This document is an excerpt from the EUR-Lex website
Document 32002R1226
Commission Regulation (EC) No 1226/2002 of 8 July 2002 amending Annex B to Council Directive 64/432/EEC
Ir-Regolament tal-Kummissjoni (KE) Nru 1226/2002 tat-8 ta’ Lulju 2002 li jemenda l-Anness B tad-Direttiva tal-Kunsill 64/432/KEE
Ir-Regolament tal-Kummissjoni (KE) Nru 1226/2002 tat-8 ta’ Lulju 2002 li jemenda l-Anness B tad-Direttiva tal-Kunsill 64/432/KEE
ĠU L 179, 9.7.2002, p. 13–18
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
No longer in force, Date of end of validity: 20/04/2021; Impliċitament imħassar minn 32016R0429
Official Journal L 179 , 09/07/2002 P. 0013 - 0018
Ir-Regolament tal-Kummissjoni (KE) Nru 1226/2002 tat-8 ta’ Lulju 2002 li jemenda l-Anness B tad-Direttiva tal-Kunsill 64/432/KEE IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jistabbilixxi l-Komunità Ewropea, Wara li kkunsidrat id-Direttiva tal-Kunsill 64/432/KEE [1] tas-26 ta’ Ġunju 1964 fuq problemi tas-saħħa ta’ l-annimali li jolqtu l-Kummerċ intra-Komunitarju f’annimali bovini u suwini, kif l-aħħar emendat bir-Regolament tal-Kummissjoni (KE) Nru 535/2002 [2], u partikolarment it-tieni paragrafu ta’ l-Artikolu 16(1) tiegħu, Billi: (1) Fil-11 ta’ Ottubru 1999 il-Kumitat Xjentifiku fuq is-Saħħa u l-Benessri ta’ l-Annimali adotta rapport [3] dwar il-modifikazzjoni ta’ l-Annessi tekniċi tad-Direttiva tal-Kunsill 64/432/KEE biex jiġi meħud kont ta’ l-iżviluppi xjentifiċi dwar it-tuberkolożi, il-bruċellożi u l-lewkożi bovina enżootika. (2) Skond ir-rapport imsemmi, it-testijiet għat-tuberkolożi għandhom isiru skond il-Gwida ta’ Standards għal Testijiet u Vaċċini Djanjostiċi, it-Tielet Edizzjoni, 1996, ta’ l-Office International des Epizooties (OIE). (3) F’Awissu ta’ l-2001 l-OIE ippubblika r-Raba’ Edizzjoni 2000 ta’ l-imsemmija Gwida, inklużi xi modifiki fid-deskrizzjoni ta’ testijiet għat-tuberkolożi. (4) F’Jannar ta’ l-2002 id-Direttorat Ewropew għall-Kwalita’ tal-Mediċini ppubblika r-Raba’ Edizzjoni 2002 tal-Farmakopea inklużi l-monografi 0535 u 0536 għad-Derivat tal-Proteina Tuberkolina Ippurifikata ta’ l-Għasafar u tal-Bovini. (5) Huwa għalhekk meħtieġ li jiġi emendat l-Anness B tad-Direttiva 64/432/KEE sabiex jiġu stabbiliti proċeduri tat-testijiet li jgħoddu għall-iskopijiet ta’ kontroll u kummerċ fil-Komunità meħud kont ta’ l-opinjoni tal-Kumitat Veterinarju Xjentifiku. (6) Il-miżuri li għalihom jipprovdi dan ir-Regolament jaqblu ma’ l-opinjoni tal-Kumitat dwar il-Katina Alimentari u s-Saħħa ta’ l-Annimali, ADOTTAT DAN IR-REGOLAMENT: L-Artikolu 1 L-Anness B tad-Direttiva 64/432/KEE huwa sostitwit bl-Anness ta’ dan ir-Regolament. L-Artikolu 2 Dan ir-Regolament għandu jidħol fis-seħħ fl-20 jum wara dak tal-pubblikazzjoni