This document is an excerpt from the EUR-Lex website
Document 62013CN0124
Case C-124/13: Action brought on 14 March 2013 — European Parliament v Council of the European Union
Kawża C-124/13: Rikors ippreżentat fl- 14 ta’ Marzu 2013 — Il-Parlament Ewropew vs Il-Kunsill tal-Unjoni Ewropea
Kawża C-124/13: Rikors ippreżentat fl- 14 ta’ Marzu 2013 — Il-Parlament Ewropew vs Il-Kunsill tal-Unjoni Ewropea
ĠU C 156, 1.6.2013, p. 21–21
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
1.6.2013 |
MT |
Il-Ġurnal Uffiċjali tal-Unjoni Ewropea |
C 156/21 |
Rikors ippreżentat fl-14 ta’ Marzu 2013 — Il-Parlament Ewropew vs Il-Kunsill tal-Unjoni Ewropea
(Kawża C-124/13)
2013/C 156/32
Lingwa tal-kawża: l-Ingliż
Partijiet
Rikorrent: Il-Parlament Ewropew (rappreżentanti: L.G. Knudsen, I. Liukkonen u R. Kaškina, aġenti)
Konvenut: Il-Kunsill tal-Unjoni Ewropea
Talbiet
— |
tannulla r-Regolament tal-Kunsill (UE) Nru 1243/2012, tad-19 ta’ Diċembru 2012, li jemenda r-Regolament (KE) Nru 1342/2008 li jistabbilixxi pjan għal perijodu fit-tul għall-istokkijiet tal-merluzz u għas-sajd li jisfrutta dawk l-istokkijiet (1); u |
— |
tikkundanna lill-Kunsill tal-Unjoni Ewropea għall-ispejjeż. |
Motivi u argumenti prinċipali
Il-Parlament Ewropew iqajjem motiv wieħed ta’ annullament tar-regolament ikkontestat ibbażat fuq l-allegazzjoni li l-Artikolu 43(3) TFUE ma huwiex il-bażi legali adegwata għar-regolament ikkontestat u li dan missu ġie adottat abbażi tal-Artikolu 43(2) TFUE, billi din id-dispożizzjoni tal-aħħar tagħti lill-leġiżlatur tal-Unjoni Ewropea s-setgħat neċessarji sabiex jadotta att bil-għan u bil-kontenut tar-regolament ikkontestat. Il-bażi legali użata teskludi l-parteċipazzjoni tal-Parlament fl-adozzjoni tal-att, filwaqt li l-Artikolu 43(2) TFUE jipprovdi li għandha tiġi segwita l-proċedura leġiżlattiva ordinarja. Il-bażi legali żbaljata għandha twassal għall-annullament tar-regolament ikkontestat.
Fl-ewwel parti tal-motiv tiegħu, il-Parlament isostni li, billi kull pjan multiannwali, bħal dak inkwistjoni f’din il-kawża, huwa strument għall-konservazzjoni u għall-ġestjoni tal-istokkijiet tal-ħut, dan jifforma assjem li jinkludi biss dispożizzjonijiet intiżi sabiex jintlaħqu l-għanijiet ta’ sostenibbiltà u ta’ konservazzjoni tal-politika komuni tas-sajd u għalhekk għandu jiġi adottat fl-totalità tiegħu taħt l-Artikolu 43(2) TFUE.
It-tieni parti tal-motiv tal-Parlament tikkonsisti fl-affermazzjoni li l-adozzjoni tar-regolament ikkontestat b’mod separat mill-bqija tal-proposta tal-Kummissjoni fi kwalunkwe każ tikkostitwixxi abbuż tal-proċedura u ġġib fix-xejn il-kontenut tal-ġurisprudenza stabbilita dwar l-għażla tal-bażi legali skont iċ-ċentru ta’ gravità tal-att. Il-qsim tal-proposta ppermetta li l-Kunsill jagħżel, b’mod artifiċjali, bażi legali separata għal ċerti elementi tal-att propost, filwaqt li dawn kienu jiġu assorbiti mill-bażi legali waħdanija tal-Artikolu 43(2) TFUE li kieku l-att ġie adottat fil-forma tal-assjem inizjalment propost.
(1) ĠU L 352, p. 10.