irċieva mingħand il-manifattur. Il-mandat għandu jippermetti lir-rappreżentant awtorizzat għall-inqas li jagħmel dan li ġej:
li jżomm id-dikjarazzjoni ta' konformità tal-UE u d-dokumentazzjoni teknika għad-dispożizzjoni tal-awtoritajiet nazzjonali ta' sorveljanza tas-suq għal perjodu ta' 10 snin wara li l-prodott ikun tqiegħed fis-suq tal-Unjoni;
wara talba motivata mingħand awtorità tas-sorveljanza tas-suq jew ta' kontroll fuq il-fruntiera, lil din l-awtorità jagħtiha kull informazzjoni u dokumentazzjoni meħtieġa biex tintwera l-konformità tal-prodott;
jikkoopera mal-awtoritajiet nazzjonali ta' sorveljanza jew tal-kontroll fuq il-fruntiera, wara talba tagħhom, fir-rigward ta' kull azzjoni meħuda biex jiġu eliminati n-nuqqas ta' konformità tal-prodotti koperti mill-mandat tar-rappreżentant awtorizzat jew ir-riskji ta' sikurezza miġjuba minnhom.
Artikolu 8
Obbligi tal-importaturi
Qabel ma jqiegħdu prodott fis-suq tal-Unjoni, l-importaturi għandhom jiżguraw li:
il-manifattur wettaq il-proċedura xierqa ta' valutazzjoni tal-konformità msemmija fl-Artikolu 13;
il-manifattur fassal id-dokumentazzjoni teknika msemmija fl-Artikolu 17;
il-prodott fih il-markatura CE u, fejn ikun hemm bżonn, it-tikketta ta' identifikazzjoni tal-klassi tal-UA u l-indikazzjoni tal-livell ta' potenza akustika;
il-prodott ikollu miegħu d-dokumenti msemmija fil-paragrafi 7 u 8 tal-Artikolu 6;
il-manifattur ikkonforma mar-rekwiżiti stabbiliti fil-paragrafi 5 u 6 tal-Artikolu 6.
Meta importatur ikun jidhirlu jew ikollu raġunijiet biex jagħraf li prodott ma jkunx konformi mar-rekwiżiti stabbiliti fil-Partijiet 1 sa 6, 16 u 17 tal-Anness, dan ma għandux iqiegħed il-prodott fis-suq qabel ma dan isir konformi. Barra minn hekk, meta l-prodott ikun jippreżenta riskju għas-saħħa u għas-sikurezza tal-konsumaturi u ta’ partijiet terzi, l-importatur għandu jinforma lill-manifattur u lill-awtoritajiet nazzjonali kompetenti dwar dan.
Artikolu 9
Obbligi tad-distributuri
Id-distributuri għandhom jiżguraw li mal-prodott jingħataw l-istruzzjonijiet tal-manifattur u l-avviż informattiv kif jeżiġu l-Partijiet 1 sa 6, 16 u 17 tal-Anness b’lingwaġġ li jista’ jinftiehem faċilment mill-konsumaturi u minn utenti finali oħra, kif determinat mill-Istat Membru kkonċernat. Dawk l-istruzzjonijiet tal-manifattur u l-avviż informattiv, u kull tikkettar, għandhom ikunu ċari, jistgħu jinftiehmu u leġibbli.
Meta distributur iqis jew ikollu raġuni biex jemmen li prodott ma jkunx konformi mar-rekwiżiti stabbiliti fl-Artikolu 4, dan ma għandux iqiegħed il-prodott fis-suq sakemm dan ikun sar konformi. Barra minn hekk, fejn il-prodott jippreżenta riskju, id-distributur għandu jinforma lill-manifattur jew lill-importatur kif ukoll lill-awtoritajiet tas-sorveljanza tas-suq kompetenti dwar dan.
Artikolu 10
Każijiet fejn l-obbligi tal-manifatturi japplikaw għall-importaturi u d-distributuri
Importatur jew distributur għandu jitqies bħala manifattur għall-finijiet ta' dan il-Kapitolu u għandu jkun soġġett għall-obbligi tal-manifatturi skont l-Artikolu 6, meta dawn ikunu qiegħdu prodott fis-suq taħt isimhom jew bit-trademark tagħhom jew jimmodifikaw il-prodott li jkun diġà tqiegħed fis-suq b'tali mod li tista' tintlaqat il-konformità ma' dan il-Kapitolu.
Artikolu 11
Identifikazzjoni tal-operaturi ekonomiċi
L-operaturi ekonomiċi għandhom, fuq talba, jidentifikaw dan li ġej lill-awtoritajiet ta' sorveljanza tas-suq:
kull operatur ekonomiku li jkun ipprovdihom bi prodott;
kull operatur ekonomiku li huma jkunu pprovdew bi prodott.
L-operaturi ekonomiċi għandhom ikunu kapaċi jippreżentaw l-informazzjoni msemmija fil-paragrafu 1:
għal 10 snin wara li jkunu ġew ipprovduti bil-prodott;
għal 10 snin wara li jkunu pprovdew il-prodott.
TAQSIMA 3
Konformità tal-prodott
Artikolu 12
Preżunzjoni ta' konformità
Prodott li jkun konformi ma’ standards armonizzati jew ma’ partijiet minnhom, li r-referenzi għalihom ikunu ġew ippubblikati f’Il-Ġurnal Uffiċjali tal-Unjoni Ewropea, għandu jkun preżunt konformi mar-rekwiżiti koperti minn dawk l-istandards jew partijiet minnhom, stabbiliti fil-Partijiet 1 sa 6, 16 u 17 tal-Anness.
Artikolu 13
Proċeduri għall-valutazzjoni tal-konformità
Il-proċeduri disponibbli għat-twettiq tal-valutazzjoni tal-konformità għandhom ikunu dawn li ġejjin:
il-kontroll intern tal-produzzjoni stabbilit fil-Parti 7 tal-Anness, meta tiġi vvalutata l-konformità ta’ prodott mar-rekwiżiti stabbiliti fil-Parti 1, 5, 6, 16 jew 17 tal-Anness, diment li l-manifattur ikun applika standards armonizzati, li r-referenzi għalihom ikunu ġew ippubblikati f’Il-Ġurnal Uffiċjali tal-Unjoni Ewropea, għar-rekwiżiti kollha li għalihom jeżistu standards bħal dawn;
eżami tat-tip tal-UE segwit minn konformità mat-tip, ibbażat fuq il-kontroll intern tal-produzzjoni kif stabbilit fil-Parti 8 tal-Anness;
konformità bbażata fuq garanzija sħiħa tal-kwalità stabbilita fil-Parti 9 tal-Anness, ħlief meta tiġi vvalutata l-konformità ta' prodott li jkun ġugarell skont it-tifsira tad-Direttiva 2009/48/KE.
Artikolu 14
Dikjarazzjoni ta' konformità tal-UE
Artikolu 15
Prinċipji ġenerali tal-markatura CE
Il-markatura CE għandha tkun soġġetta għall-prinċipji ġenerali stabbiliti fl-Artiklu 30 tar-Regolament (KE) Nru 765/2008.
Artikolu 16
Ir-regoli u l-kundizzjonijiet għat-twaħħil tal-markatura CE, tan-numru ta' identifikazzjoni tal-korp innotifikat, tat-tikketta għall-identifikazzjoni tal-klassi tal-UAS u tal-indikazzjoni tal-livell ta' potenza akustika
In-numru ta' identifikazzjoni tal-korp innotifikat għandu jitwaħħal mill-korp innotifikat innifsu jew fuq istruzzjonijiet tiegħu, mill-manifattur jew mir-rappreżentant awtorizzat tiegħu.
Artikolu 17
Id-dokumentazzjoni teknika
TAQSIMA 4
Notifika ta' korpi ta' valutazzjoni ta' konformità
Artikolu 18
Notifika
L-Istati Membri għandhom jinnotifikaw lill-Kummissjoni u lill-Istati Membri l-oħrajn dwar il-korpi awtorizzati biex iwettqu kompiti ta' valutazzjoni tal-konformità minn partijiet terzi skont dan il-Kapitolu.
Artikolu 19
Awtoritajiet ta' notifika
Artikolu 20
Rekwiżiti marbuta mal-awtoritajiet ta' notifika
Awtorità ta' notifika:
għandha tiġi stabbilita b'tali mod li ma toħloqx kunflitti ta' interess ma' korpi ta' valutazzjoni tal-konformità;
għandha tkun organizzata u operata b'mod li jissalvagwarda l-oġġettività u l-imparzjalità tal-attivitajiet tagħha;
għandha tkun organizzata b'tali mod li kull deċiżjoni li tirrigwarda n-notifika ta' korp ta' valutazzjoni tal-konformità tittieħed minn persuni kompetenti differenti minn dawk li jkunu għamlu l-valutazzjoni;
ma għandhiex toffri jew tipprovdi kwalunkwe attività li ssir minn korpi tal-valutazzjoni tal-konformità, jew servizzi ta' konsulenza fuq bażi kummerċjali jew kompetittiva;
għandha tissalvagwardja l-kunfidenzjalità tal-informazzjoni miksuba;
għandu jkollha biżżejjed persunal kompetenti għad-dispożizzjoni tagħha għall-prestazzjoni korretta tal-kompiti tagħha.
Artikolu 21
Obbligu ta' informazzjoni fuq l-awtoritajiet ta' notifika
Artikolu 22
Rekwiżiti marbuta mal-korpi nnotifikati
Korp li jkun jappartjeni lil xi assoċjazzjoni kummerċjali jew federazzjoni professjonali li tkun tirrappreżenta intrapriżi involuti fid-disinn, il-manifattura, il-provvista, il-muntaġġ, l-użu jew il-manutenzjoni tal-prodott li huwa jivvaluta, jista', bil-kundizzjoni li l-indipendenza tiegħu u n-nuqqas ta' kull konflitt ta' interess jintwerew, jitqies bħala tali korp ta' valutazzjoni tal-konformità.
Korp ta' valutazzjoni ta' konformità, l-ogħla livell tal-ġestjoni tiegħu u l-persunal responsabbli biex iwettaq il-kompiti ta' valutazzjoni tal-konformità ma għandhomx ikunu direttament involuti fid-disinn, il-manifattura jew il-kostruzzjoni, il-kummerċjalizzazzjoni, l-installazzjoni, l-użu jew il-manutenzjoni ta' dak il-prodott, lanqas ma għandhom jirrappreżentaw lill-partijiet li jwettqu dawk l-attivitajiet. Dawn ma għandhom ikunu involuti fl-ebda attività li tista' toħloq kunflitt mal-indipendenza tal-ġudizzju jew l-integrità tagħhom b'rabta mal-attivitajiet ta' valutazzjoni tal-konformità li għalihom huma jkunu nnotifikati. Dan għandu japplika, b'mod partikolari, għas-servizzi ta' konsulenza.
Korpi tal-evalwazzjoni tal-konformità għandhom jiżguraw li l-attivitajiet tas-sussidjarji jew is-subappaltaturi tagħhom ma jippreġudikawx il-kunfidenzjalità, l-oġġettività jew l-imparzjalità tal-attivitajiet tal-evalwazzjoni tal-konformità tagħhom.
F'kull żmien u għal kull proċedura tal-evalwazzjoni tal-konformità u għal kull tip jew kategorija ta' prodott li dwarhom ikun innotifikat, korp tal-evalwazzjoni tal-konformità għandu jkollu għad-dispożizzjoni tiegħu in-neċessitajiet li ġejjin:
persunal b'għarfien tekniku u b'esperjenza suffiċjenti u xierqa biex iwettaq il-kompiti ta' valutazzjoni tal-konformità;
deskrizzjonijiet ta' proċeduri li f'konformità magħhom titwettaq il-valutazzjoni tal-konformità, filwaqt li jiġu żgurati t-trasparenza u l-kapaċità ta' riproduzzjoni ta' dawk il-proċeduri; hu għandu jkollu l-politiki u l-proċeduri xierqa li jiddistingwu bejn ħidmiet li jwettaq bħala korp innotifikat u attivitajiet oħra;
proċeduri għat-twettiq ta' attivitajiet li jqisu kif xieraq id-daqs tal-impriża, is-settur li topera fih, l-istruttura tagħha, il-grad ta' kumplessità tal-prodott ikkonċernat u n-natura ta' massa jew ta' serje tal-proċess ta' produzzjoni.
Korp tal-evalwazzjoni tal-konformità għandu jkollu l-mezzi neċessarji biex jagħmel ix-xogħlijiet tekniċi u amministrattivi konnessi mal-attivitajiet tal-evalwazzjoni tal-konformità b'mod xieraq u għandu jkollu aċċess għat-tagħmir u l-faċilitajiet meħtieġa.
Il-persunal responsabbli biex iwettaq il-kompiti ta' valutazzjoni tal-konformità għandu jkollu dawn li ġejjin:
taħriġ tekniku u vokazzjonali sod li jkopri l-attivitajiet kollha ta' valutazzjoni tal-konformità li għalihom il-korp ta' valutazzjoni tal-konformità jkun ġie nnotifikat;
għarfien sodisfaċenti tar-rekwiżiti tal-valutazzjonijiet li jsiru minnhom u awtorità adegwata biex jagħmlu dawk il-valutazzjonijiet;
għarfien xieraq u fehim tar-rekwiżiti, tal-istandards armonizzati applikabbli u tad-dispożizzjonijiet rilevanti tal-leġiżlazzjoni tal-Unjoni dwar l-armonizzazzjoni;
il-kapaċità li jħejji ċertifikati tal-eżami tat-tip tal-UE jew approvazzjonijiet tas-sistema tal-kwalità, reġistri u rapporti li juru li l-valutazzjonijiet ikunu saru.
Ir-rimunerazzjoni ta' dawk fl-ogħla livell tal-ġestjoni u tal-persunal responsabbli biex iwettaq il-kompiti ta' valutazzjoni tal-konformità ta' korp tal-valutazzjoni tal-konformità ma għandhiex tiddependi fuq l-għadd ta' valutazzjonijiet li jsiru jew fuq ir-riżultati ta' dawk il-valutazzjonijiet.
Artikolu 23
Preżunzjoni ta' konformità ta' korpi nnotifikati
Fejn korp tal-evalwazzjoni tal-konformità juri l-konformità tiegħu mal-kriterji stabbiliti bl-istandards armonizzati jew ma' partijiet minnhom, li r-referenzi tagħhom ikunu ġew ippubblikati f'Il-Ġurnal Uffiċjali tal-Unjoni Ewropea, huwa għandu jkun preżunt konformi mar-rekwiżiti stabbiliti fl-Artikolu 22 sakemm l-istandards armonizzati applikabbli jkopru dawk ir-rekwiżiti.
