29.11.2008   

MT

Il-Ġurnal Uffiċjali ta’ l-Unjoni Ewropea

383

(1)

L-Artikolu 99(3) tar-Regolament (KE) Nru 1782/2003 jipprovdi li l-ammont ta’ għajnuna għaż-żerriegħa mitluba m’għandux jaqbeż limitu stabbilit mill-Kummissjoni. Meta l-ammont totali ta’ l-għajnuna mitluba jaqbeż il-limitu stabbilit, l-għajnuna għal kull bidwi għandha titnaqqas proporzjonalment.

(2)

Il-Kapitolu 10 tar-Regolament (KE) Nru 1973/2004 (2) jipprovdi għall-kundizzjonijiet biex tkun irċevuta l-għajnuna għaż-żerriegħa. L-Artikolu 49 ta’ dak ir-Regolament jipprovdi li l-għajnuna għaż-żerriegħa trid tingħata biss jekk iż-żerriegħa tkun inbiegħet għaż-żrigħ mir-reċipjent sa mhux aktar tard mill-15 ta’ Ġunju tas-sena wara l-ħsad.

(3)

Il-bżonn li jiġi applikat koeffiċjent tat-tnaqqis eventwalment fl-istess sena jimplika diffikultà serja għall-implimentazzjoni ta’ l-iskema l-ġdida. Sabiex tiġi applikata l-applikazzjoni ta’ dak il-koeffiċjent ta’ tnaqqis l-alternattiva tkun biss li jingħataw il-pagamenti kollha prinċipalment meta ż-żerriegħa kollha tinbiegħ, jiġifieri meta l-kwantità totali ta’ żerriegħa tkun magħrufa. Minkejja dan, dan itawwal b’mod sinifikanti d-data tal-pagament lill-bdiewa u eventwalment jikkawżalhom problemi finanzjarji. Sabiex tiġi evitata din is-sitwazzjoni għandha tiddaħħal sistema ta’ pagamenti bil-quddiem għall-għajnuna għaż-żerriegħa.

(4)

Ir-Regolament (KE) Nru 1782/2003 kif emendat bir-Regolament (KE) Nru 864/2004 (3) jiddefinixxi r-regoli għall-appoġġ miżjud għall-qoton, iż-żejt taż-żebbuġa u t-tabakk mhux raffinat.

(5)

B’mod partikolari, il-Kapitolu 10a tat-titolu IV tar-Regolament (KE) Nru 1782/2003 jipprovdi għall-possibbiltà ta’ għajnuna diretta li tingħata għall-produzzjoni tal-qoton. Għalhekk jeħtieġ li jiġu stipulati regoli dettaljati fir-rigward ta’ l-għoti ta’ dik l-għajnuna.

(6)

L-Artikolu 10b(1) tar-Regolament (KE) Nru 1782/2003 jistipula li, sabiex ikun eliġibbli għall-għajnuna għal kull ettaru, il-bidwi jrid jiżra’ l-art tal-qoton b’varjetajiet awtorizzati u jkabbar il-qoton fuq art awtorizzata mill-Istati Membri. Il-kriterji ta’ l-awtorizzazzjoni jridu għalhekk jiġu speċifikati kemm għall-varjetajiet kif ukoll għall-artijiet tajba għall-produzzjoni tal-qoton.

(7)

Sabiex jirċievu l-għajnuna għal kull ettaru ta’ qoton, il-bdiewa jridu jiżirgħu artijiet awtorizzati. Iridu jiġu stabbiliti kriterji li jiddefinixxu “iż-żrigħ”. L-iffissar mill-Istati Membri tad-densità minima ta’ taħwil fuq dawn l-artijiet ibbażati fuq il-kundizzjonijiet tal-ħamrija u tal-klima u karatteristiċi reġjonali speċifiċi jrid ikun kriterju oġġettiv biex jiġi stabbilit jekk iż-żrigħ sarx kif suppost.

(8)

Jekk jinqabżu l-erjas bażi nazzjonali stipulati għall-qoton fl-Artikolu 110c(1) tar-Regolament (KE) Nru 1782/2003, għandu jkun hemm tnaqqis fl-ammont ta’ għajnuna li trid titħallas għal kull ettaru eliġibbli. Fil-każ tal-Greċja, iżda, is-subdiviżjoni ta’ l-erja nazzjonali f’sub-erjas li għalihom japplikaw rati ta’ għajnuna differenti tfisser li l-metodu biex jiġi kkalkulat l-ammont imnaqqas għandu jkun speċifikat.

(9)

L-Istati Membri jistgħu jawtorizzaw organizzazzjonijiet li jipproduċu l-qoton ta’ bejn taqsima u oħra abbażi tal-kriterji oġġettivi marbuta ma’ l-iskala tagħhom, id-doveri u l-organizzazzjoni interna. L-iskala ta’ organizzazzjoni bejn taqsima u oħra trid tiġi stabbilita, billi jitqies ir-rekwiżit fuq il-membru tat-tfesdiq tal-qoton li jintrabat li jikkonsenja kwantitajiet suffiċjenti ta’ qoton bil-fosdqa. Peress li l-għan ewlieni ta’ l-organizzazzjoni bejn taqsima u oħra huwa li jtejjeb il-kwalità tal-qoton li jrid jiġi kunsinnat, trid tieħu miżuri adattati f’dawn il-linji għall-benefiċċji tal-membri tagħha.

(10)

Sabiex jiġu evitati kumplikazzjonijiet fit-tmexxija ta’ l-iskema ta’ għajnuna, produttur ma jistax ikun membru ta’ aktar minn organizzazzjoni waħda bejn taqsima u oħra. Għall-istess raġuni, meta produttur li jappartjeni għal organizzazzjoni bejn taqsima u oħra jintrabat li jissupplixxi l-qoton li jkun ipproduċa, jista’ jissupplixxih biss lill-intrapriża tat-tfesdiq tal-qoton li tappartjeni għall-istess organizzazzjoni.

(11)

Skond l-Artikolu 110e tar-Regolament (KE) Nru 1782/2003, l-organizzazzjonijiet ta’ bejn taqsima u oħra jistgħu jiddeċiedu li jagħmlu differenza bejn l-għajnuna li għaliha l-membri huma intitolati. L-iskala ta’ differenzjazzjoni trid tikkonforma mal-kriterji marbuta b’mod partikolari mal-kwalità tal-qoton li jrid jiġi kunsinnat, iżda minbarra l-kriterji li jinvolvu produzzjoni miżjuda. Għal dan il-għan, l-organizzazzjonijiet ta’ bejn taqsima u oħra jridu jistabbilixxu kategoriji ta’ għelieqi ibbażati b’mod partikolari fuq il-kriterji marbuta mal-kwalità tal-qoton prodott fihom.

(12)

Sabiex ikun stabbilit l-ammont ta’ għajnuna li jrid jitħallas lill-produtturi li jappartjenu għall-organizzazzjonijiet ta’ bejn it-taqsimiet li jipproduċu l-qoton, l-iskala trid tipprovdi għal metodu li bih jiġi distribwit l-ammont globali ta’ għajnuna differenzjata fost il-kategoriji diversi ta’ għelieqi, il-proċeduri biex tiġi evalwata u kklassifikata kull għalqa f’waħda minn dawk il-kategoriji, kalkolazzjoni ta’ l-ammont ta’ l-għajnuna għal kull ettaru eliġibbli ibbażat fuq il-baġit disponibbli għal kull kategorija u n-numru totali ta’ ettari f’kull kategorija.

(13)

Sabiex jiġu klassifikati l-għelieqi f’waħda mill-kategoriji stabbiliti mill-iskala l-qoton ikkunsinnat jista’ jkun analizzat fil-preżenza tal-partijiet kollha konċernati.

