Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 62017TN0286

    Kawża T-286/17: Rikors ippreżentat fit-12 ta’ Mejju 2017 – Yanukovych vs Il-Kunsill

    ĠU C 231, 17.7.2017, p. 38–39 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

    17.7.2017   

    MT

    Il-Ġurnal Uffiċjali tal-Unjoni Ewropea

    C 231/38

    Rikors ippreżentat fit-12 ta’ Mejju 2017 – Yanukovych vs Il-Kunsill

    (Kawża T-286/17)

    (2017/C 231/47)

    Lingwa tal-kawża: l-Ingliż

    Partijiet

    Rikorrent: Oleksandr Viktorovych Yanukovych (Donetsk, l-Ukrajna) (rappreżentant: T. Beazley, QC)

    Konvenut: Il-Kunsill tal-Unjoni Ewropea

    Talbiet

    —

    tannulla d-Deċiżjoni tal-Kunsill (PESK) 2017/381, tat-3 ta’ Marzu 2017, li temenda d-Deċiżjoni 2014/119/PESK dwar miżuri restrittivi diretti kontra ċerti persuni, entitajiet u korpi fid-dawl tas-sitwazzjoni fl-Ukrajna (ĠU 2017, L 58, p. 34) sa fejn din tapplika għar-rikorrent;

    —

    tannulla Regolament ta’ Implimentazzjoni tal-Kunsill (UE) 2017/374, tat-3 ta’ Marzu 2017, li jimplimenta r-Regolament (UE) Nru 208/2014 dwar miżuri restrittivi diretti kontra ċerti persuni, entitajiet u korpi fid-dawl tas-sitwazzjoni fl-Ukrajna (ĠU 2017, L 58, p. 1), sa fejn din tapplika għar-rikorrent.

    —

    tikkundanna lill-Kunsill għall-ispejjeż tar-rikorrent.

    Motivi u argumenti prinċipali

    Insostenn tar-rikors, ir-rikorrent jinvoka seba’ motivi.

    1.

    L-ewwel motiv ibbażat fuq li l-Kunsill ma kellux bażi legali xierqa għall-atti kkontestati.

    —

    Il-kundizzjonijiet li jippermettu lill-Kunsill jibbaża ruħu fuq l-Artikolu 29 TUE ma kinux issodisfatti bid-deċiżjoni kkontestata.

    —

    Il-kundizzjonijiet li jippermettu li wieħed jibbaża ruħu fuq l-Artikolu 215 TFUE ma kinux issodisfatti, u dan għaliex ma kien hemm ebda deċiżjoni valida skont il-Kapitolu 2 tat-Titolu V TUE.

    —

    Ma kien hemm ebda rabta suffiċjenti sabiex wieħed jinvoka l-Artikolu 215 TFUE kontra r-rikorrent.

    2.

    It-tieni motiv ibbażat fuq li l-Kunsill wettaq użu ħażin tal-poteri tiegħu.

    —

    L-għan reali tal-Kunsill fl-implementazzjoni tal-atti kkontestati essenzjalment kien li jipprova jintgħoġob mar-reġim attwali fl-Ukrajna (biex b’hekk l-Ukrajna tiżviluppa rabtiet iktar mill-qrib mal-Unjoni), u mhux l-għanijiet/raġunamenti invokati fl-atti kkontestati.

    3.

    It-tielet motiv ibbażat fuq li l-Kunsill naqas mill-obbligu ta’ motivazzjoni tiegħu.

    —

    Il-“motivazzjoni” adottata fl-atti kkontestati sabiex ir-rikorrent jiġi inkluż (minbarra li hija żbaljata) hija sterjotipata, inadegwata u speċifikata b’mod mhux xieraq.

    4.

    Ir-raba’ motiv ibbażat fuq li r-rikorrent ma jissodisfax il-kriterji meħtieġa sabiex persuna tiġi inkluża fil-lista fiż-żmien rilevanti.

    5.

    Il-ħames motiv ibbażat fuq li l-Kunsill wettaq żbalji manifesti ta’ evalwazzjoni meta inkluda lir-rikorrent fil-miżuri kkontestati. Billi reġà indika lir-rikorrent, minkejja n-nuqqas ċar ta’ konnessjoni bejn “il-motivazzjoni” u l-kriterji rilevanti ta’ indikazzjoni, il-Kunsill wettaq żball manifest.

    6.

    Is-sitt motiv ibbażat fuq li d-drittijiet tad-difiża tar-rikorrent ġew miksura u/jew li huwa ġie miċħud protezzjoni ġudizzjarja effettiva. Fost affarijiet oħra, il-Kunsill naqas milli b’xod xieraq jikkonsulta mar-rikorrent qabel ma wettaq l-indikazzjoni mill-ġdid, u r-rikorrent ma ngħatax opportunità xierqa u ġusta sabiex jew jikkoreġi żbalji jew inkella jipproduċi informazzjoni dwar iċ-ċirkustanzi personali tiegħu.

    7.

    Is-seba motiv ibbażat fuq li d-drittijiet tar-rikorrent għall-proprjetà taħt l-Artikolu 17(1) tal-Karta tad-Drittijiet Fundamentali tal-Unjoni Ewropea ġew miksura sa fejn, fost oħrajn, il-miżuri restrittivi jikkostitwixxu restrizzjoni mhux ġustifikata u sproporzjonata ta’ dawk id-drittijiet.
    Top