EUR-Lex Access to European Union law
This document is an excerpt from the EUR-Lex website
Document 62011TN0333
Case T-333/11: Action brought on 24 June 2011 — Wessang v OHIM — Greinwald (star foods)
Kawża T-333/11: Rikors ippreżentat fl- 24 ta’ Ġunju 2011 — Wessang vs UASI — Greinwald (star foods)
Kawża T-333/11: Rikors ippreżentat fl- 24 ta’ Ġunju 2011 — Wessang vs UASI — Greinwald (star foods)
ĠU C 269, 10.9.2011, p. 51–52
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
10.9.2011 |
MT |
Il-Ġurnal Uffiċjali tal-Unjoni Ewropea |
C 269/51 |
Rikors ippreżentat fl-24 ta’ Ġunju 2011 — Wessang vs UASI — Greinwald (star foods)
(Kawża T-333/11)
2011/C 269/114
Lingwa tar-rikors: il-Franċiż
Partijiet
Rikorrent: Nicolas Wessang (Zimmerbach, Franza) (rappreżentant: A. Grolée, avukat)
Konvenut: L-Uffiċċju għall-Armonizzazzjoni fis-Suq Intern (Trade marks u Disinni)
Parti oħra quddiem il-Bord tal-Appell: Greinwald GmbH (Kempten, il-Ġermanja)
Talbiet
Ir-rikorrent jitlob li l-Qorti Ġenerali jogħġobha:
— |
tannulla d-deċiżjoni mogħtija mill-Bord tal-Appell tal-UASI fil-15 ta’ April 2011; |
— |
taqta’ u tiddeċiedi li huwa l-UASI li għandu jieħu l-miżuri għall-implementazzjoni tal-imsemmija sentenza li tiddeċiedi l-annullament tad-deċiżjoni ċċitata iktar ’il fuq u għalhekk li jilqa’ l-oppożizzjoni mressqa minn N. Wessang fis-26 ta’ Settembru 2005 kontra applikazzjoni għar-reġistrazzjoni tat-trade mark STAR FOODS bi grafika Nru 4 105 615; |
— |
taqta’ u tiddeċiedi li huwa l-UASI li għandu jieħu l-miżuri għall-implementazzjoni ta’ din is-sentenza li tiddeċiedi l-annullament tad-deċiżjoni ċċitata iktar ’il fuq u għalhekk tiċħad l-applikazzjoni għar-reġistrazzjoni tat-trade mark STAR FOODS bi grafika Nru 4 105 615 fl-intier tagħha; |
— |
tikkundanna lill-kumpannija GREINWALD GmbH u l-UASI in solidum, għall-ispejjeż kollha sostnuti minn N. Wessang fil-proċedimenti ta’ oppożizzjoni, il-proċedimenti tal-appell u din il-proċedura; |
— |
tikkundanna lill-kumpannija GREINWALD GmbH għall-ispejjeż kollha li sostniet fil-proċedimenti ta’ oppożizzjoni, il-proċedimenti tal-appell u din il-proċedura; |
— |
tikkundanna lill-UASI għall-ispejjeż kollha li sostna fil-proċedimenti ta’ oppożizzjoni, il-proċedimenti tal-appell u din il-proċedura. |
Motivi u argumenti prinċipali
Applikanti għat-trade mark Komunitarja: Greinwald GmbH
Trade mark Komunitarja kkonċernata: Trade mark figurattiva “star foods” għal prodotti fil-klassijiet 29, 30 u 32 –Applikazzjoni għar-reġistrazzjoni Nru 4 105 615
Proprjetarju tat-trade mark jew tas-sinjal invokat insostenn tal-oppożizzjoni: Ir-rikorrent
Trade mark jew sinjal invokat: Trade marks figurattivi u verbali Komunitarji “STAR SNACKS” għal prodotti fil-klassijiet 29, 30 u 31
Deċiżjoni tad-Diviżjoni tal-Oppożizzjoni: Oppożizzjoni milqugħa
Deċiżjoni tal-Bord tal-Appell: Oppożizzjoni miċħuda; deċiżjoni meħuda wara s-sentenza tal-Qorti Ġenerali mogħtija fil-11 ta’ Mejju 2010 fil-Kawża T-492/08, Wessang vs UASI — Greinwald (star foods)
Motivi invokati: Ir-rikorrent isostni li l-Qorti Ġenerali ddeċidiet li teżisti probabbiltà ta’ konfużjoni bejn iż-żewġ trade marks f’kunflitt u li, għalhekk, il-Bord tal-Appell kellu kompetenza limitata wara s-sentenza tal-Qorti Ġenerali. Ir-rikorrent għalhekk iqis li l-Bord tal-Appell qabeż il-kompetenzi tiegħu meta reġa’ ddeċieda l-każ fl-intier tiegħu.