(14)

Peress li l-produttur membru mhux obbligat li jikkonsenja l-qoton tiegħu, hu għandu jkun intitolat talanqas għal parti mhux differenzjata ta’ l-għajnuna fejn il-qoton ma jiġix ikkunsinnat. L-iskala differenzjali trid tagħmel provvediment għal dan billi tistabbilixxi l-ammont minimu ta’ għajnuna għal kull ettaru eliġibbli meta ma jiġix kunsinnat.

(15)

Sabiex tiġi applikata l-iskala, u bil-għan li jkun hemm simplifikazzjoni, l-għelieqi kollha li jappartjenu għal produttur wieħed jistgħu jitqiesu li huma ta’ l-istess kategorija ta’ għelieqi li jipproduċi l-istess kwalità ta’ qoton.

(16)

Ladarba tkun irċeviet in-notifikazzjoni ta’ l-organizzazzjoni ta’ bejn taqsima u oħra ta’ l-ammonti ta’ għajnuna li jridu jitħallsu lill-produtturi tagħha, l-aġenzija għall-pagamenti trid tintrabat li tagħmel l-ispezzjonijiet meħtieġa u tħallas l-għajnuna.

(17)

L-iskala trid tiġi approvata mill-Istat Membru. Sabiex jgħarrfu lill-produtturi membri fil-ħin, għandha tiġi introdotta data ta’ skadenza sa liema l-Istat Membru jrid jiddeċiedi jekk għandux japprova jew ma japprovax l-iskala ta’ l-organizzazzjoni bejn taqsima u oħra, kif ukoll kull emenda li ssir għaliha sussegwentement. Peress li l-organizzazzjoni bejn taqsima u oħra mhix mitluba tadotta skala ta’ differenzjazzjoni, tista’ tiddeċiedi li tissospendi l-applikazzjoni ta’ l-iskala u tgħarraf lill-Istat Membru dwarha.

(18)

L-iskema ta’ għajnuna għall-qoton titlob lill-Istati Membri biex jibagħtu lill-produtturi tagħhom ċerta informazzjoni dwar it-tkabbir tal-qoton, bħall-varjetajiet awtorizzati, il-kriterji oġġettivi biex tiġi awtorizzata l-art u d-densità minima tal-pjanti. Sabiex jgħarraf lill-bdiewa fil-ħin, l-Istat Membru jrid jibgħatilhom din l-informazzjoni sa data speċifika.

(19)

Peress li l-Kummissjoni hi responsabbli biex tissorvelja l-applikazzjoni kif imiss tad-dispożizzjonijiet biex issir l-applikazzjoni għall-għajnuna speċifika għall-qoton, l-Istati Membri għandhom jagħtuha fil-ħin l-istess informazzjoni u l-informazzjoni dwar l-organizzazzjonijiet ta’ bejn taqsima u oħra.

(20)

L-introduzzjoni ta’ l-iskema ta’ għajnuna għall-qoton stipulata fir-Regolament (KE) Nru 1782/2003 tagħmel żejjed ir-Regolament tal-Kummissjoni (KE) Nru 1591/2001 tat-2 t’Awissu 2001 li jippreskrivi regoli dettaljati għall-applikazzjoni tas-sistema ta’ għajnuna għall-qoton (4). Dak ir-Regolament għandu għalhekk jitħassar.

(21)

Il-Kapitolu 10b tat-Titolu IV tar-Regolament (KE) Nru 1782/2003 jipprovdi għall-possibbiltà ta’ għajnuna diretta li tingħata għall-imsaġar taż-żebbuġ. Għalhekk jeħtieġ li jiġu stipulati regoli dettaljati fir-rigward ta’ l-għoti ta’ l-għajnuna.

(22)

L-Artikolu 110i tar-Regolament (KE) Nru 1782/2003 jirrikjedi li l-Istati Membri jidentifikaw sa ħames kategoriji ta’ msaġar taż-żebbuġ u jistabbilixxi għajnuna għal kull ettaru ta’ GIS taż-żebbuġ għal kull waħda minn dawk il-kategoriji. Għal dan il-għan, il-Kummissjoni trid tistabbilixxi qafas komuni ta’ kriterji soċjali u ambjentali, marbuta mal-karatteristiċi ta’ pajsaġġi ta’ tkabbir ta’ żebbuġ u tradizzjonijiet soċjali.

(23)

Sabiex jitjiebu l-kontrolli, l-informazzjoni dwar il-kategoriji ta’ l-imsaġar taż-żebbuġ li kull bidwi jkabbar għandha tiġi reġistrata fis-sistema ta’ informazzjoni ġeografika għat-tkabbir taż-żebbuġ. Għandu jsir provvediment ukoll biex il-kategoriji jiġu aġġustati darba fis-sena, biex iqisu kull tibdil fil-kundizzjonijiet ambjentali jew soċjali.

(24)

L-għajnuna għall-imsaġar taż-żebbuġ tingħata għal kull ettaru ta’ GIS taż-żebbuġ. B'riżultat ta’ dan, iż-żona eliġibbli għall-għajnuna trid tiġi kkalkulata għal kull bidwi permezz ta’ metodu komuni fejn l-unità ta’ l-erja tiġi mfissra bħala GIS-ha taż-żebbuġ. Sabiex jiġu faċilitati l-proċeduri amministrattivi, għandu jsir provvediment biex jiġu derogati l-miżuri kemm fir-rigward ta’ l-għelieqi b’daqs minimu li jrid jiġi determinat mill-Istati Membri kif ukoll l-għelieqi tat-tkabbir taż-żebbuġ b’daqs minimu li jrid jiġi determinat mill-Istati Membri u l-għelieqi tat-tkabbir taż-żebbuġ li jinsabu f’unità amministrattiva fejn l-Istat Membru stabbilixxa sistema alternattiva għall-GIS taż-żebbuġ.

(25)

Għall-fini ta’ ħlas tal-GIS-ha taż-żebbuġ u sabiex jgħarrfu lill-bdiewa fil-ħin, l-Istati Membri jridu l-ewwel jistabbilixxu fil-bidu ta’ kull sena ammont indikattiv ta’ għajnuna għall kull GIS-ha taż-żebbuġ għal kull kategorija ta’ imsaġar taż-żebbuġ. Dan l-ammont indikattiv irid jiġi kkalkulat abbażi tad-data disponibbli dwar in-numru ta’ bdiewa u żoni li jikkwalifikaw għall-għajnuna għall-imsaġar taż-żebbuġ; l-Istat Membru imbagħad jistabbilixxi l-ammont ta’ għajnuna billi juża' data aktar preċiża.

(26)

Wieħed mill-kriterji ta’ eliġibbiltà stabbiliti għall-għajnuna għall-imsaġar taż-żebbuġ jgħid li n-numru ta’ siġar taż-żebbuġ fl-imsaġar m’għandux ivarja b’aktar minn 10 % min-numru rekordjat fl-1 ta’ Jannar 2005. Sabiex tiġi vverifikata l-konformità ma’ din id-dispożizzjoni, l-Istati Membri jridu jistabbilixxu minn qabel l-informazzjoni meħtieġa biex tiġi identifikata l-għalqa konċernat. Fil-każ ta’ Franza u l-Portugall, biex tiġi stabbilita l-informazzjoni dwar l-għelieqi konċernati trid tiġi postposta għal data aktar tard sabiex tqis iż-żoni mħawla bis-siġar taż-żebbuġ taħt il-programm approvat skond l-Artikolu 4 tar-Regolament tal-Kunsill (KE) Nru 1638/98 ta’ l-20 ta’ Lulju 1998 li jemenda r-Regolament 136/66/KEE dwar it-twaqqif ta’ organizzazzjoni komuni tas-suq fiż-żjut u x-xaħmijiet (5).

