This document is an excerpt from the EUR-Lex website
Document 32004R2120
Commission Regulation (EC) No 2120/2004 of 10 December 2004 amending Regulation (EC) No 2729/2000 laying down detailed implementing rules on controls in the wine sector
2120/2004/KE: Regolament tal-Kummissjoni (KE) Nru 2120/2004 ta’ l- 10 ta’ Diċembru 2004 li jemenda r-Regolament (KE) Nru 2729/2000 li jistabbixxi regoli ddettaljati ta' implimentazzoni għall-kontrolli fis-settur tal-inbid
2120/2004/KE: Regolament tal-Kummissjoni (KE) Nru 2120/2004 ta’ l- 10 ta’ Diċembru 2004 li jemenda r-Regolament (KE) Nru 2729/2000 li jistabbixxi regoli ddettaljati ta' implimentazzoni għall-kontrolli fis-settur tal-inbid
ĠU L 367, 14.12.2004, p. 11–16
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV) Dan id-dokument ġie ppubblikat f’edizzjoni(jiet) speċjali
(BG, RO)
ĠU L 306M, 15.11.2008, p. 45–50
(MT)
No longer in force, Date of end of validity: 31/07/2008; Impliċitament imħassar minn 32008R0555
15.11.2008 |
MT |
Il-Ġurnal Uffiċjali ta’ l-Unjoni Ewropea |
45 |
REGOLAMENT TAL-KUMMISSJONI (KE) Nru 2120/2004
ta’ l-10 ta’ Diċembru 2004
li jemenda r-Regolament (KE) Nru 2729/2000 li jistabbixxi regoli ddettaljati ta' implimentazzoni għall-kontrolli fis-settur tal-inbid
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 1493/1999 tas-17 ta' Mejju 1999 dwar l-organizzazzjoni komuni tas-suq tal-inbid (1), u b'mod partikolari l-Artikolu 72(4) tiegħu,
Billi:
(1) |
It-tieni subparagrafu tal-Artikolu 11(2) tar-Regolament tal-Kummissjoni (KE) Nru 2729/2000 (2) jiddetermina l-għadd minimu ta' kampjuni li għandhom jittieħdu kull sena għall-ġabra tad-dejta analitika kif provdut fl-Artikolu 10 ta' dak ir-Regolament. Wara d-dħul tar-Repubblika Ċeka, Ċipru, l-Ungerija, Malta, is-Slovenja u s-Slovakkja, l-għadd ta' kampjuni li għandhom jittieħdu għal dawn il-pajjiżi għandu jiġi ddeterminat. |
(2) |
L-Artikolu 12 jiddetermina l-għadd ta' analiżijiet li għandhom isiru miċ-Ċentru Konġunt tar-Riċerka (ĊKR), inklużi l-analiżijiet tal-kampjuni mill-Istati Membri li għadhom mhumiex mgħammrin. Għandu jiġi stabbilit perjodu tranżizzjonali li jipprovdi għat-twaqqif u l-organizzazzjoni ta' laboratorji iżotopiċi profiċjenti f’dawk l-Istati Membri. |
(3) |
L-Annessi I, II u III tar-Regolament (KE) Nru 2729/2000 ifasslu struzzjonijiet preċiżi għall-proċess, l-analiżi u r-rappurtar tal-kampjuni. Fid-dawl tal-esperjenza u l-progress tekniku, dawk l-instruzzjonijiet għandhom jiġu aġġornati. |
(4) |
Ir-Regolament (KE) Nru 2729/2000 għandu jiġi emendat skont dan. |
(5) |
Il-miżuri pprovduti f'dan ir-Regolament huma skont tal-Kumitat tal-Ġestjoni tal-Inbid, |
ADOTTAT DAN IR-REGOLAMENT:
Artikolu 1
Ir-Regolament (KE) Nru 2729/2000 huwa emendat kif ġej:
(1) |
Fl-Artikolu 11(2), it-tieni subparagrafu għandu jinbidel b’dan li ġej: “In-numru tal-kampjuni li jridu jittieħdu ta' kull sena għall-ġabra ta’ dejta għandu jkun ta' mill-inqas:
|
(2) |
Fl-Artikolu 12(1), l-ewwel sentenza għandha tinbidel bit-test li ġej: “Għal perjodu li jintemm fil-31 ta’ Lulju 2008, sakemm ikun stabbilit it-tagħmir analitiku adegwat, Stati Membri li jipproduċu l-inbid li mhumiex mgħammrin biex iwettqu analiżi iżotopika għandhom jibagħtu l-kampjuni tagħhom tal-inbid liċl-ĊKR għall-analiżi.” |
(3) |
L-Anness I għandu jinbidel bit-test fl-Anness I għal dan ir-Regolament. |
(4) |
L-Anness II għandu jinbidel bit-test tal-Anness II għal dan ir-Regolament. |
(5) |
L-Anness III għandu jinbidel bit-test tal-Anness III għal dan ir-Regolament. |
Artikolu 2
Dan ir-Regolament għandu jidħol fis-seħħ fit-tielet jum wara dik tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 10 ta’ Diċembru 2004.
