This document is an excerpt from the EUR-Lex website
Document 32020D1792
Council Decision (EU) 2020/1792 of 16 November 2020 on the AIEM tax applicable in the Canary Islands
Deċiżjoni tal-Kunsill (UE) 2020/1792 tas-16 ta’ Novembru 2020 dwar it-taxxa AIEM applikabbli fil-Gżejjer Kanarji
Deċiżjoni tal-Kunsill (UE) 2020/1792 tas-16 ta’ Novembru 2020 dwar it-taxxa AIEM applikabbli fil-Gżejjer Kanarji
ĠU L 402, 1.12.2020, p. 13–20
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
1.12.2020 |
MT |
Il-Ġurnal Uffiċjali tal-Unjoni Ewropea |
L 402/13 |
DEĊIŻJONI TAL-KUNSILL (UE) 2020/1792
tas-16 ta’ Novembru 2020
dwar it-taxxa AIEM applikabbli fil-Gżejjer Kanarji
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 349 tiegħu,
Wara li kkunsidra l-proposta tal-Kummissjoni Ewropea,
Wara li l-abbozz tal-att leġiżlattiv intbagħat lill-parlamenti nazzjonali,
Wara li kkunsidra l-opinjoni tal-Parlament Ewropew (1),
Filwaqt li jaġixxi skont proċedura leġiżlattiva speċjali,
Billi:
(1) |
Skont l-Artikolu 349 tat-Trattat dwar il-Funzjonament tal-Unjoni Ewropea. (TFUE), il-Kunsill, filwaqt li jqis ir-restrizzjonijiet strutturali soċjali u ekonomiċi tar-reġjuni ultraperiferiċi, inkluż il-periferiċità, l-insularità, id-daqs żgħir, it-topografija diffiċli u d-dipendenza ekonomika tagħhom fuq ftit prodotti, irid jadotta miżuri speċifiċi mmirati, b’mod partikolari, li jistabbilixxu l-kundizzjonijiet tal-applikazzjoni tat-Trattati għal dawk ir-reġjuni, inkluż il-politiki komuni. |
(2) |
Għalhekk, jenħtieġ li jiġu adottati miżuri speċifiċi sabiex jistabbilixxu l-kundizzjonijiet għall-applikazzjoni tat-TFUE għal dawk ir-reġjuni. Tali miżuri iridu jqisu l-karatteristiċi u r-restrizzjonijiet speċjali ta’ dawk ir-reġjuni, bla preġudizzju għall-integrità u l-koerenza tal-ordni ġuridiku tal-Unjoni, inkluż is-suq intern u l-politiki komuni. |
(3) |
Id-dipendenza ekonomika tal-Gżejjer Kanarji fuq is-settur tas-servizzi u b’mod partikolari fuq it-turiżmu, kif imkejjel fis-sehem tal-PDG tar-reġjun relatat ma’ dak is-settur, tikkostitwixxi restrizzjoni sinifikanti. Dak is-settur għandu rwol ferm akbar fl-ekonomija tal-Gżejjer Kanarji mis-settur tal-industrija. |
(4) |
Il-kombinazzjoni tal-iżolament u l-insularità inerenti f’arċipelagu tfixkel il-moviment liberu tal-persuni, tal-oġġetti u tas-servizzi u hija t-tieni l-akbar restrizzjoni li qed jiffaċċjaw il-Gżejjer Kanarji. Il-post fejn jinsabu l-gżejjer iżid id-dipendenza tagħhom fuq it-trasport bl-ajru u fuq it-trasport marittimu. It-trasport lejn, minn u fuq dawk il-gżejjer imbiegħda u insulari jkompli jżid il-kostijiet tal-produzzjoni għall-industriji lokali. Il-kostijiet tal-produzzjoni huma akbar minħabba li dawk il-modi ta’ trasport huma inqas effiċjenti u jiġu jiswew iktar flus milli bit-triq jew bil-ferrovija. |