Artikolu 24
Sussidjarji u sottokuntrattar minn korpi nnotifikati
Artikolu 25
Applikazzjoni għal notifika
Artikolu 26
Proċedura tan-notifika
Artikolu 27
Numri ta' identifikazzjoni u listi ta' korpi nnotifikati
Il-Kummissjoni għandha tiżgura li l-lista tinżamm aġġornata.
Artikolu 28
Tibdil fin-notifiki
Artikolu 29
Kontestazzjoni tal-kompetenza ta' korpi nnotifikati
Artikolu 30
Obbligi operazzjonali tal-korpi nnotifikati
B'dan il-mod huma għandhom madankollu jirrispettaw il-grad ta' rigorożità u l-livell ta' protezzjoni rikjest biex il-UA jew il-UAS tkun konformi ma' dan il-Kapitolu.
Artikolu 31
Appell kontra deċiżjonijiet tal-korpi nnotifikati
Il-korpi nnotifikati għandhom jiżguraw li tkun disponibbli proċedura ta' appell trasparenti u aċċessibbli kontra d-deċiżjonijiet tagħhom.
Artikolu 32
Obbligi ta' informazzjoni għall-korpi nnotifikati
Il-korpi nnotifikati għandhom jinformaw lill-awtorità ta' notifika dwar dan li ġej:
kull rifjut, restrizzjoni, sospensjoni jew irtirar ta' ċertifikat ta' eżami tat-tip tal-UE jew approvazzjoni ta' sistema ta' kwalità skont ir-rekwiżiti tal-Partijiet 8 u 9 tal-Anness;
kull ċirkustanza li jkollha effett fuq l-ambitu jew il-kundizzjonijiet għan-notifika;
kwalunkwe talba għal informazzjoni li huma jkunu rċevew minn awtoritajiet ta' sorveljanza tas-suq rigward attivitajiet ta' valutazzjoni tal-konformità;
fuq talba, l-attivitajiet ta' valutazzjoni tal-konformità li jsiru fil-kamp ta' applikazzjoni tan-notifika tagħhom u kwalunkwe attività oħra mwettqa, inklużi attivitajiet transfruntiera u sottokuntrattar.
Artikolu 33
Skambju ta' esperjenza
Il-Kummissjoni għandha tipprevedi l-organizzazzjoni ta' skambji ta' esperjenza bejn l-awtoritajiet nazzjonali tal-Istati Membri responsabbli mill-politika tan-notifiki.
Artikolu 34
Koordinazzjoni ta' korpi nnotifikati
TAQSIMA 5
Is-sorveljanza tas-suq tal-Unjoni, il-kontroll tal-prodotti li jidħlu fis-suq tal-Unjoni u l-proċedura ta' salvagwardja tal-Unjoni
Artikolu 35
Sorveljanza tas-suq u kontroll tal-prodotti li jidħlu fis-suq tal-Unjoni
Artikolu 36
Proċedura għat-trattament ta' prodotti li jippreżentaw riskju fil-livell nazzjonali
Fejn, tul l-evalwazzjoni msemmija fl-ewwel subparagrafu, l-awtoritajiet ta' sorveljanza tas-suq isibu li l-prodott ma jkunx konformi mar-rekwiżiti stabbiliti f'dan il-Kapitolu, huma għandhom mingħajr dewmien jeżiġu li l-operatur ekonomiku rilevanti jieħu l-azzjonijiet korrettivi kollha xierqa biex il-prodott isir konformi ma' dawk ir-rekwiżiti, li jirtira l-prodott mis-suq jew li jieħdu lura fi żmien raġonevoli li jkun jaqbel man-natura tar-riskju, skont kif jistabbilixxu.
L-awtoritajiet ta' sorveljanza tas-suq għandhom jinfurmaw b'dan lil korp innotifikat relevanti.
L-Artikolu 21 tar-Regolament (KE) Nru 765/2008 għandu japplika għall-miżuri msemmija fit-tieni subparagrafu ta' dan il-paragrafu.
L-awtoritajiet ta' sorveljanza tas-suq għandhom jinfurmaw lill-Kummissjoni u lill-Istati Membri l-oħra, mingħajr dewmien, b'dawn il-miżuri.
L-informazzjoni msemmija fil-paragrafu 4 għandha tinkludi d-dettalji disponibbli kollha, partikolarment id-data neċessarja għall-identifikazzjoni tal-prodott li mhux konformi, l-oriġini tal-prodott, in-natura tal-allegat nuqqas ta' konformità u r-riskju involut, in-natura u l-perjodu tal-miżuri nazzjonali li jkunu ttieħdu u l-argumenti mressqa mill-operatur ekonomiku rilevanti. B'mod partikolari, l-awtoritajiet ta' sorveljanza tas-suq għandhom jindikaw jekk in-nuqqas ta' konformità jkunx dovut għal xi waħda mir-raġunijiet li ġejjin:
nuqqas min-naħa tal-prodott biex jissodisfa r-rekwiżiti stabbiliti fl-Artikolu 4;
nuqqasijiet fl-istandards armonizzati msemmija fl-Artikolu 12.
Artikolu 37
Proċedura ta' protezzjoni tal-Unjoni
Il-Kummissjoni għandha tindirizza d-deċiżjoni tagħha lill-Istati Membri kollha u għandha tikkomunikaha minnufih lilhom u lill-operatur jew operaturi ekonomiċi rilevanti.
Artikolu 38
Prodott konformi li jippreżenta riskju
Artikolu 39
Nuqqas ta' konformità formali
Bla ħsara għall-Artikolu 36, fejn Stat Membru jasal għal xi waħda mis-sejbiet li ġejjin rigward prodotti koperti minn dan il-Kapitolu, dan għandu jeżiġi lill-operatur ekonomiku rilevanti itemm dak in-nuqqas ta' konformità kkonċernat:
il-markatura CE tkun twaħħlet bi ksur tal-Artikolu 30 tar-Regolament (KE) Nru 765/2008 jew tal-Artikolu 15 jew tal-Artikolu 16 ta' dan ir-Regolament;
il-markatura CE jew tat-tip ma tkunx twaħħlet;
in-numru tal-identifikazzjoni tal-korp innotifikat, meta tkun applikata l-proċedura ta' valutazzjoni tal-konformità stabbilita fil-Parti 9 tal-Anness, ikun twaħħal bi ksur tal-Artikolu 16 jew ma jkunx twaħħal;
it-tikketta tal-identifikazzjoni tal-klassi tal-UA ma twaħħlitx;
l-indikazzjoni tal-livell ta' potenza akustika jekk meħtieġa ma tkunx twaħħlet;
in-numru tas-serje ma twaħħalx inkella ma għandux il-format korrett;
il-manwal jew l-avviż ta' informazzjoni mhux disponibbli;
id-dikjarazzjoni tal-konformità tal-UE ma tkunx preżenti jew ma tkunx tfasslet;
id-dikjarazzjoni ta' konformità tal-UE ma tkunx saret b'mod korrett;
id-dokumentazzjoni teknika ma tkunx disponibbli jew ma tkunx kompleta;
l-isem tal-manifattur jew tal-importatur, l-isem kummerċjali rreġistrat jew it-trademark irreġistrata, l-indirizz tas-sit elettroniku jew l-indirizz postali ma jkunux preżenti.
KAPITOLU III
Rekwiżiti għall-UAS imħaddma fil-kategoriji “ċertifikata” u “speċifika”, għajr meta jsiru b’dikjarazzjoni
Artikolu 40
Rekwiżiti għall-UAS imħaddma fil-kategoriji “ċertifikata” u “speċifika”, għajr meta jsiru b’dikjarazzjoni.
Id-disinn, il-produzzjoni u l-manutenzjoni tal-UAS għandhom jiġu ċċertifikati jekk il-UAS tkun tissodisfa xi waħda mill-kundizzjonijiet li ġejjin:
għandha dimensjoni karatteristika ta’ 3 m jew aktar, u tfasslet biex titħaddem fuq gruppi ta’ persuni;
ġiet iddisinjata biex tittrasporta lin-nies;
tfasslet biex tittrasporta l-oġġetti perikolużi u teħtieġ livell għoli ta’ robustezza biex jittaffew ir-riskji għall-partijiet terzi f’każ ta’ inċident;
ġiet maħsuba biex tintuża fil-kategorija “speċifika” tal-operazzjonijiet definita fl-Artikolu 5 tar-Regolament ta’ Implimentazzjoni (UE) 2019/947 u fl-awtorizzazzjoni tat-tħaddim li trid tinħareġ mill-awtorità kompetenti, wara valutazzjoni tar-riskju kif previst fl-Artikolu 11 tar-Regolament ta’ Implimentazzjoni (UE) 2019/947 li turi li r-riskju tal-operazzjoni ma jistax jittaffa b’mod adegwat mingħajr iċ-ċertifikazzjoni tal-UAS.
UAS soġġetta għal ċertifikazzjoni għandha tikkonforma mar-rekwiżiti applikabbli stabbiliti fir-Regolament tal-Kummissjoni (UE) Nru 748/2012, fir-Regolament tal-Kummissjoni (UE) 2015/640 u fir-Regolament tal-Kummissjoni (UE) Nru 1321/2014.
Sakemm ma jkunx meħtieġ li tiġi ċċertifikata skont il-paragrafu 1, UAS li tintuża fil-kategorija “speċifika” għandu jkollha l-kapaċitajiet tekniċi stipulati fl-awtorizzazzjoni tal-operazzjoni maħruġa mill-awtorità kompetenti jew kif definit miċ-Ċertifikat tal-Operatur tal-UAS Ħfief (l-LUC) skont il-Parti C tal-Anness tar-Regolament ta’ Implimentazzjoni (UE) 2019/947.
Għajr meta mibnija privatament, kull UAS li mhix soġġetta għal reġistrazzjoni skont l-Artikolu 14 tar-Regolament ta’ Implimentazzjoni (UE) 2019/947, għandu jkollha numru tas-serje uniku li jkun konformi mal-istandard ANSI/CTA-2063-A-2019, in-Numri tas-Serje tas-Sistemi tal-Ajru Żgħar Mingħajr Bdot Abbord, tal-2019.
Kull UA maħsub biex jitħaddem fil-kategorija “speċifika” u f’għoli ta’ inqas minn 120 metru għandu jkun mgħammar b’sistema tal-identifikazzjoni mill-bogħod li tippermetti:
li jittella’ n-numru tar-reġistrazzjoni tal-operatur tal-UAS li hu meħtieġ skont l-Artikolu 14 tar-Regolament ta’ Implimentazzjoni (UE) 2019/947 u kull numru addizzjonali pprovdut mis-sistema tar-reġistrazzjoni. Is-sistema għandha twettaq verifika tal-konsistenza li tivverifika l-integrità tas-sekwenza kollha mogħtija lill-operatur tal-UAS waqt ir-reġistrazzjoni. F’każ ta’ inkonsistenza, il-UAS għandha tibgħat messaġġ ta’ errur lill-operatur tal-UAS;
it-trażmissjoni perjodika ta’ mill-inqas id-data li ġejja, f’ħin reali, waqt il-ħin kollu tat-titjira, b’mod li tkun tista’ tasal għand l-apparati mobbli eżistenti:
in-numru tar-reġistrazzjoni tal-operatur tal-UAS u l-kodiċi ta’ verifika pprovduti mill-Istat Membru waqt il-proċess tar-reġistrazzjoni, sakemm il-kontroll tal-konsistenza definit fil-punt (a) ma jkunx għadda b’suċċess;
in-numru tas-serje uniku tal-UA konformi mal-paragrafu 4 jew, jekk l-UA jinbena privatament, in-numru tas-serje uniku tal-aċċessorju supplimentari, kif speċifikat fil-Parti 6 tal-Anness;
it-timbru tal-ħin, il-pożizzjoni ġeografika tal-UA u l-għoli tiegħu ’l fuq mis-superfiċe jew il-punt tat-tlugħ;
il-korsa tar-rotta mkejla kif idur l-arloġġ mit-Tramuntana ġeografika u l-veloċità fuq l-art tal-UA;
il-pożizzjoni ġeografika tal-bdot remot;
indikazzjoni tal-istatus ta’ emerġenza tal-UAS.
li titnaqqas l-abbiltà tat-tbagħbis tal-funzjonalità tas-sistema tal-identifikazzjoni diretta mill-bogħod.
KAPITOLU IV
Operaturi ta' UAS minn pajjiżi terzi
Artikolu 41
Operaturi ta' UAS minn pajjiżi terzi
B'deroga mill-paragrafu 1, ċertifikat tal-kompetenza ta' bdot mill-bogħod jew tal-operatur ta' UAS f'konformità mar-Regolament ta' Implimentazzjoni (UE) 2019/947, jew dokument ekwivalenti, jista' jiġi rikonoxxut mill-awtorità kompetenti għall-fini tat-tħaddim fi ħdan, lejn, u barra mill-Unjoni, dment li:
il-pajjiż terz ikun talab it-tali rikonoxximent;
iċ-ċertifikat tal-kompetenza ta' bdot mill-bogħod jew iċ-ċertifikat ta' operatur ta' UAS huma dokumenti validi tal-Istat tal-ħruġ; u
il-Kummissjoni, wara konsultazzjoni mal-EASA, żgurat li r-rekwiżiti li fuq il-bażi tagħhom it-tali ċertifikati nħarġu jipprovdu l-istess livell ta' sikurezza bħal dan ir-Regolament.
