Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 52008IP0555

Rapport speċjali mill-Ombudsman Ewropew lill-Parlament Ewropew wara l-abbozz ta' rakkomandazzjoni lill-Kunsill tal-Unjoni Ewropea fl-ilment Nru 1487/2005/GG
Riżoluzzjoni tal-Parlament Ewropew tal- 20 ta’ Novembru 2008 dwar ir-Rapport Speċjali tal-Ombudsman Ewropew wara l-abbozz ta’ rakkomandazzjoni lill-Kunsill tal-Unjoni Ewropea fl-ilment Nru 1487/2005/GG (2008/2072(INI))

ĠU C 16E, 22.1.2010, pp. 33–34 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

22.1.2010   

MT

Il-Ġurnal Uffiċjali tal-Unjoni Ewropea

CE 16/33

Rapport speċjali mill-Ombudsman Ewropew lill-Parlament Ewropew wara l-abbozz ta' rakkomandazzjoni lill-Kunsill tal-Unjoni Ewropea fl-ilment Nru 1487/2005/GG

P6_TA(2008)0555

Riżoluzzjoni tal-Parlament Ewropew tal-20 ta' Novembru 2008 dwar ir-Rapport Speċjali tal-Ombudsman Ewropew wara l-abbozz ta' rakkomandazzjoni lill-Kunsill tal-Unjoni Ewropea fl-ilment Nru 1487/2005/GG (2008/2072(INI))

(2010/C 16 E/06)

Il-Parlament Ewropew,

—

wara li kkunsidra r-Rapport Speċjali mill-Ombudsman Ewropew lill-Parlament Ewropew,

—

wara li kkunsidra l-Artikolu 195(1), it-tieni subparagrafu, tat-Trattat KE,

—

wara li kkunsidra d-Deċiżjoni 94/262/KEFA, KE, Euratom tal-Parlament Ewropew tad-9 ta' Marzu 1994 dwar ir-regolamenti u l-kundizzjonijiet ġenerali li jirregolaw it-twettiq tal-obbligi tal-Ombudsman (1), u b'mod partikolari l-Artikolu 3(7) tagħha,

—

wara li kkunsidra l-istudji li saru mill-Kummissjoni Ewropea li kienu ppubblikati fil-ħarġiet speċjali tal-Eurobarometer Nru 237 u Nru 243 dwar it-tixrid tal-lingwi fl-Unjoni Ewropea,

—

wara li kkunsidra l-Artikolu 3(5) tal-Istatut tal-Ombudsman, li jagħti istruzzjonijiet lill-Ombudsman biex ifittex, sa fejn hu possibbli, soluzzjoni mal-istituzzjoni kkonċernata sabiex jiġi eliminat il-każ ta' amministrazzjoni ħażina u jiġi ssodisfat min ikun qed jagħmel l-ilment,

—

wara li kkunsidra l-Artikolu 195(2), l-ewwel sentenza, tar-Regoli ta' Proċedura tiegħu,

—

wara li kkunsidra r-rapport tal-Kumitat għall-Petizzjonijiet (A6-0395/2008),

A.

billi t-titjib fit-trasparenza, fil-promozzjoni tal-multilingwiżmu u fl-għoti ta' informazzjoni preċiża lill-pubbliku huma għanijiet li tingħatalhom l-akbar prijorità fl-UE u fl-istituzzjonijiet tagħha,

B.

billi l-aċċess sempliċi għall-informazzjoni għall-akbar numru possibbli ta' ċittadini tal-UE huwa prerekwiżit importanti, u element fundamentali tal-prinċipji ġenerali tal-leġittimità demokratika u tat-trasparenza,

C.

filwaqt li jixtieq li l-akbar għadd possibbli ta' ċittadini jkollhom aċċess dirett għall-informazzjoni dwar l-attivitajiet tal-istituzzjonijiet tal-UE fil-formazzjonijiet kollha tagħhom,

D.

billi din ix-xewqa għandha tkun kompatibbli mal-isfida loġistika imposta mill-għadd kbir ta' lingwi uffiċjali tal-UE,

E.

billi l-internet qed jikber fl-importanza tiegħu bħala mezz ta' ksib ta' informazzjoni u għaldaqstant għandu jintuża wkoll mill-Unjoni Ewropea fl-isforzi tagħha biex tinkiseb it-trasparenza u tinxtered l-informazzjoni,