(27)

Sabiex il-Kummissjoni tkun tista’ tivverifika li jiġu applikati sew id-dispożizzjonijiet biex titħallas l-għajnuna għall-imsaġar taż-żebbuġ, l-Istati Membri għandhom regolarment jgħaddu l-informazzjoni dwar iż-żoni li fihom is-siġar taż-żebbuġ jikkwalifikaw għall-għajnuna u dwar il-livell ta’ għajnuna li jrid jingħata għal kull kategorija ta’ msaġar taż-żebbuġ.

(28)

Il-Kapitolu 10c tat-Titolu IV tar-Regolament (KE) Nru 1782/2003 jipprovdi għall-possibbiltà li tingħata għajnuna diretta għall-produzzjoni tat-tabakk. Għalhekk jeħtieġ li jiġu stabbiliti regoli dettaljati fir-rigward ta’ l-għoti ta’ għajnuna.

(29)

Għal raġunijiet ta’ ċarezza, jixraq li jkun hemm provdut għal ċerti definizzjonijiet.

(30)

Il-varjetajiet ta’ tabakk għandhom jiġu klassifikati fi gruppi skond il-metodu ta’ preservazzjoni u l-ispejjeż tal-produzzjoni, billi jitqiesu d-deskrizzjonijiet użati fil-kummerċ internazzjonali.

(31)

Minħabba l-irwol tagħhom bħala msieħba kuntrattanti, hi meħtieġa l-approvazzjoni ta’ l-ewwel intrapriżi ta’ l-ipproċessar awtorizzati biex jiffirmaw kuntratti ta’ kultivazzjoni. Dik l-approvazzjoni għandha tiġi irtirata meta r-regoli ma jkunux osservati u l-kundizzjonijiet speċjali li jirregolaw l-ipproċessar tat-tabakk għandhom jiġu stipulati mill-Istati Membri.

(32)

Skond l-Artikolu 110k tar-Regolament (KE) Nru 1782/2003 iż-żoni ta’ produzzjoni rikonoxxuti għandhom jiġu stipulati għal kull grupp ta’ varjetajiet ta’ tabakk abbażi taż-żoni ta’ produzzjoni tradizzjonali bil-għan li tingħata l-għajnuna. L-Istati Membri għandhom jitħallew jillimitaw iż-żoni ta’ produzzjoni sabiex, b’mod partikolari, itejbu l-kwalità.

(33)

Sabiex ikunu jistgħu jsiru l-kontrolli u biex ikun imexxi b’mod effiċjenti l-pagament ta’ l-għajnuna, it-tabakk għandu jiġi magħmul taħt kuntratti ta’ tkabbir konklużi bejn il-bdiewa u l-ewwel proċessuri. L-elementi ewlenin li għandhom jidhru fil-kuntratt ta’ tkabbir għal kull ħsad għandhom jiġu speċifikati. Id-dati finali għall-konklużjoni u r-reġistrazzjoni ta’ kuntratti għandhom jiġu stabbiliti kmieni biżżejjed, sabiex jiggarantixxu, mill-bidunett tas-sena tal-ħsad, kemm stabbilimenti stabbli għall-bdiewa għall-ħsad li jkun ġej kif ukoll provvisti regolari lill-proċessuri.

(34)

Meta jsir kuntratt ta’ tkabbir ma’ organizzazzjoni tal-produtturi, id-dettalji essenzjali ta’ kull bidwi individwali għandhom jiġu notifikati sabiex ikunu jistgħu jsiru l-kontrolli effettivi. Sabiex ma jkunx hemm tfixkil fil-kompetizzjoni u diffikultajiet ta’ monitoraġġ, l-assoċjazzjonijiet tal-produtturi m’għandhomx jitħallew jieħdu sehem fl-ewwel ipproċessar. Sabiex jiġu mħarsa l-istrutturi tas-suq, għandu jiġi stipulat li bidwi jista’ jkun membru ta’ assoċjazzjoni waħda tal-produtturi biss.

(35)

It-tabakk mhux raffinat eliġibbli għall-għajnuna għandu jkun ta’ kwalità tajba, ġusta u li tinbiegħ u m’għandux ikun fih ċerti karatteristiċi li jipprevjenu l-bejgħ normali.

(36)

Minħabba l-partikularitajiet ta’ l-iskema ta’ għajnuna, għandu jsir provvediment biex kull tilwim jiġi riżolt permezz ta’ kumitati konġunti.

(37)

Sabiex ikun jista’ jiġi mmaniġjat il-vot finanzjarju għat-tabakk mhux raffinat, l-Istati Membri għandhom jistabbilixxu ammont ta’ għajnuna indikattiv skond il-varjetà u l-gruppi tal-varjetà fil-bidu tas-sena tal-ħsad u ammont ta’ għajnuna finali wara li jkun ġie kkunsinnat kollu. L-ammont finali ta’ għajnuna m’għandux jaqbeż il-livell ta’ primjum ta’ l-2005.

(38)

Biex isir titjib tal-kwalità u l-valur tal-produzzjoni tat-tabakk, l-Istati Membri għandhom jitħallew jagħmlu differenza bejn l-ammont ta’ għajnuna stabbilit għal kull varjetà jew grupp ta’ varjetà b’rabta mal-kwalità ta’ tabakk li jiġi kkunsinnat.

(39)

L-għajnuna għandha titħallas għall-kwantità ta’ weraq tat-tabakk imwassla mill-bdiewa lill-ewwel proċessuri, dejjem jekk ir-rekwiżiti tal-kwalità minima jintlaħqu. L-għajnuna għandha tiġi aġġustata meta l-kontenut ta’ umdità tat-tabakk li jiġi kkunsinnat ikun differenti mill-kontenut ta’ umdità stabbilit għal kull grupp ta’ varjetajiet abbażi tar-rekwiżiti ta’ kwalità raġonevoli. Sabiex jiġu simplifikati l-ispezzjonijiet dwar il-konsenjar, għandhom jiġu stabbiliti l-livelli ta’ teħid ta’ kampjuni u l-frekwenza flimkien mal-metodu biex jiġi kkalkulat il-piż aġġustat biex ikun determinat il-kontenut ta’ umdità.

(40)

Il-perjodu ta’ konsenjar tat-tabakk lill-proċessuri għandu jkun limitat sabiex ma jittieħedx minn ħsad għall-ieħor b’mod frodulenti. F’diversi Stati Membri l-ispezzjonijiet isiru fil-post li fih jiġi kkunsinnat aktar milli fejn jiġi pproċessat. Il-postijiet li fihom irid jiġi kkunsinnat it-tabakk u l-ispezzjonijiet li jridu jsiru għandhom jiġu speċifikati; l-Istati Membri għandhom japprovaw dawk iċ-ċentri tax-xiri.

(41)

Il-kundizzjonijiet li jirregolaw il-ħlas ta’ l-għajnuna għandhom ikunu stipulati biex jipprevjenu l-frodi. Minkejja dan, hija responsabbiltà ta’ l-Istati Membri biex jiddeterminaw aktar l-arranġamenti ta’ tmexxija u kontroll.

(42)

L-għajnuna tista’ tingħata biss wara li ssir spezzjoni fuq il-konsenjar tat-tabakk kollu prodott fi Stat Membru, biex jiġi garantit li l-operazzjonijiet konċernati fil-fatt saru. Minkejja dan, il-ħlas ta’ pagamenti bil-quddiem lill-produtturi ta’ 50 % ta’ l-ammont ta’ għajnuna indikattiv għandu jiġi provdut dejjem jekk tiġi depożitata sigurtà adegwata.