(5) |
Bħala konsegwenza ulterjuri ta’ dan l-iżolament, kostijiet ogħla tal-produzzjoni jirriżultaw mid-dipendenza tal-gżejjer fuq l-importazzjoni ta’ materja prima u tal-enerġija, l-obbligu li jiġu akkumulati ħażniet u diffikultajiet li jaffettwaw il-forniment ta’ tagħmir ta’ produzzjoni. |
(6) |
Id-daqs żgħir tas-suq u l-livell baxx tal-attività tal- esportazzjoni, il-frammentazzjoni ġeografika tal-arċipelagu, u l-obbligu li jinżammu linji ta’ produzzjoni diversifikati iżda żgħar sabiex jissodisfaw ir-rekwiżiti ta’ suq żgħir, jillimitaw l-opportunitajiet għal ekonomiji ta’ skala. |
(7) |
F’ħafna każijiet huwa aktar diffiċli jew aktar għali fil-Gżejjer Kanarji biex tikseb servizzi speċjalizzati u ta’ manutenzjoni, u taħriġ għal maniġers u tekniċi, jew li tissottokuntratta jew tippromwovi l-espansjoni ta’ negozju lil hinn mis-suq reġjonali. Il-firxa dejqa ta’ metodi ta’ distribuzzjoni tirriżulta wkoll f’eċċess ta’ stokk. |
(8) |
Fir-rigward tal-ambjent, ir-rimi ta’ skart industrijali u t-trattament ta’ skart tossiku jagħti lok għal kostijiet ambjentali ogħla. Dawk il-kostijiet huma ogħla minħabba li ma hemmx impjanti tar-riċiklaġġ, ħlief għal ċerti prodotti, u l-iskart irid ikun ittrasportat biex jiġi ttrattat barra l-Gżejjer Kanarji. |
(9) |
It-taxxa magħrufa bħala ‘Arbitrio sobre Importaciones y Entregas de Mercancías en las Islas Canarias (‘it-taxxa AIEM’) qed isservi l-għan ta’ żvilupp awtonomu tas-setturi ta’ produzzjoni industrijali tal-Gżejjer Kanarji u għad-diversifikazzjoni tal-ekonomija tal-Gżejjer Kanarji. |
(10) |
Id-Deċiżjoni tal-Kunsill 2002/546/KE (2), adottata skont l-Artikolu 299 tat-Trattat KE, inizjalment awtorizzat lil Spanja biex tapplika eżenzjonijiet minn jew tnaqqis fit-taxxa AIEM sal-31 ta’ Diċembru 2011 għal ċerti prodotti li jiġu prodotti lokalment fil-Gżejjer Kanarji. L-Anness għal dik id-Deċiżjoni kien fih lista ta’ prodotti li għalihom jistgħu jiġu applikati eżenzjonijiet u tnaqqis mit-taxxa. Id-differenza bejn it-tassazzjoni ta’ prodotti lokali u t-tassazzjoni ta’ prodotti oħrajn ma setgħetx taqbeż il-5, il-15 jew il-25 punt perċentwali, skont il-prodott. |
(11) |
Id-Deċiżjoni tal-Kunsill 895/2011/UE (3) emendat id-Deċiżjoni 2002/546/KE, billi estendiet il-perjodu tal-applikazzjoni tagħha sal-31 ta’ Diċembru 2013. |
(12) |
Id-Deċiżjoni tal-Kunsill Nru 1413/2013/UE (4) emendat ulterjorment id-Deċiżjoni tal-Kunsill 2002/546/KE, billi estendiet il-perjodu tal-applikazzjoni tagħha sat-30 ta’ Ġunju 2014. |