KAPITOLU V
Dispożizzjonijiet finali
Artikolu 42
Dħul fis-seħħ
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
ANNESS
PARTI 1
Rekwiżiti għal Sistema tal-inġenji tal-ajru mingħajr bdot abbord (UAS) tal-klassi C0
UAS tal-klassi C0 ikollha din it-tikketta għall-identifikazzjoni tal-klassi li ġejja fuq il-UA:
UAS tal-klassi C0 għandha tikkonforma ma’ dan li ġej:
ikollha MTOM ta’ anqas minn 250 g, inkluż it-tagħbija utli;
ikollha veloċità massima ta’ 19 m/s f’titjira livell;
ikollha għoli massimu li jista’ jinkiseb ’il fuq mill-punt tat-tlugħ limitat għal 120 m;
tkun kontrollabbli b’mod sikur fir-rigward tal-istabbiltà, tal-manuvrabbiltà u tal-prestazzjoni tal-kollegament tal-kmand u tal-kontroll, minn bdot remot li jsegwi l-istruzzjonijiet tal-manifattur, kif ikun meħtieġ fil-kundizzjonijiet operazzjonali antiċipati kollha inkluż meta tinqala’ xi ħsara f’sistema waħda jew, jekk xieraq, f’aktar minn waħda;
tkun iddisinjata u mibnija b’mod li timminimizza l-korrimenti tal-persuni waqt it-tħaddim, il-ponot li jaqtgħu għandhom ikunu evitati, sakemm ma jkunx teknikament inevitabbli skont prattika tajba tad-disinjar u tal-manifattura. Jekk tkun mgħammra bl-iskrejjen, il-UA għandu jiġi ddisinjat b’mod li jillimita kull korriment li jistgħu jikkawżaw il-paletti tal-iskrejjen;
tkun imħaddma esklussivament bl-elettriku;
jekk tkun mgħammra b’modalità ta’ insegwiment u din il-funzjoni tkun attivata, tkun f’medda li ma taqbiżx il-50 m mill-bdot remot, u tagħmilha possibbli li l-bdot remot jerġa’ jikseb il-kontroll tal-UA;
titqiegħed fis-suq bi struzzjonijiet tal-manifattur li jipprovdu:
il-karatteristiċi tal-UA, inkluż iżda mhux biss dawn li ġejjin:
struzzjonijiet operazzjonali ċari;
limitazzjonijiet operazzjonali (inkluż iżda mhux biss il-kundizzjonijiet meteoroloġiċi u l-operazzjonijiet binhar/billejl); u
deskrizzjoni xierqa tar-riskji kollha relatati mal-operazzjonijiet tal-UAS adattati għall-età tal-utent;
tinkludi notifika ta’ informazzjoni ppubblikata mill-Aġenzija tas-Sikurezza tal-Avjazzjoni tal-Unjoni Ewropea (l-EASA) li tipprovdi l-limitazzjonijiet u l-obbligi applikabbli, skont ir-Regolament ta’ Implimentazzjoni (UE) 2019/947;
il-punti (4), (5) u (6) ma japplikawx għall-UAS li huma ġugarelli skont it-tifsira tad-Direttiva 2009/48/KE dwar is-sikurezza tal-ġugarelli.
PARTI 2
Rekwiżiti għal Sistema tal-inġenji tal-ajru mingħajr bdot abbord (UAS) tal-klassi C1
UAS tal-klassi C1 ikollha din it-tikketta għall-identifikazzjoni tal-klassi li ġejja fuq il-UA:
UAS tal-klassi C1 għandha tikkonforma ma’ dan li ġej:
tkun magħmula minn materjali u jkollha karatteristiċi tal-prestazzjoni u fiżiċi li jiżguraw li waqt impatt b’veloċità terminali ma’ ras ta’ bniedem, l-enerġija trażmessa lejn ir-ras tal-bniedem tkun anqas minn 80 J jew, inkella, għandu jkollha MTOM ta’ anqas minn 900 g, inkluż it-tagħbija utli;
ikollha veloċità massima ta’ 19 m/s f’titjira livell;
ikollha għoli massimu li jista’ jinkiseb ’il fuq mill-punt tat-tlugħ limitat għal 120 m jew tkun mgħammra b’sistema li tillimita l-għoli ’l fuq mis-superfiċe jew il-punt tat-tlugħ għal 120 m jew għal valur li jista’ jintgħażel mill-bdot remot; jekk il-valur ikun jista’ jintgħażel, il-bdot remot għandu jingħata informazzjoni ċara dwar l-għoli tal-UA ’il fuq mis-superfiċe jew il-punt tat-tlugħ waqt it-titjira;
tkun kontrollabbli b’mod sikur fir-rigward tal-istabbiltà, tal-manuvrabbiltà u tal-prestazzjoni tal-kollegament tal-kmand u tal-kontroll, minn bdot remot b’kompetenza adegwata kif definit fir-Regolament ta’ Implimentazzjoni (UE) 2019/947 u skont l-istruzzjonijiet tal-manifattur, kif ikun meħtieġ fil-kundizzjonijiet operazzjonali antiċipati kollha inkluż meta tinqala’ xi ħsara f’sistema waħda jew, jekk xieraq, f’aktar minn waħda;
ikollha s-saħħa mekkanika meħtieġa għall-UA, li tinkludi kull fattur tas-sikurezza meħtieġa u, meta xieraq, l-istabbiltà biex tiflaħ għal kull strapazz li tkun soġġetta għalih waqt l-użu mingħajr tkissir jew deformazzjoni li jistgħu jinterferixxu mat-titjir sikur tiegħu;
tkun iddisinjata u mibnija b’mod li jiġu minimizzati l-korrimenti tal-persuni waqt it-tħaddim, il-ponot li jaqtgħu tal-UA għandhom ikunu evitati, sakemm ma jkunx teknikament inevitabbli skont prattika tajba tad-disinjar u tal-manifattura; jekk tkun mgħammra bl-iskrejjen, il-UA għandu jiġi ddisinjat b’mod li jillimita kull korriment li jistgħu jikkawżaw il-paletti tal-iskrejjen;
jekk jintilef il-kollegament tal-kmand u tal-kontroll, ikollha metodu affidabbli u prevedibbli biex il-UA jirkupra l-kollegament tal-kmand u tal-kontroll jew jekk dan ifalli, itemm it-titjira b’mod li jnaqqas l-effett fuq il-partijiet terzi fl-ajru jew fuq l-art;
sakemm ma jkunx UA bi ġwienaħ fissi, ikollu livell tal-potenza akustika ponderat-A garantit LWA iddeterminat skont il-Parti 13, li ma jaqbiżx il-livelli stabbiliti fil-Parti 15;
sakemm ma jkunx UA bi ġwienaħ fissi, ikollu indikazzjoni tal-livell tal-potenza akustika ponderat-A garantit imwaħħla fuq il-UA u/jew fuq l-imballaġġ tiegħu skont il-Parti 14;
tkun imħaddma esklussivament bl-elettriku;
ikollha numru tas-serje uniku li jkun konformi mal-istandard ANSI/CTA-2063-A-2019, in-Numri tas-Serje tas-Sistemi tal-Ajru Żgħar Mingħajr Bdot Abbord, tal-2019;
ikollha sistema għall-identifikazzjoni diretta mill-bogħod li:
tippermetti li jittella’ n-numru tar-reġistrazzjoni tal-operatur tal-UAS li hu meħtieġ skont l-Artikolu 14 tar-Regolament ta’ Implimentazzjoni (UE) 2019/947 u kull numru addizzjonali pprovdut mis-sistema tar-reġistrazzjoni; is-sistema għandha twettaq verifika tal-konsistenza li tivverifika l-integrità tas-sekwenza kollha mogħtija lill-operatur tal-UAS waqt ir-reġistrazzjoni; f’każ ta’ inkonsistenza, il-UAS għandha tibgħat messaġġ ta’ errur lill-operatur tal-UAS;
tiżgura, f’ħin reali waqt id-durata sħiħa tat-titjira, ix-xandir perjodiku dirett mill-UA bl-użu ta’ protokoll ta’ trażmissjoni miftuħ u dokumentat, ta’ mill-inqas din id-data li ġejja, b’mod li jkunu jistgħu jirċevuha apparati mobbli eżistenti fi ħdan il-medda tax-xandir:
in-numru tar-reġistrazzjoni tal-operatur tal-UAS u l-kodiċi ta’ verifika pprovduti mill-Istat Membru tar-reġistrazzjoni waqt il-proċess tar-reġistrazzjoni, sakemm ma tkunx għaddiet il-verifika tal-konsistenza definita fil-punt (a);
in-numru tas-serje fiżiku uniku tal-UA konformi mal-punt (11);
it-timbru tal-ħin, il-pożizzjoni ġeografika tal-UA u l-għoli tiegħu ’l fuq mis-superfiċe jew il-punt tat-tlugħ;
il-korsa tar-rotta mkejla kif idur l-arloġġ mit-Tramuntana ġeografika u l-veloċità fuq l-art tal-UA;
il-pożizzjoni ġeografika tal-bdot remot jew, jekk ma tkunx disponibbli, il-punt tat-tlugħ; u
indikazzjoni tal-istatus ta’ emerġenza tal-UAS;
tnaqqas l-abbiltà ta’ tbagħbis tal-funzjonalità tas-sistema tal-identifikazzjoni diretta mill-bogħod;
tkun mgħammra b’funzjoni ta’ ġeokonsapevolezza li tipprovdi:
interfaċċa li tillowdja u taġġorna d-data b’informazzjoni dwar il-limitazzjonijiet tal-ispazju tal-ajru b’rabta mal-pożizzjoni tal-UA u l-għoli impost miż-żoni ġeografiċi tal-UAS, kif definit bl-Artikolu 15 tar-Regolament ta’ Implimentazzjoni (UE) 2019/947, li jiżgura li l-proċess tal-illowdjar jew tal-aġġornar ta’ din id-data ma jdgħajjifx l-integrità u l-validità tagħha;
avviż ta’ twissija lill-bdot remot meta jinstab xi ksur potenzjali tal-limitazzjonijiet tal-ispazju tal-ajru; u
informazzjoni lill-bdot remot dwar l-istatus tal-UA u avviż ta’ twissija meta s-sistemi tal-pożizzjonament jew tan-navigazzjoni tiegħu ma jkunux jistgħu jiżguraw il-funzjonament xieraq tas-sistema tal-ġeokonsapevolezza;
jekk il-UA ikollu funzjoni li tillimita l-aċċess tiegħu għal ċerti żoni jew volumi tal-ispazju tal-ajru, din il-funzjoni għandha topera b’mod li tinteraġixxi bla xkiel mas-sistema tal-kontroll tat-titjir tal-UA mingħajr ma taffettwa ħażin is-sikurezza tat-titjir; barra minn hekk, għandha tingħata informazzjoni ċara lill-bdot remot meta l-funzjoni tagħha tipprevjeni lill-UA milli jidħol f’dawn iż-żoni jew il-volumi tal-ispazju tal-ajru;
tagħti twissija ċara lill-bdot remot meta l-batterija tal-UA jew tal-istazzjon tal-kontroll tiegħu jkunu f’livell baxx ħalli l-bdot remot ikollu biżżejjed ħin biex iniżżel il-UA b’mod sikur;
tkun mgħammra:
bi dwal għall-fini tal-kontrollabbiltà tal-UA; u
b’mill-inqas dawl aħdar wieħed li jpetpet għall-fini tal-konspikwità tal-UA billejl ħalli l-persuni fl-art ikunu jistgħu jiddistingwu bejn UA u inġenju tal-ajru bl-ekwipaġġ;
jekk tkun mgħammra b’modalità ta’ insegwiment u din il-funzjoni tkun attivata, tkun f’medda li ma taqbiżx il-50 m mill-bdot remot, u tagħmilha possibbli li l-bdot remot jerġa’ jikseb il-kontroll tal-UA;
titqiegħed fis-suq bi struzzjonijiet tal-manifattur li jipprovdu:
il-karatteristiċi tal-UA, inkluż iżda mhux biss dawn li ġejjin:
—
struzzjonijiet operazzjonali ċari;
proċeduri biex il-limitazzjonijiet tal-ispazju tal-ajru jittellgħu fil-funzjoni tal-ġeokonsapevolezza;
struzzjonijiet għall-manutenzjoni;
il-proċeduri tal-individwazzjoni ta’ soluzzjoni;
limitazzjonijiet operazzjonali (inkluż iżda mhux biss il-kundizzjonijiet meteoroloġiċi u l-operazzjonijiet binhar/billejl); u
deskrizzjoni xierqa tar-riskji kollha relatati mal-operazzjonijiet tal-UAS;
tinkludi notifika ta’ informazzjoni ppubblikata mill-EASA li tipprovdi l-limitazzjonijiet u l-obbligi applikabbli, skont ir-Regolament ta’ Implimentazzjoni (UE) 2019/947;
jekk tkun mgħammra b’sistema ta’ network tal-identifikazzjoni mill-bogħod, din għandha:
tippermetti, f’ħin reali waqt id-durata sħiħa tat-titjira, it-trażmissjoni mill-UA bl-użu ta’ protokoll ta’ trażmissjoni miftuħ u dokumentat, ta’ mill-inqas din id-data li ġejja, b’mod li jkunu jistgħu jirċevuha minn network;
in-numru tar-reġistrazzjoni tal-operatur tal-UAS u l-kodiċi ta’ verifika pprovduti mill-Istat Membru tar-reġistrazzjoni waqt il-proċess tar-reġistrazzjoni, sakemm ma tkunx għaddiet il-verifika tal-konsistenza definita fil-punt (a);
in-numru tas-serje uniku tal-UA konformi mal-punt (11);
it-timbru tal-ħin, il-pożizzjoni ġeografika tal-UA u l-għoli tiegħu ’l fuq mis-superfiċe jew il-punt tat-tlugħ;
il-korsa tar-rotta mkejla kif idur l-arloġġ mit-Tramuntana ġeografika u l-veloċità fuq l-art tal-UA;
il-pożizzjoni ġeografika tal-bdot remot jew, jekk ma tkunx disponibbli, il-punt tat-tlugħ; u
indikazzjoni tal-istatus ta’ emerġenza tal-UAS;
tnaqqas l-abbiltà ta’ tbagħbis tal-funzjonalità tas-sistema tal-identifikazzjoni diretta mill-bogħod.