tiegħu fil-Ġurnal Uffiċjali tal-Komunitajiet Ewropej. Dan ir-Regolament għandu jorbot fl-intier tiegħu u japplika direttament fl-Istati Membri kollha. Magħmul fi Brussel, fit-8 ta’ Lulju 2002. Għall-Kummissjoni David Byrne Membru tal-Kummissjoni [1] ĠU C 121, tad-29.07.1964, p. 1977/64. [2] ĠU L 80, 23.03.02, p. 22. [3] SANCO/B3/R10/1999. -------------------------------------------------- L-ANNESS L-ANNESS B TUBERKOLOŻI 1. IDENTIFIKAZZJONI TA’ L-AĠENT Il-preżenza ta’ Mycobacterium bovis (M. bovis), aġent tat-tuberkolożi bovina, f’eżempji kliniċi u post-mortem tista’ tintwera b’eżami ta’ tiċpis kulurit jew metodi immunoperossidażi u kkonfermata b’koltivazzjoni ta’ l-organiżmu fuq mezz ta’ iżolament primarju. It-tessut patoloġiku għall-konferma ta’ M. bovis għandu jittieħed mill-glandoli limfatiċi anormali u organi parenkimatużi bħall-pulmun, fwied, milsa, eċċ. Fil-każijiet fejn l-annimal ma jippreżentax leżjonijiet patoloġiċi, għandhom jittieħdu kampjuni mill-glandoli limfatiċi retrofarinġali, bronkjali, mediastinali, supramammarji, mandibolari u xi glandoli limfatiċi meżenteriċi u mill-fwied għandhom jittieħdu għall-eżami u l-kultura. L-identifikazzjoni ta’ l-iżolati tista’ ġeneralment issir billi jiġu stabbiliti l-proprjetajiet biokimiċi u l-partikolaritajiet ta’ kultura. Ir-reazzjoni katina bil-polymerase (RKP) tista’ tintuża wkoll għall-iskoperata tal-kumpless M. tat-tuberkolożi. It-teknika ta’ analiżi tad-DNA tista’ tkun iktar mgħaġġla u ta’ min joqod fuqha minn metodi biotekniċi biex tiġi differenzjata l-M. bovis minn tipi oħrajn tal-kumpless M. tuberkolożi. L-impronti ġenetiċi jippermettu li ssir distinzjoni bejn ġnus ta’ M. bovis u jippermetti li jiġu deskritti mudelli ta’ oriġini, trasmissjoni u tixrid ta’ M. bovis. It-teknika u l-mezzi wżati, l-istandardizzazzjoni u l-interpretazzjoni tar-riżultati għandhom jikkonformaw ma’ dak speċifikat fil-Gwida ta’ l-OIE ta’ Standards għal Testijiet u Vaċċini Djanjostiċi, ir-Raba’ Edizzjoni, 2000, Kapitolu 2.3.3 (tuberkolożi bovina). 2. IT-TEST TAL-ĠILDA TAT-TUBERKOLINA It-tuberkolin tad-derivativi tal-proteini ppurifikat (PPD) li jilħqu l-istandards stabbiliti fil-paragrafu 2.1 għandhom jintużaw biex isir it-test tal-ġilda tat-tuberkolina uffiċjalment wara l-proċeduri msemmija fil-paragrafi 2.2. 2.1. Standards għat-tuberkolina (bovina u ta’ l-għasafar) 2.1.1. Definizzjoni Id-derivattiv ippurifikat tal-proteini tat-tuberkolin (DPP tat-tuberkolin, bovin jew ta’ l-għasafar) huwa preparat riżultat mill-prodotti ta’ tkabbir u lysis ta’ Mycobacterium bovis jew Mycobacterium avium (kif ikun il-każ) trattat bis-sħana kapaċi li jiżvela l-ipersensittività ritardata f’annimal sensitizzat għall-mikroorganiżmi ta’ l-istess speċje. 