This document is an excerpt from the EUR-Lex website
Document 62016CN0663
Case C-663/16 P: Appeal brought on 21 December 2016 by Lysoform Dr. Hans Rosemann GmbH and Ecolab Deutschland GmbH against the order of the General Court (Fifth Chamber) delivered on 12 October 2016 in Case T-669/15: Lysoform Dr. Hans Rosemann GmbH and Ecolab Deutschland GmbH v European Chemicals Agency
Kawża C-663/16 P: Appell ippreżentat fil-21 ta’ Diċembru 2016 minn Lysoform Dr. Hans Rosemann GmbH u Ecolab Deutschland GmbH mid-digriet mogħti mill-Qorti Ġenerali (Il-Ħames Awla) fit-12 ta’ Ottubru 2016 fil-Kawża T-669/15, Lysoform Dr. Hans Rosemann GmbH u Ecolab Deutschland GmbH vs L-Aġenzija Ewropea għas-Sustanzi Kimiċi
Kawża C-663/16 P: Appell ippreżentat fil-21 ta’ Diċembru 2016 minn Lysoform Dr. Hans Rosemann GmbH u Ecolab Deutschland GmbH mid-digriet mogħti mill-Qorti Ġenerali (Il-Ħames Awla) fit-12 ta’ Ottubru 2016 fil-Kawża T-669/15, Lysoform Dr. Hans Rosemann GmbH u Ecolab Deutschland GmbH vs L-Aġenzija Ewropea għas-Sustanzi Kimiċi
ĠU C 53, 20.2.2017, p. 25–25
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
|
20.2.2017 |
MT |
Il-Ġurnal Uffiċjali tal-Unjoni Ewropea |
C 53/25 |
Appell ippreżentat fil-21 ta’ Diċembru 2016 minn Lysoform Dr. Hans Rosemann GmbH u Ecolab Deutschland GmbH mid-digriet mogħti mill-Qorti Ġenerali (Il-Ħames Awla) fit-12 ta’ Ottubru 2016 fil-Kawża T-669/15, Lysoform Dr. Hans Rosemann GmbH u Ecolab Deutschland GmbH vs L-Aġenzija Ewropea għas-Sustanzi Kimiċi
(Kawża C-663/16 P)
(2017/C 053/31)
Lingwa tal-kawża: l-Ingliż
Partijiet
Appellanti: Lysoform Dr. Hans Rosemann GmbH, Ecolab Deutschland GmbH (rappreżentati: M. Grunchard, K. Van Maldegem, P. Sellar, avukati)
Parti l-oħra fil-proċedura: L-Aġenzija Ewropea għas-Sustanzi Kimiċi
Talbiet
|
— |
tannulla d-digriet tal-Qorti Ġenerali fil-Kawża T-669/15; u |
|
— |
tiddeċiedi dwar l-ammissibbiltà u tirrinvija l-kawża lill-Qorti Ġenerali sabiex tagħti deċiżjoni fuq il-mertu tal-każ; |
|
— |
sussidjarjament, tirrinvija l-kawża lill-Qorti Ġenerali sabiex tiddeċiedi dwar l-ammissibbiltà tal-appell imressaq mill-appellanti għall-annullament tal-att ikkontestat; u, kif xieraq, tagħti deċiżjoni fuq il-mertu tal-każ; |
|
— |
tikkundanna lill-konvenuta għall-ispejjeż ta’ din il-proċedura (inklużi l-ispejjeż relatati mal-eċċezzjoni ta’ inammissibbiltà quddiem il-Qorti Ġenerali). |
Aggravji u argumenti prinċipali
L-appellanti jsostnu li l-Qorti Ġenerali interpretat u applikat il-liġi b’mod żbaljat, li wassalha sabiex twettaq żball ta’ liġi meta ddikjarat inammissibbli l-appell imressaq mill-appellanti għall-annullament tal-att ikkontestat.
B’mod partikolari, l-appellanti jsostnu li l-Qorti Ġenerali wettqet diversi żbalji fil-motivazzjoni u fl-interpretazzjoni tagħha tal-kuntest legali applikabbli għas-sitwazzjoni tal-appellanti. Dan wassal lill-Qorti Ġenerali tagħmel l-iżbalji ta’ liġi li ġejjin:
|
— |
il-Qorti Ġenerali għamlet interpretazzjoni u applikazzjoni żbaljata tal-Artikolu 130(1) tar-Regoli tal-Proċedura tal-Qorti Ġenerali, inkwantu daħlet fil-mertu tal-kawża; |
|
— |
il-Qorti Ġenerali għamlet interpretazzjoni u applikazzjoni żbaljata tal-Artikolu 130(7) tar-Regoli tal-Proċedura tal-Qorti Ġenerali, inkwantu naqset milli teddeċiedi dwar l-ammissibbiltà sakemm tkun semgħet l-argumenti kollha magħmula fuq il-mertu tal-każ. |
Barra minn hekk, bid-dikjarazzjoni tagħha li l-appell tal-appellanti kien inammissibbli, il-Qorti Ġenerali kisret id-drittijiet tad-difiża tal-appellanti, id-dritt tagħhom għal aċċess għall-ġustizzja u d-dmir ta’ motivazzjoni li jaqgħu taħt id-drittijiet fundamentali tal-individwi u, għalhekk, jirriflettu prinċipji ġenerali ta’ dritt tal-Unjoni Ewropea.
Għal dawn ir-raġunijiet, l-appellanti jitolbu li d-digriet tal-Qorti Ġenerali fil-Kawża T-669/15 jiġi annullat u li l-Qorti tal-Ġustizzja tagħti deċiżjoni dwar l-ammissibbiltà u tirrinvija l-kawża lill-Qorti Ġenerali sabiex tagħti deċiżjoni fuq il-mertu tal-każ.