(43)

Għal raġunijiet amministrattivi, l-għajnuna għandha, f’kull Stat Membru, tingħata biss fir-rigward ta’ dawk il-prodotti li jintgħamlu fit-territorju ta’ dak l-Istat Membru. Id-dispożizzjonijiet huma meħtieġa biex iqisu l-każijiet fejn it-tabakk hu pproċessat fi Stati Membri oħra minn dak l-Istati Membru li fih intgħamlu. F’dawk il-każijiet il-kwantità ta’ tabakk mhux maħdum konċernat għandha tittieħed mill-Istat Membru li fih jintgħamel, għall-benefiċċju tal-produtturi f’dak l-Istat Membru

(44)

Riżultat tar-riforma tal-politika tat-tabakk, il-programm ta’ xiri lura għall-kwoti tat-tabakk se jieqaf japplika. Minkejja dan, dawk il-produtturi li pparteċipaw fil-programm fl-2002 u fl-2003 se jibqgħu jirċievu l-pagamenti tal-prezz tax-xiri lura sa l-2007 u l-2008, rispettivament. Bħalissa, il-prezz tax-xiri lura huwa ffissat bħala persentaġġ tal-primjum tat-tabakk f’sena ta’ ħsad partikolari. Is-sistema ta’ primjum tat-tabakk preżenti mhix se teżisti aktar mill-1 ta’ Jannar 2006, fejn ikun meħtieġ li tiġi stabbilita, bħala miżura transizzjonali, bażi ġdida biex ikun ikkalkulat l-prezz tax-xiri lura tal-kwota. Il-livelli ta’ primjum għat-tabakk mhux maħdum ma nbidlux matul is-snin ta’ ħsad 2002 sa l-2005. Fl-interess tal-kontinwità jixraq li għalhekk jiġi applikat il-livell ta’ primjum ta’ l-2005 bħala bażi biex ikun ikkalkulat il-prezz tax-xiri lura.

(45)

Ir-Regolament tal-Kummissjoni (KE) Nru 2848/98 tat-22 ta’ Diċembru 1998 li jistabbilixxi regoli dettaljati għall-applikazzjoni tar-Regolament tal-Kunsill (KEE) Nru 2075/92 fir-rigward ta’ l-iskema tal-primjum, il-kwoti tal-produzzjoni u l-għajnuna speċifikata li trid tingħata lill-gruppi ta’ produtturi fis-settur tat-tabakk mhux raffinat (6) jista’ jitħassar, wara li jitneħħa l-livell ta’ garanzija u s-sistema ta’ primjum stipulata fir-Regolament (KEE) Nru 2075/92 (7). Id-dispożizzjonijiet tar-Regolament tal-Kummissjoni (KEE) 85/93 tad-19 ta’ Jannar 1993 li jikkonċernaw l-aġenziji ta’ kontroll fis-settur tat-tabakk (8) m’għadhomx tajbin u għalhekk jistgħu jitħassru.

(46)

Ir-Regolament (KE) Nru 1973/2004 għalhekk għandu jiġi emendat skond il-bżonn.

(47)

Il-miżuri stipulati f’dan ir-Regolament huma skond l-opinjoni tal-Kumitat ta’ Tmexxija għal Pagamenti Diretti,

1.

Fl-Artikolu 1(1), il-punti li ġejjin huma miżjuda:

2.

Fl-ewwel paragrafu ta’ l-Artikolu 3, il-punt (a) hu sostitwit b’dan li ġej:

3.

Fl-Artikolu 21, il-paragrafu 1 hu sostitwit b’dan li ġej:

“1.   Mingħajr preġudizzju għall-Artikolu 28 tar-Regolament (KE) Nru 1782/2003, l-għajnuna għal-lamtu tal-patata għandha titħallas, mill-Istat Membru li fit-territorju tiegħu tinsab l-intrapriża li tikkonsenja l-patata għall-fabbrikazzjoni tal-lamtu tal-patata, għal kull bidwi la darba jkunu ġew ikkunsinnati l-kwantitajiet kollha tiegħu għas-sena ta’ bejgħ lill-intrapriża li tipproduċi l-lamtu fi żmien erba’ xhur mid-data li fiha ngħatat il-prova msemmija fl-Artikolu 20 ta’ dan ir-Regolament u l-kundizzjonijiet imsemmija fl-Artikolu 19 ta’ dan ir-Regolament ġew rispettati.”

4.

L-Artikolu 49a li ġej hu mdaħħal:

“Artikolu 49a

Pagamenti bil-quddiem

L-Istati Membri jistgħu jagħtu pagamenti bil-quddiem lill-kabbara taż-żrieragħ mill-1 ta’ Diċembru tas-sena ta’ bejgħ. Dak il-pagament għandu jkun proporzjonali mal-kwantità ta’ żrieragħ li diġà nbiegħu għaż-żrigħ fl-iskop ta’ l-Artikolu 49 dejjem jekk ikun hemm konformità mal-kundizzjonijiet kollha tal-Kapitolu 10.”

5.

Il-Kapitolu 17a li ġej hu inserit:

“KAPITOLU 17a

PAGAMENTI SPEĊIFIĊI GĦALL-UĊUH TAR-RABA’ GĦALL-QOTON

Artikolu 171a

Awtorizzazzjoni ta’ art agrikola għall-produzzjoni tal-qoton

L-Istati Membri għandhom jistabbilixxu kriterji oġġettivi abbażi ta’ liema l-art hi awtorizzata għall-pagament ta’ l-uċuh tar-raba’ speċifiku għall-qoton stipulat fl-Artikolu 110a tar-Regolament (KE) Nru 1782/2003.

Dawn il-kriterji għandhom ikunu ibbażati fuq waħda jew iktar minn dawn li ġejjin:

Artikolu 171aa

Awtorizzazzjoni tal-varjetajiet għaż-żrigħ

L-Istati Membri għandhom jawtorizzaw il-varjetajiet reġistrati fil-katalgu tal-Komunità li huma adattati għall-bżonnijiet tas-suq.

Artikolu 171ab

Rekwiżiti dwar l-eliġibbiltà

Iż-żrigħ taż-żoni msemmija fl-Artikolu 110b(1) tar-Regolament (KE) Nru 1782/2003 għandu jsir billi tinkiseb id-densità minima tal-pjanti, li trid tiġi stabbilita abbażi tal-kundizzjonijiet tal-ħamrija u tat-temp u l-karatteristiċi reġjonali speċifiċi, fejn jixraq.

Artikolu 171ac

Prassi agronomiċi

L-Istati Membri għandhom ikunu awtorizzati biex jistabbilixxu regoli speċifiċi dwar il-prassi agronomiċi meħtieġa biex l-uċuh tar-raba’ jinżammu taħt kundizzjonijiet normali ta’ tkabbir, minbarra l-operazzjonijiet ta’ ħsad.

Artikolu 171ad

Kalkolazzjoni ta’ l-ammont ta’ għajnuna għal kull ettaru eliġibbli

1.   Minkejja l-Artikolu 171ag ta’ dan ir-Regolament, fil-każ ta’ Spanja u Portugall, jekk iż-żona taħt il-qoton eliġibbli għall-pagament ta’ l-għajnuna taqbeż l-erja bażi nazzjonali stabbilita fl-Artikolu 110c(1) tar-Regolament (KE) Nru 1782/2003, l-ammont ta’ għajnuna stipulat fil-paragrafu 2 ta’ dak l-Artikolu għandu jiġi multiplikat permezz ta’ koeffiċjent ta’ tnaqqis, miksub billi tiġi diviża l-erja bażi bl-erja eliġibbli.