(13) |
Id-Deċiżjoni tal-Kunsill Nru 377/2014/UE (5) awtorizzat lil Spanja biex tapplika eżenzjonijiet minn jew tnaqqis fit-taxxa AIEM sal-31 ta’ Diċembru 2020 għal ċerti prodotti li jiġu prodotti lokalment fil-Gżejjer Kanarji. L-Anness għal dik id-Deċiżjoni fih lista tal-prodotti li għalihom jistgħu japplikaw l-eżenzjonijiet minn jew it-tnaqqis fit-taxxa. |
(14) |
Eżami bir-reqqa tas-sitwazzjoni tikkonferma li huwa meħtieġ li tintlaqa’ t-talba ta’ Spanja li tiġġedded l-awtorizzazzjoni. |
(15) |
Ir-rata differenzjali massima, li tista’ tiġi applikata għall-prodotti industrijali inkwistjoni, jenħtieġ li ma teċċedix il-15 %. B’konformità mal-prinċipju tas-sussidjarjetà, jenħtieġ li l-awtoritajiet Spanjoli jkunu jistgħu jiddeċiedu dwar il-persentaġġ xieraq għal kull prodott. Id-differenzjal tat-taxxa awtorizzat jenħtieġ li ma jeċċedix il-kostijiet addizzjonali ġġustifikati. Madankollu, dak il-vantaġġ fiskali jenħtieġ li japplika soġġett għal limitu ta’ EUR 150 miljun fis-sena, ħlief f’każijiet debitament ġustifikati. |
(16) |
B’konformità mal-prinċipju tas-sussidjarjetà u sabiex tiġi żgurata flessibbiltà, jenħtieġ li l-awtoritajiet Spanjoli jitħallew jemendaw il-lista ta’ prodotti u d-differenzjali tat-taxxa awtorizzati tagħhom biex jirriflettu l-livell attwali tal-kostijiet addizzjonali mġarrba fil-produzzjoni ta’ dawn il-prodotti fil-Gżejjer Kanarji. F’dak il-kuntest, jenħtieġ li jkun possibbli għall-awtoritajiet Spanjoli biex japplikaw rati tad-differenzjali aktar baxxi u li jistabbilixxu taxxa minima għal prodotti speċifiċi fejn meħtieġ, dment li kwalunkwe emenda tkun konformi mal-objettivi tal-Artikolu 349 TFUE. Kwalunkwe emenda fil-lista ta’ prodotti jenħtieġ li tkun ibbażata fuq il-kriterji ta’ eliġibbiltà li ġejjin: li l-produzzjoni lokali teżisti u li s-sehem tagħha fis-suq lokali jammonta għal mill-inqas 5 %; li teżisti importazzjoni sinifikanti ta’ oġġetti (inkluż minn Spanja kontinentali u minn Stati Membri oħra) li tista’ tipperikola l-kontinwazzjoni tal-produzzjoni lokali, u li s-sehem tagħha fis-suq lokali jammonta għal mill-inqas 10 %; u li jeżistu kostijiet addizzjonali li jżidu l-prezz tal-kost tal-produzzjoni lokali meta mqabbla ma’ prodotti li jiġu prodotti bnadi oħra, u b’hekk jikkompromettu l-kompetittività tal-prodotti li jiġu prodotti lokalment. |
(17) |
