(1)

In 2011, ghlac Painéal an Údaráis Eorpaigh um Shábháilteacht Bia (EFSA) maidir le hÉillitheoirí sa Bhiashlabhra (Contam) tuairim eolaíoch maidir leis na rioscaí a d’fhéadfadh a bheith i gceist do shláinte ainmhithe agus an phobail de bharr láithreacht Alternaria i mbia (1).

(2)

D'fhoilsigh EFSA tuarascáil eolaíoch le déanaí freisin maidir leis an measúnú ar nochtadh bia do thocsainí Alternaria i ndaonra na hEorpa (2). Tháinig sé ar an gconclúid go sáraíonn an nochtadh bia do na tocsainí ailtéarnaról, éitear monaimeitile ailtéarnaróil agus aigéad teineazonach, ar tocsainí iad a bhaineann le Alternaria, an tairseach ábhartha d’ábhar imní ó thaobh na tocsaineolaíochta, rud a thug le fios go bhfuil gá le sonraí breise tocsaineachta a bhaineann go sonrach le cumaisc.

(3)

Mhol EFSA gur cheart níos mó sonraí tarluithe a bhailiú ar láithreacht tocsainí Alternaria in earraí bia ábhartha (torthaí agus táirgí torthaí, trátaí agus táirgí bunaithe ar thrátaí, agus bia gránachbhunaithe do naíonáin agus do leanaí óga, i measc nithe eile). Mhol EFSA freisin go n-úsáidfí modhanna anailíse níos íogaire chun laghdú a dhéanamh ar an neamhchinnteacht maidir leis an nochtadh do na tocsainí Alternaria éagsúla mar gheall ar chomhréir ard na sonraí a thuairiscítear a bheith “faoi bhun na teorann cainníochtaithe (LOQ)” sa tacar sonraí atá ar fáil faoi láthair, rud a tharla toisc nach raibh na modhanna anailíse a úsáideadh íogair a ndóthain i gcónaí.

(4)

Is féidir le dea-chleachtais talmhaíochta, dea-choinníollacha stórála agus iompair agus dea-chleachtais mhonaraíochta láithreacht tocsainí Alternaria i mbia a laghdú nó a chosc. Ní mór tuilleadh faisnéise a bhailiú, áfach, ar na tosca as a dtagann leibhéil measartha ard tocsainí Alternaria in earraí bia áirithe chun bheith in ann na bearta atá le déanamh chun láithreacht na dtocsainí Alternaria sin sna hearraí bia sin a sheachaint nó a laghdú.

(5)

Maidir leis na tosca as a dtagann leibhéil réasúnta ard nó fiú leibhéil shuntasacha tocsainí Alternaria chun bheith in earraí bia, chun treoshuíomh a chur ar fáil maidir le cathain a bheadh sé iomchuí na tosca sin a shainaithint, is gá luachanna táscacha a bhunú do bhianna bunaithe ar na sonraí atá ar fáil i mbunachar sonraí EFSA. Níor socraíodh leibhéil tháscacha ach amháin do na hearraí bia a bhfuil a ndóthain sonraí tarluithe ar fáil ina leith.

(6)

Is iomchuí, dá bhrí sin, a mholadh go ndéanfaí faireachán ar thocsainí Alternaria i mbia agus go sainaithneofaí na tosca a mbíonn leibhéil arda na dtocsainí sin i mbia áirithe mar thoradh orthu,