This document is an excerpt from the EUR-Lex website
Document 31997R1715
Commission Regulation (EC) No 1715/97 of 3 September 1997 derogating from Regulation (EEC) No 2454/93 in respect of the definition of the concept of originating products used for the purposes of the scheme of generalized preferences to take account of the special situation of Nepal regarding certain exports of textiles to the Community
Ir-Regolament tal-Kummissjoni (KEE) Nru 1715/97 tat-3 ta' Settembru 1997 li jidderoga mir-Regolament (KEE) Nru 2454/93 f'dak li għandu x'jaqsam mal-kunċett ta' prodotti li joriġinaw użati għall-iskopijiet ta' l-iskema ta' preferenzi ġeneralizzati biex tittieħed inkonsiderazzjoni s-sitwazzjoni speċjali fin-Nepal rigward l-esportazzjonijiet ta' ċerti tessuti lejn il-Komunità
Ir-Regolament tal-Kummissjoni (KEE) Nru 1715/97 tat-3 ta' Settembru 1997 li jidderoga mir-Regolament (KEE) Nru 2454/93 f'dak li għandu x'jaqsam mal-kunċett ta' prodotti li joriġinaw użati għall-iskopijiet ta' l-iskema ta' preferenzi ġeneralizzati biex tittieħed inkonsiderazzjoni s-sitwazzjoni speċjali fin-Nepal rigward l-esportazzjonijiet ta' ċerti tessuti lejn il-Komunità
ĠU L 242, 4.9.1997, p. 19–27
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
In force
Official Journal L 242 , 04/09/1997 P. 0019 - 0027
Ir-Regolament tal-Kummissjoni (KEE) Nru 1715/97 tat-3 ta' Settembru 1997 li jidderoga mir-Regolament (KEE) Nru 2454/93 f'dak li għandu x'jaqsam mal-kunċett ta' prodotti li joriġinaw użati għall-iskopijiet ta' l-iskema ta' preferenzi ġeneralizzati biex tittieħed inkonsiderazzjoni s-sitwazzjoni speċjali fin-Nepal rigward l-esportazzjonijiet ta' ċerti tessuti lejn il-Komunità IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jistabbilixxi l-Komunità Ewropea, Wara li kkunsidrat ir-Regolament Kunsill (KEE) Nru 2913/92 tat-12 ta' Ottubru 1992 li jistabbilixxi l-Kodiċi Doganali tal-Komunità [1], kif emendat l-aħħar bir-Regolament (KE) Nru 82/97 tal-Parlament Ewropew u tal-Kunsill [2], u b'mod partikolari l-Artikolu 249 tiegħu, Wara li kkunsidrat ir-Regolament tal-Kummissjoni (KEE) Nru 2454/93 tat-2 ta' Lulju 1993 li jesiġi d-dispożizzjonijiet għall-implimentazzjoni tar-Regolament tal-Kunsill (KEE) Nru 2913/92 li jistabbilixxi l-Kodiċi Doganali tal-Komunità [3], kif emendat l-aħħar bir-Regolament (KE) Nru 1427/97 [4], u b'mod partikolari l-Artikolu 76 tiegħu, Billi, bir-Regolament tal-Kunsill (KE) Nru 3218/94 tad-19 ta' Diċembru 1994 li japplika skema ta' erba' snin għal tariffi preferenzjali ġeneralizzati (1995 sa l-1998) f'dak li għandu x'jaqsam ma' prodotti industrijali li joriġinaw minn pajjiżi li għadhom jiżviluppaw [5], kif emendat l-aħħar bir-Regolament tal-Kummissjoni (KE) Nru 998/97 [6] il-Komunità tat preferenzi bħal dawn lin-Nepal; Billi l-Artikoli 67 et seq. tar-Regolament (KEE) Nru 2454/93 jistabbilixxi d-definizjoni tal-kunċett ta' prodotti li joriġinaw li għandu jintuża għall-iskopijiet ta' tariffi preferenzjali ġeneralizzati; billi l-Artikolu 76 tar-Regolament jipprovdi b'dana kollu, għal derogi minn dawk id-dispożizzjonijiet favur il-pajjiżi l-anqas żviluppati li jibbenefikaw mill-GSP li jissottomettu talba approprjata għal dak l-iskop lill-Komunità; Billi l-Gvern tan-Nepal applika għal deroga bħal dik f'dak li għandu x'jaqsam ma' ċerti prodotti tat-tessuti; billi fuq it-talba tal-Komunità n-Nepal ipprovda l-informazzjoni addizzjonali ekonomika meħtieġa; Billi t-talba sottomessa min-Nepal tissodisfa r-rekwiżiti ta' l-Artikolu 76; billi b'mod partikolari l-introduzzjoni ta' kondizzjonijiet kwanitattivi (fuq bażi annwali) li jirriflettu l-kapaċità tas-suq tal-Komunità li jassorbu prodotti min-Nepal, il-kapaċità