2.1.2. Produzzjoni Huwa riżultat mill-frazzjonijiet li jinħallu fl-ilma ppreparat bis-sħana fi fwar li jitħalla ġieri wara l-filtrazzjoni ta’ kulturi ta’ M. bovis jew M. avium (kif ikun il-każ) ikkultivati f’medju likwidu sintentiku. Il-frazzjoni attiva tal-filtrat, li jikkonsisti maġġorment minn proteini, jiġi iżolat bi preċipitazzjoni, maħsul u maħlul mill-ġdid. Jista’ jiżdied preservant antimikrobu li ma jagħtix lok għal reazzjonijiet pożittivi foloz, bħall-fenol. Il-preparazzjoni sterili finali, ħielsa mill-mycobacteria, tiġi mqassma asettikament f’kontenituri tal-ħġieġ sterili li ma jippermettux tbagħbis li mbagħad jingħalqu sabiex tiġi mpeduta il-kontaminazzjoni. Il-preparazzjoni tista’ titnixxef bl-iffriżar. 2.1.3. Identifikazzjoni tal-prodott Injetta firxa ta’ dożi gradati intradermalment f’siti differenti fi fniek ta’ l-indi albini sensitizzati kif xieraq, li jiżnu mhux inqas minn 250 g kull wieħed. Wara 24 sa 28 siegħa, jidhru reazzjonijiet fil-forma ta’ nefħat edematużi b’eritema b’nekrożi jew mingħajrha fil-punti ta’ injezzjoni. Id-daqs u s-severità tar-reazzjonijiet ivarjaw skond id-doża. Fniek ta’ l-indi mhux sensitizzati ma juru l-ebda reazzjoni għal injezzjonijiet simili. 2.1.4. Testijiet 2.1.4.1. Ph: Il-pH huwa 6.5 sa 7.5. 2.1.4.2. Fenol: Jekk il-preparat li se jiġi eżaminat fih l-fenol, il-konċentrazzjoni tagħha mhix aktar minn 5 g/l. 2.1.4.3. Effett sintetizzanti: Uża grupp ta’ tliet fniek ta’ l-Indi li ma ġewx trattati b’ebda materjal li jista’ Jfixkel it-test. Fi 3 okkażżjonijiet b’intervalli ta’ ħamest ijiem injetta intradermalment f’kull fenek ta’ l-Indi doża tal-preparat li għandha tiġi eżaminata ekwivalenti għal 500 IU f’0,1 ml. Minn 15 sa 21 jum wara t-tielet injezzjoni injetta l-istess doża (500 IU) intradermalment f’dawn l-annimali u fi grupp ta’ kontroll ta’ tlett ifniek ta’ l-Indi ta’ l-istess piż u li ma rċevewx qabel injezzjonijiet ta’ tuberkolin. Minn 24 sa 28 siegħa wara l-aħħar injezzjonijiet, ir-reazzjonijiet taż-żewġ gruppi ma jkunux differenti b’mod sinjifikanti. 2.1.4.4. Tossiċità: Uża żewġt ifniek ta’ l-Indi, li jiżnu mhux inqas minn 250 g kull wieħed u li ma ġewx trattati b’ebda materjal li jista’ jfixkel it-test. Injetta subkutanjament f’kull fenek ta’ l-Indi 0,5 ml tal-preparat li għandu jiġi eżaminat. Osserva lill-annimali għal sebat ijiem. L-ebda effett anormali ma jkun seħħ waqt il-perjodu ta’ osservazzjoni. 2.1.4.5. Sterilità: Jikkonforma mat-test għall-isterilità preskritt fil-monografu dwar Vaċċini għall-Użu Veterinarju r-raba’ Edizzjoni 2002 tal-Farmakopea Ewropea. 