EUR-Lex Access to European Union law
This document is an excerpt from the EUR-Lex website
Document 32021D2292
Council Decision (EU) 2021/2292 of 30 April 2021 on the submission, on behalf of the European Union, of a proposal for an Executive Body decision regarding the methodology for updates to reflect changes in the membership of the Union, with a view to the 41st session of the Executive Body of the Convention on Long-Range Transboundary Air Pollution, and on the position to be taken on behalf of the Union in that session
Deċiżjoni tal-Kunsill (UE) 2021/2292 tat-30 ta’ April 2021 dwar is-sottomissjoni, f’isem l-Unjoni Ewropea, ta’ proposta għal deċiżjoni tal-Korp Eżekuttiv dwar il-metodoloġija għall-aġġornamenti biex jiġu riflessi l-bidliet fis-sħubija tal-Unjoni, fid-dawl tal-41 sessjoni tal-Korp Eżekuttiv tal-Konvenzjoni dwar it-Tniġġis Transkonfini tal-Arja f’Distanza Twila, u dwar il-pożizzjoni li għandha tittieħed f’isem l-Unjoni f’dik is-sessjoni
Deċiżjoni tal-Kunsill (UE) 2021/2292 tat-30 ta’ April 2021 dwar is-sottomissjoni, f’isem l-Unjoni Ewropea, ta’ proposta għal deċiżjoni tal-Korp Eżekuttiv dwar il-metodoloġija għall-aġġornamenti biex jiġu riflessi l-bidliet fis-sħubija tal-Unjoni, fid-dawl tal-41 sessjoni tal-Korp Eżekuttiv tal-Konvenzjoni dwar it-Tniġġis Transkonfini tal-Arja f’Distanza Twila, u dwar il-pożizzjoni li għandha tittieħed f’isem l-Unjoni f’dik is-sessjoni
ST/7682/2021/INIT
ĠU L 458, 22.12.2021, p. 512–513
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
22.12.2021 |
MT |
Il-Ġurnal Uffiċjali tal-Unjoni Ewropea |
L 458/512 |
DEĊIŻJONI TAL-KUNSILL (UE) 2021/2292
tat-30 ta’ April 2021
dwar is-sottomissjoni, f’isem l-Unjoni Ewropea, ta’ proposta għal deċiżjoni tal-Korp Eżekuttiv dwar il-metodoloġija għall-aġġornamenti biex jiġu riflessi l-bidliet fis-sħubija tal-Unjoni, fid-dawl tal-41 sessjoni tal-Korp Eżekuttiv tal-Konvenzjoni dwar it-Tniġġis Transkonfini tal-Arja f’Distanza Twila, u dwar il-pożizzjoni li għandha tittieħed f’isem l-Unjoni f’dik is-sessjoni
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 192(1), flimkien mal-Artikolu 218(9) tiegħu,
Wara li kkunsidra l-proposta tal-Kummissjoni Ewropea,
Billi:
|
(1) |
Il-Protokoll tal-1999 għat-Tnaqqis tal-Aċidifikazzjoni, l-Ewtrofikazzjoni u l-Ożonu Troposferiku għall-Konvenzjoni dwar it-Tniġġis Transkonfini tal-Arja f’Distanza Twila, kif emendata fl-4 ta’ Mejju 2012 (il-“Protokoll ta’ Gothenburg emendat”) ġie approvat mill-Unjoni permezz tad-Deċiżjoni tal-Kunsill (UE) 2017/1757 (1) u daħal fis-seħħ fis-7 ta’ Ottubru 2019. |
|
(2) |
Fis-36 sessjoni tal-Korp Eżekuttiv tal-Konvenzjoni fuq it-Tniġġis Transkonfini tal-Arja f’Distanza Twila (il-‘Konvenzjoni’), il-Partijiet għall-Konvenzjoni appellaw lill-Unjoni u lill-Istati Membri tagħha biex jipproponu metodoloġija għall-aġġustament tal-limiti tal-emissjonijiet tal-Unjoni stabbiliti fit-Tabella 1 tal-Anness II għall-Protokoll ta’ Gothenburg oriġinali kif adottat fl-1999, biex jitqiesu bidliet fis-sħubija fl-Unjoni. |
|
(3) |
Fis-37 sessjoni tal-Korp Eżekuttiv tal-Konvenzjoni, deċiżjoni proposta mill-Unjoni u mill-Istati Membri tagħha ġiet adottata bid-Deċiżjoni 2017/3 tal-Korp Eżekuttiv. |
|
(4) |
Il-metodoloġija għall-aġġornament tal-valuri tal-Unjoni stabbiliti fit-Tabelli 2 sa 6 tal-Anness II għall-Protokoll ta’ Gothenburg emendat, imsejsa esklużivament fuq kalkolu matematiku li juża biss informazzjoni li diġà hija stabbilita f’dawk it-tabelli biex jitqiesu bidliet fis-sħubija fl-Unjoni, hija meħtieġa biex tippermetti li tali bidliet jiġu riflessi b’mod korrett fid-dawl tar-rieżami tal-konformità tal-Unjoni mal-obbligi tagħha skont il-Protokoll ta’ Gothenburg emendat. Dan ma huwa marbut mal-ebda aġġustament tal-limiti nazzjonali tal-emissjonijiet jew mal-impenji nazzjonali għat-tnaqqis tal-emissjonijiet fit-tabelli tal-Anness II għall-Protokoll ta’ Gothenburg emendat. |
