This document is an excerpt from the EUR-Lex website
Document 32013D0766
2013/766/EU: Commission Implementing Decision of 13 December 2013 approving certain amended programmes for the eradication, control and monitoring of animal diseases and zoonoses for the year 2013, amending Decision 2008/897/EC approving annual and multiannual programmes for 2009 and following years and amending Implementing Decision 2012/761/EU as regards the Union financial contribution for certain programmes approved by that Decision (notified under document C(2013) 8891)
2013/766/UE: Deċiżjoni ta’ Implimentazzjoni tal-Kummissjoni tat- 13 ta’ Diċembru 2013 li tapprova ċerti programmi emendati għall-eradikazzjoni, il-kontroll u l-monitoraġġ tal-mard tal-annimali u ż-żoonożi għas-sena 2013, li temenda d-Deċiżjoni 2008/897/KE li tapprova programmi annwali u pluriennali għall-2009 u s-snin ta’ wara, u li temenda d-Deċiżjoni ta’ Implimentazzjoni 2012/761/UE fir-rigward tal-kontribuzzjoni finanzjarja tal-Unjoni għal ċerti programmi approvati minn dik id-Deċiżjoni (notifikata bid-dokument C(2013) 8891)
2013/766/UE: Deċiżjoni ta’ Implimentazzjoni tal-Kummissjoni tat- 13 ta’ Diċembru 2013 li tapprova ċerti programmi emendati għall-eradikazzjoni, il-kontroll u l-monitoraġġ tal-mard tal-annimali u ż-żoonożi għas-sena 2013, li temenda d-Deċiżjoni 2008/897/KE li tapprova programmi annwali u pluriennali għall-2009 u s-snin ta’ wara, u li temenda d-Deċiżjoni ta’ Implimentazzjoni 2012/761/UE fir-rigward tal-kontribuzzjoni finanzjarja tal-Unjoni għal ċerti programmi approvati minn dik id-Deċiżjoni (notifikata bid-dokument C(2013) 8891)
ĠU L 338, 17.12.2013, p. 109–114
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
Relation | Act | Comment | Subdivision concerned | From | To |
---|---|---|---|---|---|
Modifies | 32008D0897 | Sostituzzjoni | artikolu 16 | ||
Modifies | 32012D0761 | Sostituzzjoni | artikolu 1.2 punt C) | ||
Modifies | 32012D0761 | Sostituzzjoni | artikolu 10.2 punt C) | ||
Modifies | 32012D0761 | Sostituzzjoni | artikolu 11.2 punt D) | ||
Modifies | 32012D0761 | Sostituzzjoni | artikolu 12.3 punt C) | ||
Modifies | 32012D0761 | Sostituzzjoni | artikolu 2.2 punt A)I) | ||
Modifies | 32012D0761 | Sostituzzjoni | artikolu 2.2 punt C) | ||
Modifies | 32012D0761 | Sostituzzjoni | artikolu 3.2 punt C) | ||
Modifies | 32012D0761 | Sostituzzjoni | artikolu 3.3 punt B) | ||
Modifies | 32012D0761 | Sostituzzjoni | artikolu 4.2 punt B) | ||
Modifies | 32012D0761 | Sostituzzjoni | artikolu 5.2 punt C) | ||
Modifies | 32012D0761 | Sostituzzjoni | artikolu 6.2 punt B) | ||
Modifies | 32012D0761 | Sostituzzjoni | artikolu 7.2 punt B) | ||
Modifies | 32012D0761 | Sostituzzjoni | artikolu 8.2 punt B) | ||
Modifies | 32012D0761 | Sostituzzjoni | artikolu 9.2 punt A)I) | ||
Modifies | 32012D0761 | Sostituzzjoni | artikolu 9.2 punt C) | ||
Modifies | 32012D0761 | abolizzjoni | artikolu 13.3 |
17.12.2013 |
MT |
Il-Ġurnal Uffiċjali tal-Unjoni Ewropea |
L 338/109 |
DEĊIŻJONI TA’ IMPLIMENTAZZJONI TAL-KUMMISSJONI
tat-13 ta’ Diċembru 2013
li tapprova ċerti programmi emendati għall-eradikazzjoni, il-kontroll u l-monitoraġġ tal-mard tal-annimali u ż-żoonożi għas-sena 2013, li temenda d-Deċiżjoni 2008/897/KE li tapprova programmi annwali u pluriennali għall-2009 u s-snin ta’ wara, u li temenda d-Deċiżjoni ta’ Implimentazzjoni 2012/761/UE fir-rigward tal-kontribuzzjoni finanzjarja tal-Unjoni għal ċerti programmi approvati minn dik id-Deċiżjoni
(notifikata bid-dokument C(2013) 8891)
(2013/766/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Deċiżjoni tal-Kunsill 2009/470/KE tal-25 ta’ Mejju 2009 dwar in-nefqa fil-kamp veterinarju (1), u b’mod partikolari l-Artikolu 27(5) u (6) tagħha.