2.1.5. Qawwa Il-qawwa ta’ derivattiv tal-proteini ippurifikat tat-tuberkolin (bovin jew ta’ l-għasafar) hija ddeterminata billi jiġu pparagunati r-reazzjonijiet prodotti fil-fniek ta’ l-Indi sensitizzati bl-injezzjonijiet intradermiċi ta’ serje ta’ taħlitiet tal-preparat li għandu jiġi eżaminat ma’ dawk il-prodotti b’konċentrazzjonijiet magħrufa ta’ preparati ta’ referenza, ta’ derivattiv tal-proteini ippurifikat tat-tuberkolin (bovin jew ta’ l-għasafar, kif approprjat) ikkalibrat f’Unitajiet Internazzjonali. Biex tiġi ippruvata l-qawwa, issensitizza mhux inqas minn disat ifniek ta’ l-Indi albini li jiżnu bejn 400 g sa 600 g kull wieħed, b’injezzjoni profonda intramuskolari ta’ 0.0001 mg ta’ massa umda ta’ M. bovis ħajja, tal-ġens AN5 sospiża f’0.5 ml ta’ taħlita ta’ 9 g/l klorur tas-sodju R għat-tuberkolin bovin, jew doża approprjata ta’ M. avium inattivat jew ħaj għat-tuberkolin ta’ l-għasafar. Mhux inqas minn erba’ ġimgħat wara s-sensitizzazzjoni tal-fniek ta’ l-Indi, qaxxar il-ġnub tagħhom biex ikun hemm fejn isiru erba’ injezzjonijiet fuq kull naħa. Ipprepara taħlitiet tal-preparat li għandu jiġi eżaminat u l-preparat ta’ referenza bl-użu ta’ soluzzjoni salina isotonika tamponata bil-fosfat (pH 6,5-7,5) li jkun jinsab fih 0,005 g/l polisorbat 80 R. Uża mhux inqas minn tliet dożi tal-preparat ta’ referenza u mhux inqas minn tliet dożi tal-preparat li għandu jiġi eżaminat. Agħżel id-dożi b’tali mod li l-leżjonijiet prodotti ikollhom dijametru ta’ mhux inqas minn 8 mm u mhux aktar minn 25 mm. Qassam id-diluzzjonijiet bl-addoċċ fis-siti bl-użu ta’ disinn ta’ kwadru Latin. Injetta kull doża intradermalment b’volum kostanti ta’ 0,1 ml jew 0,2 ml. Kejjel id-dijametru tal-leżjonijiet wara 24 siegħa u ikkalkola r-riżultat tat-test billi tuża l-metodi statistiċi tas-soltu u billi tassumi li d-dijametri tal-leżjonijiet huma direttament proporzjonali għal-logarittmu tal-konċentrazzjonijiet tat-tuberkolini. It-test mhuwiex validu kemm-il darba l-limiti ta’ żball (P = 0,95) ma jkunux inqas minn 50 % u mhux iktar minn 200 % tal-qawwa stimata. Il-qawwa stimata ma tkunx inqas minn 66 % u mhux iktar minn 150 % tal-qawwa iddikjarata tat-tuberkolin bovin. Il-qawwa stimata ma tkunx inqas minn 75 % u mhux iktar minn 133 % tal-qawwa iddikjarata tat-tuberkolin ta’ l-għasafar. Il-qawwa iddikjarata ma tkunx inqas minn 20000 IU/ml għaż-żewġ tuberkolini (bovin u ta’ l-għasafar). 2.1.6. Ħażna Aħżen bi protezzjoni mid-dawl, f’temperatura ta’ 5 ± 3 °C. 2.1.7. Tikkettjar It-tikketta għandha tgħid: - il-qawwa f’Unitajiet Internazzjonali f’kull millilitru, - l-isem u l-kwantità ta’ kwalunkwe sustanza miżjuda, - għal preparazzjonijiet imnixxfa bl-iffriżar: - l-isem u l-volum tal-likwidu rikostituttiv li għandu jiżdied, - li l-prodott għandu jintuża mill-ewwel wara li jiġi rikostitwit. 