PARTI 3
Rekwiżiti għal Sistema tal-inġenji tal-ajru mingħajr bdot abbord (UAS) tal-klassi C2
UAS tal-klassi C2 ikollha din it-tikketta għall-identifikazzjoni tal-klassi li ġejja fuq il-UA:
UAS tal-klassi C2 għandha tikkonforma ma’ dan li ġej:
ikollha MTOM ta’ anqas minn 4 kg, inkluż it-tagħbija utli;
ikollha għoli massimu li jista’ jinkiseb ’il fuq mill-punt tat-tlugħ limitat għal 120 m jew tkun mgħammra b’sistema li tillimita l-għoli ’l fuq mis-superfiċe jew il-punt tat-tlugħ għal 120 m jew għal valur li jista’ jintgħażel mill-bdot remot. Jekk il-valur ikun jista’ jintgħażel, il-bdot remot għandu jingħata informazzjoni ċara dwar l-għoli tal-UA ’il fuq mis-superfiċe jew il-punt tat-tlugħ waqt it-titjira;
tkun kontrollabbli b’mod sikur fir-rigward tal-istabbiltà, tal-manuvrabbiltà u tal-prestazzjoni tal-kollegament tal-kmand u tal-kontroll, minn bdot remot b’kompetenza adegwata kif definit fir-Regolament ta’ Implimentazzjoni (UE) 2019/947 u skont l-istruzzjonijiet tal-manifattur, kif ikun meħtieġ fil-kundizzjonijiet operazzjonali antiċipati kollha inkluż meta tinqala’ xi ħsara f’sistema waħda jew, jekk xieraq, f’aktar minn waħda;
ikollha s-saħħa mekkanika meħtieġa għall-UA, li tinkludi kull fattur tas-sikurezza meħtieġa u, meta xieraq, l-istabbiltà biex tiflaħ għal kull strapazz li tkun soġġetta għalih waqt l-użu mingħajr tkissir jew deformazzjoni li jistgħu jinterferixxu mat-titjir sikur tiegħu;
fil-każ ta’ UA marbut, l-irbit ma jkunx itwal minn 50 m u saħħa mekkanika ma tkunx anqas minn:
għall-inġenji tal-ajru itqal mill-arja, 10 darbiet tal-piż tal-ajrudina bil-massa massima;
għall-inġenji tal-ajru eħfef mill-arja, 4 darbiet tal-forza eżerċitata mill-kombinament tal-imbottatura statika massima u tal-forza ajrudinamika tal-veloċità permessa massima tar-riħ waqt it-titjir;
tkun iddisinjata u mibnija b’mod li jiġu minimizzati l-korrimenti tal-persuni waqt it-tħaddim, il-ponot li jaqtgħu tal-UA għandhom ikunu evitati, sakemm ma jkunx teknikament inevitabbli skont prattika tajba tad-disinjar u tal-manifattura; jekk tkun mgħammra bl-iskrejjen, il-UA għandu jiġi ddisinjat b’mod li jillimita kull korriment li jistgħu jikkawżaw il-paletti tal-iskrejjen;
sakemm ma tkunx marbuta, jekk jintilef il-kollegament tal-kmand u tal-kontroll, ikollha metodu affidabbli u prevedibbli biex il-UA jirkupra l-kollegament tal-kmand u tal-kontroll jew, jekk dan ifalli, itemm it-titjira b’mod li jnaqqas l-effett fuq il-partijiet terzi fl-ajru jew fuq l-art;
sakemm ma tkunx marbuta, tkun mgħammra b’kollegament tal-kmand u tal-kontroll protett mill-aċċess mhux awtorizzat għall-funzjonijiet tal-kmand u tal-kontroll;
sakemm ma jkunx UA bi ġwienaħ fissi, ikun mgħammar b’modalità ta’ veloċità baxxa li tista’ tintgħażel mill-bdot remot u tiġi limitata l-veloċità fuq l-art għal mhux aktar minn 3 m/s.
sakemm ma jkunx UA bi ġwienaħ fissi, ikollu livell tal-potenza akustika ponderat-A garantit LWA iddeterminat skont il-Parti 13, li ma jaqbiżx il-livelli stabbiliti fil-Parti 15;
sakemm ma jkunx UA bi ġwienaħ fissi, ikollu indikazzjoni tal-livell tal-potenza akustika ponderat-A garantit imwaħħla fuq il-UA u/jew fuq l-imballaġġ tiegħu skont il-Parti 14;
tkun imħaddma esklussivament bl-elettriku;
ikollha numru tas-serje uniku li jkun konformi mal-istandard ANSI/CTA-2063-A-2019, in-Numri tas-Serje tas-Sistemi tal-Ajru Żgħar Mingħajr Bdot Abbord, tal-2019;
ikollha sistema għall-identifikazzjoni diretta mill-bogħod li:
tippermetti li jittella’ n-numru tar-reġistrazzjoni tal-operatur tal-UAS li hu meħtieġ skont l-Artikolu 14 tar-Regolament ta’ Implimentazzjoni (UE) 2019/947 u kull numru addizzjonali pprovdut mis-sistema tar-reġistrazzjoni. Is-sistema għandha twettaq verifika tal-konsistenza li tivverifika l-integrità tas-sekwenza kollha mogħtija lill-operatur tal-UAS waqt ir-reġistrazzjoni. F’każ ta’ inkonsistenza, il-UAS għandha tibgħat messaġġ ta’ errur lill-operatur tal-UAS;
tiżgura, f’ħin reali waqt id-durata sħiħa tat-titjira, ix-xandir perjodiku dirett mill-UA bl-użu ta’ protokoll ta’ trażmissjoni miftuħ u dokumentat, ta’ mill-inqas din id-data li ġejja, b’mod li jkunu jistgħu jirċevuha apparati mobbli eżistenti fi ħdan il-medda tax-xandir:
in-numru tar-reġistrazzjoni tal-operatur tal-UAS u l-kodiċi ta’ verifika pprovduti mill-Istat Membru waqt il-proċess tar-reġistrazzjoni, sakemm ma tkunx għaddiet il-verifika tal-konsistenza definita fil-punt (a);
in-numru tas-serje uniku tal-UA konformi mal-punt (13);
it-timbru tal-ħin, il-pożizzjoni ġeografika tal-UA u l-għoli tiegħu ’l fuq mis-superfiċe jew il-punt tat-tlugħ;
il-korsa tar-rotta mkejla kif idur l-arloġġ mit-Tramuntana ġeografika u l-veloċità fuq l-art tal-UA;
il-pożizzjoni ġeografika tal-bdot remot jew, jekk ma tkunx disponibbli, il-punt tat-tlugħ; u
indikazzjoni tal-istatus ta’ emerġenza tal-UAS;
tnaqqas l-abbiltà ta’ tbagħbis tal-funzjonalità tas-sistema tal-identifikazzjoni diretta mill-bogħod.
tkun mgħammra b’funzjoni ta’ ġeokonsapevolezza li tipprovdi:
interfaċċa li tillowdja u taġġorna d-data b’informazzjoni dwar il-limitazzjonijiet tal-ispazju tal-ajru b’rabta mal-pożizzjoni tal-UA u l-għoli impost miż-żoni ġeografiċi tal-UAS, kif definit bl-Artikolu 15 tar-Regolament ta’ Implimentazzjoni (UE) 2019/947, li jiżgura li l-proċess tal-lowdjar jew tal-aġġornar ta’ din id-data ma jdgħajjifx l-integrità u l-validità tagħha;
avviż ta’ twissija lill-bdot remot meta jinstab xi ksur potenzjali tal-limitazzjonijiet tal-ispazju tal-ajru; u
informazzjoni lill-bdot remot dwar l-istatus tal-UA u avviż ta’ twissija meta s-sistemi tal-pożizzjonament jew tan-navigazzjoni tiegħu ma jkunux jistgħu jiżguraw il-funzjonament xieraq tas-sistema tal-ġeokonsapevolezza;
jekk il-UA ikollu funzjoni li tillimita l-aċċess tiegħu għal ċerti żoni jew volumi tal-ispazju tal-ajru, din il-funzjoni għandha topera b’mod li tinteraġixxi bla xkiel mas-sistema tal-kontroll tat-titjir tal-UA mingħajr ma taffettwa ħażin is-sikurezza tat-titjir; barra minn hekk, għandha tingħata informazzjoni ċara lill-bdot remot meta din il-funzjoni tipprevjeni lill-UA milli jidħol f’dawn iż-żoni jew il-volumi tal-ispazju tal-ajru;
tagħti twissija ċara lill-bdot remot meta l-batterija tal-UA jew tal-istazzjon tal-kontroll tiegħu jkunu f’livell baxx ħalli l-bdot remot ikollu biżżejjed ħin biex iniżżel il-UA b’mod sikur;
tkun mgħammra:
bi dwal għall-fini tal-kontrollabbiltà tal-UA; u
b’mill-inqas dawl aħdar wieħed li jpetpet għall-fini tal-konspikwità tal-UA billejl ħalli l-persuna fl-art tkun tista’ tiddistingwi bejn UA u inġenju tal-ajru bl-ekwipaġġ;
titqiegħed fis-suq bi struzzjonijiet tal-manifattur li jipprovdu:
il-karatteristiċi tal-UA, inkluż iżda mhux biss dawn li ġejjin:
—
struzzjonijiet operazzjonali ċari;
il-proċedura biex il-limitazzjonijiet tal-ispazju tal-ajru jittellgħu fil-funzjoni tal-ġeokonsapevolezza;
struzzjonijiet għall-manutenzjoni;
il-proċeduri tal-individwazzjoni ta’ soluzzjoni;
limitazzjonijiet operazzjonali (inkluż iżda mhux biss il-kundizzjonijiet meteoroloġiċi u l-operazzjonijiet binhar/billejl); u
deskrizzjoni xierqa tar-riskji kollha relatati mal-operazzjonijiet tal-UAS;
tinkludi notifika ta’ informazzjoni ppubblikata mill-EASA li tipprovdi l-limitazzjonijiet u l-obbligi applikabbli, skont ir-Regolament ta’ Implimentazzjoni (UE) 2019/947;
jekk tkun mgħammra b’sistema ta’ network tal-identifikazzjoni mill-bogħod, din għandha:
tiżgura, f’ħin reali waqt id-durata sħiħa tat-titjira, it-trażmissjoni mill-UA bl-użu ta’ protokoll ta’ trażmissjoni miftuħ u dokumentat, ta’ mill-inqas din id-data li ġejja, b’mod li jkunu jistgħu jirċevuha minn network:
in-numru tar-reġistrazzjoni tal-operatur tal-UAS u l-kodiċi ta’ verifika pprovduti mill-Istat Membru tar-reġistrazzjoni waqt il-proċess tar-reġistrazzjoni, sakemm ma tkunx għaddiet il-verifika tal-konsistenza definita fil-punt 14(a);
in-numru tas-serje uniku tal-UA konformi mal-punt (13);
it-timbru tal-ħin, il-pożizzjoni ġeografika tal-UA u l-għoli tiegħu ’l fuq mis-superfiċe jew il-punt tat-tlugħ;
il-korsa tar-rotta mkejla kif idur l-arloġġ mit-Tramuntana ġeografika u l-veloċità fuq l-art tal-UA;
il-pożizzjoni ġeografika tal-bdot remot jew, jekk ma tkunx disponibbli, il-punt tat-tlugħ; u
indikazzjoni tal-istatus ta’ emerġenza tal-UAS;
tnaqqas l-abbiltà ta’ tbagħbis tal-funzjonalità tas-sistema tal-identifikazzjoni diretta mill-bogħod.
PARTI 4
Rekwiżiti għal Sistema tal-inġenji tal-ajru mingħajr bdot abbord (UAS) tal-klassi C3
UAS tal-klassi C3 ikollha din it-tikketta għall-identifikazzjoni tal-klassi li ġejja fuq il-UA:
UAS tal-klassi C3 għandha tikkonforma ma’ dan li ġej:
ikollha MTOM ta’ anqas minn 25 kg, inkluż it-tagħbija utli, u jkollha dimensjoni karatteristika massima ta’ inqas minn 3 m;
ikollha għoli massimu li jista’ jinkiseb ’il fuq mill-punt tat-tlugħ limitat għal 120 m jew tkun mgħammra b’sistema li tillimita l-għoli ’l fuq mis-superfiċe jew il-punt tat-tlugħ għal 120 m jew għal valur li jista’ jintgħażel mill-bdot remot. Jekk il-valur ikun jista’ jintgħażel, il-bdot remot għandu jingħata informazzjoni ċara dwar l-għoli tal-UA ’il fuq mis-superfiċe jew il-punt tat-tlugħ waqt it-titjira;
tkun kontrollabbli b’mod sikur fir-rigward tal-istabbiltà, tal-manuvrabbiltà u tal-prestazzjoni tal-kollegament tal-kmand u tal-kontroll, minn bdot remot b’kompetenza adegwata kif definit fir-Regolament ta’ Implimentazzjoni (UE) 2019/947 u skont l-istruzzjonijiet tal-manifattur, kif ikun meħtieġ fil-kundizzjonijiet operazzjonali antiċipati kollha inkluż meta tinqala’ xi ħsara f’sistema waħda jew, jekk xieraq, f’aktar minn waħda;
fil-każ ta’ UA marbut, l-irbit ma jkunx itwal minn 50 m u saħħa mekkanika ma tkunx anqas minn:
għall-inġenji tal-ajru itqal mill-arja, 10 darbiet tal-piż tal-ajrudina bil-massa massima;
għall-inġenji tal-ajru eħfef mill-arja, 4 darbiet tal-forza eżerċitata mill-kombinament tal-imbottatura statika massima u tal-forza ajrudinamika tal-veloċità permessa massima tar-riħ fit-titjira;
sakemm ma tkunx marbuta, jekk jintilef il-kollegament tal-kmand u tal-kontroll, ikollha metodu affidabbli u prevedibbli biex il-UA jirkupra l-kollegament tal-kmand u tal-kontroll jew, jekk dan ifalli, itemm it-titjira b’mod li jnaqqas l-effett fuq il-partijiet terzi fl-ajru jew fuq l-art;
sakemm ma jkunx UA bi ġwienaħ fissi, ikollu indikazzjoni tal-livell tal-potenza akustika ponderat-A garantit LWA iddeterminata skont il-Parti 13 imwaħħla fuq il-UA u/jew fuq l-imballaġġ tiegħu skont il-Parti 14;
tkun imħaddma esklussivament bl-elettriku;
ikollha numru tas-serje uniku li jkun konformi mal-istandard ANSI/CTA-2063-A-2019, in-Numri tas-Serje tas-Sistemi tal-Ajru Żgħar Mingħajr Bdot Abbord, tal-2019;
sakemm ma tkunx marbuta, ikollha sistema diretta għall-identifikazzjoni mill-bogħod li:
tippermetti li jittella’ n-numru tar-reġistrazzjoni tal-operatur tal-UAS li hu meħtieġ skont l-Artikolu 14 tar-Regolament ta’ Implimentazzjoni (UE) 2019/947 u kull numru addizzjonali pprovdut mis-sistema tar-reġistrazzjoni; is-sistema għandha twettaq verifika tal-konsistenza li tivverifika l-integrità tas-sekwenza kollha mogħtija lill-operatur tal-UAS waqt ir-reġistrazzjoni; f’każ ta’ inkonsistenza, il-UAS għandha tibgħat messaġġ ta’ errur lill-operatur tal-UAS;