Billi:
(1) |
Id-Deċiżjoni 2009/470/KE tistabbilixxi l-proċeduri li jirregolaw il-kontribuzzjoni finanzjarja tal-Unjoni għal programmi tal-eradikazzjoni, il-kontroll u l-monitoraġġ tal-mard tal-annimali u ż-żoonożi. |
(2) |
Id-Deċiżjoni tal-Kummissjoni 2008/341/KE (2) tipprovdi li sabiex ikunu approvati skont il-miżura finanzjarja tal-Komunità prevista fl-Artikolu 27(1) tad-Deċiżjoni 2009/470/KE, il-programmi li jressqu l-Istati Membri lill-Kummissjoni għall-eradikazzjoni, il-kontroll u l-monitoraġġ tal-mard tal-annimali u ż-żoonożi elenkati fl-Anness I ta’ dik id-Deċiżjoni jeħtieġ għallinqas jissodisfaw il-kriterji mniżżla fl-Anness tad-Deċiżjoni 2008/341/KE. |
(3) |
Id-Deċiżjoni tal-Kummissjoni 2008/897/KE (3) approvat il-programm Ġermaniż għall-eradikazzjoni tal-marda bil-vajrus erpete tal-Koi għall-perjodu mill-1 ta’ Jannar 2009 sal-31 ta’ Diċembru 2013. |
(4) |
Id-Deċiżjoni ta’ Implimentazzjoni tal-Kummissjoni 2012/761/UE (4) tapprova ċerti programmi nazzjonali għas-sena 2013 u tistabbilixxi r-rata u l-ammont massimu tal-kontribuzzjoni finanzjarja tal-Unjoni għal kull programm li ressqu l-Istati Membri. |
(5) |
Spanja u l-Greċja ressqu programm emendat għall-kontroll ta’ ċerta salmonella żoonotika fil-popolazzjonijiet tat-tjur. Il-Ġermanja ressqet programm emendat għall-eradikazzjoni tal-marda bil-vajrus erpete tal-Koi. Il-Greċja ressqet programm emendat għall-eradikazzjoni tal-bruċellożi ovina u kaprina. L-Ungerija u r-Rumanija ressqu programm emendat għall-eradikazzjoni tar-rabja. |
(6) |
Il-Kummissjoni evalwat dawk il-programmi emendati mil-lat veterinarju kif ukoll mil-lat finanzjarju. Sabet li dawn kienu konformi mal-leġiżlazzjoni veterinarja rilevanti tal-Unjoni u b’mod partikolari mal-kriterji stabbiliti fl-Anness tad-Deċiżjoni 2008/341/KE. U għalhekk dawn għandhom jiġu approvati. |
(7) |
Barra minn hekk, il-Kummissjoni evalwat ir-rapporti intermedji tekniċi u finanzjarji li ressqu l-Istati Membri skont l-Artikolu 27(7) tad-Deċiżjoni 2009/470/KE dwar in-nefqa li ġarrbu biex iffinanzjaw dawn il-programmi. Ir-riżultati ta’ din il-valutazzjoni juru li ċerti Stati Membri mhumiex se jużaw l-allokazzjoni sħiħa tagħhom għall-2013 filwaqt li oħrajn se jonfqu aktar mill-ammont allokat. |
(8) |
Għalhekk il-kontribuzzjoni finanzjarja tal-Unjoni għal ċerti programmi nazzjonali jeħtieġ li tiġi aġġustata. Sabiex il-kreditu assenjat jintuża bl-aħjar mod, jixraq li jiġu riallokati fondi mill-programmi nazzjonali li mhumiex se jużaw l-allokazzjoni sħiħa tagħhom ħalli jingħataw lil dawk li mistennija jaqbżu l-allokazzjoni tagħhom minħabba sitwazzjonijiet li ma kinux previsti fejn tidħol is-saħħa tal-annimali f’dawk l-Istati Membri. Ir-riallokazzjoni għandha tissejjes fuq l-aktar informazzjoni riċenti dwar in-nefqa reali li ġarrbu l-Istati Membri kkonċernati. |