2.2. Proċeduri tat-test 2.2.1. Dawn li ġejjin għandhom jiġu rikonoxxuti bħala t-testijiet uffiċjali intradermiċi tat-tuberkolin: - test wieħed intradermiku: dan it-test jeħtieġ injezzjoni waħda ta’ tuberkolin bovin, - it-test intradermiku komparattiv: dan it-test jeħtieġ injezzjoni waħda ta’ tuberkolin bovin u injezzjoni waħda ta’ tuberkolin ta’ l-għasafar mogħtija fl-istess ħin. 2.2.2. Id-doża ta’ tuberkolin injettata għandha tkun: - ta’ mhux inqas minn 2000 IU ta’ tuberkolin bovin, - ta’ mhux inqas minn 2000 IU ta’ tuberkolin ta’ l-għasafar. 2.2.3. Il-volum ta’ kull doża ta’ injezzjoni m’għandux ikun aktar minn 0,2 ml. 2.2.4. It-testijiet tat-tuberkolin għandhom isiru bl-injezzjoni ta’ tuberkolin(i) fil-ġilda ta’ l-għonq. Is-siti ta’ injezzjoni għandhom ikunu fil-bordura tat-terzi tal-quddiem u tan-nofs ta’ l-għonq. Meta jiġu injettati kemm it-tuberkolini ta’ l-għasafar kif ukoll ta’ bovini fl-istess annimal, is-sit ta’ l-injezzjoni tat-tuberkolini ta’ l-għasafar għandhom ikunu madwar 10 ċm imbegħda mill-parti l-għolja ta’ l-għonq u s-sit ta’ l-injezzjoni tat-tuberkolin bovin xi 12,5 ċm aktar ‘l isfel fuq bażi qisu parallell ma’ l-ispalla jew fuq naħat differenti ta’ l-għonq; f’annimali żgħar li fihom m’hemmx fejn tissepara s-siti biżżejjed fuq naħa waħda ta’ l-għonq, injezzjoni waħda għandha ssir fuq kull naħa ta’ l-għonq f’siti identiċi fin-nofs tat-terz nofsani ta’ l-għonq. 2.2.5. It-teknika tat-testijiet tat-tuberkolin u l-interpretazzjoni tar-reazzjonijiet għandha tkun kif ġej: 2.2.5.1. Teknika: Is-siti ta’ l-injezzjoni għandhom jitqaxxru u jitnaddfu. Tinja ta’ ġilda f’kull parti mqaxxra għandha tittieħed bejn l-ewwel u t-tieni saba’ u titkejjel bil-kumpass u tiġi irreġistrata. Id-doża ta’ tuberkolin għandha mbagħad tiġi injettata b’metodu li jaċċerta li t-tuberkolin jitwassal intradermikament. Tista’ tintuża labra qasira sterili bit-tarf ċanfrin ‘il barra, b’siringa iggradata ikkargata bit-tuberkolin, imdaħħla bil-mod fis-saffi l-aktar fondi tal-ġilda. Injezzjoni korretta tiġi ikkonfermata billi tippalpa nefħa żgħira daqs piżella f’kull sit ta’ injezzjoni. Il-ħxuna tat-tinja tal-ġilda ta’ kull sit ta’ injezzjoni għandha terġa’ titkejjel 72 siegħa (± 4 siegħat) wara l-injezzjoni u tiġi irreġistrata. 2.2.5.2. Interpretazzjoni tar-reazzjonijiet L-interpretazzjoni tar-reazzjonijiet għandha tiġi bbażata fuq osservazzjonijiet kliniċi u ż-żidiet irreġistrati fil-ħxuna tat-tinja tal-ġilda fis-siti ta’ l-injezzjoni 72 siegħa wara l-injezzjoni tat-tuberkolin(i). (a) Reazzjoni negattiva: jekk tiġi osservata nefħa limitata biss, b’żieda ta’ mhux aktar minn 2 mm fil-ħxuna tat-tinja tal-ġilda mingħajr sinjali kliniċi bħal edema diffuża jew estensiva, essudazzjoni, nekrożi, uġiegħ jew infjammazzjoni tal-kanali linfatiċi f’dak ir-reġjun jew tal-glandola linfatika. (b) Reazzjoni mhux konklużiva: jekk l-ebda sinjal kliniku bħal dawk imsemmija f’punt (a) ma jiġu osservati u jekk iż-żieda tal-ħxuna tat-tinja tal-ġilda hija aktar minn 2 mm u inqas minn 4 mm. (ċ) Reazzjoni pożittiva: jekk xi sinjal kliniku bħal dawk imsemmija f’punt (a) jiġu osservati jew hemm żieda ta’ 4 mm jew aktar fil-ħxuna tat-tinja tal-ġilda fis-sit ta’ l-injezzjoni. 