tiżgura, f’ħin reali waqt id-durata sħiħa tat-titjira, ix-xandir perjodiku dirett mill-UA bl-użu ta’ protokoll ta’ trażmissjoni miftuħ u dokumentat, ta’ mill-inqas din id-data li ġejja, b’mod li jkunu jistgħu jirċevuha apparati mobbli eżistenti fi ħdan il-medda tax-xandir:
in-numru tar-reġistrazzjoni tal-operatur tal-UAS u l-kodiċi ta’ verifika pprovduti mill-Istat Membru waqt il-proċess tar-reġistrazzjoni, sakemm ma tkunx għaddiet il-verifika tal-konsistenza definita fil-punt (a);
in-numru tas-serje uniku tal-UA konformi mal-punt (8);
it-timbru tal-ħin, il-pożizzjoni ġeografika tal-UA u l-għoli tiegħu ’l fuq mis-superfiċe jew il-punt tat-tlugħ;
il-korsa tar-rotta mkejla kif idur l-arloġġ mit-Tramuntana ġeografika u l-veloċità fuq l-art tal-UA;
il-pożizzjoni ġeografika tal-bdot remot jew, jekk ma tkunx disponibbli, il-punt tat-tlugħ; u
indikazzjoni tal-istatus ta’ emerġenza tal-UAS;
tnaqqas l-abbiltà ta’ tbagħbis tal-funzjonalità tas-sistema tal-identifikazzjoni diretta mill-bogħod;
tkun mgħammra b’funzjoni ta’ ġeokonsapevolezza li tipprovdi:
interfaċċa li tillowdja u taġġorna d-data b’informazzjoni dwar il-limitazzjonijiet tal-ispazju tal-ajru b’rabta mal-pożizzjoni tal-UA u l-għoli impost miż-żoni ġeografiċi tal-UAS, kif definit bl-Artikolu 15 tar-Regolament ta’ Implimentazzjoni (UE) 2019/947, li jiżgura li l-proċess tal-lowdjar jew tal-aġġornar ta’ din id-data ma jdgħajjifx l-integrità u l-validità tagħha;
avviż ta’ twissija lill-bdot remot meta jinstab xi ksur potenzjali tal-limitazzjonijiet tal-ispazju tal-ajru; u
informazzjoni lill-bdot remot dwar l-istatus tal-UA u avviż ta’ twissija meta s-sistemi tal-pożizzjonament jew tan-navigazzjoni tiegħu ma jkunux jistgħu jiżguraw il-funzjonament xieraq tas-sistema tal-ġeokonsapevolezza;
jekk il-UA ikollu funzjoni li tillimita l-aċċess tiegħu għal ċerti żoni jew volumi tal-ispazju tal-ajru, din il-funzjoni għandha topera b’mod li tinteraġixxi bla xkiel mas-sistema tal-kontroll tat-titjir tal-UA mingħajr ma taffettwa ħażin is-sikurezza tat-titjir; barra minn hekk, għandha tingħata informazzjoni ċara lill-bdot remot meta din il-funzjoni tipprevjeni lill-UA milli jidħol f’dawn iż-żoni jew il-volumi tal-ispazju tal-ajru;
sakemm ma tkunx marbuta, tkun mgħammra b’kollegament tal-kmand u tal-kontroll protett mill-aċċess mhux awtorizzat għall-funzjonijiet tal-kmand u tal-kontroll;
tagħti twissija ċara lill-bdot remot meta l-batterija tal-UA jew tal-istazzjon tal-kontroll tiegħu jkunu f’livell baxx biex il-bdot remot ikollu biżżejjed ħin biex iniżżel il-UA b’mod sikur;
tkun mgħammra:
bi dwal għall-fini tal-kontrollabbiltà tal-UA; u
b’mill-inqas dawl aħdar wieħed li jpetpet għall-fini tal-konspikwità tal-UA billejl ħalli l-persuna fl-art tkun tista’ tiddistingwi bejn UA u inġenju tal-ajru bl-ekwipaġġ;
titqiegħed fis-suq bi struzzjonijiet tal-manifattur li jipprovdu:
il-karatteristiċi tal-UA, inkluż iżda mhux biss dawn li ġejjin:
struzzjonijiet operazzjonali ċari;
il-proċedura biex il-limitazzjonijiet tal-ispazju tal-ajru jittellgħu fil-funzjoni tal-ġeokonsapevolezza;
struzzjonijiet għall-manutenzjoni;
il-proċeduri tal-individwazzjoni ta’ soluzzjoni;
limitazzjonijiet operazzjonali (inkluż iżda mhux biss il-kundizzjonijiet meteoroloġiċi u l-operazzjonijiet binhar/billejl); u
deskrizzjoni xierqa tar-riskji kollha relatati mal-operazzjonijiet tal-UAS;
tinkludi notifika ta’ informazzjoni ppubblikata mill-EASA li tipprovdi l-limitazzjonijiet u l-obbligi applikabbli, skont ir-Regolament ta’ Implimentazzjoni (UE) 2019/947;
jekk tkun mgħammra b’sistema ta’ network tal-identifikazzjoni mill-bogħod, din għandha:
tiżgura, f’ħin reali waqt id-durata sħiħa tat-titjira, it-trażmissjoni mill-UA bl-użu ta’ protokoll ta’ trażmissjoni miftuħ u dokumentat, ta’ mill-inqas din id-data li ġejja, b’mod li jkunu jistgħu jirċevuha minn network:
in-numru tar-reġistrazzjoni tal-operatur tal-UAS u l-kodiċi ta’ verifika pprovduti mill-Istat Membru tar-reġistrazzjoni waqt il-proċess tar-reġistrazzjoni, sakemm ma tkunx għaddiet il-verifika tal-konsistenza definita fil-punt 9(a);
in-numru tas-serje uniku tal-UA konformi mal-punt (8);
it-timbru tal-ħin, il-pożizzjoni ġeografika tal-UA u l-għoli tiegħu ’l fuq mis-superfiċe jew il-punt tat-tlugħ;
il-korsa tar-rotta mkejla kif idur l-arloġġ mit-Tramuntana ġeografika u l-veloċità fuq l-art tal-UA;
il-pożizzjoni ġeografika tal-bdot remot jew, jekk ma tkunx disponibbli, il-punt tat-tlugħ; u
indikazzjoni tal-istatus ta’ emerġenza tal-UAS;
tnaqqas l-abbiltà ta’ tbagħbis tal-funzjonalità tas-sistema tal-identifikazzjoni diretta mill-bogħod.
PARTI 5
Rekwiżiti għal Sistema tal-inġenji tal-ajru mingħajr bdot abbord (UAS) tal-klassi C4
UAS tal-klassi C4 ikollha din it-tikketta li ġejja fuq il-UA b’mod viżibbli:
UAS tal-klassi C4 għandha tikkonforma ma’ dan li ġej:
ikollha MTOM ta’ anqas minn 25 kg, inkluż it-tagħbija utli;
tkun kontrollabbli u manuvrabbli b’mod sikur minn bdot remot li jsegwi l-istruzzjonijiet tal-manifattur, kif ikun meħtieġ fil-kundizzjonijiet operazzjonali antiċipati kollha inkluż meta tfalli xi sistema waħda jew, jekk xieraq, aktar minn waħda;
ma jkollhiex modalitajiet tal-kontroll awtomatiku ħlief għall-assistenza tal-istabbilizzazzjoni tat-titjir bl-ebda effett dirett fuq it-trajettorja u l-assistenza meta jintilef kollegament diment li jkun hemm disponibbli pożizzjoni fissa predeterminata tal-kontrolli tat-titjir meta l-kollegament mitluf ikun disponibbli;
titqiegħed fis-suq bi struzzjonijiet tal-manifattur li jipprovdu:
il-karatteristiċi tal-UA, inkluż iżda mhux biss dawn li ġejjin:
struzzjonijiet operazzjonali ċari;
struzzjonijiet għall-manutenzjoni;
il-proċeduri tal-individwazzjoni ta’ soluzzjoni;
limitazzjonijiet operazzjonali (inkluż iżda mhux biss il-kundizzjonijiet meteoroloġiċi u l-operazzjonijiet binhar/billejl); u
deskrizzjoni xierqa tar-riskji kollha relatati mal-operazzjonijiet tal-UAS;
tinkludi notifika ta’ informazzjoni ppubblikata mill-EASA li tipprovdi l-limitazzjonijiet u l-obbligi applikabbli, skont ir-Regolament ta’ Implimentazzjoni (UE) 2019/947.
PARTI 6
Rekwiżiti għal aċċessorju supplimentari tal-identifikazzjoni diretta mill-bogħod
Aċċessorju supplimentari għall-identifikazzjoni diretta mill-bogħod għandu jikkonforma ma’ dawn li ġejjin:
jippermetti li jittella’ n-numru tar-reġistrazzjoni tal-operatur tal-UAS li hu meħtieġ skont l-Artikolu 14 tar-Regolament ta’ Implimentazzjoni (UE) 2019/947 u kull numru addizzjonali pprovdut mis-sistema tar-reġistrazzjoni; is-sistema għandha twettaq verifika tal-konsistenza li tivverifika l-integrità tas-sekwenza kollha mogħtija lill-operatur tal-UAS waqt ir-reġistrazzjoni; f’każ ta’ inkonsistenza, il-UAS għandha tibgħat messaġġ ta’ errur lill-operatur tal-UAS;
ikollu numru tas-serje uniku li jkun konformi mal-istandard ANSI/CTA-2063-A-2019, in-Numri tas-Serje tas-Sistemi tal-Ajru Żgħar Mingħajr Bdot Abbord, tal-2019, imwaħħal mal-aċċessorju supplimentari u mal-imballaġġ tiegħu jew fl-istruzzjonijiet tal-manifattur b’mod li jinqara;
jiżgura, f’ħin reali waqt id-durata sħiħa tat-titjira, ix-xandir perjodiku dirett mill-UA bl-użu ta’ protokoll ta’ trażmissjoni miftuħ u dokumentat, ta’ mill-inqas din id-data li ġejja, b’mod li jkunu jistgħu jirċevuha apparati mobbli eżistenti fi ħdan il-medda tax-xandir:
in-numru tar-reġistrazzjoni tal-operatur tal-UAS u l-kodiċi ta’ verifika pprovduti mill-Istat Membru tar-reġistrazzjoni waqt il-proċess tar-reġistrazzjoni, sakemm ma tkunx għaddiet il-verifika tal-konsistenza definita fil-punt (a);
in-numru tas-serje uniku tal-aċċessorju supplimentari konformi mal-punt (2);
it-timbru tal-ħin, il-pożizzjoni ġeografika tal-UA u l-għoli tiegħu ’l fuq mis-superfiċe jew il-punt tat-tlugħ;
il-korsa tar-rotta mkejla kif idur l-arloġġ mit-Tramuntana ġeografika u l-veloċità fuq l-art tal-UA; u
il-pożizzjoni ġeografika tal-bdot remot jew, jekk ma tkunx disponibbli, il-punt tat-tlugħ;
inaqqas l-abbiltà ta’ tbagħbis tal-funzjonalità tas-sistema tal-identifikazzjoni diretta mill-bogħod; u
jitqiegħed fis-suq bi struzzjonijiet tal-manifattur li jagħtu r-referenza tal-protokoll tat-trażmissjoni użat għall-emissjoni tal-identifikazzjoni diretta mill-bogħod u l-istruzzjoni biex:
il-modulu jiġi installat fuq il-UA; u
jittella’ n-numru tar-reġistrazzjoni tal-operatur tal-UAS.
PARTI 7
Il-Modulu A tal-valutazzjoni tal-konformità – Kontroll intern tal-produzzjoni
1. Il-kontroll intern tal-produzzjoni hu l-proċedura ta’ valutazzjoni tal-konformità li biha l-manifattur jissodisfa l-obbligi stabbiliti fil-punti 2, 3, u 4 ta’ din il-Parti, u jiżgura u jiddikjara fuq ir-responsabbiltà unika tiegħu, li l-prodotti kkonċernati jissodisfaw ir-rekwiżiti stabbiliti fil-Partijiet 1, 5, 6, 16 jew 17 li japplikaw għalihom.
2. Dokumentazzjoni teknika
Il-manifattur għandu jiżviluppa d-dokumentazzjoni teknika skont l-Artikolu 17 ta’ dan ir-Regolament.
3. Il-manifattura
Il-manifattur għandu jieħu l-miżuri meħtieġa kollha biex il-proċess tal-manifattura u l-monitoraġġ tiegħu jiżguraw li l-prodott manifatturat jikkonforma mad-dokumentazzjoni teknika msemmija fil-punt 2 ta’ din il-Parti u mar-rekwiżiti stabbiliti fil-Partijiet 1, 5, 6, 16 jew 17 li japplikaw għalihom.
4. L-immarkar CE u d-dikjarazzjoni tal-konformità tal-UE
Skont l-Artikoli 15 u 16 ta’ dan ir-Regolament, il-manifattur għandu jwaħħal il-marka CE u, meta applikabbli, it-tikketta għall-identifikazzjoni tal-klassi tal-UA, fuq kull prodott individwali li jissodisfa r-rekwiżiti applikabbli stabbiliti fil-Partijiet 1, 5, 6, 16 jew 17 li japplikaw għalihom.
Il-manifattur għandu jagħmel dikjarazzjoni tal-konformità tal-UE bil-miktub għal kull mudell ta’ prodott u jehmiżha mad-dokumentazzjoni teknika, għad-dispożizzjoni tal-awtoritajiet nazzjonali għal għaxar (10) snin minn meta l-prodott jitqiegħed fis-suq. Id-dikjarazzjoni tal-konformità tal-UE għandha tidentifika biċ-ċar il-prodott li għalih tkun tfasslet.
Kopja tad-dikjarazzjoni tal-konformità tal-UE għandha tingħata lill-awtoritajiet rilevanti meta tintalab.
5. Rappreżentant awtorizzat
L-obbligi tal-manifattur stabbiliti fil-punt 4 jista’ jissodisfahom rappreżentant awtorizzat, f’ismu u fir-responsabbiltà tiegħu, diment li dawn ikunu speċifikati fil-mandat.
PARTI 8
Il-Moduli B u C tal-valutazzjoni tal-konformità – Eżami tat-tip tal-UE u konformità mat-tip abbażi tal-kontroll intern tal-produzzjoni
Meta ssir referenza għal din il-Parti, il-proċedura ta’ valutazzjoni tal-konformità għandha ssegwi l-Moduli B (l-eżami tat-tip tal-UE) u C (il-konformità mat-tip abbażi tal-kontroll intern tal-produzzjoni) ta’ din il-Parti.
Il-Modulu B
L-eżami tat-tip tal-UE
1. L-eżami tat-tip tal-UE hu l-parti minn proċedura ta’ valutazzjoni tal-konformità li matulha korp notifikat jeżamina d-disinn tekniku tal-prodott u jivverifika u jixhed li d-disinn tekniku tal-prodott jissodisfa r-rekwiżiti applikabbli stabbiliti fil-Partijiet 1 sa 6, 16 u 17.
2. L-eżami tat-tip tal-UE għandu jsir b’valutazzjoni tal-adegwatezza tad-disinn tekniku tal-prodott b’eżami tad-dokumentazzjoni teknika u tal-evidenza ta’ sostenn imsemmija fil-punt 3, flimkien ma’ eżami tal-eżemplari, rappreżentattivi tal-produzzjoni prevista, ta’ parti waħda kritika jew aktar tal-prodott (kombinament tat-tip tal-produzzjoni u tat-tip tad-disinn).
