This document is an excerpt from the EUR-Lex website
Document 32022R1675
Commission Implementing Regulation (EU) 2022/1675 of 29 September 2022 fixing the representative prices, import duties and additional import duties applicable to molasses in the sugar sector from 1 October 2022
Regolament ta’ Implimentazzjoni tal-Kummissjoni (UE) 2022/1675 tad-29 ta’ Settembru 2022 li jistabbilixxi l-prezzijiet rappreżentattivi, id-dazji tal-importazzjoni u l-ammonti tad-dazji tal-importazzjoni addizzjonali għal melassa fis-settur taz-zokkor applikabbli mill-1 ta’ Ottubru 2022
Regolament ta’ Implimentazzjoni tal-Kummissjoni (UE) 2022/1675 tad-29 ta’ Settembru 2022 li jistabbilixxi l-prezzijiet rappreżentattivi, id-dazji tal-importazzjoni u l-ammonti tad-dazji tal-importazzjoni addizzjonali għal melassa fis-settur taz-zokkor applikabbli mill-1 ta’ Ottubru 2022
ĠU L 252, 30.9.2022, p. 14–16
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 30/09/2023; Imħassar b' 32023R2092
|
30.9.2022 |
MT |
Il-Ġurnal Uffiċjali tal-Unjoni Ewropea |
L 252/14 |
REGOLAMENT TA’ IMPLIMENTAZZJONI TAL-KUMMISSJONI (UE) 2022/1675
tad-29 ta’ Settembru 2022
li jistabbilixxi l-prezzijiet rappreżentattivi, id-dazji tal-importazzjoni u l-ammonti tad-dazji tal-importazzjoni addizzjonali għal melassa fis-settur taz-zokkor applikabbli mill-1 ta’ Ottubru 2022
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 1308/2013 tal-Parlament Ewropew u tal-Kunsill tas-17 ta' Diċembru 2013 li jistabbilixxi organizzazzjoni komuni tas-swieq fi prodotti agrikoli u li jħassar ir-Regolamenti tal-Kunsill (KEE) Nru 922/72, (KEE) Nru 234/79, (KE) Nru 1037/2001 u (KE) Nru 1234/2007 (1), u b'mod partikolari l-Artikoli 183 u 193a tiegħu,
Billi:
|
(1) |
Ir-Regolament tal-Kummissjoni (KE) Nru 951/2006 (2) jistipula li l-prezz cif tal-importazzjoni għall-melassa (għasel iswed) tal-kwalità standard definita fl-Artikolu 27 ta’ dak ir-Regolament huwa kkunsidrat bħala “prezz rappreżentattiv”. |
|
(2) |
Biex il-prezzijiet rappreżentattivi jiġu stabbiliti, għandha titqies l-informazzjoni kollha stipulata fl-Artikolu 29 tar-Regolament (KE) Nru 951/2006, għajr fil-każi pprovduti fl-Artikolu 30 ta’ dak ir-Regolament u, skont il-każ, dawk il-prezzijiet għandhom jiġu stabbiliti jsir skont il-metodu stipulat fl-Artikolu 33 ta’ dak ir-Regolament. |
|
(3) |
Għall-aġġustament tal-prezz li ma jikkonċernax il-kwalità standard, skont il-kwalità tal-melassa (għasel iswed) offruta, huwa xieraq li jitnaqqsu jew jiżdiedu l-prezzijet skont l-Artikolu 32 tar-Regolament (KE) Nru 951/2006. |
|
(4) |
Skont l-Artikolu 40 tar-Regolament (KE) Nru 951/2006, meta l-prezz rappreżentattiv tal-melassa msemmi fl-Artikolu 34(2) flimkien mad-dazju tal-importazzjoni applikabbli għall-melassa tal-kannamieli li jaqgħu taħt il-kodiċi NM 1703 10 00, jew għall-melassa tal-pitravi li jaqgħu taħt il-kodiċi NM 1703 90 00, jaqbżu, għall-prodott ikkonċernat, EUR 8,21/100 kg, id-dazji tal-importazzjoni għandhom jiġu sospiżi u sostitwiti bl-ammont tad-differenza misjuba mill-Kummissjoni. |
|
(5) |
