EUR-Lex Access to European Union law
This document is an excerpt from the EUR-Lex website
Document 62022TN0416
Case T-416/22: Action brought on 1 July 2022 — Fresenius Kabi Austria and Others v Commission
Cás T-416/22: Caingean arna tabhairt an 1 Iúil 2022 – Fresenius Kabi Austria agus páirtithe eile v an Coimisiún
Cás T-416/22: Caingean arna tabhairt an 1 Iúil 2022 – Fresenius Kabi Austria agus páirtithe eile v an Coimisiún
IO C 340, 5.9.2022, p. 49–50
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
5.9.2022 |
GA |
Iris Oifigiúil an Aontais Eorpaigh |
C 340/49 |
Caingean arna tabhairt an 1 Iúil 2022 – Fresenius Kabi Austria agus páirtithe eile v an Coimisiún
(Cás T-416/22)
(2022/C 340/68)
Teanga an cháis: an Béarla
Páirtithe
Iarratasóirí: Fresenius Kabi Austria GmbH (Graz, an Ostair) agus 14 iarratasóir eile (ionadaithe: W. Rehmann agus A. Knierim, Dlíodóirí)
Cosantóir: an Coimisiún Eorpach
An t-ordú atá á lorg
Iarrann an t-iarratasóir ar an gCúirt Ghinearálta:
— |
Cinneadh C(2022) 3591 an 24 Bealtaine 2022 a chur ar neamhní a mhéid a ordaíonn sé do Bhallstáit an Aontais Eorpaigh na húdaruithe margaíochta náisiúnta do na táirgí íocshláinte dá dtagraítear in Iarscríbhinn I de a chur ar fionraí; |
— |
a ordú don Choimisiún costais na n-imeachtaí a íoc; |
— |
mar mhalairt air sin, trí thairiscint réamhchúraim, Cinneadh C(2022) 3591 an 24 Bealtaine 2022 ón gCoimisiún a dhearbhú a bheith ar neamhní, a mhéid a ordaíonn sé do Bhallstáit an Aontais Eorpaigh na húdaruithe margaíochta náisiúnta do tháirgí íocshláinte na n-iarratasóirí do na táirgí íocshláinte dá dtagraítear in Iarscríbhinn I de a chur ar fionraí. |
Saincheisteanna dlí agus príomhargóintí
Mar thaca leis an gcaingean, ardaíonn an t-iarratasóir ceithre shaincheist dlí.
1. |
An chéad saincheist dlí lena n-éilítear nach gcomhlíontar ceanglais Airteagal 116 de Threoir 2001/83/CE ó Pharlaimint na hEorpa agus ón gComhairle (1) lena dtugtar údar maith le fionraí an údaraithe margaíochta do tháirgí íocshláinte ina bhfuil stáirse hiodrocsaitile. Dá bhrí sin, ní féidir leis an gCoimisiún cinneadh a dhéanamh lena gceanglaítear go gcuirfidh na Ballstáit na húdaruithe margaíochta faoi seach ar fionraí trí bhíthin an chinnidh a chur chun feidhme. |
2. |
An dara saincheist dlí lena n-éilítear go bhfuil prionsabal an réamhchúraim á shárú ag cinneadh an Choimisiúin. |
3. |
An tríú saincheist dlí lena n-éilítear nach bhfuil fionraí an údaraithe margaíochta do tháirgí íocshláinte ina bhfuil stáirse hiodrocsaitile leordhóthanach ná comhréireach chun aghaidh a thabhairt ar na hábhair imní sábháilteachta a eascraíonn as an Staidéar ar Úsáid Drugaí. Níor cheart go gcuirfí fionraí ar úsáid in-lipéad a bhfuil éifeachtaí tairbhiúla dea-dhoiciméadaithe aici mar thoradh ar úsáid seachlipéid, go háirithe in éagmais aon chomharthaí slándála diúltacha nua. |
4. |
An ceathrú saincheist dlí lena n-éilítear go bhfuil an cinneadh contrártha ann féin agus, dá bhrí sin, níl réasúnaíocht leordhóthanach ann. |
(1) Treoir 2001/83/CE ó Pharlaimint na hEorpa agus ón gComhairle an 6 Samhain 2001 maidir leis an gcód Comhphobail a bhaineann le táirgí íocshláinte lena n-úsáid ag an duine (IO 2001 L 311, lch. 67).