Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 52020PC0174

Proposta għal REGOLAMENT TAL-KUNSILL li jemenda r-Regolament (UE, Euratom) Nru 1311/2013 li jistabbilixxi l-qafas finanzjarju pluriennali għas-snin 2014-2020

COM/2020/174 final

Brussell, 2.4.2020

COM(2020) 174 final

2020/0055(APP)

Proposta għal

REGOLAMENT TAL-KUNSILL

li jemenda r-Regolament (UE, Euratom) Nru 1311/2013 li jistabbilixxi l-qafas finanzjarju pluriennali għas-snin 2014-2020


MEMORANDUM TA’ SPJEGAZZJONI

1.KUNTEST TAL-PROPOSTA

It-tifqigħa tal-COVID-19 affettwat is-soċjetà u l-ekonomija fl-Unjoni Ewropea b’mod drammatiku li jirrikjedi l-adozzjoni ta’ miżuri eċċezzjonali mill-Istati Membri. It-tifqigħa tirrappreżenta emerġenza severa tas-saħħa pubblika għaċ-ċittadini, is-soċjetajiet u l-ekonomiji. L-attivitajiet ekonomiċi qed jiġu mfixkla u dan qed jikkawżaw limiti ta’ likwidità u deterjorament sever tas-sitwazzjoni finanzjarja tal-atturi ekonomiċi (l-intrapriżi, u b’mod partikolari l-SMEs). L-Istati Membri qed jiffaċċjaw ukoll żieda fid-domanda għar-riżorsi tal-istat biex jiffinanzjaw is-sistemi tas-saħħa pubblika u jinżammu s-servizzi pubbliċi.

Sabiex tgħin lill-Istati Membri jlaħħqu ma’ dawn l-isfidi kollha u jirreaġixxu għall-impatt tat-tifqigħa, il-Kummissjoni pproponiet firxa wiesgħa ta’ miżuri fl-Inizjattiva ta’ Investiment ta’ Rispons għall-COVID-19 1 , inkluż l-iskjerament tal-Fondi Strutturali u ta’ Investiment Ewropej 2 . Ġie propost it-tisħiħ tal-Mekkaniżmu tal-Unjoni għall-Protezzjoni Ċivili/rescEU, biex jiġi kkoordinat l-akkwist konġunt u jiżdied l-istokk tal-mediċini, tat-tagħmir ta’ sikurezza personali u tal-prodotti medikali, u biex jiġu rimpatrijati ċ-ċittadini Ewropej maqbuda barra mill-UE 3 . Ġie propost ukoll tisħiħ taċ-Ċentru Ewropew għall-Prevenzjoni u l-Kontroll tal-Mard (ECDC).  

Sabiex tipprovdi reazzjoni adegwata għall-ħtiġijiet li jirriżultaw mit-tifqigħa tal-COVID-19, il-Kummissjoni issa qed tipproponi li tattiva, b’baġit ta’ EUR 2,7 biljun, l-Istrument għall-Appoġġ ta’ Emerġenza, maħluq fl-2016 meta l-kriżi tar-refuġjati kienet fl-aqwa tagħha, bħala assistenza lill-Istati Membri fit-tifqigħa tal-COVID-19 4 . Fid-dawl tal-iżvilupp rapidu tal-kriżi, il-Kummissjoni qed tipproponi wkoll li tkompli ssaħħaħ il-Mekkaniżmu tal-Unjoni għall-Protezzjoni Ċivili/rescEU b’baġit addizzjonali ta’ EUR 300 miljun biex tiffaċilita kumulazzjoni estensiva u l-koordinazzjoni tad-distribuzzjoni tar-riżorsi essenzjali madwar l-Ewropa 5 . 

Dan jirrikjedi l-mobilizzazzjoni ta’ strumenti speċjali peress li ma hemmx marġini disponibbli jew ambitu għall-iskjerament mill-ġdid fl-intestatura 3 tal-qafas finanzjarju pluriennali (QFP). Id-disponibbiltà ta’ strumenti speċjali għall-2020 hija ppreżentata fl-aġġustament tekniku tal-QFP għall-2020 6 .