3. Il-manifattur għandu jippreżenta applikazzjoni għal eżami tat-tip tal-UE lil korp notifikat wieħed tal-għażla tiegħu.
L-applikazzjoni għandha tinkludi:
l-isem u l-indirizz tal-manifattur u, jekk l-applikazzjoni jippreżentaha r-rappreżentant awtorizzat, l-isem u l-indirizz tiegħu wkoll;
dikjarazzjoni bil-miktub li l-istess applikazzjoni ma ġietx ippreżentata ma’ xi korp notifikat ieħor;
id-dokumentazzjoni teknika; id-dokumentazzjoni teknika għandha tippermetti li ssir valutazzjoni tal-konformità tal-prodott mar-rekwiżiti applikabbli ta’ dan ir-Regolament u għandha tinkludi analiżi u valutazzjoni xierqa tar-riskju/i; id-dokumentazzjoni teknika għandu jkun fiha l-elementi stabbiliti fl-Artikolu 17 ta’ dan ir-Regolament, kull fejn applikabbli;
l-eżemplari rappreżentattivi tal-produzzjoni prevista; il-korp notifikat jista’ jitlob aktar eżemplari jekk ikunu meħtieġa għat-twettiq tal-programm tat-test;
l-evidenza ta’ sostenn tal-adegwatezza tas-soluzzjoni tad-disinn tekniku; din l-evidenza ta’ sostenn għandha ssemmi kull dokument użat, b’mod partikolari fejn l-istandards armonizzati rilevanti u/jew l-ispeċifikazzjonijiet tekniċi ma jkunux ġew applikati jew ma jkunux ġew applikati għalkollox; l-evidenza ta’ sostenn għandha tinkludi, meta meħtieġ, ir-riżultati tat-testijiet imwettqa f’konformità ma’ speċifikazzjonijiet tekniċi rilevanti oħra mil-laboratorju xieraq tal-manifattur jew minn laboratorju tal-ittestjar ieħor f’ismu u fir-responsabbiltà tiegħu.
4. Il-korp notifikat għandu:
Għall-prodott:
jeżamina d-dokumentazzjoni teknika u l-evidenza ta’ sostenn biex jevalwa l-adegwatezza tad-disinn tekniku tal-prodott.
Għall-eżemplari:
jivverifika li l-eżemplari ġew manifatturati f’konformità mad-dokumentazzjoni teknika, u jidentifika l-elementi li tfasslu skont id-dispożizzjonijiet applikabbli tal-istandards armonizzati rilevanti u/jew tal-ispeċifikazzjonijiet tekniċi, kif ukoll l-elementi li tfasslu mingħajr l-applikazzjoni tad-dispożizzjonijiet rilevanti ta’ dawk l-istandards;
jagħmel l-eżamijiet u t-testijiet xierqa, jew iqabbad lil min jagħmilhom, biex jivverifika jekk, meta l-manifattur għażel li japplika s-soluzzjonijiet fl-istandards armonizzati rilevanti u/jew fl-ispeċifikazzjonijiet tekniċi, dawn ġewx applikati sew;
jagħmel l-eżamijiet u t-testijiet adegwati, jew iqabbad lil min jagħmilhom, biex jivverifika jekk, meta jiġux applikati s-soluzzjonijiet fl-istandards armonizzati rilevanti u/jew fl-ispeċifikazzjonijiet tekniċi, is-soluzzjonijiet adottati mill-manifattur jissodisfawx ir-rekwiżiti essenzjali korrispondenti tal-istrument leġiżlattiv;
jagħmel ftehim mal-manifattur dwar il-post fejn se jsiru l-eżamijiet u t-testijiet.
5. Il-korp notifikat għandu jfassal rapport ta’ evalwazzjoni li jirreġistra l-attivitajiet li jkunu saru skont il-punt 4 u l-eżiti tagħhom. Mingħajr preġudizzju għall-obbligi tiegħu previsti fil-punt 8, il-korp notifikat għandu joħroġ il-kontenut ta’ dan ir-rapport, kollu kemm hu jew parti minnu, biss bi qbil mal-manifattur.
6. Meta t-tip ikun jissodisfa r-rekwiżiti ta’ dan ir-Regolament, il-korp notifikat għandu joħroġ ċertifikat tal-eżami tat-tip tal-UE lill-manifattur. Dan iċ-ċertifikat għandu jinkludi l-isem u l-indirizz tal-manifattur, il-konklużjonijiet tal-eżami, l-aspetti rilevanti tar-rekwiżiti koperti mill-eżami, il-kundizzjonijiet (jekk hemm) għall-validità tiegħu, u d-data meħtieġa għall-identifikazzjoni tat-tip approvat. Maċ-ċertifikat jista’ jinhemeż anness wieħed jew aktar.
Iċ-ċertifikat tal-UE u l-annessi tiegħu għandhom jinkludu l-informazzjoni rilevanti kollha biex tkun tista’ ssir evalwazzjoni tal-konformità tal-prodotti manifatturati mat-tip eżaminat u biex ikun hemm lok għal kontroll fis-servizz.
Meta t-tip ma jkunx jissodisfa r-rekwiżiti applikabbli ta’ dan ir-Regolament, il-korp notifikat għandu jirrifjuta li joħroġ ċertifikat tal-eżami tat-tip tal-UE u għandu jinforma lill-applikant b’dan u jagħtih raġunijiet dettaljati għar-rifjut tiegħu.
7. Il-korp notifikat għandu jibqa’ aġġornat dwar kull żvilupp fl-aqwa avvanzi rikonoxxuti ġeneralment li jkun jindika li t-tip approvat jaf ma jibqax jikkonforma mar-rekwiżiti applikabbli ta’ dan ir-Regolament, u għandu jiddetermina jekk dan l-iżvilupp jeħtieġx aktar investigazzjoni. Jekk dan ikun il-każ, il-korp notifikat għandu jinforma lill-manifattur b’dan.
Il-manifattur għandu jinforma lill-korp notifikat li għandu d-dokumentazzjoni teknika relatata maċ-ċertifikat tal-eżami tat-tip tal-UE, bil-bidliet kollha fit-tip approvat li jaf jaffettwaw il-konformità tal-prodott mar-rekwiżiti essenzjali ta’ dan ir-Regolament jew mal-kundizzjonijiet għall-validità taċ-ċertifikat. Dawn il-bidliet għandhom jeżiġu approvazzjoni addizzjonali u jinhemżu maċ-ċertifikat oriġinali tal-eżami tat-tip tal-UE.
8. Kull korp notifikat għandu jinforma lill-awtorità ta’ notifika tiegħu dwar iċ-ċertifikati tal-eżami tat-tip tal-UE u/jew kull żieda magħhom li dan ikun ħareġ jew irtira u, b’mod perjodiku jew meta jintalab, għandu jagħmel disponibbli għall-awtorità ta’ notifika tiegħu l-lista taċ-ċertifikati u/jew ta’ kull żieda magħhom li ġew rifjutati, sospiżi jew inkella ristretti.
Kull korp notifikat għandu jinforma lill-korpi notifikati l-oħra dwar iċ-ċertifikati tal-eżami tat-tip tal-UE u/jew kull żieda magħhom, li dan ikun irrifjuta, irtira, issospenda jew inkella rrestrinġa u, meta jintalab, dwar iċ-ċertifikati u/jew iż-żidiet magħhom li jkun ħareġ.
Il-Kummissjoni, l-Istati Membri u l-korpi notifikati l-oħra jistgħu, meta jitolbuha, jiksbu kopja taċ-ċertifikati tal-eżami tat-tip tal-UE u/jew taż-żidiet magħhom. Meta jagħmlu talba motivata, il-Kummissjoni u l-Istati Membri jistgħu jiksbu kopja tad-dokumentazzjoni teknika u tar-riżultati tal-eżamijiet li għamel il-korp notifikat.
Il-korp notifikat għandu jżomm kopja taċ-ċertifikat tal-eżami tat-tip tal-UE, tal-annessi u taż-żidiet miegħu, kif ukoll il-fajl tekniku li jinkludi d-dokumentazzjoni li ppreżenta l-manifattur għal għaxar (10) snin minn meta jkun ġie vvalutat il-prodott jew sakemm tiskadi l-validità taċ-ċertifikat.
9. Il-manifattur għandu jżomm kopja taċ-ċertifikat tal-eżami tat-tip tal-UE, tal-annessi u taż-żidiet miegħu, flimkien mad-dokumentazzjoni teknika għad-dispożizzjoni tal-awtoritajiet nazzjonali għal għaxar (10) snin minn meta l-prodott jitqiegħed fis-suq.
10. Ir-rappreżentant awtorizzat tal-manifattur jista’ jippreżenta l-applikazzjoni msemmija fil-punt 3 u jissodisfa l-obbligi stabbiliti fil-punti 7 u 9, diment li dawn ikunu speċifikati fil-mandat.
Il-Modulu C
Il-konformità mat-tip abbażi tal-kontroll intern tal-produzzjoni
1. Il-konformità mat-tip abbażi tal-kontroll intern tal-produzzjoni hi l-parti mill-proċedura ta’ valutazzjoni tal-konformità li biha l-manifattur jissodisfa l-obbligi stabbiliti fil-punti 2 u 3, u jiżgura u jiddikjara li l-prodotti kkonċernati huma konformi mat-tip deskritt fiċ-ċertifikat tal-eżami tat-tip tal-UE u jissodisfaw ir-rekwiżiti applikabbli ta’ dan ir-Regolament.
2. Il-manifattura
Il-manifattur għandu jieħu l-miżuri meħtieġa kollha biex il-proċess tal-manifattura u l-monitoraġġ tiegħu jiżguraw il-konformità tal-prodott manifatturat mat-tip approvat, kif deskritt fiċ-ċertifikat tal-eżami tat-tip tal-UE, u mar-rekwiżiti applikabbli stabbiliti fil-Partijiet 1 sa 6, 16 u 17.
3. L-immarkar CE u d-dikjarazzjoni tal-konformità tal-UE
Il-manifattur għandu jwaħħal il-marka CE u, meta rilevanti, it-tikketta għall-identifikazzjoni tal-klassi tal-UA skont l-Artikoli 15 u 16 ta’ dan ir-Regolament fuq kull prodott li jkun konformi mat-tip deskritt fiċ-ċertifikat tal-eżami tat-tip tal-UE u jissodisfa r-rekwiżiti applikabbli stabbiliti fil-Partijiet 1 sa 6, 16 u 17.
Il-manifattur għandu jagħmel dikjarazzjoni tal-konformità tal-UE bil-miktub għal kull tip ta’ prodott u jżommha għad-dispożizzjoni tal-awtoritajiet nazzjonali, għal perjodu ta’ għaxar (10) snin minn meta l-prodott jitqiegħed fis-suq. Id-dikjarazzjoni tal-konformità tal-UE għandha tidentifika b’mod ċar it-tip ta’ prodott li għalih tkun tfasslet.
Kopja tad-dikjarazzjoni tal-konformità tal-UE għandha tingħata lill-awtoritajiet rilevanti meta tintalab.
4. Ir-rappreżentant awtorizzat
L-obbligi tal-manifattur stabbiliti fil-punt 3 jista’ jissodisfahom ir-rappreżentant awtorizzat tiegħu, f’ismu u fir-responsabbiltà tiegħu, diment li dawn ikunu speċifikati fil-mandat.
PARTI 9
Il-Modulu H – Valutazzjoni tal-Konformità – Konformità bbażata fuq assigurazzjoni sħiħa tal-kwalità
1. Il-konformità bbażata fuq assigurazzjoni sħiħa tal-kwalità hi l-proċedura ta’ valutazzjoni tal-konformità li biha l-manifattur jissodisfa l-obbligi stabbiliti fil-paragrafi 2 u 5, u jiżgura u jiddikjara fir-responsabbiltà unika tiegħu li l-prodott ikkonċernat jissodisfa r-rekwiżiti applikabbli stabbiliti fil-Partijiet 1 sa 6, 16 u 17.
2. Il-manifattura
Il-manifattur għandu jħaddem sistema tal-kwalità approvata għad-disinn, il-manifattura, l-ispezzjoni finali u l-ittestjar tal-prodott ikkonċernat kif speċifikat fil-punt 3 u għandu jkun soġġett għas-sorveljanza kif speċifikat fil-punt 4.
3. Is-sistema tal-kwalità
Il-manifattur għandu jippreżenta applikazzjoni għall-valutazzjoni tas-sistema tal-kwalità tiegħu lill-korp notifikat tal-għażla tiegħu għall-prodott ikkonċernat.
L-applikazzjoni għandha tinkludi:
l-isem u l-indirizz tal-manifattur u, jekk l-applikazzjoni jippreżentaha r-rappreżentant awtorizzat, l-isem u l-indirizz tiegħu wkoll;
id-dokumentazzjoni teknika għal kull tip ta’ prodott previst li jiġi manifatturat, li jkun fiha l-elementi stabbiliti fil-Parti 10 meta applikabbli;
id-dokumentazzjoni dwar is-sistema tal-kwalità;
dikjarazzjoni bil-miktub li l-istess applikazzjoni ma ġietx ippreżentata ma’ xi korp notifikat ieħor.
Is-sistema tal-kwalità għandha tiżgura l-konformità tal-prodott mar-rekwiżiti ta’ dan ir-Regolament.
L-elementi, ir-rekwiżiti u d-dispożizzjonijiet kollha adottati mill-manifattur għandhom jiġu dokumentati b’mod sistematiku u b’mod ordnat bil-għamla ta’ dikjarazzjonijiet ta’ politika, proċeduri u struzzjonijiet miktuba. Din id-dokumentazzjoni ta’ sistema tal-kwalità għandha tippermetti interpretazzjoni konsistenti tal-programmi, tal-pjanijiet, tal-manwali u tar-rekords tal-kwalità.
Id-dokumentazzjoni għandha tinkludi, b’mod partikolari, deskrizzjoni adegwata ta’:
l-objettivi tal-kwalità u l-istruttura organizzattiva, ir-responsabbiltajiet u s-setgħat tal-maniġment fir-rigward tat-tfassil u l-kwalità tal-prodott;
l-ispeċifikazzjonijiet tad-disinn tekniku, inkluż l-istandards, li se jiġu applikati, u meta l-istandards armonizzati rilevanti mhux se jiġu applikati għalkollox, il-mezzi li se jintużaw biex ikun żgurat li se jiġu ssodisfati r-rekwiżiti ta’ dan ir-Regolament;
it-tekniki tal-kontroll tad-disinn u tal-verifika tad-disinn, il-proċessi u l-azzjonijiet sistematiċi li se jintużaw waqt it-tfassil tal-prodotti li jappartjenu għat-tip ta’ prodott kopert;
il-manifattura korrispondenti, it-tekniki tal-kontroll tal-kwalità u tal-assigurazzjoni tal-kwalità, il-proċessi u l-azzjonijiet sistematiċi li se jintużaw;
l-eżamijiet u t-testijiet li se jsiru qabel, waqt u wara l-manifattura, u l-frekwenza tagħhom;
ir-reġistri tal-kwalità, bħar-rapporti tal-ispezzjonijiet u d-data tat-testijiet, data dwar il-kalibrazzjoni, rapporti dwar il-kwalifiki jew l-approvazzjonijiet tal-persuni kkonċernati, eċċ.;
il-mezz li jimmonitorja li qed tinkiseb il-kwalità meħtieġa tad-disinn u tal-prodott, u t-tħaddim effettiv tas-sistema tal-kwalità.