Għall-Kummissjoni
Mariann FISCHER BOEL
Membru tal-Kummissjoni
(1) ĠU L 179, 14.7.1999, p. 1. Ir-Regolament kif emendat l-aħħar bir-Regolament tal-Kummissjoni (KE) Nru 1795/2003 (ĠU L 262, 14.10.2003, p. 13).
(2) ĠU L 316, 15 12 2000, p. 16.
ANNESS I
“ANNESS I
Struzzjonijet għat-teħid tal-kampjuni tal-għeneb frisk u għall-ipproċessar tiegħu f'inbid għall-analiżi bil-metodi iżotopiċi msemmija fl-Artikolu 11
I. TEĦID TA’ KAMPJUNI TA’ GĦENEB
A. |
Kull kampjun għandu jkun magħmul tal-anqas minn 10 kg ta’ għeneb misjur u tajjeb tal-istess varjetà. Għandu jittieħed fil-kundizzjoni li fiha jinstab. It-teħid ta’ kampjuni għandu jsir matul il-perjodu meta l-plott in kwistjoni jinħasad. L-għeneb miġbur għandu jkun rappreżentattiv tal-plott fl-intier tiegħu. il-kampjuni friski tal-għeneb, jew il-most ippressat derivat, jistgħu jkunu ppreservati bil-friża għal użu ulterjuri. Huwa biss meta jkun previst kejl tal-ossiġnu 18 tal-most, alikwota tal-most tista’ tittieħed separatament u tiġi ppreservata wara t-tagħsir tal-kampjun sħiħ tal-għeneb. |
B. |
Meta jitteħdu l-kampjuni, għandha titħejja karta deskrittiva. Din il-karta għandha tinkludi żewġ taqsimiet, l-ewwel waħda dwar it-teħid ta’ kampjuni ta’ għeneb u t-tieni taqsima dwar il-vinifikazzjoni. Hija għandha tinżamm mal-kampjun u għandha takkumpanjah tul il-ġarr kollu. Għandha tkun aġġornata permezz ta’ notament dwar kull xorta ta’ trattament li jsir lill-kampjun. Il-karta ta’ deskrizzjoni dwar it-teħid ta’ kampjuni għandha titħejja skont it-Taqsima I tal-kwestjonarju fl-Anness II. |
II. VINIFIKAZZJONI
A. |
Il-vinifikazzjoni għandha ssir mill-korp kompetenti jew minn dipartiment awtorizzat minn dak il-korp biex jagħmilha, kull fejn jista’ jkun skont kundizzjonijiet li jkunu jaqblu mal-kundizzjonijiet normali fil-medda ta’ produzzjoni li tagħha l-kampjun ikun rappreżentattiv. Il-vinifikazzjoni għandha tirriżulta fit-trasformazzjoni totali taz-zokkor f’alkoħol, jiġifieri f’anqas minn 2 g/l ta’ residwu ta’ zokkor. Madankollu, f’ċerti każijiet, eż. biex tkun żgurata rappreżentattività akbar, jistgħu jkunu aċċettati ammonti ogħla ta’ zokkor residwu. Malli l-inbid ikun iċċara u stabilizza permezz ta’ SO2, huwa għandu jitqiegħed fi fliexken ta’ 75 cl u ttikkettjat. |
B. |
Il-folja ta' deskrizzjoni għall-vinifikazzjoni għandha titfassal skont it-Taqsima II tal-kwestjonarju fl-Anness II.” |
ANNESS II
“ANNESS II
Kwestjonarju dwar il-ħażna u l-vinifikazzjoni tal-kampjuni tal-għeneb intenzjonati għall-analiżi permezz ta' metodi isotopiċi
Il-metodi analitiċi u l-espressjoni tar-riżultati (unitajiet) li għandhom jintużaw huma dawk spjegati fl-Aness tar-Regolament (KEE) Nru 2676/90 (jew l-ekwivalenti ppruvati mil-laboratorji involuti fl-analiżi).