L-awtoritajiet Spanjoli jenħtieġ li jiġu permessi jidderogaw mil-limiti tas-sehem fis-suq f’ċirkostanzi debitament ġustifikati, li jinkludu: produzzjoni li tirrikjedi ħafna ħaddiema; produzzjoni li altrimenti tkun ta’ importanza strateġika għall-iżvilupp lokali; produzzjoni soġġetta għal varjazzjonijiet perjodiċi; produzzjoni li tinsab f’żoni partikolarment żvantaġġati; u produzzjoni ta’ prodotti mediċi u tagħmir personali protettiv meħtieġ biex jiġu indirizzati l-kriżijiet tas-saħħa. Jenħtieġ li jkun possibbli għall-awtoritajiet Spanjoli li jemendaw il-lista ta’ prodotti u d-differenzjal tat-taxxa awtorizzat tagħhom, dment li kwalunkwe emenda tkun konformi mal-objettivi tal-Artikolu 349 TFUE. |
(18) |
L-objettiv li jiġi promoss l-iżvilupp soċjoekonomiku tal-Gżejjer Kanarji huwa rifless fuq livell nazzjonali fl-għan li għalih twaqqfet it-taxxa AIEM u l-allokazzjoni tad-dħul li hija tiġġenera. L-inkorporazzjoni tad-dħul mit-taxxa AIEM fir-riżorsi tas-sistema ekonomika u tat-taxxa tal-Gżejjer Kanarji u l-użu ta’ dak id-dħul għal strateġija ta’ żvilupp ekonomiku u soċjali li tinvolvi l-promozzjoni ta’ attivitajiet lokali hima obbligi legali. |
(19) |
L-eżenzjonijiet minn jew it-tnaqqis fit-taxxa AIEM jenħtieġ li japplikaw għal seba’ snin. Sabiex il-Kummissjoni tkun tista’ tivvaluta jekk il-kundizzjonijiet li jiġġustifikaw l-awtorizzazzjoni għadhomx issodisfati, jenħtieġ li l-awtoritajiet Spanjoli jissottomettu rapport ta’ monitoraġġ lill-Kummissjoni sat-30 ta’ Settembru 2025. |
(20) |
Din id-Deċiżjoni hija mingħajr preġudizzju għall-applikazzjoni possibbli tal-Artikoli 107 u 108 TFUE, |
ADOTTA DIN ID-DEĊIŻJONI:
Artikolu 1
1. B’deroga mill-Artikoli 28, 30 u 110 TFUE, l-awtoritajiet Spanjoli għandhom jiġu awtorizzati sal-31 ta’ Diċembru 2027 li jistabbilixxu, fir-rigward tal-prodotti li jaqgħu taħt il-kategoriji elenkati fl-Anness I li jiġu prodotti lokalment fil-Gżejjer Kanarji, eżenzjonijiet totali minn jew tnaqqis parzjali fit-taxxa magħrufa bħala “Arbitrio sobre las Importaciones y Entregas de mercancias en las islas Canarias” (“it-taxxa AIEM”). Dawk l-eżenzjonijiet jew tnaqqis għandhom jagħmlu parti mill-istrateġija għall-iżvilupp ekonomiku u soċjali tal-Gżejjer Kanarji u jikkontribwixxu għall-promozzjoni ta’ attivitajiet lokali.
2. L-applikazzjoni tal-eżenzjonijiet totali jew tat-tnaqqis parzjali msemmija fil-paragrafu 1 ma għandhiex twassal għal differenzi li jeċċedu l-15 % għall-prodotti li jaqgħu taħt il-kategoriji elenkati fl-Anness I.
L-awtoritajiet Spanjoli għandhom jiżguraw li l-eżenzjonijiet jew it-tnaqqis applikati għall-prodotti ma jeċċedux il-persentaġġ strettament meħtieġ biex jinżammu, jiġu promossi u jiġu żviluppati attivitajiet lokali. Id-differenzjal tat-taxxa awtorizzat ma għandux jeċċedi l-kostijiet addizzjonali ġustifikati.
3. Il-vantaġġ fiskali għandu japplika soġġett għal limitu ta’ EUR 150 miljun fis-sena, ħlief f’każijiet debitament ġustifikati.
