This document is an excerpt from the EUR-Lex website
Document 62019TN0794
Case T-794/19: Action brought on 15 November 2019 — Set v Commission
Kawża T-794/19: Rikors ippreżentat fil-15 ta’ Novembru 2019 – Set vs Il-Kummissjoni
Kawża T-794/19: Rikors ippreżentat fil-15 ta’ Novembru 2019 – Set vs Il-Kummissjoni
ĠU C 10, 13.1.2020, p. 52–52
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
|
13.1.2020 |
MT |
Il-Ġurnal Uffiċjali tal-Unjoni Ewropea |
C 10/52 |
Rikors ippreżentat fil-15 ta’ Novembru 2019 – Set vs Il-Kummissjoni
(Kawża T-794/19)
(2020/C 10/63)
Lingwa tal-kawża: it-Taljan
Partijiet
Rikorrenti: Set SpA (Milano, l-Italja) (rappreżentanti: N. Aicardi, T. Ferrario, u M. Vasari, avukati)
Konvenuta: Il-Kummissjoni Ewropea
Talbiet
Ir-rikorrenti titlob li l-Qorti Ġenerali jogħġobha:
|
— |
tannulla d-deċiżjoni kkontestata, li permezz tagħha l-Kummissjoni ddeċidiet li ma tqajjimx oġġezzjonijiet fir-rigward tal-“Modifika tal-mekkaniżmu ta’ remunerazzjoni tad-disponibbiltà ta’ riżorsi għall-adegwatezza. Introduzzjoni ta’ rekwiżiti ambjentali”, għajnuna mill-Istat SA.53821 (2019/N); |
|
— |
tikkundanna lill-konvenuta għall-ispejjeż sostnuti f’din il-kawża. |
Motivi u argumenti prinċipali
Insostenn tar-rikors tagħha r-rikorrenti tinvoka motiv uniku, ibbażat fuq ksur tal-Artikolu 108(2) TFUE, skont kif previst fl-Artikoli 4 u 6 tar-Regolament (UE) 2015/1589 tat-13 ta’ Lulju 2015 li jistabblixxi regoli dettaljati għall-applikazzjoni tal-Artikolu 108 tat-Trattat dwar il-Funzjonament tal-Unjoni Ewropea (1), li jipprevedi l-modalitajiet ta’ applikazzjoni tal-proċedura ta’ investigazzjoni formali fil-kuntest tal-verifika, li għandha titwettaq mill-Kummissjoni, tal-kompatibbiltà tal-miżura nnotifikata mas-suq intern.
|
— |
F’dan ir-rigward, ir-rikorrenti tesponi l-profili u l-effetti li jirriżultaw mill-ftugħ tas-suq tal-kapaċità għal unitajiet ta’ ġenerazzjoni ġodda mhux awtorizzati, li fir-rigward tagħhom ma saritx evalwazzjoni xierqa min-naħa tal-Kummissjoni, filwaqt li tosserva li hemm aspetti oħra tas-sistema li ġew modifikati, li fir-rigward tagħhom, madankollu, il-Kummissjoni naqset milli twettaq kwalsiasi evalwazzjoni jew wettqet evalwazzjoni żbaljata. |