2.   Minkejja l-Artikolu 171ag ta’ dan ir-Regolament, fil-każ tal-Greċja, jekk iż-żona bil-qoton eliġibbli għall-pagament ta’ l-għajnuna taqbeż it-300 000 ettaru, l-ammont ta’ għajnuna pagabbli għal kull ettaru għandha tinkiseb billi jiġu multiplikati EUR 594 bit-300 000 ettaru, billi jiġi miżjud ammont addizzjonali multiplikat bl-erja li taqbeż it-300 000 u mbagħad billi dik is-somma tiġi diviża bl-erja totali eliġibbli.

L-ammont addizzjonali msemmi fl-ewwel paragrafu għandu jkun:

Artikolu 171ae

Awtorizzazzjoni ta’ organizzazzjonijiet bejn taqsima u oħra

Qabel il-31 ta’ Diċembru ta’ kull sena, l-Istati Membri għandhom jawtorizzaw għas-sena ta’ wara lil kull organizzazzjoni ta’ bejn taqsima u oħra li tipproduċi l-qoton li tapplika għall-pjanti tal-qoton u li:

Għal 2006, iżda, l-Istati Membri għandhom jawtorizzaw lill-organizzazzjonijiet ta’ bejn taqsima u oħra li jipproduċu l-qoton sat-28 ta’ Frar 2006.

Artikolu 171af

L-obbligazzjonijiet tal-produtturi

1.   Produttur m’għandux ikun membru ta’ aktar minn organizzazzjoni waħda ta’ bejn taqsima u oħra.

2.   Produttur li huwa membru ta’ organizzazzjoni ta’ bejn taqsima u oħra għandu jwassal il-qoton tiegħu lil min ineħħiħ mill-fosdqa li jappartjeni għal dik l-istess organizzazzjoni.

3.   Il-parteċipazzjoni ta’ produtturi f’organizzazzjoni approvata bejn taqsima u oħra trid tkun riżultat ta’ sħubija volontarja.

Artikolu 171ag

Differenza fl-għajnuna

1.   Billi tiġi inkluża ż-żieda stipulata fl-Artikolu 110f(2) tar-Regolament (KE) Nru 1782/2003, l-iskala msemmija fl-Artikolu 110e ta’ dak ir-Regolament (minn issa ‘l quddiem ‘l-iskala’) għandha tistabbilixxi:

Għall-finijiet li jiġi applikat il-punt (a) l-ammont bażiku għandu jkun talanqas ekwivalenti għall-parti mhux differenzjata ta’ l-għajnuna eliġibbli għal kull ettaru stipulata fl-Artikolu 110c(2) tar-Regolament (KE) Nru 1782/2003, adattata, kif jixraq, skond il-paragrafu 3 ta’ dak l-Artikolu.

Il-kalkolazzjoni msemmija fil-punt (a) għandha wkoll tapplika fil-każijiet fejn l-ebda qoton ma jiġix ikkunsinnat lil dak li jneħħih mill-fosdqa. F’dak il-każ l-għajnuna minima għal kull ettaru eliġibbli li l-produttur membru jrid jirċievi għandha tkun talanqas ekwivalenti għall-parti mhux differenzjata ta’ l-għajnuna għal kull ettaru eliġibbli stipulat fl-Artikolu 110c(2) tar-Regolament (KE) Nru 1782/2003, adattat, jekk jixraq, skond il-paragrafu 3 ta’ dak l-Artikolu.

2.   L-għelieqi għandhom jiġu klassifikati f’diversi kategoriji, stabbiliti mill-organizzazzjonijiet ta’ bejn taqsima u oħra abbażi ta’ mill-anqas waħda mill-kriterji ta’ kwalità li ġejjin:

L-iskala għandha tistabbilixxi l-proċeduri biex tiġi evalwata kull għalqa skond il-kriterji u biex tiġi kklassifikata f’waħda mill-kategoriji stabbiliti.

Fl-ebda każ m’għandha l-iskala tinkludi kriterji marbuta ma’ żieda fil-produzzjoni jew fit-tqegħid tal-qoton fis-suq.

Sabiex tiġi applikata l-iskala, l-għelieqi kollha li jappartjenu għal produttur wieħed jistgħu jitqiesu li huma ta’ l-istess kategorija medja ta’ għalqa u li jipproduċu l-istess kwalità ta’ qoton.

3.   Jekk hemm bżonn, sabiex jiġi klassifikat il-qoton bil-fosdqa fl-iskala skond il-kategorija ta’ għalqa, għandu jiġi analizzat abbażi ta’ kampjuni rappreżentattivi malli jaslu għand l-intrapriża tat-tfesdiq tal-qoton, fil-preżenza tal-partijiet kollha konċernati.

4.   L-organizzazzjoni ta’ bejn taqsima u oħra għandha tgħarraf lill-aġenzija tal-pagamenti bl-ammont li jrid jitħallas lil kull wieħed mill-produtturi tagħha, abbażi ta’ l-applikazzjoni ta’ l-iskala. L-aġenzija tal-pagamenti għandha tħallas il-pagament la darba tkun iċċekkjat il-konformità u l-eliġibbiltà ta’ l-ammonti ta’ għajnuna konċernati.

Artikolu 171ah

Approvazzjoni u emenda ta’ l-iskala

1.   L-iskala għandha tiġi notifikata għall-ewwel darba lill-Istat Membru konċernat, bil-għan li jiġi approvat sat-28 ta’ Frar 2006 għall-istaġun taż-żrigħ 2006.

L-Istat Membru għandu jiddeċiedi li japprova jew jirrifjuta l-iskala fi żmien xahar mindu tintbagħat.

2.   Qabel il-31 ta’ Jannar, l-organizzazzjonijiet ta’ bejn taqsima u oħra għandhom jgħarrfu lill-Istat Membru konċernat bl-emendi magħmula fl-iskala għaż-żrigħ fis-sena preżenti.

L-emendi magħmula fl-iskala għandhom jitqiesu approvati, sakemm l-Istat Membru ma jirċevix xi oġġezzjonijiet fi żmien xahar mid-data stipulata fl-ewwel paragrafu.

Jekk l-emendi magħmula fl-iskala ma jiġux approvati, l-għajnuna pagabbli għandha tkun dik kalkulata abbażi ta’ l-iskala li ġiet approvata fil-fatt, mingħajr ma tqisu l-emendi mhux approvati.

3.   Jekk l-organizzazzjoni ta’ bejn taqsima u oħra tiddeċiedi li tissospendi l-applikazzjoni ta’ l-iskala, għandha tgħarraf lill-Istat Membru b’dan il-mod. Is-sospensjoni għandha sseħħ mill-istaġun taż-żrigħ tas-sena ta’ wara.

Artikolu 171ai

Komunikazzjonijiet lill-produtturi u lill-Kummissjoni

1.   Qabel il-31 ta’ Jannar tas-sena konċernata, l-Istati Membri għandhom jgħarrfu lill-kabbara tal-qoton u l-Kummissjoni dwar:

2.   Fejn l-approvazzjoni għal varjetà tiġi irtirata, l-Istati Membri għandhom jgħarrfu lill-kabbara mhux aktar tard mill-31 ta’ Jannar għall-finijiet ta’ l-istaġun ta’ żrigħ tas-sena ta’ wara.

3.   L-Istati Membri għandhom jibagħtu lill-Kummissjoni l-informazzjoni li ġejja:

6.

