EUR-Lex Access to European Union law
This document is an excerpt from the EUR-Lex website
Document 32005D0943
2005/943/EC: Commission Decision of 21 December 2005 amending Decision 93/195/EEC on animal health conditions and veterinary certification for the re-entry of registered horses for racing, competition and cultural events after temporary export (notified under document number C(2005) 5496)
2005/943/KE: Deċiżjoni tal-Kummissjoni tal- 21 ta’ Diċembru 2005 li temenda d-Deċiżjoni 93/195/KEE dwar is-saħħa ta’ l-annimali u l-kundizzjonijiet tagħhom u ċ-ċertifikazzjoni veterinarja tagħhom għad-dħul mill-ġdid ta’ żwiemel reġistrati għat-tiġrija, kompetizzjoni u okkażjonijiet kulturali wara esportazzjoni temporanja (innotifikata taħt dokument numru C(2005) 5496) Test b’rilevanza għaż-ŻEE.
2005/943/KE: Deċiżjoni tal-Kummissjoni tal- 21 ta’ Diċembru 2005 li temenda d-Deċiżjoni 93/195/KEE dwar is-saħħa ta’ l-annimali u l-kundizzjonijiet tagħhom u ċ-ċertifikazzjoni veterinarja tagħhom għad-dħul mill-ġdid ta’ żwiemel reġistrati għat-tiġrija, kompetizzjoni u okkażjonijiet kulturali wara esportazzjoni temporanja (innotifikata taħt dokument numru C(2005) 5496) Test b’rilevanza għaż-ŻEE.
ĠU L 342, 24.12.2005, p. 94–95
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV) Dan id-dokument ġie ppubblikat f’edizzjoni(jiet) speċjali
(BG, RO, HR)
ĠU L 349M, 12.12.2006, p. 723–724
(MT)
No longer in force, Date of end of validity: 30/09/2018; Impliċitament imħassar minn 32018R0659
12.12.2006 |
MT |
Il-Ġurnal Uffiċjali ta’ l-Unjoni Ewropea |
723 |
DEĊIŻJONI TAL-KUMMISSJONI
tal-21 ta’ Diċembru 2005
li temenda d-Deċiżjoni 93/195/KEE dwar is-saħħa ta’ l-annimali u l-kundizzjonijiet tagħhom u ċ-ċertifikazzjoni veterinarja tagħhom għad-dħul mill-ġdid ta’ żwiemel reġistrati għat-tiġrija, kompetizzjoni u okkażjonijiet kulturali wara esportazzjoni temporanja
(innotifikata taħt dokument numru C(2005) 5496)
(Test b’rilevanza għaż-ŻEE)
IL-KUMMISSJONI TAL-KOMMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 90/426/KEE tas-26 ta’ Ġunju 1990 dwar kundizzjonijiet tas-saħħa ta’ l-annimali li jirregolaw il-moviment u l-importazzjoni minn pajjiżi terzi ta’ equidae (razza taż-żwiemel) (1), partikolarment l-Artikolu 19(ii) tagħha,
Billi:
(1) |
Skond id-Deċiżjoni tal-Kummissjoni 93/195/KEE (2), id-dħul mill-ġdid ta’ żwiemel reġistrati għat-tlielaq, għall-kompetizzjoni u l-avvenimenti kulturali wara l-esportazzjoni temporanja huwa ristrett għaż-żwiemel li jkunu nżammu f’ pajjiż terz għal inqas minn 30 ġurnata. |
(2) |
Skond dik id-Deċiżjoni, madankollu, iż-żwiemel li kienu ħadu sehem fil-United Arab Emirates Endurance World Cup u li jissodisfaw ir-rekwiżiti stipulati f’ dik id-Deċiżjoni huma awtorizzati li jerġgħu jidħlu fit-territorju Komunitarju wara l-esportazzjoni temporanja ta’ inqas minn 60 ġurnata. |
(3) |
Sabiex ikun iktar faċli għaż-żwiemel li joriġinaw mill-Komunità biex jieħdu sehem f’dawk il-kompetizzjonijiet, regola speċjali għandha tapplika għall-kompetizzjonijiet kollha ta’ l-Endurance World Cup li jkunu saru skond ir-regoli, inkluża s-superviżjoni veterinarja, tal-Federation Equestre International (FEI), irrispettivament minn liema pajjiż minn fost dawk approvati skond id-Direttiva 90/426/KEE issir fih il-kompetizzjoni. |
(4) |
Id-Deciżjoni Nru 93/195/KEE għandha, għalhekk, tiġi emendata kif jixraq. |
(5) |
Il-miżuri previsti f’din id-Deciżjoni huma konformi ma’ l-opinjoni tal-Kumitat Permanenti dwar il-Katina Alimentari u s-Saħħa ta’ l-Annimali, |
ADOTTAT DIN ID-DEĊIŻJONI:
Artikolu 1
Id-Deċiżjoni 93/195/KEE hija emendata kif ġej:
1. |
Fl-Artikolu 1, is-seba’ inċiz huwa mibdul b’ dan li ġej:
|
2. |
L-Anness VII huwa sostitwit bl-Anness għal din id-Deċiżjoni. |
Artikolu 2
Din id-Deċiżjoni għandha tapplika mill-27/XII/2005.
Artikolu 3
Din id-Deċiżjoni hija indirizzata lill-Istati Membri.
Magħmul fi Brussell, nhar il-21 ta’ Diċembru 2005.
Għall-Kummissjoni
Markos KYPRIANOU
Membru tal-Kummissjoni
(1) ĠU L 224, 18.8.1990, p. 42. Direttiva kif emendata l-aħħar mid-Direttiva 2004/68/KE (ĠU L 139, 30.4.2004, p. 320). Verżjoni kkoreġuta ĠU L 226, 25.6.2004, p. 128.
(2) ĠU L 86, 6.4.1993, p. 1. Deċiżjoni kif emendata l-aħħar bid-Deċiżjoni 2005/771/KE (ĠU L 291, 5.11.2005, p. 38).
ANNESS