EUR-Lex Access to European Union law
This document is an excerpt from the EUR-Lex website
Document 32019R1673
Commission Delegated Regulation (EU) 2019/1673 of 23 July 2019 replacing Annex I to Regulation (EU) 2019/788 of the European Parliament and of the Council on the European citizens’ initiative
Regolament Delegat tal-Kummissjoni (UE) 2019/1673 tat-23 ta’ Lulju 2019 li jissostitwixxi l-Anness I tar-Regolament (UE) 2019/788 tal-Parlament Ewropew u tal-Kunsill dwar l-inizjattiva taċ-ċittadini Ewropej
Regolament Delegat tal-Kummissjoni (UE) 2019/1673 tat-23 ta’ Lulju 2019 li jissostitwixxi l-Anness I tar-Regolament (UE) 2019/788 tal-Parlament Ewropew u tal-Kunsill dwar l-inizjattiva taċ-ċittadini Ewropej
C/2019/5402
ĠU L 257, 8.10.2019, p. 1–3
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
8.10.2019 |
MT |
Il-Ġurnal Uffiċjali tal-Unjoni Ewropea |
L 257/1 |
REGOLAMENT DELEGAT TAL-KUMMISSJONI (UE) 2019/1673
tat-23 ta’ Lulju 2019
li jissostitwixxi l-Anness I tar-Regolament (UE) 2019/788 tal-Parlament Ewropew u tal-Kunsill dwar l-inizjattiva taċ-ċittadini Ewropej
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2019/788 tal-Parlament Ewropew u tal-Kunsill tas-17 ta’ April 2019 dwar l-inizjattiva taċ-ċittadini Ewropej (1), u b’mod partikolari l-Artikolu 23 tiegħu,
Billi:
|
(1) |
L-Artikolu 3(1)(b) tar-Regolament (UE) 2019/788 jipprevedi li waħda mill-kundizzjonijiet tal-validità ta’ inizjattiva hija li f’mill-inqas kwart tal-Istati Membri, l-għadd ta’ firmatarji ikun tal-anqas daqs l-għadd minimu ta’ ċittadini stabbilit fl-Anness I, meta tiġi rreġistrata l-inizjattiva taċ-ċittadini proposta. L-għadd minimu jikkorrispondi mal-għadd ta’ Membri tal-Parlament Ewropew eletti f’kull Stat Membru, multiplikat bl-għadd totali ta’ Membri tal-Parlament Ewropew. |
|
(2) |
Fid-29 ta’ Marzu 2017, ir-Renju Unit tal-Gran Brittanja u l-Irlanda ta’ Fuq (“ir-Renju Unit”) ippreżenta n-notifika tal-intenzjoni tiegħu li joħroġ mill-Unjoni skont l-Artikolu 50 tat-Trattat dwar l-Unjoni Ewropea. |
|
(3) |
Fit-28 ta’ Ġunju 2018 il-Kunsill Ewropew adotta d-Deċiżjoni Ewropew (UE) 2018/937 li tistabbilixxi l-kompożizzjoni tal-Parlament Ewropew (2). Din id-Deċiżjoni, li daħlet fis-seħħ fit-3 ta’ Lulju 2018, tistipula n-numru ta’ rappreżentanti fil-Parlament Ewropew eletti f’kull Stat Membru għal-leġiżlatura 2019-2024, li tibda fit-2 ta’ Lulju 2019. |
|
(4) |