|
(5) |
Ladarba l-metodoloġija għall-aġġornamenti tiġi adottata mill-Korp Eżekuttiv tal-Konvenzjoni, jenħtieġ li l-Kummissjoni tippreżenta f’isem l-Unjoni l-aġġornamenti meħtieġa lis-Segretarju Eżekuttiv tal-Kummissjoni Ekonomika għall-Ewropa tan-Nazzjonijiet Uniti li jimplimenta dik il-metodoloġija, biex jitqiesu l-bidliet fis-sħubija tal-Unjoni minn meta ġie adottat il-Protokoll ta’ Gothenburg emendat. Jenħtieġ li l-Kummissjoni tippreżenta wkoll kwalunkwe aġġornament meħtieġ f’każ ta’ bidliet sussegwenti fis-sħubija fl-Unjoni. |
|
(6) |
Huwa xieraq li tiġi stabbilita l-pożizzjoni li għandha tittieħed f’isem l-Unjoni fil-Korp Eżekuttiv tal-Konvenzjoni, peress li d-deċiżjoni tal-Korp Eżekuttiv ser tkun vinkolanti għall-Unjoni, |
ADOTTA DIN ID-DEĊIŻJONI:
Artikolu 1
1. Fil-41 sessjoni tal-Korp Eżekuttiv tal-Konvenzjoni, l-Unjoni għandha taħdem lejn l-objettiv li: tiġi stabbilita l-metodoloġija li tippermetti l-aġġornamenti tal-linji bażi tal-emissjonijiet tal-Unjoni u l-impenji għat-tnaqqis tal-emissjonijiet stabbiliti fit-Tabelli 2 sa 6 tal-Anness II għall-Protokoll ta’ Gothenburg emendat, imsejsa esklużivament fuq kalkolu matematiku li juża biss informazzjoni li diġà hija stabbilita f’dawk it-tabelli, sabiex biex jiġi żgurat li l-valuri tal-Unjoni f’dawk it-tabelli jkunu jistgħu jiġu aġġornati biex jirriflettu b’mod korrett is-somma totali tal-linji bażi tal-emissjonijiet tal-Istati Membri tagħha u l-impenji għat-tnaqqis tal-emissjonijiet, wara bidliet fis-sħubija fl-Unjoni.
2. Fid-dawl tal-41 sessjoni tal-Korp Eżekuttiv tal-Konvenzjoni, u sabiex jinkiseb l-objettiv stabbilit fil-paragrafu 1, l-Unjoni għandha tissottometti l-proposta għall-metodoloġija meħtieġa (2).
3. Il-Kummissjoni, f’isem l-Unjoni, għandha tikkomunika dik il-proposta lis-Segretarjat tal-Konvenzjoni.
Artikolu 2
1. L-Unjoni tista’ tappoġġa l-emendi proposti minn Partijiet oħra għall-Konvenzjoni bil-kundizzjoni li dawn jikkontribwixxu biex jintlaħqu l-objettiv tal-Unjoni kif stabbilit fl-Artikolu 1.
2. Fejn Partijiet oħra għall-Konvenzjoni jipproponu li d-deċiżjoni tal-Korp Eżekuttiv tuża l-Artikolu 13(2) tal-Protokoll ta’ Gothenburg bħala l-bażi legali tagħha, l-Unjoni tista’ taċċetta dik il-proposta u tidħol f’negozjati f’dan ir-rigward.
3. Fejn Partijiet oħra għall-Konvenzjoni jitolbu li l-proċedura għas-sottomissjoni tal-valuri aġġornati għall-Unjoni tiġi allinjata mal-proċedura stabbilita fl-Artikolu 13(4) u (5) tal-Protokoll ta’ Gothenburg, l-Unjoni tista’ tipproponi proċedura simplifikata.
Artikolu 3
Jista’ jintlaħaq qbil dwar l-irfinar tal-pożizzjoni stabbilita fl-Artikoli 1 u 2, fid-dawl tal-iżviluppi fil-41 sessjoni tal-Korp Eżekuttiv tal-Konvenzjoni, minn rappreżentanti tal-Unjoni, f’konsultazzjoni mal-Istati Membri, waqt il-laqgħat ta’ koordinazzjoni fuq il-post, mingħajr deċiżjoni ulterjuri tal-Kunsill.
Artikolu 4
Ladarba l-metodoloġija li tippermetti l-aġġornamenti msemmijin fl-Artikolu 1(1) tkun ġiet adottata mill-Korp Eżekuttiv tal-Konvenzjoni, il-Kummissjoni għandha tippreżenta, f’isem l-Unjoni, l-aġġornamenti meħtieġa li jimplimentaw dik il-metodoloġija.
Artikolu 5
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, it-30 ta’ April 2021.
Għall-Kunsill
Il-President
A. P. ZACARIAS
(1) Id-Deċiżjoni tal-Kunsill (UE) 2017/1757 tas-17 ta’ Lulju 2017 dwar l-aċċettazzjoni f’isem l-Unjoni Ewropea ta’ Emenda lill-Protokoll tal-1999 għall-Konvenzjoni tal-1979 dwar it-Tniġġis Transkonfini tal-Arja Fuq Distanza Twila Sabiex Jitnaqqsu l-Aċidifikazzjoni, l-Ewtrofikazzjoni u l-Ożonu Troposferiku (ĠU L 248, 27.9.2017, p. 3).
(2) Ara d-dokument ST 7683/21 fuq http://register.consilium.europa.eu