Il-Kapitolu 17b li ġej hu mdaħħal:

“KAPITOLU 17b

GĦAJNUNA GĦALL-IMSAĠAR TAŻ-ŻEBBUĠ

Artikolu 171b

Kategoriji ta’ imsaġar taż-żebbuġ

1.   L-Istati Membri għandhom jidentifikaw l-imsaġar taż-żebbuġ eliġibbli għall-għajnuna stipulata fl-Artikolu 110g tar-Regolament (KE) Nru 1782/2003 u għandhom jikklassifikawhom f’massimu ta’ ħames kategoriji abbażi tal-kriterji magħżula minn fost dawn li ġejjin:

2.   L-Istati Membri għandhom jiddeterminaw, għal kull bidwi konċernat, f’liema mill-kategoriji mniżżla fil-paragrafu 1 taqa’ kull għalqa ta’ tkabbir taż-żebbuġ eliġibbli għall-għajnuna. Din l-informazzjoni għandha titniżżel fil-GIS taż-żebbuġ.

3.   L-Istati Membri jistgħu jaġġustaw il-kategoriji ta’ l-imsaġar taż-żebbuġ identifikati taħt il-paragrafu 1 darba f’sena.

Fejn l-aġġustamenti tal-kategoriji jwassal għal klassifikazzjoni mill-ġdid ta’ l-imsaġar taż-żebbuġ, il-klassifikazzjoni l-ġdida għandha tapplika mis-sena ta’ wara li fiha jsir l-aġġustament.

Artikolu 171ba

Kalkolazzjoni ta’ l-erjas

1.   L-Istati Membri għandhom jikkalkulaw għal kull produttur iż-żona eliġibbli għall-għajnuna permezz tal-metodoloġija komuni stipulata fl-Anness XXIV.

Iż-żoni għandhom jiġu dikjarati fil-GIS-ha taż-żebbuġ sa żewġ postijiet deċimali.

2.   Minkejja l-paragrafu 1, il-metodoloġija komuni stipulata fl-Anness XXIV m’għandhiex tapplika meta:

Artikolu 171bb

Ammont ta’ għajnuna

1.   L-Istati Membri għandhom jistabbilixxu qabel il-31 ta’ Jannar ta’ kull sena l-ammont indikattiv ta’ għajnuna għal kull GIS-ha għal kull kategorija ta’ imsaġar taż-żebbuġ.

2.   L-Istati Membri, għandhom jistabbilixxu, qabel il-31 t’Ottubru tas-sena konċernata, l-ammont ta’ għajnuna għal kull GIS-ha taż-żebbuġ għal kull kategorija ta’ imsaġar taż-żebbuġ.

Dan l-ammont għandu jiġi kkalkulat billi jiġi multiplikat l-ammont indikattiv imsemmi fil-paragrafu 1 permezz ta’ koeffiċjent li jikkorrispondi ma’ l-ammont massimu ta’ għajnuna stipulata fl-Artikolu 110i(3) tar-Regolament (KE) Nru 1782/2003, billi jitqies, fejn japplika, it-tnaqqis stipulat fil-paragrafu 4 ta’ dak l-Artikolu, diviż bis-somma ta’ l-ammonti prodotti billi jiġi multiplikat l-ammont ta’ għajnuna indikattiv imsemmi fil-paragrafu 1 ta’ dan l-Artikolu, stipulat f’kull kategorija, permezz ta’ l-erja korrispondenti.

3.   L-Istati Membri jistgħu japplikaw il-paragrafi 1 u 2 fuq bażi reġjonali.

Artikolu 171bc

Iffissar tad-data bażika

1.   Bil-għan li jiġi applikat l-Artikolu 110h(c) tar-Regolament (KE) Nru 1782/2003, l-Istati Membri għandhom jużaw id-data mill-GIS taż-żebbuġ u d-dikjarazzjonijiet tal-bdiewa biex jistabbilixxu fl-1 ta’ Jannar 2005 l-informazzjoni li ġejja għal kull għalqa tat-tkabbir taż-żebbuġ: numru u post tas-siġar taż-żebbuġ eliġibbli, numru u post tas-siġar taż-żebbuġ ineliġibbli, iż-żona tat-tkabbir taż-żebbuġ u ż-żona eliġibbli ta’ l-għalqa tat-tkabbir taż-żebbuġ kif ukoll il-kategorija rilevanti msemmija fl-Artikolu 171b.

2.   Fil-każ taż-żoni mħawla bis-siġar taż-żebbuġ taħt programmi ġodda ta’ taħwil fi Franza u l-Portugall, approvati mill-Kummissjoni skond l-Artikolu 4 tar-Regolament tal-Kunsill (KE) Nru 1638/98 (*), u rreġistrati fil-GIS taż-żebbuġ qabel l-1 ta’ Jannar 2007, l-Istati Membri għandhom jistabbilixxu l-informazzjoni msemmija fil-paragrafu 1, fl-1 ta’ Jannar 2006 għall-għelieqi mħawla fl-2005 u fl-1 ta’ Jannar 2007 għall-għelieqi mħawla fl-2006. Din l-informazzjoni għandha tiġi notifikata lill-bdiewa mhux aktar tard mill-2007 fl-applikazzjoni unika.

Artikolu 171bd

Komunikazzjonijiet

L-Istati Membri għandhom jikkomunikaw lill-Kummissjoni kull sena:

(*)  ĠU L 210, 28.7.1998, p. 32. Regolament imħassar bir-Regolament (KE) Nru 865/2004 (ĠU L 161, 30.4.2004, p. 97, verżjoni kkorreġuta fil-ĠU L 206, 9.6.2004, p. 37).”"

7.

Il-Kapitolu 17c li ġej hu inserit:

“KAPITOLU 17c

GĦAJNUNA GĦAT-TABAKK

Artikolu 171c

Definizzjonijiet

Għall-finijiet ta’ dan il-Kapitolu:

Artikolu 171ca

Gruppi tal-varjeta ta’ tabakk mhux maħdum

Il-varjetajiet ta’ tabakk mhux maħdum għandhom jiġu klassifikati fil-gruppi li ġejjin:

Il-varjetajiet f’kull grupp huma mniżżla fl-Anness XXV.

Artikolu 171cb

L-ewwel proċessuri

1.   L-Istati Membri għandhom japprovaw l-ewwel proċessuri stabbiliti fit-territorju tagħhom u għandhom jistabbilixxu l-kundizzjonijiet adattati għal dik l-approvazzjoni.

L-ewwel proċessur approvat hu awtorizzat biex jiffirma kuntratti ta’ tkabbir, dejjem jekk ibiegħ talanqas 60 % tat-tabakk mibjugħ tiegħu li jkun ta’ oriġni Komunitarja lill-intrapriżi ta’ fabbrikanti tat-tabakk jew direttament, jew indirettament mingħajr aktar ipproċessar.

2.   L-approvazzjoni għandha tiġi irtirata mill-Istat Membru jekk l-ipproċessur, deliberatament jew minħabba negliġenza serja, jonqos milli jikkonforma mad-dispożizzjonijiet li jikkonċernaw it-tabakk mhux maħdum fil-livell Komunitarju jew fil-livell nazzjonali.

Artikolu 171cc

Żoni tal-produzzjoni

Għal kull grupp ta’ varjetajiet, iż-żoni ta’ produzzjoni msemmija fl-Artikolu 110k il-punt (a) tar-Regolament (KE) Nru 1782/2003 għandhom ikunu dawk stipulati fl-Anness XXVI ta’ dan ir-Regolament.

L-Istati Membri jistgħu jispeċifikaw żoni ta’ produzzjoni aktar ristretti, speċjalment fl-interess tal-kwalità. Iż-żoni ta’ produzzjoni ristretti m’għandhomx jaqbżu l-erja ta’ l-unità amministrattiva jew, fi Franza, ir-reġjun awtonomu.

Artikolu 171cd

Kuntratti ta’ tkabbir

1.   Il-kuntratti tat-tkabbir imsemmija fl-Artikolu 110k il-punt (c) tar-Regolament (KE) Nru 1782/2003 għandhom jiġu konklużi bejn l-ewwel proċessur, min-naħa, u bidwi jew assoċjazzjoni ta’ produtturi li tirrappreżentah min-naħa l-oħra, dejjem jekk l-assoċjazzjoni tal-produttur tkun rikonoxxuta mill-Istat Membru konċernat.