Fis-22 ta’ Marzu 2019, bid-Deċiżjoni (UE) 2019/476 (3), il-Kunsill Ewropew bi qbil mar-Renju Unit iddeċieda li jestendi l-perjodu b’konformità mal-Artikolu 50(3) tat-TUE sat-22 ta’ Mejju 2019 fil-każ li l-House of Commons tapprova l-Ftehim dwar il-Ħruġ sad-29 ta’ Marzu 2019 jew, jekk dan ma jkunx il-każ, sat-12 ta’ April 2019. Il-House of Commons ma approvax il-Ftehim dwar il-Ħruġ sad-29 ta’ Marzu 2019. Fil-11 ta’ April 2019 il-Kunsill Ewropew, permezz tad-Deċiżjoni (UE) 2019/584 (4) u bi ftehim mar-Renju Unit, iddeċieda li jestendi ulterjorment dak il-perjodu sal-31 ta’ Ottubru 2019. |
|
(5) |
Sabiex jiġu riflessi dawn ir-regoli li jinsabu fid-Deċiżjoni (UE) 2018/937 fir-rigward tal-għadd minimu ta’ firmatarji stabbilit fl-Anness I tar-Regolament (UE) 2019/788, huwa xieraq li l-Anness I jiġi ssostitwit mir-Regolament (UE) 2019/788. Din l-emenda jenħtieġ li tibda tapplika mid-data tad-dħul fis-seħħ tar-Regolament (UE) 2019/788, jiġifieri mill-1 ta’ Jannar 2020. Madankollu, jekk ir-Renju Unit joħroġ mill-Unjoni Ewropea wara dik id-data, l-emenda tidħol fis-seħħ dwar l-ħruġ. |
|
(6) |
Għaldaqstant l-Anness I tar-Regolament (UE) 2019/788 jenħtieġ li jiġi sostitwit, |
ADOTTAT DAN IR-REGOLAMENT:
Artikolu 1
L-Anness I tar-Regolament Delegat (UE) 2019/788 huwa sostitwit bit-test fl-Anness ta’ dan ir-Regolament.
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mill-1 ta’ Jannar 2020 jew mill-jum wara dak li fih it-Trattati jieqfu japplikaw għar-Renju Unit skont l-Artikolu 50(3) tat-Trattat dwar l-Unjoni Ewropea, skont liema data tkun l-aktar tard.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-23 ta’ Lulju 2019.
Għall-Kummissjoni
Il-President
Jean-Claude JUNCKER
(1) ĠU L 130, 17.5.2019, p. 55.
(2) ĠU L 165 I, 2.7.2018, p. 1.
(3) Id-Deċiżjoni tal-Kunsill Ewropew (UE) 2019/476 meħuda bi qbil mar-Renju Unit, tat-22 ta' Marzu 2019 li testendi l-perijodu taħt l-Artikolu 50(3) TUE (ĠU L 80I , 22.3.2019, p. 1).
(4) Id-Deċiżjoni tal-Kunsill Ewropew (UE) 2019/584 meħuda bi qbil mar-Renju Unit tal-11 ta' April 2019 li testendi l-perijodu taħt l-Artikolu 50(3) TUE (ĠU L 101, 11.4.2019, p. 1).
ANNESS
“ANNESS I
GĦADD MINIMU TA’ FIRMATARJI GĦAL KULL STAT MEMBRU
|
Il-Belġju |
14 805 |
|
Il-Bulgarija |
11 985 |
|
Iċ-Ċekja |
14 805 |
|
Id-Danimarka |
9 870 |
|
Il-Ġermanja |
67 680 |
|
L-Estonja |
4 935 |
|
L-Irlanda |
9 165 |
|
Il-Greċja |
14 805 |
|
Spanja |
41 595 |
|
Franza |
55 695 |
|
Il-Kroazja |
8 460 |
|
L-Italja |
53 580 |
|
Ċipru |
4 230 |
|
Il-Latvja |
5 640 |
|
Il-Litwanja |
7 755 |
|
Il-Lussemburgu |
4 230 |
|
L-Ungerija |
14 805 |
|
Malta |
4230 |
|
In-Netherlands |
20 445 |
|
L-Awstrija |
13 395 |
|
Il-Polonja |
36 660 |
|
Il-Portugall |
14 805 |
|
Ir-Rumanija |
23 265 |
|
Is-Slovenja |
5 640 |
|
Is-Slovakkja |
9 870 |
|
Il-Finlandja |
9 870 |
|
L-Iżvezja |
14 805 |