Taqsima I
1. Informazzjoni ġenerali
1.1. |
In-numru tal-kampjun: |
1.2. |
L-isem u l-kariga tal-uffiċjal jew il-persuna awtorizzata li ħa l-kampjun: |
1.3. |
L-isem u l-indirizz tal-korp kompetenti responsabbli mit-teħid tal-kampjun: |
1.4. |
L-isem u l-indirizz tal-korp kompetenti responsabbli mill-vinifikazzjoni u d-dispaċċ tal-kampjun, jekk ikun korp ieħor barra dak imsemmi f’1.3: |
2. Deskrizzjoni ġenerali tal-kampjuni
2.1. |
L-oriġini (pajjiż, reġjun): |
2.2. |
Is-sena tal-ħsad: |
2.3. |
Il-varjetà tad-dielja: |
2.4. |
Il-lewn tal-għeneb: |
3. Deskrizzjoni tal-vinja
3.1. |
L-isem u l-indirizz tal-persuna li tikkoltiva l-plott: |
3.2. |
Il-lokalità tal-plott:
|
3.3. |
Tip ta’ ħamrija (eż. bil-ġir, taflija, bil-ġir u taflija, ramlija): |
3.4. |
Sitwazzjoni (eż. imżerżqa, watja, esposta għax-xemx): |
3.5. |
L-għadd ta’ dwieli għal kull ettaru: |
3.6. |
L-età approssimattiva tal-vinja (anqas minn 10 snin/bejn 10 u 25 sena/aktar minn 25 sena): |
3.7. |
Altitudni: |
3.8. |
Metodu ta’ taħriġ u żbir: |
3.9. |
Tip ta’ nbid li l-għeneb normalment isir (nbid tal-mejda, nbid ta' kwalità psr, oħrajn)-(ref. d-definizzjonijiet tar-Regolament (KE) Nru 1493/1999, Anness 1): |
4. Karatteristiċi ta’ għalla u most
4.1. |
Stima tar-rendiment għal kull ettaru tal-plott maħsud: (kg/ha) |
4.2. |
Stat ta’ saħħa tal-għeneb (eż. tajjeb, imħassar), li jispeċifika jekk l-għeneb kienx niexef jew imxarrab meta ttieħed il-kampjun: |
4.3. |
Data li fiha ttieħed il-kampjun: |
5. Il-kundizzjonijiet tat-temp qabel il-ħsad
5.1. |
L-ammont ta' xita li tagħmel fl-għaxar t'ijiem qabel il-ħsad: iva/le. Jekk iva, informazzjoni addizzjonali fejn disponibbli. |
6. Vinji msoqqija:
Jekk l-għalla tissaqqa, id-data tal-aħħar tisqija:
(Timbru tal-korp kompetenti responsabbli mit-teħid tal-kampjun, u l-isem, kariga u firma tal-uffiċjali li jieħu l-kampjun)
Taqsima II
1. Mikrovinifikazzjoni
1.1. |
Piż tal-kampjun tal-għeneb, f’kg: |
1.2. |
Metodu ta’ ppressar: |
1.3. |
Volum ta’ most miksub: |
1.4. |
Karatteristiċi tal-most:
|
1.5. |
Metodu ta’ trattament tal-most (eż. sedimentazzjoni, ċentrifugazzjoni): |
1.6. |
Levatura (varjetà ta’ ħmira użata). Indika jekk kienx hemm jew le fermentazzjoni spontanja: |
1.7. |
