Iarraidh ar réamhrialú ón Conseil d'État (an Fhrainc) a taisceadh an 20 Meitheamh 2022 Ministre de l’Économie, des Finances et de la Relance v Bricolage Investissement France SA

(Cás C-408/22)

(2022/C 340/27)

Teanga an cháis: an Fhraincis

An chúirt a rinne an tarchur

Conseil d'État

Páirtithe sna príomhimeachtaí

Iarratasóir: Ministre de l’Économie, des Finances et de la Relance

Cosantóir: Bricolage Investissement France SA

An cheist a tharchuirtear:

An gcuirtear cosc le hAirteagal 49 den Chonradh ar Fheidhmiú an Aontais Eorpaigh ar reachtaíocht Ballstáit maidir le córas comhtháite cánach lena mbaineann máthairghnóthas comhtháite buntáiste as an neodrú ar scair na gcostas agus na speansas arna n-athchomhtháthú i ndáil le díbhinní arna bhfáil aige ó chuideachtaí cónaitheacha atá páirteach sa chomhtháthú, agus chomh maith leis sin, chun an breithiúnas in Groupe Steria SCA (C-386/14) an 2 Meán Fómhair 2015 a chur san áireamh, i ndáil le díbhinní arna bhfáil aige ó fhochuideachtaí atá bunaithe i mBallstát eile, a bheadh incháilithe go hoibiachtúil, dá mba rud é go raibh siad ina gcónaitheoirí ann, a bheith páirteach sa chóras comhtháite ar bhonn roghnach, ach a dhiúltaíonn buntáiste an neodraithe sin do mháthairghóthas cónaitheach, a roghnaigh, d’ainneoin gurb ann do naisc chaipitil le heintitis chónaitheacha eile lena gceadaítear grúpa cánach comhtháite a chur ar bun, gan bheith páirteach i ngrúpa dá leithéid, i ndáil leis na díbhinní sin arna ndáileadh ag a chuid fochuideachtaí cónaitheacha leis agus i ndáil leis na díbhinní arna bhfáil aige ó fhochuideachtaí atá bunaithe i mBallstáit eile a chomhlíonann na critéir incháilitheachta cé is moite don chónaitheacht araon?