Jekk id-dazji tal-importazzjoni jiġu sospiżi skont l-Artikolu 40 tar-Regolament (KE) Nru 951/2006, jeħtieġ li jiġu stabbiliti ammonti speċifiċi għal dawn id-dazji fl-istess ħin bħall-prezzijiet rappreżentattivi. |
|
(6) |
Fejn ikun hemm differenza bejn il-prezz inizjali għall-prodott ikkonċernat u l-prezz rappreżentattiv, jeħtieġ li jiġu ffissati dazji tal-importazzjoni addizzjonali f’konformità mal-Artikolu 39 tar-Regolament (KE) Nru 951/2006. |
|
(7) |
Jeħtieġ li jiġu ffissati l-prezzijiet rappreżentattivi, id-dazji tal-importazzjoni u d-dazji tal-importazzjoni addizzjonali applikabbli għall-importazzjonijiet tal-melassa koperta mill-kodiċijiet tan-NM 1703 10 00 u 1703 90 00, skont l-Artikolu 34 u l-Artikolu 40 tar-Regolament (KE) Nru 951/2006. |
|
(8) |
Għalhekk, jenħtieġ li r-Regolament ta’ Implimentazzjoni tal-Kummissjoni (UE) 2016/1733 (3) jitħassar. |
|
(9) |
Biex ikun żgurat li din il-miżura tapplika kemm jista’ jkun malajr wara li d-data aġġornata ssir disponibbli, jenħtieġ li dan ir-Regolament jidħol fis-seħħ fil-jum ta’ wara l-pubblikazzjoni tiegħu, |
ADOTTAT DAN IR-REGOLAMENT:
Artikolu 1
Il-prezzijiet rappreżentattivi, id-dazji tal-importazzjoni u d-dazji tal-importazzjoni addizzjonali applikabbli għall-importazzjoni ta’ melassa koperta mill-kodiċjiet tan-NM 1703 10 00 u 1703 90 00 huma stabbiliti fl-Anness ta' dan ir-Regolament.
Artikolu 2
Ir-Regolament ta’ Implimentazzjoni (UE) 2016/1733 jitħassar.
Artikolu 3
Dan ir-Regolament jidħol fis-seħħ fil-jum ta’ wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, id-29 ta’ Settembru 2022.
Għall-Kummissjoni
F’isem il-President,
Wolfgang BURTSCHER
Direttur Ġenerali
Direttorat Ġenerali tal-Agrikoltura u l-Iżvilupp Rurali
(1) ĠU L 347, 20.12.2013, p. 671.
(2) Ir-Regolament tal-Kummissjoni (KE) Nru 951/2006 tat-30 ta’ Ġunju 2006 li jistabbilixxi regoli dettaljati għall-implimentazzjoni tar-Regolament tal-Kunsill (KE) Nru 318/2006 dwar il-kummerċ ma’ pajjiżi terzi fis-settur taz-zokkor (ĠU L 178, 1.7.2006, p. 24).
(3) Ir-Regolament ta' Implimentazzjoni tal-Kummissjoni (UE) 2016/1733 tat-28 ta’ Settembru 2016 li jistabbilixxi l-prezzijiet rappreżentattivi u l-ammonti tad-dazji tal-importazzjoni addizzjonali għal għasel iswed fis-settur taz-zokkor applikabbli mill-1 ta' Ottubru 2016 (ĠU L 262, 29.9.2016, p. 27).
ANNESS
Il-prezzijiet rappreżentattivi, id-dazji tal-importazzjoni u d-dazji tal-importazzjoni addizzjonali applikabbli għal melassa fis-settur taz-zokkor mill-1 ta’ Ottubru 2022
|
(f’EUR) |
|||
|
Kodiċi tan-NM |
L-ammont tal-prezz rappreżentattiv għal kull 100 kg nett tal-prodott ikkonċernat |
L-ammont tad-dazju addizzjonali għal kull 100 kg nett tal-prodott ikkonċernat (1) |
L-ammont tad-dazju addizzjonali għal kull 100 kg nett tal-prodott ikkonċernat |
|
1703 10 00 (2) |
22,96 |
0 |
- |
|
1703 90 00 (2) |
14,30 |
0 |
- |
(1) Skont l-Artikolu 40 tar-Regolament (KE) Nru 951/2006, dan l-ammont jissostitwixxi r-rata tad-Dazju Doganali Komuni ffissata għal dawn il-prodotti.
(2) Stabbilit għall-kwalità standard kif iddefinita fl-Artikolu 27 tar-Regolament (KE) Nru 951/2006.