This document is an excerpt from the EUR-Lex website
Document 32003D0865
2003/865/EC: Commission Decision of 11 December 2003 setting out the arrangements for Community comparative trials and tests on propagating material of Pelargonium l'Hérit. and Hosta Tratt., Euphorbia pulcherrima Willd. ex Klotzsch and Rosa L. under Council Directive 98/56/EC (notified under document number C(2003) 4626)
Id-Deċiżjoni tal-Kummissjoni tal-11 ta’ Diċembru 2003 li twaqqaf l-arranġamenti ta’ esperimenti u testijiet kumparattivi tal-Komunità fuq il-materjal ta’ tixrid li jġib l-isem ta’ Pelargonium l’Hérit. u Hosta Tratt., Euphorbia pulcherrima Willd. ex Klotzsch and Rosa L. taħt id-Direttiva tal-Kunsill 98/56/KE (notifikata bid-dokument numru K(2003) 4626)
Id-Deċiżjoni tal-Kummissjoni tal-11 ta’ Diċembru 2003 li twaqqaf l-arranġamenti ta’ esperimenti u testijiet kumparattivi tal-Komunità fuq il-materjal ta’ tixrid li jġib l-isem ta’ Pelargonium l’Hérit. u Hosta Tratt., Euphorbia pulcherrima Willd. ex Klotzsch and Rosa L. taħt id-Direttiva tal-Kunsill 98/56/KE (notifikata bid-dokument numru K(2003) 4626)
ĠU L 325, 12.12.2003, p. 62–64
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
In force
Official Journal L 325 , 12/12/2003 P. 0062 - 0064
Id-Deċiżjoni tal-Kummissjoni tal-11 ta’ Diċembru 2003 li twaqqaf l-arranġamenti ta’ esperimenti u testijiet kumparattivi tal-Komunità fuq il-materjal ta’ tixrid li jġib l-isem ta’ Pelargonium l’Hérit. u Hosta Tratt., Euphorbia pulcherrima Willd. ex Klotzsch and Rosa L. taħt id-Direttiva tal-Kunsill 98/56/KE (notifikata bid-dokument numru K(2003) 4626) (2003/865/KE) IL-KUMMISSJONI TAL-KOMUNITAJIET EWROPEJ Wara li kkunsidrat it-Trattat li jistabbilixxi l-Komunitajiet Ewropej, Wara li kkunsidrat id-Direttiva tal-Kunsill 98/56/KE ta’ l-20 ta’ Lulju 1998 fuq it-tpoġġija fis-suq ta’ materjal ta’ tixrid ta’ pjanti li jżejnu [1], kif emendata l-aħħar bid-Direttiva 2003/61/KE [2], u l-aktar l-Artikolu 14(4), (5) u (6) tiegħu, Billi: (1) D-Direttiva 98/56/KE tipprovdi għall-arranġamenti meħtieġa biex il-Kummissjoni tkun tista’ tagħmel esperimenti u testijiet kumparattivi tal-Komunità fuq il-materjal ta’ tixrid. (2) L-arranġamenti tekniċi biex isiru l-esperimenti u t-testijiet tħejjew fi ħdan il-Kumitat Permanenti għall-Materjal ta’ Tixrid ta’ Pjanti li Jżejnu. (3) Kienet ġiet ippubblikata sejħa għall-proġetti (2003/K 159/08) [3] biex isiru dawn l-esperimenti u t-testijiet imsemmija fuq. (4) Il-proposti ġew valutati skond il-kriterji ta’ l-għażla u l-għoti stabbiliti fis-sejħa t’hawn fuq għall-proġetti. Għandhom jitwaqqfu l-proġetti, l-entitajiet responsabbli mit-twettiq ta’ l-esperimenti u t-testijiet u l-ispejjeż eliġibbli, kif ukoll l-għajnuna finanzjarja massima tal-Komunità li tkun tikkorrispondi għal 80 % ta’ l-ispejjeż eliġibbli. (5) L-esperimenti u t-testijiet kumparattivi tal-Komunità għandhom isiru bejn is-snin 2004 u 2005 fuq materjal ta’ tixrid li jkun inħasad fl-2003, waqt li d-dettalji ta’ dawn l-esperimenti u t-testijiet, l-ispejjeż eliġibbli, kif ukoll l-għajnuna finanzjarja massima tal-Komunità għandhom ikunu stabbiliti kull sena bi ftehim iffirmat mill-uffiċjal tal-Kummissjoni li jawtorizza u mill-entità responsabbli mit-twettiq ta’ l-esperimenti. (6) Għall-esperimenti u t-testijiet kumparattivi tal-Komunità li jdumu aktar minn sena, il-partijiet ta’ l-esperimenti u t-testijiet li jiġu wara l-ewwel sena għandhom ikunu awtorizzati