1.   Japprova l-konklużjonijiet tal-Ombudsman, jiġifieri:

a)

il-Kunsill, bħal kull istituzzjoni tal-UE, hu stess qabel kollox huwa responsabbli għas-siti tal-internet dwar il-presidenza tiegħu u l-lingwi użati fihom;

b)

il-prattiki li juża l-Kunsill ma jistgħux jitmexxew b'mod li jkun iżolat għal kollox mill-implimentazzjoni uniformi min-naħa tal-istituzzjonijiet u l-formazzjonijiet tagħhom;

c)

l-informazzjoni f'dawn is-siti tal-internet għandha, idealment, tkun disponibbli malajr bil-lingwi uffiċjali kollha tal-Komunità,

d)

jekk in-numru tal-lingwi għandu jiġi limitat, l-għażla tal-lingwi li għandhom jintużaw għandha tkun ibbażata fuq il-kriterji tal-oġġettività, tar-raġonevolezza, tat-trasparenza u tal-maniġġabilità;

e)

il-fatt li l-Kunsill irrifjuta li jindirizza s-sustanza tat-talba ta' min qed jagħmel l-ilment jikkostitwixxi każ ta' amministrazzjoni ħażina;

2.   Jinnota bi stagħġib, f'dan ir-rigward, li l-Kunsill ma jqisx lilu nnifsu li għandu s-setgħa li jindirizza din il-kwistjoni, minkejja li din taffettwa lill-Istati Membri kollha u l-Kunsill jista' jagħmel rakkomandazzjonijiet lill-presidenzi kollha tal-ġejjieni;

3.   Jinnota b'dispjaċir li l-Kunsill, bil-maqlub tal-istituzzjonijiet l-oħra bħal pereżempju l-Kummissjoni u l-Parlament, li tejbu b'mod sinifikanti n-numru ta' lingwi li jintużaw fil-komunikazzjoni tagħhom maċ-ċittadini, s'issa baqa' jevita għal kollox li jindirizza b'mod sostantiv il-kwistjoni tal-għażla tal-lingwi tas-siti tal-internet tal-presidenzi tiegħu;

4.   Jistieden lill-Kunsill biex jagħmel reviżjoni komprensiva tal-kwistjoni tat-twessigħ tal-għażla tal-lingwi tas-siti tal-internet tal-presidenzi tiegħu, irrispettivament mill-kwistjoni tar-responsabilità jew tal-awtorità għal dawn is-siti tal-internet, sabiex jiżgura li l-akbar parti possibbli tal-popolazzjoni kollha tal-Unjoni Ewropea jkollha aċċess faċli u dirett għall-informazzjoni dwar l-attivitajiet tiegħu; jistieden lill-Kunsill biex jinforma l-Parlament bir-riżultati tad-deliberazzjonijiet tiegħu;

5.   Jenfasizza li kull tnaqqis fl-għażla tal-lingwi li jista' jkun meħtieġ għandu jsir fuq il-bażi ta' kriterji oġġettivi u ġġustifikati biżżejjed, li għandu jitħabbar fil-pubbliku, u li l-lingwa tal-presidenza fil-kariga biss jista' jkollha l-prijorità sat-tmiem tal-istess presidenza;

6.   Jagħti l-appoġġ tiegħu lir-rakkomandazzjoni tal-Ombudsman lill-Kunsill biex jeżamina t-talba ta' min qiegħed jagħmel l-ilment li s-siti tal-internet tal-presidenzi tal-Kunsill għandhom ikunu disponibbli wkoll bil-Ġermaniż;

7.   Jilqa' b'sodisfazzjon il-fatt li, b'kuntrast mal-prattika tal-presidenzi tal-imgħoddi, meta s-siti tal-internet kienu disponibbli biss bl-Ingliż, bil-Franċiż u bil-lingwa nazzjonali tal-presidenza fil-kariga, il-Presidenza Franċiża tal-Kunsill qiegħda tippubblika s-sit tal-internet uffiċjali tagħha fl-iktar lingwi uffiċjali mitkellma fl-Unjoni Ewropea (l-Ingliż, il-Ġermaniż, il-Franċiż, it-Taljan u l-Ispanjol);

8.   Jindirizza lill-presidenzi ġejjiena tal-Kunsill, bit-tama li huma wkoll jagħmlu s-siti tal-internet tagħhom disponibbli fl-akbar għadd ta' lingwi possibbli u, fil-każ ta' restrizzjoni fuq l-għadd tal-lingwi, biex jużaw l-aktar lingwi uffiċjali mitkellma skont ordni ta' prijorità;

9.   Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill, lill-Kummissjoni, lill-Ombudsman Ewropew, u lill-gvernijiet u l-parlamenti tal-Istati Membri.

(1)  ĠU L 113 tal-4.5.1994, p. 15.

Top