This document is an excerpt from the EUR-Lex website
Document 32020D2216
Commission Implementing Decision (EU) 2020/2216 of 22 December 2020 amending Annex I to Decision 2006/168/EC as regards the entry for the United Kingdom and certain of the Crown Dependencies in the list of third countries authorised for imports into the Union of bovine embryos (Text with EEA relevance)
Id-Deċiżjoni ta’ Implimentazzojni tal-Kummissjoni (UE) 2020/2216 tat-22 ta’ Diċembru 2020 li temenda l-Anness I tad-Deċiżjoni 2006/168/KE fir-rigward tal-entrata għar-Renju Unit u wħud mid-Dipendenzi tal-Kuruna fil-lista tal-pajjiżi terzi awtorizzati għall-importazzjonijiet fl-Unjoni ta’ embrijuni bovini (Test b’rilevanza għaż-ŻEE)
Id-Deċiżjoni ta’ Implimentazzojni tal-Kummissjoni (UE) 2020/2216 tat-22 ta’ Diċembru 2020 li temenda l-Anness I tad-Deċiżjoni 2006/168/KE fir-rigward tal-entrata għar-Renju Unit u wħud mid-Dipendenzi tal-Kuruna fil-lista tal-pajjiżi terzi awtorizzati għall-importazzjonijiet fl-Unjoni ta’ embrijuni bovini (Test b’rilevanza għaż-ŻEE)
C/2020/9553
ĠU L 438, 28.12.2020, p. 57–59
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 20/04/2021; Impliċitament imħassar minn 32021R0404
|
28.12.2020 |
MT |
Il-Ġurnal Uffiċjali tal-Unjoni Ewropea |
L 438/57 |
ID-DEĊIŻJONI TA’ IMPLIMENTAZZOJNI TAL-KUMMISSJONI (UE) 2020/2216
tat-22 ta’ Diċembru 2020
li temenda l-Anness I tad-Deċiżjoni 2006/168/KE fir-rigward tal-entrata għar-Renju Unit u wħud mid-Dipendenzi tal-Kuruna fil-lista tal-pajjiżi terzi awtorizzati għall-importazzjonijiet fl-Unjoni ta’ embrijuni bovini
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 89/556/KEE tal-25 ta’ Settembru 1989 dwar kondizzjonijiet ta’ saħħa tal-annimali li jirregolaw il-kummerċ intra-Komunitarju fi u l-importazzjoni minn pajjiżi terzi ta’ embrijoni ta’ annimali domestiċi tal-ispeċi tal-ifrat (1),u b’mod partikolari l-Artikolu 7(1) u l-Artikolu 9(1)(b) tagħha,
Billi:
|
(1) |
Id-Deċiżjoni tal-Kummissjoni 2006/168/KE (2) tistabbilixxi l-kundizzjonijiet għall-importazzjonijiet fl-Unjoni ta’ kunsinni ta’ embrijuni bovini. B’mod partikolari, l-Anness I ta’ dik id-Deċiżjoni jelenka pajjiżi terzi li minnhom l-Istati Membri jeħtieġ jawtorizzaw l-importazzjonijiet ta’ embrijuni bovini. |
|
(2) |
Ir-Renju Unit ipprovda l-garanziji neċessarji meħtieġa mid-Deċiżjoni 2006/168/KE sabiex ir-Renju Unit u d-Dipendenza tal-Kuruna ta’ Jersey jiġu elenkati fl-Anness I ta’ dik id-Deċiżjoni wara t-tmiem tal-perjodu ta’ tranżizzjoni previst fil-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika (il-Ftehim dwar il-ħruġ), mingħajr preġudizzju għall-applikazzjoni tad-dritt tal-Unjoni għar-Renju Unit u fih fir-rigward tal-Irlanda ta’ Fuq, f’konformità mal-Artikolu 5(4) tal-Protokoll dwar l-Irlanda/l-Irlanda ta’ Fuq tal-Ftehim dwar il-ħruġ, flimkien mal-Anness 2 ta’ dak il-Protokoll. Filwaqt li jitqiesu l-garanziji pprovduti mir-Renju Unit, dak il-pajjiż terz u d-Dipendenza tal-Kuruna jenħtieġ li jiġu inklużi fl-Anness I tad-Deċiżjoni 2006/168/KE. |
|
(3) |
Għalhekk, l-Anness I tad-Deċiżjoni 2006/168/KE jenħtieġ li jiġi emendat skont dan. |
|
(4) |
Peress li l-perjodu ta’ tranżizzjoni previst fil-Ftehim dwar il-ħruġ jintemm fil-31 ta’ Diċembru 2020, din id-Deċiżjoni jenħtieġ li tapplika mill-1 ta’ Jannar 2021. |
|
(5) |
Il-miżuri previsti f’din id-Deċiżjoni huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DIN ID-DEĊIŻJONI:
Artikolu 1
L-Anness I tad-Deċiżjoni 2006/168/KE huwa emendat f’konformità mal-Anness ta’ din id-Deċiżjoni.
Artikolu 2
Din id-Deċiżjoni għandha tapplika mill-1 ta’ Jannar 2021.
Artikolu 3
Din id-Deċiżjoni hija indirizzata lill-Istati Membri.
Magħmul fi Brussell, it-22 ta’ Diċembru 2020.
Għall-Kummissjoni
Stella KYRIAKIDES
Membru tal-Kummissjoni
(1) ĠU L 302, 19.10.1989, p. 1.
(2) Id-Deċiżjoni tal-Kummissjoni 2006/168/KE tal-4 ta’ Jannar 2006 li tistabbilixxi l-ħtiġijiet tas-saħħa tal-annimali u taċ-ċertifikazzjoni veterinarja għall-importazzjoni fil-Komunità ta’ embrijuni bovini u li tirrevoka d-Deċiżjoni 2005/217/KE (ĠU L 57, 28.2.2006, p. 19).
ANNESS
L-Anness I tad-Deċiżjoni 2006/168/KE huwa emendat kif ġej:
|
(1) |
l-entrata li ġejja tiddaħħal wara l-entrata għall-Iżvizzera:
|
|
(2) |
l-entrata li ġejja tiddaħħal wara l-entrata għall-Iżrael:
|