Rikors ippreżentat fil-25 ta' Frar 2008 — Il-Kummissjoni tal-Komunitajiet Ewropej vs Ir-Repubblika ta' Malta

(Kawża C-76/08)

(2008/C 92/43)

Lingwa tal-kawża: L-Ingliż

Partijiet

Rikorrenti: Il-Kummissjoni tal-Komunitajiet Ewropej (rappreżentanti: D. Recchia u D. Lawunmi, aġenti)

Konvenuta: Ir-Repubblika ta' Malta

Talbiet

Motivi u argumenti prinċipali

Id-Direttiva tal-Kunsill 79/409/KEE dwar il-konservazzjoni ta' l-għasafar selvaġġi tikkonċerna l-konservazzjoni ta' l-ispeċi kollha ta' l-għasafar li jinsabu fin-natura fit-territorju Ewropew ta' l-Istati Membri li għalih japplika t-Trattat. Din id-direttiva tistabbilixxi miżuri għall-protezzjoni, l-amministrazzjoni u l-kontroll ta' dawn l-ispeċi u tippreskrivi regoli għall-isfruttar tagħhom. Mill-adeżjoni ma' l-Unjoni Ewropea fl-1 ta' Mejju 2004 sal-lum, l-awtoritajiet Maltin eżerċitaw id-dritt li japplikaw id-deroga li tinsab fl-Artikolu 9(1) tad-Direttiva fir-rigward tal-kaċċa għas-summien u għall-gamiem matul il-perijodu tal-passa tar-rebbiegħa meta dawn ikunu sejrin lura lejn il-postijiet tat-trobbija tagħhom f'numru ta' pajjiżi li jinsabu fit-tramuntana tal-Baħar Mediterranju. Il-kwistjoni mqajma f'dawn il-proċeduri hija jekk l-awtoritajiet Maltin jaqgħux fl-ambitu tad-deroga li tinsab fl-Artikolu 9(1) b'tali mod li tista' tiġi permessa l-kaċċa għall-ispeċi in kwistjoni f'Malta matul il-passa tar-rebbiegħa għar-raġuni li ma hemm ebda soluzzjoni oħra sodisfaċenti.

(1)  ĠU L 103, p. 1.