Artikolu 2
1. L-awtoritajiet Spanjoli għandhom jagħżlu l-prodotti msemmija fl-Artikolu 1(1) billi jqisu l-kriterji li ġejjin:
(a) |
il-produzzjoni lokali teżisti u s-sehem tagħha fis-suq lokali jammonta għal mill-inqas 5 %; |
(b) |
teżisti importazzjoni sinifikanti ta’ oġġetti (inkluż minn Spanja kontinentali u minn Stati Membri oħra) li tista’ tipperikola l-kontinwazzjoni tal-produzzjoni lokali, u s-sehem tagħha fis-suq lokali jammonta għal mill-inqas 10 %; |
(c) |
jeżistu kostijiet addizzjonali li jżidu l-kostijiet tal-produzzjoni lokali meta mqabbla ma’ prodotti li jiġu prodotti bnadi oħra, li jikkompromettu l-kompetittività tal-prodotti li jiġu prodotti lokalment. |
2. L-awtoritajiet Spanjoli jistgħu jidderogaw mill-limiti tas-sehem fis-suq imsemmija fil-punti (a) u (b) f’ċirkostanzi debitament ġustifikati, li jinkludu:
(a) |
produzzjoni li tirrikjedi ħafna ħaddiema; |
(b) |
produzzjoni li altrimenti tkun ta’ importanza strateġika għall-iżvilupp lokali; |
(c) |
produzzjoni soġġetta għal varjazzjonijiet perjodiċi; |
(d) |
produzzjoni li tinsab f’żoni partikolarment żvantaġġati; |
(e) |
produzzjoni ta’ prodotti mediċi u tagħmir personali protettiv meħtieġ biex jiġu indirizzati l-kriżijiet tas-saħħa. |
Artikolu 3
Sal-1 ta’ Jannar 2021, l-awtoritajiet Spanjoli għandhom jikkomunikaw lill-Kummissjoni l-lista inizjali ta’ prodotti li għalihom japplikaw eżenzjonijiet jew tnaqqis. Dawk il-prodotti għandhom jaqgħu fil-kategoriji ta’ prodotti stabbiliti fl-Anness I. L-emendi għal din il-lista ta’ prodotti jistgħu jsiru mill-awtoritajiet Spanjoli, sakemm il-Kummissjoni tiġi nnotifikata bl-informazzjoni rilevanti kollha.
Artikolu 4
Sa mhux aktar tard mit-30 ta’ Settembru 2025, l-awtoritajiet Spanjoli għandhom jissottomettu rapport ta’ monitoraġġ lill-Kummissjoni sabiex din tkun tista’ tivvaluta jekk il-kundizzjonijiet li jiġġustifikaw l-awtorizzazzjoni stabbilita fl-Artikolu 1 jibqgħux issodisfati. Ir-rapport ta’ monitoraġġ għandu jkun fih l-informazzjoni stabbilita fl-Anness II.
Artikolu 5
Din id-Deċiżjoni għandha tapplika mill-1 ta’ Jannar 2021.
Artikolu 6
Din id-Deċiżjoni hija indirizzata lir-Renju ta’ Spanja.
Magħmul fi Brussell, is-16 ta’ Novembru 2020.
Għall-Kunsill
Il-President
M. ROTH
(1) Opinjoni tas-6 ta’ Ottubru 2020 (għadha mhijiex ippubblikata fil-Ġurnal Uffiċjali).
(2) Id-Deċiżjoni tal-Kunsill Nru 2002/546/KE tal-20 ta’ Ġunju 2002 dwar it-taxxa AIEM applikabbli fil-Gżejjer Kanarji (ĠU L 179, 9.7.2002, p. 22).
(3) Id-Deċiżjoni tal-Kunsill Nru 895/2011/UE tad- 19 ta’ Diċembru 2011 li temenda d-Deċiżjoni 2002/546/KE fir-rigward tal-perijodu tal-applikazzjoni tagħha.(ĠU L 345, 29.12.2011, p. 17).
(4) Id-Deċiżjoni tal-Kunsill Nru 1413/2013/UE tas- 17 ta’ Diċembru 2013 li temenda d-Deċiżjoni 2002/546/KE fir-rigward tal-perjodu ta’ applikazzjoni tagħha (ĠU L 353, 28.12.2013, p. 13).
(5) Id-Deċiżjoni tal-Kunsill Nru 377/2014/UE tat- 12 ta’ Ġunju 2014 dwar it-taxxa AIEM applikabbli fil-Gżejjer Kanarji (ĠU L 182, 21.6.2014, p. 4).