Il-korp notifikat għandu jivvaluta s-sistema tal-kwalità biex jiddetermina jekk din tissodisfax ir-rekwiżiti msemmija fil-punt 3(2).
Għandu jassumi l-konformità ma’ dawk ir-rekwiżiti fir-rigward tal-elementi tas-sistema tal-kwalità li jikkonformaw mal-ispeċifikazzjonijiet korrispondenti tal-istandard armonizzat rilevanti.
Minbarra esperjenza fis-sistemi tal-ġestjoni tal-kwalità, it-tim tal-awditjar għandu jkollu mill-anqas membru wieħed esperjenzat bħala assessur fil-qasam tal-prodott rilevanti u fit-teknoloġija tal-prodott ikkonċernat, u li jkollu għarfien fir-rekwiżiti applikabbli ta’ dan ir-Regolament. L-awditjar għandu jinkludi żjara ta’ valutazzjoni fil-post tal-manifattur. It-tim tal-awditjar għandu jeżamina d-dokumentazzjoni teknika msemmija fil-punt 3(1)(b) biex jivverifika l-abbiltà tal-manifattur li jidentifika r-rekwiżiti applikabbli ta’ dan ir-Regolament u biex jagħmel l-eżamijiet meħtieġa ħalli jiżgura l-konformità tal-prodott ma’ dawn ir-rekwiżiti.
Il-manifattur jew ir-rappreżentant awtorizzat tiegħu għandu jiġi notifikat bid-deċiżjoni.
In-notifika għandha tinkludi l-konklużjonijiet tal-awditjar u d-deċiżjoni motivata tal-valutazzjoni.
Il-manifattur għandu jimpenja ruħu li jwettaq l-obbligi li timponi s-sistema tal-kwalità kif approvata u jmantniha biex din tibqa’ adegwata u effiċjenti.
Il-manifattur għandu jinforma lill-korp notifikat li approva s-sistema tal-kwalità dwar kull bidla intiża fis-sistema tal-kwalità.
Il-korp notifikat għandu jevalwa kull bidla proposta u jiddeċiedi jekk is-sistema tal-kwalità modifikata għadhiex tissodisfa r-rekwiżiti msemmija fil-punt 3(2) jew jekk hemmx bżonn valutazzjoni ġdida.
Il-korp notifikat għandu jinnotifika lill-manifattur bid-deċiżjoni tiegħu. In-notifika għandha tinkludi l-konklużjonijiet tal-eżami u d-deċiżjoni motivata tal-valutazzjoni.
4. Is-sorveljanza li hu responsabbli għaliha l-korp notifikat
Is-sorveljanza ssir bl-iskop li tiżgura li l-manifattur jissodisfa kif xieraq l-obbligi li timponi s-sistema tal-kwalità approvata.
Għall-finijiet tal-valutazzjoni, il-manifattur għandu jagħti aċċess lill-korp notifikat għas-siti tad-disinn, tal-manifattura, tal-ispezzjoni, tal-ittestjar u tal-ħażna, u għandu jagħtih kull informazzjoni meħtieġa, b’mod partikolari:
id-dokumentazzjoni tas-sistema tal-kwalità;
ir-reġistri tal-kwalità kif previsti mill-parti tad-disinn tas-sistema tal-kwalità, fosthom ir-riżultati ta’ analiżijiet, kalkoli, testijiet eċċ.;
ir-reġistri tal-kwalità kif previsti mill-parti tal-manifattura tas-sistema tal-kwalità, bħar-rapporti tal-ispezzjonijiet u d-data tat-testijiet, data dwar il-kalibrazzjoni, rapporti dwar il-kwalifiki tal-persunal, eċċ.
Il-korp notifikat għandu jwettaq awditjar perjodiku biex jiżgura li l-manifattur imantni u japplika s-sistema tal-kwalità u għandu jipprovdi rapport tal-awditjar lill-manifattur.
Barra minn hekk, il-korp notifikat jista’ jagħmel żjarat għal għarrieda lill-manifattur. Waqt dawn iż-żjarat u meta meħtieġ, il-korp notifikat jista’ jagħmel jew iqabbad lil min jagħmillu testijiet fuq il-UA jew il-UAS, biex jivverifika li s-sistema tal-kwalità qed taħdem sew. Għandu jagħti rapport taż-żjara lill-manifattur u, jekk ikunu saru xi testijiet, jagħtih rapport tat-testijiet.
5. L-immarkar CE u d-dikjarazzjoni tal-konformità tal-UE
Il-manifattur għandu jwaħħal il-marka CE u, meta rilevanti, it-tikketta għall-identifikazzjoni tal-klassi tal-UAS skont l-Artikoli 15 u 16 ta’ dan ir-Regolament u, bir-responsabbiltà tal-korp notifikat imsemmi fil-punt 3(1) ta’ din il-Parti, in-numru ta’ identifikazzjoni ta’ dan tal-aħħar ma’ kull prodott individwali li jissodisfa r-rekwiżiti applikabbli ta’ dan ir-Regolament.
Il-manifattur għandu jagħmel dikjarazzjoni tal-konformità tal-UE bil-miktub għal kull tip ta’ prodott u jżommha għad-dispożizzjoni tal-awtoritajiet nazzjonali, għal perjodu ta’ għaxar (10) snin minn meta l-prodott jitqiegħed fis-suq. Id-dikjarazzjoni tal-konformità tal-UE għandha tidentifika it-tip ta’ prodott li għalih tkun tfasslet.
Kopja tad-dikjarazzjoni tal-konformità tal-UE għandha tingħata lill-awtoritajiet rilevanti meta tintalab.
6. Għal perjodu li jintemm għaxar (10) snin wara li l-prodott ikun tqiegħed fis-suq, il-manifattur għandu jżomm għad-dispożizzjoni tal-awtoritajiet nazzjonali:
id-dokumentazzjoni teknika msemmija fil-punt 3(1);
id-dokumentazzjoni dwar is-sistema tal-kwalità msemmija fil-punt 3(1);
il-bidliet imsemmija fil-punt 3(5), kif approvati;
id-deċiżjonijiet u r-rapporti tal-korp notifikat imsemmija fil-punti 3(5), 4(3) u 4(4).
7. Kull korp notifikat għandu jinforma lill-awtorità ta’ notifika tiegħu dwar l-approvazzjonijiet tas-sistema tal-kwalità li dan ikun ħareġ jew irtira u, b’mod perjodiku jew meta jintalab, għandu jagħmel disponibbli għall-awtorità ta’ notifika tiegħu l-lista tal-approvazzjonijiet tas-sistema tal-kwalità li ġew rifjutati, sospiżi jew inkella ristretti.
Kull korp notifikat għandu jinforma lill-korpi notifikati l-oħra dwar l-approvazzjonijiet tas-sistema tal-kwalità li dan ikun irrifjuta, issospenda jew irtira u, meta jintalab, dwar l-approvazzjonijiet tas-sistema tal-kwalità li jkun ħareġ.
8. Ir-rappreżentant awtorizzat
L-obbligi tal-manifattur stabbiliti fil-punti 3(1), 3(5), 5 u 6 jista’ jissodisfahom ir-rappreżentant awtorizzat tiegħu, f’ismu u fir-responsabbiltà tiegħu, diment li dawn ikunu speċifikati fil-mandat.
PARTI 10
Il-kontenut tad-dokumentazzjoni teknika
Il-manifattur għandu jistabbilixxi d-dokumentazzjoni teknika. Id-dokumentazzjoni għandha tippermetti l-valutazzjoni tal-konformità tal-prodott mar-rekwiżiti applikabbli.
Meta applikabbli, id-dokumentazzjoni teknika għandha tinkludi mill-anqas l-elementi li ġejjin:
deskrizzjoni sħiħa tal-prodott li tinkludi:
ritratti jew tpinġijiet li juru l-karatteristiċi esterni, il-marki u t-tifsila interna tiegħu;
il-verżjonijiet ta’ kull software jew firmware involut fil-konformità mar-rekwiżiti stabbiliti minn dan ir-Regolament;
l-istruzzjonijiet tal-manifattur u tal-installazzjoni;
id-disinn kunċettwali u d-disinji tal-manifattura u l-iskemi tal-komponenti, is-subassemblaġġi, iċ-ċirkwiti u elementi simili rilevanti oħra;
deskrizzjonijiet u spjegazzjonijiet meħtieġa biex jinftiehmu dawk id-disinji u l-iskemi, u kif jaħdem il-prodott;
lista tal-istandards armonizzati applikati bis-sħiħ jew parzjalment, li r-referenzi tagħhom ġew pubblikati f’Il-Ġurnal Uffiċjali tal-Unjoni Ewropea u, meta dawk l-istandards armonizzati ma jkunux ġew applikati, deskrizzjonijiet tas-soluzzjonijiet adottati biex jiġu ssodisfati r-rekwiżiti essenzjali stabbiliti fl-Artikolu 4, inkluż lista ta’ speċifikazzjonijiet tekniċi rilevanti oħra applikati. Jekk l-istandards armonizzati ikunu ġew applikati parzjalment, id-dokumentazzjoni teknika għandha tispeċifika f’liema partijiet ġew applikati;
kopja tad-dikjarazzjoni tal-konformità tal-UE;
meta jkun ġie applikat il-Modulu tal-valutazzjoni tal-konformità fil-Parti 8, kopja taċ-ċertifikat tal-eżami tat-tip tal-UE u l-annessi tiegħu kif imwassla mill-korp notifikat involut;
ir-riżultati tal-kalkoli tad-disinn li jkunu saru, l-eżamijiet li twettqu, u elementi simili rilevanti oħra;
ir-rapporti tat-testijiet;
kopji tad-dokumenti li l-manifattur ikun ippreżenta lill-korp notifikat, jekk kien hemm xi wieħed involut;
l-evidenza ta’ sostenn tal-adegwatezza tas-soluzzjoni tad-disinn tekniku. Din l-evidenza ta’ sostenn għandha ssemmi kull dokument użat, b’mod partikolari meta l-istandards armonizzati rilevanti u/jew l-ispeċifikazzjonijiet tekniċi ma jkunux ġew applikati għalkollox. L-evidenza ta’ sostenn għandha tinkludi, meta meħtieġ, ir-riżultati tat-testijiet imwettqa mil-laboratorju xieraq tal-manifattur jew minn laboratorju tal-ittestjar ieħor f’ismu u fir-responsabbiltà tiegħu.
l-indirizzi tal-postijiet tal-manifattura u tal-ħażna.
PARTI 11
Id-dikjarazzjoni tal-konformità tal-UE
1. Il-prodott (it-tip, il-lott jew in-numru tas-serje).
2. L-isem u l-indirizz tal-manifattur jew tar-rappreżentant awtorizzat tiegħu.
3. Din id-dikjarazzjoni tal-konformità tinħareġ fir-responsabbiltà unika tal-manifattur. [f’każ ta’ sett tal-aċċessorji, il-manifattur tas-sett tal-aċċessorji jista’ jindika li dan iċ-ċertifikat jiddependi fuq iċ-ċertifikat tal-UAS li s-sett tal-aċċessorji jiżgura l-konverżjoni.]
4. L-oġġett tad-dikjarazzjoni [Identifikazzjoni tal-prodott li tippermetti t-traċċabbiltà; din tista’ tinkludi stampa bil-kulur b’biżżejjed riżoluzzjoni skont il-ħtieġa għall-identifikazzjoni tal-prodotti; fil-każ ta’ sett tal-aċċessorji, indika t-tip ta’ UAS li għalihom is-sett tal-aċċessorji jiżgura l-konverżjoni.]
5. L-oġġett tad-dikjarazzjoni deskritt hawn fuq hu tal-klassi… [għal UAS, inkludi n-numru tal-klassi kif definit mill-Partijiet 1 sa 5, 16 u 17 ta’ dan l-Anness; għal sett tal-aċċessorji, indika l-klassi li għaliha l-UAS qed tiġi konvertita].
6. Il-livell tal-potenza akustika garantit għal dan it-tagħmir tal-UAS hu … dB(A) [għall-UAS mingħajr ġwienaħ fissi tal-klassijiet 1 sa 3 biss].
7. L-oġġett tad-dikjarazzjoni deskritta hawn fuq hu konformi mal-leġiżlazzjoni rilevanti tal-Unjoni dwar l-armonizzazzjoni:
8. Ir-referenzi għall-istandards armonizzati rilevanti użati jew ir-referenzi għall-ispeċifikazzjonijiet tekniċi l-oħrajn li għalihom hi ddikjarata l-konformità. Ir-referenzi jridu jkunu elenkati bin-numru ta’ identifikazzjoni u bil-verżjoni tagħhom u, meta applikabbli, bid-data tal-ħruġ.
9. Meta applikabbli, il-korp notifikat … [l-isem, in-numru] … wettaq … [deskrizzjoni tal-intervent] … u ħareġ iċ-ċertifikat tal-eżami tal-UE tat-tip.
10. Meta applikabbli, deskrizzjoni tal-aċċessorji u tal-komponenti, inkluż is-software, li jippermettu lill-inġenju tal-ajru mingħajr bdot abbord jew lis-sistema tal-ajru mingħajr bdot abbord joperaw kif suppost u kif kopert mid-dikjarazzjoni tal-konformità tal-UE.
11. Informazzjoni addizzjonali:
Iffirmata għal u f’isem: …
[post u data tal-ħruġ]:
[isem, kariga] [firma]:
PARTI 12
Id-dikjarazzjoni simplifikata tal-konformità tal-UE
Id-dikjarazzjoni simplifikata tal-konformità tal-UE msemmija fl-Artikolu 14(3) għandha tingħata kif ġej:
PARTI 13
Kodiċi tat-test tal-istorbju
Din il-Parti tistabbilixxi l-metodi tal-kejl tal-istorbju fl-ajru li għandhom jintużaw għad-determinazzjoni tal-livelli tal-potenza akustika ponderati-A tal-klassijiet 1, 2, 3, 5 u 6 tal-UA.