It-temperatura matul il-fermentazzjoni: |
1.8. |
Il-metodu li jiddetermina t-tmiem tal-fermentazzjoni: |
1.9. |
Il-metodu ta’ trattament tal-inbid (eż. tiswib): |
1.10 |
Żieda ta’ diossidu tal-kubrit f’mg/l: |
1.11 |
Analiżi tal-inbid miksub:
|
2. Tabella kronoloġika tal-vinifikazzjoni tal-kampjun
Data:
— |
li fiha ttieħed il-kampjun: (l-istess data bħad-data tal-ħsad, taqsima I-4.3) |
— |
tal-ippressar: |
— |
tal-bidu tal-fermentazzjoni: |
— |
tat-tmiem tal-fermentazzjoni: |
— |
tal-ibbottiljar: |
Data li fiha tkun tlestiet it-Taqsima Part II:
(Timbru tal-korp kompetenti li jkun wettaq il-vinifikazzjoni u firma tal-uffiċjal kompetenti ta’ dak il-korp)”
ANNESS III
“ANNESS III
RAPPORT TA’ ANALIŻI
Kampjuni ta’ nbid u ta’ prodotti tal-inbid analizzati b’metodu iżotopiku kif imsemmi fl-Anness għar-Regolament (KEE) Nru 2676/90 li għandhom jiddaħħlu fil-ġabra tad-dejta iżotopika taċ-ĊRK
I. INFORMAZZJONI ĠENERALI (trasferita mill-Anness II)
1. |
Il-pajjiż: |
2. |
In-numru tal-kampjun: |
3. |
Is-sena: |
4. |
Il-varjetà tad-dielja: |
5. |
It-tip ta’ nbid: |
6. |
Ir-reġjun/id-distrett: |
7. |
Isem u l-indirizz tal-laboratorju responsabbli għar-riżultati: |
8. |
Kampjun għall-analiżi ta’ kontroll miċ-ĊRK: iva/le |
II. METODI U RIŻULTATI
1. Inbid (trasferit mill-Anness II)
1.1 |
: |
Qawwa alkoħolika skont il-volum |
: |
% vol. |
1.2 |
: |
L-estratt niexef totali |
: |
g/l |
1.3 |
: |
Zokkrijiet li jirriduċu |
: |
g/l |
1.4 |
: |
Aċidità totali, espressa bħala aċidu tartariku |
: |
g/l |
1.5 |
: |
Diossidu tal-kubrit totali |
: |
mg/l |
2. Distillazzjoni ta’ nbid għal SNIF-NMR
2.1 |
Deskrizzjoni tal-apparat tad-distillazzjoni: |
2.2 |
Volum ta’ nbid distillat/piż tad-distillat miksub: |
3. Analiżi tad-distillat
3.1 |
Qawwa alkoħolika ta’ % distillat %(m/m) |
4. Reżiltut ta’ proporzjonijiet ta’ iżotopu ta’ dewterju ta’ etanol imkejjel b’NMR
4.1. |
= |
(D/H)I |
= |
ppm |
4.2. |
= |
(D/H)II |
= |
ppm |
4.3. |
= |
‘R’ |
= |
5. Parametri NMR
Frekwenza osservata:
6. Riżultat tal-proporzjon iżotopiku 18O/16O tal-inbid
δ 18.O [‰]= ‰ V. SMOW — SLAP
7. Riżultat ta’ proporzjon iżotopiku 18O/16O ta’ most (fejn japplika)
δ 18O [‰]= ‰ V. SMOW — SLAP
8. Riżultat ta’ proporzjon iżotopiku 13C/12C ta’ etanol tal-inbid
δ 13C [‰]= ‰ V-PDB”