Fuq il-bażi tad-definizzjoni u l-ambitu attwali tal-istrumenti speċjali fir-Regolament dwar il-QFP, l-Istrument ta’ Flessibbiltà u l-Marġini ta’ Kontinġenza biss jistgħu jintużaw għal dan l-għan, peress li l-użu tal-Marġini Globali għal Impenji huwa ristrett għaż-żgħażagħ u l-impjiegi kif ukoll għall-migrazzjoni u s-sigurtà. Il-fondi li bħalissa huma disponibbli b’mod ikkombinat fil-qafas tal-Istrument ta’ Flessibbiltà u tal-Marġini ta’ Kontinġenza mhumiex biżżejjed biex ikopru l-ħtiġijiet ta’ finanzjament tal-Istrument għall-Appoġġ ta’ Emerġenza u tat-tisħiħ sinifikanti tal-Mekkaniżmu tal-Unjoni għall-Protezzjoni Ċivili/rescEU.

Peress li din hija l-aħħar sena tal-QFP 2014–2020 u l-Unjoni Ewropea qed tiffaċċja kriżi tas-saħħa u ekonomika bla preċedent, il-Kummissjoni tipproponi li jiġi emendat ir-Regolament dwar il-QFP biex jitneħħew il-limitazzjonijiet tal-Marġini Globali għal Impenji (Artikolu 14) biex ikun possibbli l-iffinanzjar sħiħ tal-ammont ta’ EUR 3,0 biljun għar-rispons għat-tifqigħa tal-COVID-19 propost fl-Abbozz ta’ Baġit Emendatorju Nru 2/2020 ippreżentat separatament.

Il-Kummissjoni tipproponi t-tħassir tar-referenzi għaż-“żgħażagħ u l-impjiegi”, u “għall-migrazzjoni u miżuri ta’ sigurtà” mit-test tal-Artikoli rilevanti.

L-Artikolu 135(2) tal-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika 7 jipprevedi li l-emendi tar-Regolament tal-Kunsill (UE, Euratom) Nru 1311/2013 li jiġu adottati fid-data tad-dħul fis-seħħ ta’ dan il-Ftehim jew warajha ma għandhomx ikunu japplikaw għar-Renju Unit sa fejn dawk l-emendi jkollhom impatt fuq l-obbligi finanzjarji tar-Renju Unit. L-emendi previsti f’dan ir-Regolament huma limitati għall-bidla fl-għan tal-użu tal-Marġini Globali għal Impenji u ma jżidux l-obbligi finanzjarji. Għaldaqstant, l-Artikolu 135(2) tal-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika ma japplikax għal din l-emenda.

2.IMPLIKAZZJONIJIET BAĠITARJI

Din il-proposta ma għandhiex implikazzjonijiet baġitarji immedjati. Il-Marġini Globali għal Impenji huwa mobilizzat u mdaħħal fil-baġit annwali skont il-proċeduri stabbiliti fir-Regolament dwar il-QFP u fil-Ftehim Interistituzzjonali dwar dixxiplina baġitarja, dwar kooperazzjoni f’materji ta’ baġit u dwar ġestjoni finanzjarja tajba.

2020/0055 (APP)

Proposta għal

REGOLAMENT TAL-KUNSILL

li jemenda r-Regolament (UE, Euratom) Nru 1311/2013 li jistabbilixxi l-qafas finanzjarju pluriennali għas-snin 2014-2020

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 312 tiegħu,

Wara li kkunsidra l-proposta tal-Kummissjoni Ewropea,

Wara li l-abbozz tal-att leġiżlattiv intbagħat lill-parlamenti nazzjonali,

Wara li kkunsidra l-kunsens tal-Parlament Ewropew 8 ,

Filwaqt li jaġixxi f’konformità ma’ proċedura leġiżlattiva speċjali,

Billi:

(1)It-tifqigħa tal-COVID-19 u l-kriżi tas-saħħa pubblika assoċjata, li jeħtieġu miżuri straordinarji, tefgħet pressjoni enormi fuq ir-riżorsi finanzjarji disponibbli fi ħdan il-limiti massimi tal-QFP u lil hinn minnhom.

