This document is an excerpt from the EUR-Lex website
Document 32007R1564
Commission Regulation (EC) No 1564/2007 of 21 December 2007 amending Regulation (EC) No 979/2007 opening and providing for the administration of an import tariff quota for pigmeat originating in Canada
Regolament tal-Kummissjoni (KE) Nru 1564/2007 tal- 21 ta’ Diċembru 2007 li jemenda r-Regolament (KE) Nru 979/2007 li jiftaħ u jipprovdi għall-amministrazzjoni ta’ kwota tariffarja ta’ importazzjoni ta’ laħam tal-majjal li joriġina fil-Kanada
Regolament tal-Kummissjoni (KE) Nru 1564/2007 tal- 21 ta’ Diċembru 2007 li jemenda r-Regolament (KE) Nru 979/2007 li jiftaħ u jipprovdi għall-amministrazzjoni ta’ kwota tariffarja ta’ importazzjoni ta’ laħam tal-majjal li joriġina fil-Kanada
ĠU L 340, 22.12.2007, p. 36–36
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 30/05/2009
22.12.2007 |
MT |
Il-Ġurnal Uffiċjali ta’ l-Unjoni Ewropea |
L 340/36 |
REGOLAMENT TAL-KUMMISSJONI (KE) Nru 1564/2007
tal-21 ta’ Diċembru 2007
li jemenda r-Regolament (KE) Nru 979/2007 li jiftaħ u jipprovdi għall-amministrazzjoni ta’ kwota tariffarja ta’ importazzjoni ta’ laħam tal-majjal li joriġina fil-Kanada
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KEE) Nru 2759/75 tad-29 ta’ Ottubru 1975 dwar l-organizzazzjoni komuni tas-suq tal-laħam tal-majjal (1), u b’mod partikolari l-Artikolu 11(1) tiegħu,
Billi:
(1) |
L-Artikolu 4(1) tar-Regolament tal-Kummissjoni (KE) Nru 979/2007 (2), jistipula li meta titressaq l-ewwel applikazzjoni għal subperjodu speċifiku tal-kwota tariffarja, l-applikanti jridu juru li matul kull perjodu msemmi f’dak l-Artikolu huma importaw jew esportaw mill-anqas 50 tunnellata prodotti li huma elenkati fl-Artikolu 1 tar-Regolament (KEE) Nru 2759/75. |
(2) |
Jidher li hemm il-ħtieġa li jiġi ċċarat li jeħtieġ li l-prova dwar l-esperjenza preċedenti ta’ l-operatur tiġi ppreżentata flimkien ma’ l-ewwel applikazzjoni għall-perjodu annwali tal-kwota. L-ewwel applikazzjoni tista’ tiġi ppreżentata għal kwalunkwe mill-erba’ subperjodi tas-sena tal-kwota u jekk l-operatur japplika għal diversi subperjodi, il-prova trid tiġi pprovduta darba biss. |
(3) |
Ir-Regolament (KE) Nru 979/2007 għandu għalhekk jiġi emendat skond dak li ntqal. |
(4) |
Il-miżuri pprovduti f’dan ir-Regolament huma skond l-opinjoni tal-Kumitat Amministrattiv għal-Laħam tal-Majjal, |
ADOTTAT DAN IR-REGOLAMENT:
Artikolu 1
Fl-Artikolu 4 tar-Regolament (KE) Nru 979/2007, il-paragrafu 1 għandu jinbidel b’dan li ġej:
“1. Għall-finijiet ta’ applikazzjoni ta’ l-Artikolu 5 tar-Regolament (KE) Nru 1301/2006, min japplika għal liċenzja ta’ l-importazzjoni, meta jressaq l-ewwel applikazzjoni tiegħu għal perjodu partikolari annwali tal-kwota, għandu jagħti prova li matul kull wieħed miż-żewġ perjodi stipulati fl-imsemmi Artikolu 5, ikun importa jew esporta talanqas 50 tunnellata prodotti li huma elenkati fl-Artikolu 1 tar-Regolament (KEE) Nru 2759/75.”
Artikolu 2
Dan ir-Regolament għandu jidħol fis-seħħ fit-tielet jum wara dak tal-pubblikazzjoni tiegħu fil-Ġurnal Uffiċjali ta’ l-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 21 ta’ Diċembru 2007.
Għall-Kummissjoni
Mariann FISCHER BOEL
Membru tal-Kummissjoni
(1) ĠU L 282, 1.11.1975, p. 1. Ir-Regolament kif emendat l-aħħar bir-Regolament (KE) Nru 1913/2005 (ĠU L 307, 25.11.2005, p. 2).
(2) ĠU L 217, 22.8.2007, p. 12.