EUR-Lex Access to European Union law
This document is an excerpt from the EUR-Lex website
Document 62022TN0424
Case T-424/22: Action brought on 11 July 2022 — D’Agostino and Dafin v ECB
Cás T-424/22: Caingean arna tabhairt an 11 Iúil 2022 — D’Agostino agus Dafin v BCE
Cás T-424/22: Caingean arna tabhairt an 11 Iúil 2022 — D’Agostino agus Dafin v BCE
IO C 340, 5.9.2022, p. 50–51
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
5.9.2022 |
GA |
Iris Oifigiúil an Aontais Eorpaigh |
C 340/50 |
Caingean arna tabhairt an 11 Iúil 2022 — D’Agostino agus Dafin v BCE
(Cás T-424/22)
(2022/C 340/69)
Teanga an cháis: an Iodáilis
Páirtithe
Iarratasóirí: Vincenzo D’Agostino (Napoli, an Iodáil), Dafin Srl (Casandrino, an Iodáil) (ionadaí: M. De Siena, Dlíodóir)
Cosantóir: An Banc Ceannais Eorpach
An t-ordú atá á lorg
Iarrann an t-iarratasóir ar an gCúirt Ghinearálta:
— |
dliteanas neamhchonarthach an Bhainc Cheannais Eorpaigh (BCE) a ndéanann an tUachtarán Christine Lagarde ionadaíocht thar a cheann, a fháil amach agus a dhearbhú:
|
— |
a ordú do BCE, i bpearsa an Uachtaráin:
|
— |
a ordú don chosantóir costais na n-imeachtaí a íoc. |
Saincheisteanna dlí agus príomhargóintí
Mar thaca leis an gcaingean, maíonn an t-iarratasóir ceithre shaincheist dlí.
1. |
An chéad saincheist dlí, lena n-éilítear go bhfuil BCE faoi dhliteanas faoin tríú mír d’Airteagal 340 CFAE agus faoi Airteagal 2043 de Chód Sibhialta na hIodáile as an damáiste ábhartha agus neamhábhartha a bhain don iarratasóir féin agus mar scairshealbhóir de chuid Dafin Srl. |
2. |
An dara saincheist dlí, bunaithe ar na prionsabail a leagtar amach i gcásdlí an Aontais Eorpaigh, go háirithe i mbreithiúnais an 28 Deireadh Fómhair 2021, Vialto Consulting v an Coimisiún, 650/19-P, an 9 Feabhra 2022, QI agus Páirtithe Eile v an Coimisiún agus BCE, T 868/16, agus an 21 Eanáir 2014, Klein v an Coimisiún, T-309/10). Leagtar amach na coinníollacha nach mór a chomhlíonadh chun go dtabhódh institiúid Eorpach dliteanas neamhchonarthach i leith saoránaigh an Aontais Eorpaigh agus déantar an tástáil dhearfach gur comhlíonadh na coinníollacha sin a agairt. |
3. |
An tríú saincheist dlí, lena n-éilítear gur sháraigh BCE dlí príomhúil agus dlí tánaisteach an Aontais Eorpaigh agus mhí-úsáid cumhachta ag an Uachtarán. Líomhnaíonn an t-iarratasóir sárú an 12 Márta 2020 ag BCE, i bpearsa a Uachtaráin, ar Airteagal 127 CFAE Chaibidil 1 dar teideal “Beartas airgeadaíochta”, ar Airteagail 3, 10, 11, 12, 13, 38 de Reacht an Chórais Eorpaigh Banc Ceannais agus an Bhainc Cheannais Eorpaigh, agus ar Airteagal 17 (17.2) agus (17.3) den Rialachán arna ghlacadh le cinneadh ó BCE an 19 Feabhra 2004. (1) |
4. |
An ceathrú saincheist dlí, lena n-éilítear an damáiste ábhartha a d’fhulaing an t-iarratasóir (damáiste iarbhír agus caillteanas brabúis) a chainníochtú, a mhíniú agus a dhoiciméadú. |
(1) Cinneadh BCE/2004/257 ón mBanc Ceannais Eorpach an 19 Feabhra 2004 lena nglactar Rialacha Nós Imeachta an Bhainc Ceannais Eorpaigh Eorpaigh (BCE/2004/2) (IO 2004 L 80, lch. 33), arna leasú le Cinneadh Cur Chun Feidhme BCE/2014/1 ón mBanc Ceannais Eorpach an 22 Eanáir 2014 (IO 2014 L 95, lch. 56).