ANNESS I
LISTA TA’ PRODOTTI MSEMMIJA FL-ARTIKOLU 1(1) SKONT IL-KATEGORIJI TAL-PRODOTT TAL-INTESTATURI TAS-SISTEMA ARMONIZZATA
Agrikoltura, trobbija tal-annimali, forestrija u sajd
0203 |
0204 |
0207 |
0407 |
0603 |
0701 |
0703 |
0706 |
0708 |
0810 |
Minjieri u barrieri
2516 |
6801 |
6802 |
6810 |
Materjali tal-bini
2523 |
3816 |
3824 |
6809 |
7006 |
7007 |
7008 |
7009 |
7010 |
Sustanzi kimiċi
2804 |
2807 |
2811 |
2828 |
2853 |
3102 |
3105 |
3208 |
3209 |
3212 |
3213 |
3214 |
3304 |
3401 |
3402 |
3406 |
3814 |
3917 |
3920 |
3923 |
3925 |
4012 |
|
|
|
|
Industriji tax-xogħol tal-ħadid
7308 |
7309 |
7604 |
7608 |
7610 |
8415 |
8424 |
8907 |
9403 |
9404 |
9406 |
Industrija tal-ikel u tax-xorb
0210 |
0305 |
0403 |
0406 |
0901 |
1101 |
1102 |
1601 |
1602 |
1702 |
1704 |
1806 |
1901 |
1902 |
1904 |
1905 |
2002 |
2005 |
2006 |
2007 |
2008 |
2009 |
2103 |
2105 |
2106 |
2201 |
2202 |
2203 |
2204 |
2208 |
2309 |
|
|
|
|
|
|
|
|
Tabakk
2402
Tessuti, ġilda u żraben
6109 |
6112 |
Karta
4808 |
4811 |
4818 |
4819 |
4821 |
4823 |
Arti grafika
4909 |
4910 |
4911 |
ANNESS II
L-INFORMAZZJONI LI TRID TIDDAĦĦAL FIR-RAPPORT TA’ MONITORAĠĠ IMSEMMI FL-ARTIKOLU 4
1.
Kostijiet addizzjonali stmati. L-awtoritajiet Spanjoli għandhom jibagħtu rapport sommarju li jkun fih data suffiċjenti sabiex jiġi evalwat jekk jeżistux il-kostijiet addizzjonali, li jżidu l-prezz tal-kost tal-produzzjoni lokali meta mqabbla mal-prodotti mmanifatturati band’ oħra. L-informazzjoni pprovduta fir-rapport sommarju għandha tinkludi mill-inqas l-informazzjoni li ġejja, meta tali informazzjoni tkun disponibbli: kostijiet ta’ dħul; kostijiet ta’ ħażniet żejda; kostijiet ta’ tagħmir; kostijiet ta’ xogħol addizzjonali; u kostijiet finanzjarji. Dik id-data trid tiġi pprovduta, mill-inqas, permezzz ta’ referenza għall-kategoriji tal-prodotti tal-Intestaturi tas-Sistema Armonizzata, skont l-erba’ ċifri tan-Nomenklatura Magħquda.Dak ir-rapport għandu jkun fih ir-riżultati sommarji ta’ studji ad hoc dettaljati dwar kostijiet addizzjonali li Spanja għandha tkompli twettaq perjodikament.
2.
Sussidji oħra. L-awtoritajiet Spanjoli għandhom jibagħtu lista tal-miżuri l-oħra kollha ta’ għajnuna u ta’ appoġġ li jindirizzaw il-kostijiet operattivi addizzjonali tal-operaturi ekonomiċi marbuta mal-istatus ta’ reġjuni ultraperiferiċi tal-Gżejjer Kanarji.
3.
Impatt fuq il-baġit pubbliku. L-awtoritajiet Spanjoli għandhom jimlew it-Tabella 1 u jipprovdu l-ammont totali stmat (f’EUR) tat-taxxa miġbura jew mhux miġbura taħt it-taxxa AIEM.Tabella 1
Sena (*1) |
2019 |
2020 |
2021 |
2022 |
2023 |
2024 |
Noti (*2) |
Dħul mit-taxxa mitluf (1) |
|
|
|
|
|
|
|
Riċevuti tat-taxxa – importazzjonijiet (2) |
|
|
|
|
|
|
|
Riċevuti tat-taxxa – produzzjoni lokali (3) |
|
|
|
|
|
|
|
Noti mat-Tabella 1: |
4.
