(1)

Is é atá i bhfúrán agus ailciolfúráin, lena n-áirítear meitiolfúráin amhail 2-meitiolfúrán, 3-meitiolfúrán agus 2,5-démheitiolfúrán, éilleáin phróisis a fhoirmítear i mbianna le linn na próiseála teirmí.

(2)

Ghlac Painéal an Údaráis Eorpaigh um Shábháilteacht Bia (EFSA) maidir le hÉilleáin sa Bhiashlabhra tuairim eolaíoch in 2017 maidir leis na rioscaí a bhaineann le láithreacht fúráin agus meitiolfúrán i mbia don tsláinte phoiblí (1). Is é an chonclúid ar ar thángthas go léiríonn na leibhéil reatha nochta d’fhúrán gur ábhar imní don tsláinte é. Maidir le meitiolfúráin, is é an chonclúid ar ar tháinig an tuairim go bhféadfaidís cur go suntasach leis an nochtadh iomlán d’fhúrán agus d’ailciolfúráin agus, dá bhrí sin, go méadófaí an t-ábhar imní sláinte. Mar sin féin, ós rud é nach bhfuil sonraí ann maidir le láithreacht meitiolfúrán i mbia, mhol EFSA sonraí breise a tháirgeadh sa réimse seo. Go háirithe, tuairiscíodh go mbíonn fúrán agus ailciolfúráin i gcaife, i mbia do naíonáin i gcrúca, anraith réidh le hithe, criospaí bunaithe ar phrátaí, i súnna torthaí, i ngránaigh bhricfeasta, i mbrioscaí, i gcraicir agus in arán briosc.

(3)

Is féidir 2-meitiolfúrán agus 3-meitiolfúrán a chainníochtú go hiontaofa leis na modhanna anailíse atá ar fáil faoi láthair, ach tá tuilleadh oibre de dhíth chun anailís iontaofa a dhéanamh ar 2,5-démheitiolúrán. Mar sin féin, más féidir é a dhéanamh leis an modh anailíse atá in úsáid, bheadh sé iomchuí 2,5-démheitiolfúrán a anailísiú agus a chainníochtú agus na sonraí a thuairisciú.

(4)

Ina theannta sin, léirigh an litríocht eolaíoch le déanaí go bhfuil éilleáin bhia ann a bhaineann le hailciolfúráin seachas meitiolfúráin, amhail 2-peintealfúrán agus 2-eitealfúrán. Dá bhrí sin, bheadh sé iomchuí ailciolfúráin bhreise (neamhmheitiolfúráin) den sórt sin a anailísiú agus a chainníochtú, ar choinníoll go bhfuil an modh anailíse iontaofa chun na críche sin.

(5)

Torthaí an fhaireacháin ar fhúrán agus ar ailciolfúráin, ní mór iad a bheith iontaofa agus inchomparáide. Dá bhrí sin, is iomchuí treoracha a thabhairt maidir le critéir na samplála agus na feidhmíochta anailísí.

(6)

Tá sainordú ag EFSA ón gCoimisiún Eorpach na sonraí go léir atá ar fáil a bhailiú maidir le héilleáin cheimiceacha a bheith i mbia agus i mbeatha. Úsáidtear na sonraí sin i dtuairimí eolaíocha EFSA agus i dtuarascálacha ar éilleáin i mbia agus i mbeatha.

(7)

Dá bhrí sin, is iomchuí a mholadh go ndéanfaí faireachán ar fhúrán agus ar ailciolfúráin i mbia agus go ndéanfaí na sonraí a thuairisciú do EFSA.

1.

2.

3.

Chun anailís a dhéanamh ar fhúrán i mbianna seachas caife agus bia do naíonáin i gcrúsca, ba cheart do na Ballstáit agus d’oibreoirí gnó bia modh a úsáid a chomhlíonann na critéir sin agus níor cheart teorainn an chainníochtaithe (LOQ) a bheith níos airde ná 5 μg/kg.

Chun anailís a dhéanamh ar 2-meitiolfúrán agus 3-meitiolfúrán i mbianna seachas caife agus bia do naíonáin i gcrúsca, ba cheart nósanna imeachta um rialú cáilíochta a bheith i bhfeidhm ag saotharlanna chun iontaofacht na dtorthaí anailíseacha a fhaightear a áirithiú sa chás nach mbeadh an LOQ níos airde ná 5 μg/kg.

4.

5.