20.6.2008   

MT

Il-Ġurnal Uffiċjali ta’ l-Unjoni Ewropea

L 161/7

(1)

Ir-Regolament tal-Kummissjoni (KE) Nru 1238/95 tal-31 ta’ Mejju 1995 li jistabbilixxi r-regoli ta’ l-implimentazzjoni sabiex jiġi applikat ir-Regolament tal-Kunsill (KE) Nru 2100/94 rigward il-piżijiet pagabbli lill-Uffiċċju Komunitarju tal-Varjetajiet tal-Pjanti (2), jistabbilixxi l-piżijiet li jridu jitħallsu lill-Uffiċċju Komunitarju tal-Varjetajiet tal-Pjanti (“l-Uffiċċju”), u l-livelli ta’ dawk il-piżijiet.

(2)

Ir-riserva finanzjarja ta’ l-Uffiċju laħqet livell li jeċċedi l-livell meħtieġ biex jissalvagwardja l-kontinwità ta’ l-operazzjonijiet tiegħu. Minħabba f'hekk traħħsu l-piż annwali u l-piżijiet relatati ma’ l-eżami tekniku. Ir-riserva finanzjarja ta’ l-Uffiċċju issa naqset għal livell xieraq u d-dħul għalhekk għandu jerġa' jiżdied għal livell li jkun suffiċjenti biex jibbilanċja l-baġit ta’ l-Uffiċċju. Biex dan jintlaħaq, il-piż annwali u l-piżijiet relatati ma’ l-eżami tekniku għandhom jogħlew.

(3)

Fir-rigward ta’ speċi ġodda, l-esperjenza miksuba mill-gruppi tal-piż għall-eżamijiet tekniċi ta’ l-ornamenti, urew li hemm bżonn li jiġu emendati xi wħud minn dawk il-gruppi ta’ piżijiet.

(4)

Biex jiġi ffaċilitat il-ħlas ta’ piżijiet u surcharges, ħlas permezz ta’ karti tal-ħlas għandu jkun permess bil-kundizzjonijiet u l-limitazzjonijiet li jridu jiġu determinati mill-President ta’ l-Uffiċċju.

(5)

Fl-istess waqt it-termini “ecu” u “ECU” iridu jinbidlu rispettivament bit-termini “ewro” u “EUR” fir-Regolament (KE) Nru 1238/95 kollu.

(6)

Ir-Regolament (KE) Nru 1238/95 għandu għalhekk jiġi emendat skond dan.

(7)

Il-miżuri stipulati f'dan ir-Regolament huma skond l-opinjoni tal-Kumitat Permanenti dwar Drittijiet Komunitarji għal Varjetajiet ta’ Pjanti,

(1)

Fl-Artikolu 1(2), il-kelma “ecu” tinbidel bil-kelma “ewro”;

(2)

Fl-Artikolu 3(2), il-punti (a) (b) u (ċ) jinbidlu b'dan li ġej:

(3)

Fl-Artikoli 7(1), 8(1), 10(1)(a), (ċ) u (d), 11(1), 13(3) u 14(2) u (4), “ECU” tinbidel b'“EUR”;

(4)

L-Artikolu 9(1) jinbidel b’dan li ġej:

“1.   L-Uffiċċju għandu jimponi fuq pussessur ta’ dritt Komunitarju għal varjetà ta’ pjanta (minn hawn 'il quddiem imsejjaħ il-pussessur) piż għal kull sena tal-perjodu taż-żmien tad-dritt Komunitarju għal varjetà ta’ pjanta (minn hawn 'il quddiem piż annwali) ta’ EUR 300 għas-sena 2009 u s-snin ta’ wara.”

(5)

L-Anness I tar-Regolament (KE) Nru 1238/95 jinbidel bit-test fl-Anness ta’ dan ir-Regolament.