Impatt fuq il-prestazzjoni ekonomika globali. L-awtoritajiet Spanjoli għandhom jimlew it-Tabella 2 u jipprovdu kwalunkwe data li turi l-impatt tat-taxxi mnaqqsa fuq l-iżvilupp soċjoekonomiku tar-reġjun. L-indikaturi meħtieġa fit-Tabella 2 għandhom jirreferu għall-prestazzjoni tas-setturi appoġġati meta mqabbel mal-prestazzjoni ġenerali tal-ekonomija reġjonali. Jekk uħud mill-indikaturi ma jkunux disponibbli, għandha tiddaħħal data alternattiva ta’ rappurtar dwar il-prestazzjoni soċjoekonomika globali tar-reġjun.Tabella 2
Sena (*3) |
2019 |
2020 |
2021 |
2022 |
2023 |
2024 |
Noti (*4) |
||
Valur miżjud gross reġjonali |
|
|
|
|
|
|
|
||
|
|
|
|
|
|
|
|
||
Impjieg globali reġjonali |
|
|
|
|
|
|
|
||
|
|
|
|
|
|
|
|
||
Għadd ta’ intrapriżi attivi |
|
|
|
|
|
|
|
||
|
|
|
|
|
|
|
|
||
Indiċi tal-livell tal-prezzijiet - fil-kontinent (4) |
|
|
|
|
|
|
|
||
Indiċi tal-livell tal-prezzijiet - fir-reġjun |
|
|
|
|
|
|
|
||
Noti mat-Tabella 2: |
5.
Speċifikazzjonijiet tar-reġim. L-awtoritajiet Spanjoli għandhom jimlew it-Tabelli 3 u 4 għal kull prodott (CN4, CN6, CN8 jew TARIC10 kif applikabbli) u skont is-sena (minn 2019 sa 2024). Il-lista tinkludi biss il-prodotti li jibbenefikaw minn rati tat-taxxa differenzjati.Tabella 3
L-identifikazzjoni tal-prodotti u r-rati applikati.
Prodotti appoġġati – kodiċi tan-NM (4, 6, 8 jew 10 ċifri) |
Sena |
Kategorija approvata CN4 (5) |
Speċifikazzjonijiet tal-kodiċi (6) |
Rata tat-taxxa esterna (7) |
Rata tat-taxxa interna (8) |
Differenzjal fit-taxxa applikata (9) |
Noti ((**)) |
|
2019 |
|
|
|
|
|
|
|
2020 |
|
|
|
|
|
|
|
2021 |
|
|
|
|
|
|
|
2022 |
|
|
|
|
|
|
|
2023 |
|
|
|
|
|
|
|
2024 |
|
|
|
|
|
|
Noti mat-Tabella 3: |
Tabella 4.
Is-sehem mis-suq tal-prodotti appoġġati.
Prodotti appoġġati – kodiċi tan-NM (4, 6, 8 jew 10 ċifri) (*5) |
Sena |
Volum (10) |
Valur (f’EUR) (11) |
Noti (*7) |
|||||
|
|
produzzjoni lokali |
unità |
importazzjonijiet |
Sehem mis-suq (*6) |
produzzjoni lokali |
importazzjonijiet |
Sehem mis-suq (*6) |
|
|
2019 |
|
|
|
|
|
|
|
|
|
2020 |
|
|
|
|
|
|
|
|
|
2021 |
|
|
|
|
|
|
|
|
|
2022 |
|
|
|
|
|
|
|
|
|
2023 |
|
|
|
|
|
|
|
|
|
2024 |
|
|
|
|
|
|
|
|
Noti mat-Tabella 4: |
6.