2.   Il-kuntratti ta’ tkabbir għandhom jiġu konklużi minn varjetà jew grupp ta’ varjetajiet. Huma għandhom jorbtu lill-ewwel proċessur biex jikkunsinna l-kwantità ta’ weraq tat-tabakk stipulat fil-kuntratt u l-bidwi jew l-assoċjazzjoni ta’ produtturi li tirrappreżentah biex jikkunsinna l-kwantità lill-ewwel proċessur, sa fejn tagħti lok il-produzzjoni proprja tagħhom.

3.   Għal kull ħsad, il-kuntratti ta’ tkabbir għandhom jinkludu talanqas id-dettalji li ġejjin:

4.   Jekk it-taħwil mill-ġdid ikun ritardjat aktar mid-data ta’ l-20 ta’ Ġunju, il-bidwi għandu jgħarraf lill-proċessur u lill-awtorità kompetenti ta’ l-Istat Membru b’dan permezz ta’ ittra reġistrata qabel dik id-data, billi jagħti r-raġunijiet għad-dewmien u jagħti d-dettalji ta’ kull bidla fl-għalqa.

5.   Il-partijiet fil-kuntratt tat-tkabbir jistgħu, permezz ta’ emenda miktuba, iżidu l-kwantitajiet li kienu speċifikati fil-bidu fil-kuntratt. L-emenda għandha tintbagħat lill-awtorità kompetenti biex tiġi reġistrata sa mhux aktar tard mill-40 jum wara d-data ta’ skadenza għall-konklużjoni tal-kuntratti ta’ tkabbir imsemmija fl-Artikolu 171ce(1).

Artikolu 171ce

Konklużjoni u reġistrazzjoni ta’ kuntratti

1.   Il-kuntratti ta’ tkabbir għandhom jiġu konklużi, minbarra f’każijiet ta’ force majeure, sat-30 t’April tas-sena ta’ ħsad. L-Istati Membri jistgħu jistabbilixxu data qabel.

2.   Minbarra f’każijiet ta’ force majeure, kuntratti ta’ tkabbir la darba jiġu konklużi għandhom jiġu sottomessi għar-reġistrazzjoni lill-korp kompetenti mhux aktar tard minn 15-il ġurnata wara d-data ta’ skadenza biex jikkonkluduhom kif imsemmi fil-paragrafu 1.

Il-korp kompetenti għandu jkun dak ta’ l-Istat Membru li fih irid isir l-ipproċessar.

Fejn l-ipproċessar irid isir fi Stat Membru barra dak li fih tkabbar it-tabakk, il-korp kompetenti ta’ l-Istat Membru li fih irid isir l-ipproċessar għandu jibgħat minnufih kopja tal-kuntratt reġistrat lill-korp kompetenti ta’ l-Istat Membru produttur. Jekk dak il-korp ma jagħmilx hu stess l-ispezzjonijiet fuq is-sistema ta’ għajnuna, għandu jibgħat kopja tal-kuntratt reġistrat lill-korp ta’ kontroll kompetenti.

3.   Jekk id-data ta’ skadenza għall-konklużjoni tal-kuntratti msemmija fil-paragrafu 1 jew għas-sottomissjoni ta’ kuntratti ta’ tkabbir stipulati fil-paragrafu 2 tinqabeż b’massimu ta’ 15-il ġurnata, l-għajnuna li trid titħallas għandha titnaqqas b’20 %.

Artikolu 171cf

Kuntratti ma’ assoċjazzjoni tal-produtturi

1.   Meta jsir kuntratt ta’ tkabbir bejn l-ewwel proċessur u assoċjazzjoni tal-produtturi, għandu jkollu miegħu lista li fiha l-ismijiet tal-bdiewa konċernati u l-kwantità massima rispettiva tagħhom li trid tiġi kkunsinnata, il-post eżatt fejn tinsab l-għalqa u l-erja ta’ l-għelieqi konċernati, kif imsemmija fl-Artikolu 171cd(3), il-punti (c), (d) u (e).

Dik il-lista għandha tiġi sottomessa għar-reġistrazzjoni lill-korp kompetenti mhux aktar tard mill-15 ta’ Mejju tas-sena ta’ ħsad.

2.   L-assoċjazzjonijiet tal-produtturi msemmija fil-paragrafu 1 jistgħu ma jagħmlux l-ewwel proċessar tat-tabakk.

3.   Il-bdiewa li jipproduċu t-tabakk ma jistgħux jappartjenu għal aktar minn assoċjazzjoni waħda tal-produtturi.

Artikolu 171cg

Rekwiżiti minimi tal-kwalità

It-tabakk li jitwassal lill-proċessuri għandu jkun tajjeb, ġust u ta’ kwalità li tinbiegħ u ma jkunx fih xi karatteristika minn dawk imniżżla fl-Anness XXVII. Jistgħu jiġu stabbiliti rekwiżiti ta’ kwalità aktar riġidi mill-Istat Membru jew jistgħu jiġu miftehma mill-partijiet kontraenti.

Artikolu 171ch

Nuqqas ta’ qbil

L-Istati Membri jistgħu jipprovdu li n-nuqqas ta’ qabil li jikkonċerna l-kwalità ta’ tabakk ikkunsinnat lill-ewwel proċessur għandu jitressaq quddiem il-korp ta’ l-arbitraġġ. L-Istati Membri għandhom jistabbilixxu r-regoli li jirregolaw is-sħubija u l-proċeduri ta’ teħid ta’ deċiżjoni ta’ dawk il-korpi. Il-korpi ta’ l-arbitraġġ iridu jinkludu waħda jew aktar mir-rappreżentanti tal-produtturi u tal-proċessuri, b’numri ugwali.

Artikolu 171ci

Livell ta’ għajnuna

Meta japplikaw l-Artikolu 110k il-punt (d) tar-Regolament (KE) Nru 1782/2003, l-Istati Membri għandhom jistabbilixxu l-ammont ta’ għajnuna indikattiv għal kull kg skond il-varjetà tat-tabakk jew il-grupp ta’ varjetajiet qabel il-15 ta’ Marzu tas-sena tal-ħsad. L-Istati Membri jistgħu jagħmlu differenza bejn il-livell ta’ għajnuna skond il-kwalità ta’ tabakk li jiġi kunsinnat. Għal kull varjetà jew grupp ta’ varjetajiet, il-livell ta’ għajnuna m’għandux jaqbeż l-ammont ta’ primjum skond il-grupp ta’ varjetajiet stabbiliti għall-ħsad ta’ l-2005 bir-Regolament tal-Kunsill (KE) Nru 546/2002 (**).

L-Istati Membri għandhom jistabbilixxu l-ammont ta’ għajnuna finali għal kull kg skond il-varjetà ta’ tabakk jew grupp ta’ varjetajiet fi żmien 15-il ġurnata xogħol wara l-ġurnata li fiha t-tabakk kollu għall-ħsad konċernat ikun ġie kunsinnat. Jekk l-ammont totali ta’ għajnuna li ssir applikazzjoni għalih f’xi Stat Membru jaqbeż il-limitu nazzjonali stabbilit fl-Artikolu 110l tar-Regolament (KE) Nru 1782/2003, kif aġġustat skond l-Artikolu 110m ta’ dak ir-Regolament, l-Istat Membru għandu jipproċedi għal tnaqqis lineari ta’ l-ammonti mħallsa lil kull bidwi.