(9) |
L-eżerċizzju tar-riallokazzjoni jeħtieġ ħafna emendi li jridu jsiru lil ċerti kontribuzzjonijiet finanzjarji tal-Unjoni previsti mid-Deċiżjoni ta’ Implimentazzjoni 2012/761/UE. Għat-trasparenza jixraq li tiġi speċifikata l-firxa sħiħa ta’ kontribuzzjonijiet finanzjarji tal-Unjoni għall-programmi tal-2013 approvati li għandhom x’jaqsmu ma’ dawk l-emendi. |
(10) |
Barra minn hekk, l-esperjenza riċenti wriet li l-eżekuzzjoni tal-ittra tal-Artikolu 13(3) tad-Deċiżjoni ta’ Implimentazzjoni 2012/761/UE jaf twassal għal riżultati inġusti. Għalhekk, dawn id-dispożizzjonijiet għandhom jitħassru. |
(11) |
Għaldaqstant id-Deċiżjoni ta’ Implimentazzjoni 2012/761/UE għandha tiġi emendata skont dan. |
(12) |
Il-miżuri previsti f’din id-Deċiżjoni huma skont l-opinjoni tal-Kumitat Permanenti għall-Katina Alimentari u s-Saħħa tal-Annimali, |
ADOTTAT DIN ID-DEĊIŻJONI:
Artikolu 1
Approvazzjoni tal-programmi emendati għall-kontroll ta’ ċerta salmonella żoonotika li ressqu Spanja u l-Greċja
Il-programm emendat għall-kontroll ta’ ċerta salmonella żoonotika li ressqet Spanja fis-26 ta’ Diċembru 2012 qed jiġi approvat għall-perjodu mill-1 ta’ Jannar 2013 sal-31 ta’ Diċembru 2013.
Il-programm emendat għall-kontroll ta’ ċerta salmonella żoonotika li ressqet il-Greċja fl-24 ta’ Ottubru 2013 qed jiġi approvat għall-perjodu mill-1 ta’ Jannar 2013 sal-31 ta’ Diċembru 2013.
Artikolu 2
Approvazzjoni tal-programm emendat għall-eradikazzjoni tal-bruċellożi ovina u kaprina li ressqet il-Greċja
Il-programm emendat għall-eradikazzjoni tal-bruċellożi ovina u kaprina li ressqet il-Greċja fid-29 ta’ Lulju 2013 qed jiġi approvat għall-perjodu mill-1 ta’ Jannar 2013 sal-31 ta’ Diċembru 2013.
Artikolu 3
Approvazzjoni tal-programmi emendati għall-eradikazzjoni tar-rabja li ressqu l-Ungerija u r-Rumanija
Il-programmi emendati għall-eradikazzjoni tar-rabja li ressqet l-Ungerija fl-1 ta’ Ottubru 2013 u r-Rumanija fit-30 ta’ Ottubru 2013 qed jiġu approvati għall-perjodu mill-1 ta’ Jannar 2013 sal-31 ta’ Diċembru 2013.
Artikolu 4
Emendi għad-Deċiżjoni 2008/897/KE
L-Artikolu 16 tad-Deċiżjoni 2008/897/KE jinbidel b’dan li ġej:
“Artikolu 16
Mard fl-annimali akkwatiċi
Il-programm pluriennali għall-eradikazzjoni tas-settiċemija emorraġika virali (VHS) li ressqet id-Danimarka qed jiġi approvat għall-perjodu mill-1 ta’ Jannar 2009 sal-31 ta’ Diċembru 2013.