2.2.5.3. L-interpretazzjoni tat-testijiet uffiċjali tat-tuberkolin intradermiku għandha tkun kif ġej: 2.2.5.3.1. Test wieħed intradermiku: (a) pożittiva: reazzjoni bovina pożittiva kif definita fil-paragrafu 2.2.5.2(c); (b) mhux konklużiva: reazzjoni mhux konklużiva kif definita fil-paragrafu 2.2.5.2(b); (ċ) negattiva: reazzjoni bovina negattiva kif definita fil-paragrafu 2.2.5.2(a); Annimali li għalihom test wieħed intradermali ma kienx konklużiv għandhom jiġu soġġetti għal test ieħor wara mhux inqas minn 42 jum. Annimali li għalihom dan it-tieni test ma jkunx negattiv għandhom jitqiesu pożittivi għat-test. Annimali pożittivi għat-test wieħed intradermiku jistgħu jiġu soġġetti għal test intradermiku komparattiv jekk hemm suspett li r-reazzjoni pożittiva kienet falza jew imfixkla. 2.2.5.3.2. Test intradermiku komparattiv biex jiġi stabbilit u mantenut l-istat ta’ merħla uffiċjalment ħielsa mit-tuberkolożi. (a) pożittiv: reazzjoni bovina pożittiva li hija aktar minn 4 mm akbar mir-reazzjoni ta’ l-għasafar, jew il-preżenza ta’ sinjali kliniċi; (b) mhux konklużiva: reazzjoni pożittiva jew mhux konklużiva li hija minn 1 sa 4 mm akbar mir-reazzjoni ta’ l-għasafar, u n-nuqqas ta’ sinjali kliniċi; (ċ) negattiva: reazzjoni negattiva bovina, jew reazzjoni bovina pożittiva jew mhux konklużiva iżda li hija daqs jew inqas minn reazzjoni pożittiva jew mhux konklużiva ta’ l-għasafar u n-nuqqas ta’ sinjali kliniċi fiż-żewġ każijiet. L-annimali li għalihom it-test intradermiku komparattiv ma kienx konklużiv għandhom jiġu soġġetti għal test ieħor wara mhux inqas minn 42 jum. Annimali li għalihom it-tieni test ma kienx negattiv għandhom jitqiesu pożittivi. 2.2.5.3.3. L-istat ta’ merħla uffiċjalment ħielsa mit-tuberkolożi jista’ jiġi sospiż u l-annimali mill-merħla ma jkunux imħallija jidħlu fil-kummerċ intra-Komunitarju sa dak iż-żmien meta l-stat ta’ l-annimali li ġejjin, jiġi riżolt: (a) annimali li għalihom it-test intradermiku tat-tuberkolin ma tqiesx konklużiv; (b) annimali li għalihom dan it-test intradermiku tat-tuberkolin ma jkunx tqies konklużiv iżda qed jistennew test mill-ġdid b’test intradermali komparattiv; (ċ) annimali li għalihom it-test komparattiv intradermali tat-tuberkolin ma tqiesx konklużiv; 2.2.5.3.4. Meta l-annimali huma meħtieġa minn leġiżlazzjoni Komunitarja li jiġu soġġeti għal test intradermiku qabel kull moviment, it-test għandu jiġi interpretat b’mod li l-ebda annimal li juri żieda fil-ħxuna tat-tinja tal-ġilda akbar minn 2 mm jew il-preżenza ta’ sinjali kliniċi ma jidħol fil-kummerċ intra-Komunitarju. 