(2)Sabiex l-Unjoni tkun tista’ tiffinanzja rispons xieraq għat-tifqigħa tal-COVID-19 u għall-kriżi tas-saħħa pubblika u ekonomika assoċjata fil-qafas tal-Istrument għall-Appoġġ ta’ Emerġenza 9 , qed jiġi propost li jinbidel l-għan li għalih jistgħu jintużaw l-approprjazzjonijiet disponibbli fil-qafas tal-Marġini Globali għal Impenji, fejn dan jirreferi għat-tkabbir u l-impjiegi, b’mod partikolari għall-impjiegi taż-żgħażagħ, kif ukoll għall-migrazzjoni u miżuri ta’ sigurtà.

(3)Qed jiġi propost li l-Marġini Globali għal Impenji jiġi mobilizzat mill-iktar fis possibbli, biex ikun jista’ jintuża b’mod rapidu fl-2020, kif propost fl-Abbozz ta’ Baġit Emendatorju Nru 2/2020 10 . Din l-emenda tar-Regolament Nru 1311/2013 jenħtieġ li tidħol fis-seħħ mhux iktar tard mill-istess jum tal-adozzjoni ta’ dan l-Abbozz ta’ Baġit Emendatorju.

(4)L-Artikolu 135(2) tal-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika 11 jipprevedi li l-emendi tar-Regolament tal-Kunsill (UE, Euratom) Nru 1311/2013 li jiġu adottati fid-data tad-dħul fis-seħħ ta’ dan il-Ftehim jew warajha ma għandhomx ikunu japplikaw għar-Renju Unit sa fejn dawk l-emendi jkollhom impatt fuq l-obbligi finanzjarji tar-Renju Unit. L-emendi previsti f’dan ir-Regolament huma limitati għall-bidla fl-għan tal-użu tal-Marġini Globali għal Impenji u ma jżidux l-obbligi finanzjarji. Għaldaqstant, huwa xieraq li jiġi ċċarat li l-Artikolu 135(2) tal-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika ma japplikax għal din l-emenda.

(5)Għaldaqstant, jenħtieġ li r-Regolament (UE, Euratom) Nru 1311/2013 jiġi emendat skont dan,

ADOTTA DAN IR-REGOLAMENT:

Artikolu 1

Ir-Regolament (UE, Euratom) Nru 1311/2013 huwa emendat kif ġej:

(1)    Fl-Artikolu 3(2), it-tieni sentenza hi ssostitwita b’dan li ġej:

“L-approprjazzjonijiet ta’ impenn jistgħu jiddaħħlu fil-baġit lil hinn mil-limiti massimi tal-intestaturi rilevanti tal-QFP fejn ikun neċessarju li jintużaw ir-riżorsi mir-Riżerva ta’ Għajnuna f’Emerġenza, mill-Fond ta’ Solidarjetà tal-Unjoni Ewropea, mill-Istrument ta’ Flessibbiltà, mill-Fond Ewropew ta’ Aġġustament għall-Globalizzazzjoni, mill-Marġini ta’ Kontinġenza, mill-flessibbiltà speċifika biex jiġi indirizzat il-qgħad fost iż-żgħażagħ u biex tissaħħaħ ir-riċerka u mill-Marġini Globali għal Impenji f’konformità mar-Regolament tal-Kunsill (KE) Nru 2012/2002 (*), mar-Regolament (UE) Nru 1309/2013 tal-Parlament Ewropew u tal-Kunsill (**) u mal-Ftehim Interistituzzjonali dwar dixxiplina baġitarja, dwar kooperazzjoni f’materji ta’ baġit u dwar ġestjoni finanzjarja tajba (***).

_____________________________

(*)Ir-Regolament tal-Kunsill (UE) Nru 2012/2002 tal-11 ta’ Novembru 2002 li jistabbilixxi l-Fond ta’ Solidarjetà tal-Unjoni Ewropea ( ĠU L 311, 14.11.2002, p. 3 ).