Tistabbilixxi l-istandard bażiku tal-emissjonijiet tal-istorbju u l-kodiċi tat-test dettaljat biex jitkejjel il-livell tal-pressjoni tal-ħoss fuq superfiċe tal-kejl li tkun tiksi s-sors u biex jiġi kkalkulat il-livell tal-potenza akustika ġġenerat mis-sors.
1. STANDARD BAŻIKU TAL-EMISSJONIJIET TAL-ISTORBJU
Għad-determinazzjoni tal-livell tal-potenza akustika ponderat-A LWA tal-UA, se jintużaw l-istandards bażiċi tal-emissjonijiet tal-istorbju EN ISO 3744:2010 soġġetti għas-supplimenti li ġejjin:
2. IL-KUNDIZZJONIJIET TAL-INSTALLAZZJONI U TAL-IMMUNTAR
Żona tal-ittestjar:
Il-UA se jinżamm fl-arja fuq pjan riflessiv (akustikament iebes) wieħed. Il-UA għandu jitqiegħed ’il bogħod biżżejjed minn kull ħajt jew saqaf riflessiv jew minn kull oġġett riflessiv ħalli jiġu ssodisfati r-rekwiżiti mogħtija fl-Anness A EN ISO 3744:2010 fuq is-superfiċe tal-kejl.
Is-superfiċe tal-kejl tal-ħoss u l-arranġament tal-mikrofoni:
Il-UA ikun magħluq għalkollox f’superfiċe emisferika tal-kejl bħall-par § 7.2.3 tal-EN ISO 3744:2010.
In-numru u l-pożizzjoni tal-mikrofoni huma definiti fl-Anness F tal-EN ISO 3744:2010.
L-oriġini tas-superfiċe tal-kejl għandu jkun fil-punt O fuq il-pjan tal-art direttament taħt il-UA.
3. IL-KUNDIZZJONIJIET OPERATTIVI WAQT IT-TEST
It-testijiet tal-istorbju għandhom isiru b’rotors tal-UA li jaħdmu b’veloċità li tikkorrispondi għal meta l-UA jisseqqer bil-massa massima waqt it-tlugħ (l-MTOM).
Jekk il-UA jitqiegħed fis-suq b’aċċessorji li jistgħu jitqabbdu miegħu, dan jista’ jiġi ttestjat b’dawn l-aċċessorji u mingħajrhom f’kull konfigurazzjoni possibbli tal-UA.
4. KALKOLU TAL-LIVELL TA’ PRESSJONI AKUSTIKA TAS-SUPERFIĊE SKONT IL-MEDJA TAL-ĦIN
Il-livell ta’ pressjoni akustika ponderat-A tas-superfiċe skont il-medja tal-ħin għandu jiġi ddeterminat mill-anqas tliet darbiet għal kull konfigurazzjoni tal-UA. Jekk mill-anqas tnejn mill-valuri ddeterminati ma jvarjawx b’aktar minn 1 dB, ma jkunx hemm bżonn isir aktar kejl; inkella l-kejl għandu jissokta sakemm jinkisbu żewġ valuri li ma jvarjawx b’aktar minn 1 dB. Il-livell ta’ pressjoni akustika tas-superfiċe skont il-medja tal-ħin li jrid jintuża għall-kalkolu tal-livell tal-potenza akustika ta’ konfigurazzjoni tal-UA hu l-medja aritmetika tal-ogħla żewġ valuri li ma jvarjawx b’aktar minn 1 dB.
5. INFORMAZZJONI LI TRID TIĠI RRAPPURTATA
Ir-rapport għandu jinkludi d-data teknika meħtieġa biex jiġi identifikat is-sors ittestjat kif ukoll il-kodiċi tat-test tal-istorbju u d-data akustika.
Il-valur tal-livell tal-potenza akustika ponderat-A li jrid jiġi rrappurtat hu l-ogħla valur tal-konfigurazzjonijiet differenti tal-UA ittestjati, arrotondat lejn l-eqreb numru sħiħ (jekk anqas minn 0,5 uża l-iżgħar numru; jekk 0,5 jew akbar uża l-akbar numru).
PARTI 14
Indikazzjoni tal-livell tal-potenza akustika garantit
L-indikazzjoni tal-livell tal-potenza akustika garantit trid tikkonsisti min-numru uniku tal-potenza akustika garantita f’dB, is-sinjal LWA u pittogramma b’din l-għamla li ġejja:
Jekk l-indikazzjoni titnaqqas skont id-daqs tat-tagħmir, iridu jiġu rispettati l-proporzjonijiet mogħtija fit-tpinġija ta’ hawn fuq. Iżda jekk possibbli, jenħtieġ li d-dimensjoni vertikali tal-indikazzjoni ma tkunx anqas minn 20 mm.
PARTI 15
Il-livell massimu tal-potenza akustika għal kull klassi tal-UA (inkluż il-perjodi tranżizzjonali)
il-klassi tal-UA |
L-MTOM m fi grammi |
Il-livell massimu tal-potenza akustika LWA f’dB |
||
mid-dħul fis-seħħ |
wara sentejn (2) mid-dħul fis-seħħ |
wara erba’ (4) snin mid-dħul fis-seħħ |
||
C1 u C2 |
m < 900 |
85 |
83 |
81 |
C2 |
900 ≤ m < 4 000 |
85 + 18,5 lg |
83 + 18,5 lg |
81 + 18,5 lg |
Fejn “lg” hi l-logaritmu bażi 10.
PARTI 16
Rekwiżiti għal Sistema tal-inġenji tal-ajru mingħajr bdot abbord (UAS) tal-klassi C5 u l-aċċessorji C5
UAS tal-klassi C5 ikollha din it-tikketta għall-identifikazzjoni tal-klassi li ġejja fuq il-UA:
UAS tal-klassi C5 għandha tikkonforma mar-rekwiżiti definiti fil-Parti 4, ħlief dawk definiti fil-paragrafi (2) u (10) tal-Parti 4.
Barra minn hekk, għandha tikkonforma mar-rekwiżiti li ġejjin:
tkun inġenju tal-ajru li mhux inġenju tal-ajru bi ġwienaħ fissi sakemm ma tkunx marbuta;
jekk tkun mgħammra b’funzjoni tal-ġeokonsapevolezza skont il-paragrafu (10) tal-Parti 4;
waqt it-titjira, tipprovdi informazzjoni ċara u konċiża lill-bdot remot dwar l-għoli tal-UA ’il fuq mis-superfiċe jew il-punt tat-tlugħ;
sakemm ma tkunx marbuta, tkun mgħammra b’modalità ta’ veloċità baxxa li tista’ tintgħażel mill-bdot remot u tiġi limitata l-veloċità fuq l-art għal mhux aktar minn 5 m/s.
sakemm ma tkunx marbuta, tkun tipprovdi mezz biex il-bdot remot itemm it-titjira tal-UA, li għandu:
ikun affidabbli, prevedibbli u indipendenti mis-sistema awtomatika tal-kontroll u l-gwida tat-titjir; dan japplika wkoll għall-attivazzjoni ta’ dan il-mezz;
iġiegħel it-tniżżil tal-UA u jevita l-ispostament orizzontali motorizzat tagħha; u
jinkludi mezz li jnaqqas l-effett tad-dinamiki tal-impatt tal-UA;
sakemm ma tkunx marbuta, tipprovdi mezz lill-bdot remot biex jimmonitorja kontinwament il-kwalità tal-kollegament tal-kmand u tal-kontroll u jirċievi twissija meta aktarx se jintilef il-kollegament jew se jiddgħajjef sal-punt li jkun jikkomprometti t-twettiq sikur tal-operazzjoni, u twissija oħra meta l-kollegament jintilef; u
minbarra l-informazzjoni indikata fil-punt (15)(a) tal-Parti 4, fl-istruzzjonijiet tal-manifattur agħti deskrizzjoni tal-mezz li jtemm it-titjira meħtieġ fil-punt (5).
UAS tal-klassi C5 tista’ tikkonsisti minn UAS tal-klassi C3 mgħammra b’sett tal-aċċessorji li jiżgura l-konverżjoni tal-UAS tal-klassi C3 f’UAS tal-klassi C5. F’dan il-każ, it-tikketta tal-klassi C5 għandha titwaħħal fuq l-aċċessorji kollha.
Sett tal-aċċessorji jista’ jiżgura biss il-konverżjoni ta’ UAS tal-klassi C3 li tkun konformi mal-punt (1) u tkun tipprovdi l-interfaċċi meħtieġa għall-aċċessorji.
Is-sett tal-aċċessorji ma għandux jinkludi bidliet fis-software tal-UAS tal-klassi C3.
Is-sett tal-aċċessorji għandu jiġi ddisinjat, u kull aċċessorju għandu jiġi identifikat, biex tkun żgurata installazzjoni sħiħa u korretta minn operatur tal-UAS fuq UAS tal-klassi C3 skont l-istruzzjonijiet mogħtija mill-manifattur tas-sett tal-aċċessorji.
Is-sett għall-aċċessorji jista’ jitqiegħed fis-suq indipendentement mill-UAS tal-klassi C3 li għaliha jiżguraw il-konverżjoni. F’dan il-każ, il-manifattur tas-sett tal-aċċessorji għandu jqiegħed fis-suq sett tal-aċċessorji uniku għal konverżjoni li għandu:
ma jbiddilx il-konformità tal-UAS tal-klassi C3 mar-rekwiżiti tal-Parti 4;
jiżgura l-konformità tal-UAS mgħammra bis-sett tal-aċċessorji mar-rekwiżiti addizzjonali kollha definiti f’din il-Parti ħlief il-punt (3) hawn fuq; u
ikun akkumpanjat minn struzzjonijiet tal-manifattur li jipprovdu:
il-lista tal-UAS tal-klassi C3 kollha li għalihom jista’ jiġi applikat is-sett tal-aċċessorji; u
struzzjonijiet dwar kif għandhom jiġi installat u operat is-sett tal-aċċessorji.
PARTI 17
Rekwiżiti għal Sistema tal-inġenji tal-ajru mingħajr bdot abbord (UAS) tal-klassi C6
UAS tal-klassi C6 ikollha din it-tikketta għall-identifikazzjoni tal-klassi li ġejja fuq il-UA:
UAS tal-klassi C6 għandha tikkonforma mar-rekwiżiti definiti fil-Parti 4, ħlief dawk definiti fil-paragrafi (2), (7) u (10).
Barra minn hekk, għandha tikkonforma mar-rekwiżiti li ġejjin:
ikollha veloċità massima fuq l-art ta’ mhux aktar minn 50 m/s f’titjira livell;
jekk tkun mgħammra b’funzjoni tal-ġeokonsapevolezza skont il-paragrafu (10) tal-Parti 4;
waqt it-titjira, tipprovdi informazzjoni ċara u konċiża lill-bdot remot dwar il-pożizzjoni ġeografika tal-UA, il-veloċità tiegħu, u l-għoli tiegħu ’l fuq mis-superfiċe jew il-punt tat-tlugħ;
tipprovdi mezz li jevita li l-UA jikser il-limiti orizzontali u vertikali ta’ volum operattiv programmabbli;
tipprovdi mezz biex il-bdot remot itemm it-titjira tal-UA, li għandu:
ikun affidabbli, prevedibbli, indipendenti mis-sistema awtomatika tal-kontroll u l-gwida tat-titjir u indipendenti mill-mezz li jevita li l-UA jikser il-limiti orizzontali u vertikali kif meħtieġ fil-punt (4); dan japplika wkoll għall-attivazzjoni ta’ dan il-mezz; u
iġiegħel it-tniżżil tal-UA u jevita l-ispostament orizzontali motorizzat tiegħu;
tipprovdi mezz li jipprogramma t-trajettorja tal-UA;
tipprovdi mezz lill-bdot remot biex jimmonitorja kontinwament il-kwalità tal-kollegament tal-kmand u tal-kontroll u jirċievi twissija meta aktarx se jintilef il-kollegament jew se jiddgħajjef sal-punt li jkun jikkomprometti t-twettiq sikur tal-operazzjoni, u twissija oħra meta l-kollegament jintilef; u
minbarra l-informazzjoni indikata fil-punt (15)(a) tal-Parti 4, l-istruzzjonijiet tal-manifattur ikunu jinkludu:
deskrizzjoni tal-mezzi biex tintemm it-titjira meħtieġa fil-punt (5);
deskrizzjoni tal-mezz li jevita li l-UA jikser il-limiti orizzontali u vertikali tal-volum operattiv u d-daqs tal-volum ta’ kontinġenza meħtieġ biex jiġu akkomodati l-errur tal-valutazzjoni tal-pożizzjoni, il-ħin tar-reazzjoni u l-marġni tal-manuvrar ta’ korrezzjoni; u
id-distanza li aktarx se jivvjaġġa l-UA wara l-attivazzjoni tal-mezz li jtemm it-titjira definit fil-punt (5), li jrid iqis l-operatur tal-UAS meta jkun qed jiddefinixxi l-buffer tar-riskju fuq l-art.
( 1 ) Ir-Regolament (KE) Nru 551/2004 tal-Parlament Ewropew u tal-Kunsill tal-10 ta' Marzu 2004 dwar l-organizzazzjoni u l-użu tal-ispazju tal-ajru fl-ajru uniku Ewropew (ĠU L 96, 31.3.2004, p. 20).
( 2 ) Ir-Regolament ta’ Implimentazzjoni tal-Kummissjoni (UE) Nru 923/2012 tas-26 ta’ Settembru 2012 li jistabbilixxi regoli komuni tal-ajru u dispożizzjonijiet operattivi dwar is-servizzi u l-proċeduri fin-navigazzjoni bl-ajru u li jemenda r-Regolament ta’ Implimentazzjoni (UE) Nru 1035/2011 u r-Regolamenti (KE) Nru 1265/2007, (KE) Nru 1794/2006, (KE) Nru 730/2006, (KE) Nru 1033/2006 u (UE) Nru 255/2010 (ĠU L 281, 13.10.2012, p. 1).
( 3 ) Regolament (UE) Nru 376/2014 tal-Parlament Ewropew u tal-Kunsill tat-3 ta' April 2014 dwar ir-rappurtar, l-analiżi u s-segwitu ta' okkorrenzi fl-avjazzjoni ċivili, li jemenda r-Regolament (UE) Nru 996/2010 tal-Parlament Ewropew u tal-Kunsill u li jħassar id-Direttiva 2003/42/KE tal-Parlament Ewropew u tal-Kunsill, u r-Regolamenti tal-Kummissjoni (KE) Nru 1321/2007 u (KE) Nru 1330/2007 (ĠU L 122, 24.4.2014, p. 18).