31.12.2008   

MT

Il-Ġurnal Uffiċjali ta’ l-Unjoni Ewropea

71

(1)

Minħabba l-pożizzjoni ġeografika tal-Kleinwalsertal (Komunità ta' Mittelberg) u l-Komunità ta' Jungholz, li jinsabu fit-territorju Awstrijak u huma aċċessibbli biss bit-triq mill-Ġermanja, il-ħalib tal-produtturi tagħhom ġie kkunsinnat lil xerrejja Ġermaniżi.

(2)

Peress li r-Regolament (KEE) Nru 804/68 tal-Kunsill tas-27 ta' Ġunju 1968 dwar l-organizzazzjoni komuni tas-suq tal-ħalib u tal-prodotti tal-ħalib (2), kif emendat bir-Regolament (KEE) Nru 856/84 (3), introduċa s-sistema Komunitarja ta' kwoti tal-ħalib, il-ħalib imqiegħed fis-suq minn dawn il-produtturi ttieħed f’konsiderazzjoni fl-istabbiliment tal-kwantitajiet ta' referenza tal-ħalib Ġermaniż.

(3)

Ir-Regolament tal-Kunsill (KE) Nru 1782/2003 (4) introduċa pagament dirett għas-settur tal-ħalib b'bidu mis-sena kalendarja 2004. Dawn il-pagamenti huma bbażati fuq il-kwantitajiet ta' referenza individwali tal-produtturi kkonċernati li huma amministrati mill-Ġermanja filwaqt li, skond dak ir-Regolament, il-ħlas tal-premium għall-prodotti tal-ħalib għandu jitwettaq mill-awtoritajiet Awstrijaċi fil-limitu tal-kwantità ta' referenza nazzjonali tagħhom għall-perijodu ta' 12-il xahar ta' 1999/2000 stabbilit fl-Anness I għar-Regolament tal-Kunsill (KEE) Nru 3950/92 tat-28 ta' Settembru 1992 li jistabbilixxi dazju addizzjonali fis-settur tal-ħalib u tal-prodotti tal-ħalib (5) u limitu baġitarju massimu previst fl-Artikolu 96(2) tar-Regolament (KE) Nru 1782/2003. Kemm il-kwantità ta' referenza kif ukoll il-limitu massimu ġew ikkalkolati għall-Awstrija mingħajr ma ttieħed kont tal-kwantitajiet ta' referenza individwali għall-Kleinwalsertal (Komunità ta' Mittelberg) u l-Komunità ta' Jungholz.

(4)

L-Artikolu 47(2) tar-Regolament (KE) Nru 1782/2003 jipprevedi l-inklużjoni ta' pagamenti għall-ħalib fl-iskema ta' pagament uniku prevista f'dak ir-Regolament fl-2007. Madankollu, l-Artikolu 62 ta' l-istess Regolament jawtorizza lill-Istati Membri biex jantiċipaw l-inklużjoni ta' tali pagamenti mill-2005. L-inklużjoni tal-premium għall-prodotti tal-ħalib huwa previst fil-Ġermanja mill-2005, filwaqt li fl-Awstrija dan ser iseħħ fi stadju aktar tard.

(5)

Biex tkun tista' ssir amministrazzjoni prattika u korretta tal-premium tal-ħalib u l-inklużjoni tiegħu fl-Iskema ta' Pagament Uniku, ir-Regolament (KE) Nru 1782/2003 għandu jiġi emendat b'mod tali li, għall-Ġermanja u l-Awstrija, il-kwantitajiet ta' referenza u l-limitu baġitarju massimu, imsemmija fl-Artikolu 95(4) u 96(2), jieħdu konsiderazzjoni tal -kwantitajiet ta' referenza għall-ħalib tal-produtturi tar-reġjuni kkonċernati. Konsegwentement, jixraq ukoll li jiġi modifikat l-Anness I għar-Regolament (KE) Nru 1788/2003 tad-29 ta' Settembru 2003 li jistabbilixxi taxxa fil-qasam tal-ħalib u l-prodotti mill-ħalib sabiex il-kwantitajiet ta' referenza tal-produtturi kkonċernati jiġu konvertiti fi kwantitajiet ta' referenza Awstrijaċi mis-sena tal-kwota tal-ħalib 2004/05.

(6)

Għall-pagamenti dovuti fl-2004, meta jitqies li d-data għall-applikazzjoni diġà skadiet, huwa madankollu xieraq li tiġi prevista deroga għall-Artikolu 2(b) tar-Regolament (KE) Nru 1782/2003 li tippermetti lill-Ġermanja tħallas il-premium lill-bdiewa li jinsabu fil-Kleinwalsertal Awstrijaka (Komunità ta' Mittelberg) u l-Komunità ta' Jungholz,

1)

Fl-Artikolu 95(4), għandu jiżdied it-tieni subparagrafu li ġej:

“Madankollu, għall-Ġermanja u l-Awstrija l-limitu massimu stabbilit abbażi tal-kwantitajiet ta' referenza għall-perijodu ta' 12-il xahar ta' 1999/2000, għandu jkun, rispettivament, 27 863 827,288 u 2 750 389,712 tunnellati.”

2)

L-Artikolu 96(2) huwa b'dan emendat kif ġej:

(a)

L-Artikolu 1 għandu japplika mill-1 ta' Jannar 2005;

(b)

L-Artikolu 2 għandu japplika mill-1 ta' April 2004;

(c)

L-Artikolu 3 għandu japplika mill-1 ta' Jannar 2004.