Irregolaritajiet. L-awtoritajiet Spanjoli għandhom jipprovdu informazzjoni dwar kwalunkwe investigazzjoni dwar irregolaritajiet amministrattivi, b’mod partikolari dwar l-evażjoni mit-taxxi jew il-kuntrabandu, fil-kuntest tal-applikazzjoni tal-awtorizzazzjoni. Huma għandhom jipprovdu informazzjoni, inkluż, tal-inqas, tagħrif dwar in-natura tal-każ, il-valur u l-perjodu ta’ żmien.
|
7.
Ilmenti. L-awtoritajiet Spanjoli għandhom jipprovdu informazzjoni dwar jekk l-awtoritajiet lokali, reġjonali jew nazzjonali rċevewx xi lmenti li jikkonċernaw l-applikazzjoni tal-awtorizzazzjoni, kemm mill-benefiċjarji kif ukoll minn dawk li mhumiex benefiċjarji.
|
(1) “Dħul mit-taxxa mitluf”: l-ammont totali (f’EUR) tat-taxxa mhux miġbura minħabba d-differenzjali tat-taxxa applikati għall-produzzjoni lokali (eżenzjonijiet/tnaqqis). Fil-livell tal-prodotti, dan jiġi kkalkulat billi jiġi mmultiplikat il-valur tal-produzzjoni mibjugħa fis-suq lokali (jiġifieri jitnaqqsu l-esportazzjonijiet) bid-differenzjal fit-taxxa applikata. Imbagħad l-indikatur jiġi kkalkulat billi jingħaddu flimkien l-istimi fil-livell tal-prodott.
(2) “Riċevuti tat-taxxa - importazzjonijiet”: l-ammont totali (f’EUR) tat-taxxa imposta fuq l-importazzjonijiet ta’ prodotti taxxabbli.
(3) “Riċevuti tat-taxxa – produzzjoni lokali”: l-ammont totali (f’EUR) tat-taxxa imposta fuq il-prodotti lokali taxxabbli.
(*1) Jista’ jkun li l-informazzjoni ma tkunx disponibbli għas-snin kollha elenkati.
(*2) Ipprovdi kummenti u kjarifiki kif meqjus rilevanti.
(4) “setturi appoġġjati”: maħsuba bħala s-setturi ekonomiċi (definizzjoni NACE jew simili) fejn il-produzzjoni b’mod prevalenti (skont il-volum tal-produzzjoni) qed tibbenefika minn eżenzjonijiet/tnaqqis fit-taxxa.
(*3) Jista’ jkun li l-informazzjoni ma tkunx disponibbli għas-snin kollha elenkati.
(*4) Ipprovdi kummenti u kjarifiki kif meqjus rilevanti.
(5) “Kategorija approvata CN4”: il-kategorija approvata CN4 f’din id-Deċiżjoni.
(6) “Speċifikazzjoni tal-kodiċi”: fil-każ li trattament differenti jiġi estiż għal kodiċijiet b’10 ċifri differenti jew abbażi ta’ speċifikazzjonijiet ad hoc oħra tad-definizzjonijiet tan-NM/TARIC.
(7) “Rata tat-taxxa esterna”: ir-rata tat-taxxa applikata għall-importazzjonijiet.
(8) “Rata tat-taxxa interna”: ir-rata tat-taxxa applikata għall-produzzjoni lokali.
(9) “Differenzjal fit-taxxa applikata”: id-differenza bejn ir-rata esterna u dik interna.
((**)) Ipprovdi kummenti u kjarifiki kif meqjus rilevanti.
(*5) L-ewwel kolonna għandha tkun identika għat-tabella preċedenti biex tippermetti t-tqabbil tad-data.
(10) “Volum”: fil-kolonna “unità” speċifika l-unità ta’ kejl (tunnellati, hl, biċċiet, eċċ.).
(11) “Valur”: għall-importazzjoni, jikkoinċidi mal-ammont taxxabbli.
(*6) “Sehem mis-suq”: is-sehem mis-suq għandu jiġi kkalkulat billi jitnaqqsu l-esportazzjonijiet ta’ prodotti lokali.
(*7) Ipprovdi kummenti u kjarifiki kif meqjus rilevanti.