—

tannulla l-att ikkontestat taħt l-Artikolu 263 TFUE;

—

tiddikjara li l-Anness XIII tar-Regolament REACH, u/jew id-dispożizzjonijiet rilevanti ta’ dan l-anness (b’mod partikolari, it-Taqsimiet 1.1.2 u/jew 1.2.2), huma illegali u mhux applikabbli għall-każ inkwistjoni, skont l-Artikolu 277 TFUE, sa fejn iwaqqfu jew ixekklu evalwazzjoni u/jew konklużjoni valida dwar il-proprjetajiet ta’ D4 u D5;

—

fil-każ fejn: (a) l-opinjoni tal-Kumitat tal-Istati Membri tal-Aġenzija Ewropea għas-Sustanzi Kimiċi (ECHA) ta’ April 2015; (b) l-opinjoni tal-Kumitat għall-Istima tar-Riskji tal-ECHA ta’ Marzu 2016; (c) l-opinjoni tal-Kumitat għall-Analiżi Soċjo-ekonomika tal-ECHA ta’ Ġunju 2016; (d) il-konklużjonijiet/deċiżjonijiet tal-grupp ta’ esperti dwar is-sustanzi PBT tal-ECHA ta’ Novembru 2012; u/jew (e) il-linji gwida rilevanti tal-ECHA – ma jitqiesux li jikkostitwixxu atti preparatorji li wasslu għall-adozzjoni tal-att ikkontestat – tiddikjara dawn l-atti illegali u mhux applikabbli skont l-Artikolu 277 TFUE;

—

tikkundanna lill-konvenuta għall-ispejjeż; u

—

tordna kull miżura oħra li tista’ tkun xierqa.

1.

L-ewwel motiv ibbażat fuq l-illegalità, żbalji manifesti ta’ liġi u ta’ fatt, żbalji manifesti ta’ evalwazzjoni, il-ksur tal-prinċipju ta’ ċertezza legali, it-teħid ta’ deċiżjonijiet arbitrarji u l-assenza ta’ motivazzjoni – għal dak li jirrigwarda l-evalwazzjoni tar-riskji.

2.

It-tieni motiv ibbażat fuq l-illegalità, żbalji manifesti ta’ liġi u ta’ fatt, żbalji manifesti ta’ evalwazzjoni, il-ksur tal-prinċipju ta’ ċertezza legali u t-teħid ta’ deċiżjonijiet arbitrarji – għal dak li jirrigwarda l-evalwazzjoni tal-perikoli. Dan jinkludi eċċezzjoni ta’ illegalità skont l-Artikolu 277 TFUE għal dak li jirrigwarda d-dispożizzjonijiet rilevanti tal-Anness XIII tar-Regolament REACH u/jew ta’ atti u miżuri preċedenti.

3.

It-tielet motiv ibbażat fuq l-illegalità, żbalji manifesti ta’ liġi u ta’ fatt, il-ksur tal-prinċipju ta’ ċertezza legali, it-teħid ta’ deċiżjonijiet arbitrarji u l-assenza ta’ motivazzjoni – għal dak li jirrigwarda l-evalwazzjoni tal-perikoli, b’mod partikolari d-determinazzjoni permezz ta’ provi suffiċjenti. Dan jinkludi eċċezzjoni ta’ illegalità skont l-Artikolu 277 TFUE għal dak li jirrigwarda d-dispożizzjonijiet rilevanti tal-Anness XIII tar-Regolament REACH u/jew ta’ atti u miżuri preċedenti.

4.

Ir-raba’ motiv ibbażat fuq l-assenza ta’ ċertezza legali, il-ksur tal-prinċipju ta’ amministrazzjoni tajba, l-assenza ta’ motivazzjoni – għal dak li jirrigwarda l-evalwazzjoni tal-perikoli u tar-riskji, b’mod partikolari d-determinazzjoni permezz ta’ provi suffiċjenti.

5.

Il-ħames motiv ibbażat fuq il-ksur tad-drittijiet tad-difiża, inkluż id-dritt għal smigħ; l-assenza ta’ motivazzjoni, id-dritt għal smigħ xieraq – għal dak li jirrigwarda l-evalwazzjoni tal-perikoli u tar-riskji, b’mod partikolari d-determinazzjoni permezz ta’ provi suffiċjenti.

6.

Is-sitt motiv ibbażat fuq il-fatt li l-att jeċċedi manifestament il-limiti tas-setgħat diskrezzjonali, żball manifest fl-eżerċizzju tas-setgħat diskrezzjonali u l-ksur tal-bilanċ tas-setgħat istituzzjonali – għal dak li jirrigwarda l-evalwazzjoni tal-perikoli u tar-riskji.

7.

Is-seba’ motiv ibbażat fuq l-illegalità, żbalji manifesti ta’ liġi u ta’ fatt, żbalji manifesti fl-eżerċizzju tas-setgħat diskrezzjonali, il-qbiż manifest tal-limiti tas-setgħat diskrezzjonali, il-ksur tal-prinċipji ta’ ċertezza legali u ta’ aspettattivi leġittimi, l-assenza ta’ motivazzjoni – għal dak li jirrigwarda l-evalwazzjoni tal-perikoli u tar-riskji, u żbalji manifesti ta’ evalwazzjoni tal-fatti rilevanti u tad-dispożizzjonijiet legali rilevanti.

8.

It-tmien motiv ibbażat fuq il-ksur tal-prinċipji ta’ ċertezza legali u ta’ aspettattivi leġittimi, l-insuffiċjenza ta’ motivazzjoni, żbalji manifesti ta’ fatt u ta’ liġi – għal dak li jirrigwarda l-adozzjoni, l-applikazzjoni, is-sens u l-portata tar-restrizzjoni REACH.

9.

Id-disa’ motiv ibbażat fuq il-ksur tal-prinċipju ta’ proporzjonalità – għal dak li jirrigwarda l-applikazzjoni u l-portata tar-restrizzjoni REACH.

10.

L-għaxar motiv ibbażat fuq il-ksur tar-rekwiżiti formali essenzjali, l-illegalità, żbalji manifesti fl-eżerċizzju tas-setgħat diskrezzjonali, żbalji manifesti ta’ fatt u ta’ liġi, il-ksur tal-prinċipji ta’ ċertezza legali u ta’ aspettattivi leġittimi, il-ksur tal-prinċipju ta’ amministrazzjoni tajba, l-assenza ta’ motivazzjoni – qabel l-adozzjoni tar-restrizzjoni REACH.

11.

Il-ħdax-il motiv ibbażat fuq l-inapplikabbiltà, skont l-Artikolu 277 TFUE, tad-dispożizzjonijiet rilevanti tal-Anness XIII tar-Regolament REACH u ta’ atti u miżuri oħra preċedenti li jwaqqfu u/jew ixekklu evalwazzjoni u/jew konklużjoni valida dwar il-proprjetajiet ta’ D4 u D5.