mill-Kummissjoni mingħajr referenza oħra lejn il-Kumitat Permanenti għall-Materjal ta’ Tixrid ta’ Pjanti li Jżejnu, fuq kondizzjoni li l-approprjazzjonijiet meħtieġa jkunu disponibbli. (7) Għandha tkun żgurata r-rappreżentanza tajba tal-kampjuni li se jintużaw fl-esperimenti u t-testijiet, għall-inqas għal ċerti pjanti magħżula. (8) L-Istati Membri għandhom jieħdu sehem fl-esperimenti u t-testijiet kumparattivi tal-Komunità, sakemm il-materjal tat-tixrid tal-pjanti kkonċernati s-soltu jkun riprodotti jew imqiegħed fis-suq fit-territorji tagħhom stess, biex dawn jiżguraw li minn dawn l-esperimenti huma jkunu jistgħu jiġbdu l-konklużjonijiet tagħom. (9) Il-miżuri li hemm f’din id-Deċiżjoni huma fi qbil ma’ l-opinjoni tal-Kumitat Permanenti għall-Materjal ta’ Tixrid ta’ Pjanti li Jżejnu, ADDOTTAT DIN ID-DEĊIŻJONI: L- Artikolu 1 L-esperimenti u t-testijiet kumparattivi tal-Komunità għandhom isiru bejn is-snin 2004 u 2005 fuq materjal ta’ tixrid tal-pjanti li hemm imniżżla fl-Anness. L-ispejjeż eliġibbli kif ukoll l-għajnuna finanzjarja massima tal-Komunità għall-esperimenti u t-testijiet għas-sena 2004 għandhom jiġu stabbiliti fl-Anness. Id-dettalji fuq l-esperimenti u t-testijiet qed jitwaqqfu fl-Anness. L- Artikolu 2 Sakemm il-materjal ta’ tixrid u ż-żerriegħa tal-pjanti msemmija fl-Anness jkunu s-soltu riprodotti jew imqiegħeda fis-suq fit-territorji tagħhom stess, l-Istati Membri għandhom jieħdu kampjuni ta’ dan il-materjal u jagħmluh disponibbli lill-Kummissjoni. L- Artikolu 3 Jekk l-estimi jkunu disponibbli, il-Kummissjoni tista’ tiddeċiedi li fl-2005 din tkompli l-esperimenti u t-testijiet stabbiliti fl-Anness. L-għajnuna finanzjarja massima tal-Komunità, li tikkorrispondi għal 80 % ta’ l-ispejjeż eliġibbli ta’ esperiment jew test li jitkompla fuq din il-bażi, m’għandhiex tkun aktar mill-ammont muri fl-Anness. L- Artikolu 4 Dan id-Deċiżjoni hija indirizzata lill-Istati Membri. Magħmul fi Brussel, fil-11 ta’ Diċembru 2003. Ghall-Kummissjoni David Byrne Membru tal-Kummissjoni [1] ĠU L 226, tat-13.08.98, p. 16. [2] ĠU L 165, tat-3.07.03, p. 23. [3] ĠU C 159, tat-8.07.03, p. 19. -------------------------------------------------- L-ANNESS L-esperimenti u t-testijiet li għandhom isiru fl-2004 Speċi | L-entità responsabbli | Il-kondizzjonijiet li dwarhom għandha ssir valutazzjoni | Numru ta' kampjuni | L-ispejjeż eliġibbli (Ewro) | L-għajnuna finanzjarja massima tal-Komunità (ekwivalenti għal 80 % ta' l-ispejjeż eliġibbli) | Perenni (Pelargonium l'Hérit. u Hosta Tratt.) | Naktuinbouw Roelofar-endsveen (NL) | Is-saħħa tal-pjanta | 50 + 50 | 43 367 | 34 694 | Euphorbia pulcherrima Willd. | Naktuinbouw Roelofar-endsveen (NL) | Is-saħħa tal-pjanta | 60 | 47 208 | 37 766 | Rosa L. (ward tal-ġnien) | BSA Bundessortenamt | Is-saħħa tal-pjanta | 80 | 17 982 | 14 386 | L-Għajnuna Finanzjarja Totali tal-Komunità | 86 846 | L-esperimenti u t-testijiet li għandhom isiru fl-2005 Speċi | Entità Responsabbli | Il-Kondizzjonijiet li dwarhom trid issir valutazzjoni | Numru ta' kampjuni | Spejjeż eliġibbli (Ewro) | L-Għajnuna finanzjarja massima tal-Komunità (ekwivalenti għal 80 % ta' l-ispejjeż eliġibbli) | Perenni ( Tratt.) | Naktuinbouw Roelofar-endsveen (NL) | Is-saħħa tal-pjantab'identitàu puritàdifferenti(fl-għalqa) is-saħħa tal-pjanta (fil-laboratorju) | 50 | 15 189 | 12 151 | L-Għajnuna Finanzjarja Totali tal-Komunità | 12 151 | --------------------------------------------------