Artikolu 171cj

Kalkolu tal-pagament ta’ għajnuna

1.   L-għajnuna li trid titħallas lill-bdiewa għandha tiġi kkalkulata abbażi tal-piż tal-weraq tat-tabakk tal-varjetà jew grupp ta’ varjetajiet konċernati li jikkorrispondu mal-kwalità minima meħtieġa u meħuda mill-ewwel proċessur.

2.   Fejn il-kontenut ta’ l-umdità jvarja mil-livell stipulat fl-Anness XXVIII għall-varjetà konċernata, il-piż għandu jiġi aġġustat għal kull punt ta’ persentaġġ tad-differenza, fi ħdan it-tolleranzi stipulati stipulati f’dak l-Anness.

3.   Il-metodi biex ikun determinat il-kontenut ta’ l-umdità, il-livelli kampjunarji u l-frekwenza u l-metodu biex jiġi kalkulat il-piż aġġustat għandu jkun kif stipulat fl-Anness XXIX.

Artikolu 171ck

Kunsinnar

1.   Minbarra l-każijiet ta’ force majeure, il-bdiewa għandhom jikkunsinnaw il-produzzjoni kollha lill-ewwel proċessur sat-30 t’April tas-sena wara s-sena tal-ħsad, u jekk jonqsu għandhom jitilfu l-intitolament tagħhom għall-għajnuna. L-Istati Membri jistgħu jistabbilixxu data aktar kmieni.

2.   Il-kunsinnar għandu jsir jew direttament lejn il-post fejn it-tabakk se jiġi proċessat jew, jekk l-Istat Membru jawtorizza hekk, lejn ċentru tax-xiri approvat. Il-korp ta’ kontroll kompetenti għandu japprova dawk iċ-ċentri tax-xiri, li għandhom il-faċilitajiet adattati, miżien u bini.

3.   Jekk it-tabakk mhux proċessat ma twassalx fil-postijiet imsemmija fil-paragrafu 2, jew min iġorr li jikkunsinna l-kwantitajiet distinti ta’ tabakk miċ-ċentru tax-xiri lejn l-impjant ta’ l-ipproċessar m’għandux awtorizzazzjoni biex jagħmel il-ġarr, l-ewwel intrapriża ta’ l-ipproċessar li tirċievi t-tabakk konċernat għandha tħallas lill-Istat Membru somma ta’ flus ugwali għall-għajnuna għall-kwantità ta’ tabakk konċernat. Dan l-ammont għandu jittieħed mill-Fond Agrikolu Ewropew ta’ Gwida u Garanzija (EAGGF).

Artikolu 171cl

Pagament

Il-korp kompetenti ta’ l-Istat Membru għandu jħallas l-għajnuna lill-bdiewa abbażi ta’ ċertifikat ta’ kontroll maħruġ mill-korp ta’ kontroll kompetenti li jiċċertifika li t-tabakk ġie kunsinnat.

Artikolu 171cm

Pagamenti bil-quddiem

1.   Permezz ta’ deroga mill-Artikolu 10(1) tar-Regolament (KE) Nru 796/2004, l-Istati Membri jistgħu japplikaw sistema ta’ pagamenti bil-quddiem fuq l-għajnuna tat-tabakk mogħtija lill-bdiewa.

2.   L-applikazzjonijiet tal-bdiewa għall-pagament bil-quddiem jistgħu jiġu sostitwiti wara s-16 ta’ Settembru tas-sena tal-ħsad. Huma għandu jkollhom magħhom id-dokumenti li ġejjin, ħlief fejn Stat Membru jipprovdi mod ieħor dejjem jekk ikunu diġà f’idejhom:

3.   Il-pagament tal-ħlas bil-quddiem, l-ammont massimu ta’ liema għandu jkun ugwali għal 50 % ta’ l-ammont ta’ għajnuna pagabbli, ibbażat fuq il-livell ta’ għajnuna indikattiv stabbilit skond l-Artikolu 171ci għandu jkun soġġett għad-depożitu ta’ sigurtà ugwali għall-ammont tal-pagament bil-quddiem flimkien ma’ 15 % ta’ l-ammont tal-pagament bil-quddiem.

Is-sigurtà għandha tiġi rilaxxata meta l-ammont ta’ għajnuna totali jkun tħallas skond l-Artikolu 19 tar-Regolament (KEE) Nru 2220/85.

4.   Il-pagament bil-quddiem għandu jitħallas mis-16 t’Ottubru tas-sena tal-ħsad u fi żmien 30 ġurnata mindu tintefa’ l-applikazzjoni msemmija fil-paragrafu 2 u ta’ prova li s-sigurtà msemmija fil-paragrafu 3 tkun ġiet iddepożitata.

Il-pagament bil-quddiem imħallas għandu jitnaqqas mill-ammont ta’ għajnuna għat-tabakk pagabbli skond l-Artikolu 171cl.

5.   L-Istati Membri għandhom jiddeterminaw kull kundizzjoni oħra li tirregola l-għoti pagamenti bil-quddiem, u b’mod partikolari d-data finali għat-tfigħ ta’ l-applikazzjonijiet. Il-bdiewa jistgħu ma jitfgħux applikazzjoni għal pagament bil-quddiem la darba jkunu bdew jikkunsinnaw.

Artikolu 171cn

Ipproċessar bejn fruntiera u oħra

1.   L-għajnuna għandha titħallas jew tingħata bil-quddiem mill-Istat Membru li fih intgħamel it-tabakk.

2.   Meta t-tabakk jiġi proċessat fi Stat Membru ieħor barra dak li fih ġie prodott, l-Istat Membru li jipproċessa għandu, wara li jagħmel l-ispezzjonijiet meħtieġa, jipprovdi lill-Istat Membru produttur bl-informazzjoni kollha meħtieġa biex ikun jista’ jħallas l-għajnuna jew jeħles is-sigurtà.

Artikolu 171co

Notifikazzjonijiet lill-Kummissjoni

1.   Kull Stat Membru konċernat għandu jinnotifika lill-Kummissjoni sa mhux aktar tard mill-31 ta’ Jannar ta’ kull sena ta’ ħsad dwar:

Il-Kummissjoni għandha tippubblika l-lista tal-korpi responsabbli għar-reġistrazzjoni tal-kuntratti ta’ tkabbir u ta’ l-intrapriżi approvati ta’ l-ewwel ipproċessar fis-serje ‘Ċ’ tal-Ġurnal Uffiċjali ta’ l-Unjoni Ewropea.

2.   Kull Stat Membru konċernat għandu jgħarraf minnufih lill-Kummissjoni dwar il-miżuri nazzjonali meħuda biex japplika dan il-Kapitolu.

Artikolu 171cp

Miżura transizzjonali

Mingħajr preġudizzju għal kull emenda li ssir fil-futur, il-produtturi li l-kwoti tal-produzzjoni tat-tabakk tagħhom kienu nxtraw lura matul il-ħsad ta’ l-2002 u l-2003 skond l-Artikolu 14 tar-Regolament (KEE) Nru 2075/92 għandhom ikunu intitolati mill-1 ta’ Jannar 2006, għall-bqija tal-ħames snin ta’ ħsad wara s-sena li fiha l-kwota tagħhom tinxtara lura, biex jirċievu ammont ekwivalenti għal persentaġġ tal-primjum mogħti fir-rigward tal-ħsad ta’ l-2005, kif indikat fit-tabelli fl-Anness XXX. Dawn l-ammonti għandhom jitħallsu qabel il-31 ta’ Mejju ta’ kull sena.

(**)  ĠU L 84, 28.3.2002, p. 4”"

8.

L-Artikolu 172 hu emendat kif ġej:

9.

It-test fl-Anness ta’ dan ir-Regolament hu miżjud bħala Annessi XXIV sa XXX.