2.2.5.3.5. Biex jiġi skopert l-akbar numru ta’ annimali infettati u morda f’merħla jew f’reġjun, l-Istati Membri jistgħu jimmodifikaw il-kriterji għall-interpretazzjoni tat-test sabiex tikber is-sensittivita’ tat-testijiet billi reazzjonijiet mhux konklużivi msemmija f’ 2.2.5.3.1(b) u 2.2.5.3.2(b)jiġu kkunsidrati bħala reazzjonijiet pożittivi. 3. TESTIJIET SUPPLIMENTARI Biex jiġi skopert l-akbar numru ta’ annimali infettati u morda f’merħla jew reġjun, l-Istati Membri jistgħu jawtorizzaw l-użu assaġġ tal-gamma-interferon imsemmi fil-Gwida ta’ Standards għal Testijiet u Vaċċini Djanjostiċi, ir-Raba’ Edizzjoni, 2000, Kapitolu 2.3.3 ta’ l-OIE (tuberkolożi bovina), minbarra t-test tuberkolin. 4. ISTITUZZJONIJIET STATALI U LABORATORJI TA’ REFERENZA NAZZJONALI 4.1. Dmirijiet u responsabbiltajiet L-Istituti ta’ l-Istat u l-Laboratorji ta’ Referenza inklużi fil-paragrafu 3.2 huma responsabbli għat-testijiet uffiċjali ta’ tuberkolini jew reaġenti inklużi fil-paragrafu 2 u 3 fl-Istati rispettivi tagħhom biex jaċċertaw li kull wieħed minn dawn it-tuberkolini jew reaġenti jlaħħaq ma l-istandards imsemmija fuq. 4.2. Elenku ta’ Istituti Statali u l-laboratorji ta’ referenza nazzjonali 1. Il-Ġermanja: Paul-Ehrlich Institut (PEI), Bundesamt für Sera und Impstoffe, D-23207 Langen; Bundesinstitut für gesundheitlichen Verbraucherschutz und Veterinärmedizin - Bereich Jena - D-07743 Jena; 2. Il-Belġju: Institut Scientifique de la Santé Publique - Louis Pasteur, 14 Rue Juliette Wytsman - B 1050 Bruxelles - Belgique; 3. Franza: Laboratoire national des médicaments vétérinaires, Fougères; 4. Il-Lussemburgu: L-istitut tal-pajjiż fornitur; 5. L-Italja: Istituto superiore di sanità, Roma; 6. L-Olanda: Centraal Instituut voor Dierziekte Controle Lelystad (CIDC-Lelystad), Lelystad; 7. Id-Danimarka: Danmarks Veterinærinstitut, Bülowsvej 27, DK-1790 København; 8. L-Irlanda: L-istitut tal-pajjiż fornitur; 9. Ir-Renju Unit: Veterinary Laboratory Agency, Addlestone, Weybridge; 10. Il-Greċja: Κέντρο Κτηνιατρικών Ιδρυμάτων, Νεαπόλεως 25, 153 10 Αθήνα; 11. Spanja: Laboratorio de Sanidad y producción animal de Granada; 12. Il-Portugall: Laboratorio Nacional de Investigação Veterinária, Lisbon; 13. L-Awstrija: Bundesanstalt für veterinärmedizinische Untersuchungen, Mödling; 14. Il-Finlandja: Eläinlääkintä - ja elintarviketutkimus - laitos - Forskningsanstalten för veterinärmedicin och livsmedel, Helsinki; 15. L-Isvezja: Statens veterinärmedicinska anstalt, Uppsala.” --------------------------------------------------