Il-programm pluriennali għall-eradikazzjoni tal-marda bil-vajrus erpete tal-Koi (KHV) li ressqet il-Ġermanja qed jiġi approvat għall-perjodu mill-1 ta’ Jannar 2009 sal-31 ta’ Diċembru 2014.”
Artikolu 5
Emendi għad-Deċiżjoni ta’ Implimentazzjoni 2012/761/UE
Id-Deċiżjoni ta’ Implimentazzjoni 2012/761/UE hija emendata kif ġej:
(1) |
Fl-Artikolu 1(2), il-punt (c) jinbidel b’dan li ġej:
|
(2) |
Fl-Artikolu 2(2)(a), il-punt (i) jinbidel b’dan li ġej:
|
(3) |
Fl-Artikolu 2(2), il-punt (c) jinbidel b’dan li ġej:
|
(4) |
Fl-Artikolu 3(2), il-punt (c) jinbidel b’dan li ġej:
|
(5) |
Fl-Artikolu 3(3), il-punt (b) jinbidel b’dan li ġej:
|
(6) |
Fl-Artikolu 4(2), il-punt (b) jinbidel b’dan li ġej:
|
(7) |
Fl-Artikolu 5(2), il-punt (c) jinbidel b’dan li ġej:
|
(8) |
Fl-Artikolu 6(2), il-punt (b) jinbidel b’dan li ġej:
|
(9) |
Fl-Artikolu 7(2), il-punt (b) jinbidel b’dan li ġej:
|
(10) |
Fl-Artikolu 8(2), il-punt (b) jinbidel b’dan li ġej:
|
(11) |
Fl-Artikolu 9(2)(a), il-punt (i) jinbidel b’dan li ġej:
|
(12) |
Fl-Artikolu 9(2), il-punt (c) jinbidel b’dan li ġej:
|
(13) |
Fl-Artikolu 10(2), il-punt (c) jinbidel b’dan li ġej:
|
(14) |
Fl-Artikolu 11(2), il-punt (d) jinbidel b’dan li ġej:
|
(15) |
Fl-Artikolu 12(3), il-punt (c) jinbidel b’dan li ġej:
|
(16) |
Fl-Artikolu 13, jitħassar il-paragrafu (3). |
Artikolu 6
Destinatarji
Din id-Deċiżjoni hija indirizzata lill-Istati Membri.
Magħmul fi Brussell, it-13 ta’ Diċembru 2013.
Għall-Kummissjoni
Tonio BORG
Membru tal-Kummissjoni
(1) ĠU L 155, 18.6.2009, p. 30.
(2) Id-Deċiżjoni tal-Kummissjoni 2008/341/KE tal-25 ta’ April 2008 li tistabbilixxi l-kriterji Komunitarji għal programmi nazzjonali għall-qerda, il-kontroll u l-monitoraġġ ta’ ċertu mard tal-annimali u żoonożi (ĠU L 115, 29.4.2008, p. 44).
(3) Id-Deċiżjoni tal-Kummissjoni 2008/897/KE tat-28 ta’ Novembru 2008 li tapprova programmi annwali u pluriennali u l-kontribuzzjoni finanzjarja tal-Komunità għall-eradikazzjoni, il-kontroll u l-monitoraġġ ta’ ċertu mard tal-annimali u żoonosi ppreżentati mill-Istati Membri għall-2009 u s-snin ta’ wara (ĠU L 322, 2.12.2008, p. 39).
(4) Id-Deċiżjoni ta’ Implimentazzjoni tal-Kummissjoni 2012/761/UE tat-30 ta’ Novembru 2012 li tapprova programmi annwali u pluriennali u l-kontribuzzjoni finanzjarja tal-Unjoni għall-eradikazzjoni, il-kontroll u l-monitoraġġ ta’ ċertu mard tal-annimali u żoonożi ppreżentati mill-Istati Membri għall-2013 (ĠU L 336, 8.12.2012, p. 83).