(**)Ir-Regolament (UE) Nru 1309/2013 tal-Parlament Ewropew u tal-Kunsill tas-17 ta’ Diċembru 2013 dwar il-Fond Ewropew ta’ Aġġustament għall-Globalizzazzjoni (2014-2020) u li jħassar ir-Regolament tal-Kunsill (KE) Nru 1927/2006 (ĠU L 347, 20.12.2013, p. 855).

(***)Il-Ftehim Interistituzzjonali bejn il-Parlament Ewropew, il-Kunsill u l-Kummissjoni tat-2 ta’ Diċembru 2013 dwar dixxiplina baġitarja, dwar kooperazzjoni f’materji ta’ baġit u dwar ġestjoni finanzjarja tajba (ĠU C 373, 20.12.2013, p. 1).”;

(2)    L-Artikolu 14 huwa emendat kif ġej:

(a)    it-titolu qed jinbidel b’dan li ġej:

“Marġini Globali għal Impenji”

(b)    il-paragrafu 1 huwa ssostitwit b’dan li ġej:

“1.    Il-marġini li għadhom disponibbli taħt il-limiti massimi tal-QFP għall-approprjazzjonijiet ta’ impenn għandhom jikkostitwixxu Marġini Globali għal Impenji, magħmul disponibbli barra mil-limiti massimi stabbiliti fil-QFP għas-snin 2016 sa 2020.”

Artikolu 2

Dan ir-Regolament għandu jidħol fis-seħħ fid-data tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell,

   Għall-Kunsill

   Il-President

(1)    Il-Komunikazzjoni tal-Kummissjoni lill-Parlament Ewropew, lill-Kunsill Ewropew, lill-Kunsill, lill-BĊE, lill-BEI u lill-Grupp tal-Euro: Rispons ekonomiku kkoordinat għat-tifqigħa tal-COVID-19; COM(2020) 112 final, 13.3.2020.
(2)    Proposta għal Regolament tal-Parlament Ewropew u tal-Kunsill li jemenda r-Regolament (UE) Nru 1303/2013, ir-Regolament (UE) Nru 1301/2013 u r-Regolament (UE) Nru 508/2014 fir-rigward ta’ miżuri speċifiċi biex jiġu mmobilizzati investimenti fis-sistemi tal-kura tas-saħħa tal-Istati Membri u fis-setturi l-oħra tal-ekonomiji tagħhom b’reazzjoni għat-tifqigħa COVID-19 [Inizjattiva ta’ Investiment fir-Rispons għall-Coronavirus], tat-13 ta’ Marzu 2020, COM(2020) 113 final, 13.3.2020.
(3)    L-Abbozz ta’ Baġit Emendatorju Nru 1/2020, COM(2020) 145, 27.3.2020.
(4)    Proposta għal Regolament tal-Kunsill li jattiva l-appoġġ ta’ emerġenza skont ir-Regolament tal-Kunsill (UE) 2016/369 tal-15 ta’ Marzu 2016 u li jemenda d-dispożizzjonijiet tiegħu fir-rigward tat-tifqigħa tal-COVID-19, COM(2020) 175, 2.4.2020.
(5)    L-Abbozz ta’ Baġit Emendatorju Nru 2/2020, COM(2020) 170, 2.4.2020.
(6)    Il-Komunikazzjoni tal-Kummissjoni lill-Parlament Ewropew u lill-Kunsill dwar l-aġġustament tekniku fir-rigward tal-istrumenti speċjali għall-2020 (l-Artikolu 6(1)(e) u (f) tar-Regolament tal-Kunsill Nru 1311/2013 li jistabbilixxi l-qafas finanzjarju pluriennali għas-snin 2014-2020). COM(2020) 173, 2.4.2020.
(7)    ĠU L 29, 31.1.2020, p. 7.
(8)    ĠU C , , p. .
(9)    COM(2020) 175, 2.4.2020.
(10)    COM(2020) 170, 2.4.2020.
(11)    ĠU L 29, 31.1.2020, p. 7.
Top