ta' l-esportazzjoni min-Nepal u l-ispostament kummerċjali attwali reġistrat huwa tali li ma jħallix li ssir ħsara għat-taqsimiet korrespondenti fl-industrija tal-Komunità; Billi sabiex tiġi mħeġġa l-kooperazzjoni reġjonali fost pajjiżi benefiċjarji huwa mixtieq li jkun hemm dispożizzjoni li l-materja prima li tintuża fin-Nepal fil-kuntest ta' din id-deroga għandha toriġina minn pajjiżi li għandhom x'jaqsmu ma' l-Għaqda tal-Ġnus tax-Xlokk ta' l-Asja (Asean) (bl-eċċezzjoni ta' Mijanmar), l-Għaqda ta' Kooperazzjoni Reġjonali tax-Xlokk ta' l-Asja (SAARC) jew il-Konvenzjoni ta' Lomé; Billi kull talba sabiex tiġi estiża l-applikazzjoni tad-deroga minbarra l-kwantitajiet stabbiliti għandha tiġi kkunsidrata b'konsultazzjoni ma' l-awtoritajiet tan-Nepal; Billi d-deroga ma tista' f'ebda każ tkun applikabbli wara l-31 ta' Diċembru 1998, meta l-iskema kurrenti ta' preferenzi ta' tariffi ġeneralizzati għall-prodotti industrijali tkun skadiet; Billi l-miżuri stabbiliti f'dan ir-Regolament huma konformi ma' l-opinjoni tal-Kumitat tal-Kodiċi Doganali (Sezzjoni ta' l-Oriġini), ADOTTAT DAN IR-REGOLAMENT: L-Artikolu 1 1. B'deroga mill-Artikolu 67 et seq. tar-Regolament (KEE) Nru 2454/93, il-prodotti mniżżla fl-Anness ta' dan ir-Regolament li huma manifatturati fin-Nepal minn drapp minsuġ (oġġetti minsuġa) jew ħjut (oġġetti maħduma bil-labar) importati f'dak il-pajjiż u li joriġinaw minn pajjiż li jappartieni għall-Għaqda tal-Ġnus tax-Xlokk ta' l-Asja (Asean) (bl-eċċezzjoni ta' Mijanmar), l-Għaqda ta' Kooperazzjoni Reġjonali tax-Xlokk ta' l-Asja (SAARC) jew il-Konvenzjoni ta' Lomé għandhom ikunu meqjusa bħala li joriġinaw min-Nepal skond l-arranġamenti stabbiliti hawn taħt. 2. Għall-iskopijiet tal-paragrafu 1, il-prodotti għandhom ikunu meqjusa li joriġinaw mill-Asean jew mis-SAARC meta dawn ikunu miksuba minn dawn il-pajjiżi skond ir-regoli ta' l-oriġini stabbiliti fir-Regolament (KEE) Nru 2454/93, jew li joriġinaw minn pajjiżi benefiċjarji tal-Konvenzjoni ta' Lomé meta jkunu miksuba minn dawn il-pajjiżi skond ir-regoli ta' l-oriġini stabbiliti fil-Protokoll Nru 1 tar-Raba' Konvenzjoni ACP-KEE [7]. 3. L-awtoritajiet kompetenti tan-Nepal għandhom jintrabtu li jieħdu l-miżuri kollha meħtieġa biex jassiguraw konformità mad-dispożizzjonijiet tal-paragrafu 2. L-Artikolu 2 Id-deroga stabbilita fl-Artikolu 1 għandha tkun applikabbli għall-prodotti, impurtati fil-Komunità min-Nepal matul il-perjodu ta' bejn l-1 ta'Awissu 1997 u l-31 ta' Diċembru 1998, sal-kwantitajiet annwali elenkati fl-Anness biswit kull prodott. L-Artikolu 3 Il-kwantitajiet li hemm referenza għalihom fl-Artikolu 2 għandhom ikunu amministrati mill-Kummissjoni, li tista' tieħu kull miżura amministrattiva approprjata sabiex tassigura li dawn ikunu amministrati b'effiċjenza. Meta importatur jippreżenta dikjarazzjoni għar-rilaxx għal ċirkolazzjoni ħielsa f'xi Stat Membru, u japplika biex jieħu vantaġġ mid-dispożizzjonijiet ta' dan ir-Regolament, u d-dikjarazzjoni tiġi aċċettata mill-awtoritajiet doganali, l-Istat Membru inkwstjoni għandu jinnotifika lill-Kummissjoni u jieħu ammont korrispondenti għall-ħtiġiet tiegħu. Talbiet għat-teħid, li jindikaw id-data meta d-dikjarazzjonijiet ġew aċċettati, għandhom jintbagħtu mingħajr dewmien lill-Kummissjoni. It-teħid għandu jingħata mill-Kummissjoni b'referenza għad-data li fiha l-awtoritajiet doganali ta' l-Istat Membru kkonċernat ikunu aċċettaw id-dikjarazzjoni għal rilaxx f'ċirkolazzjoni ħielsa, sal-limitu li l-bilanċ disponibbli jkun jippermetti. Jekk Stat Membru ma jagħmilx użu mill-ammont meħud huwa għandu malajr kemm jista' jkun jibgħat lura l-kwantità korrispondenti. Jekk l-ammonti mitluba jkunu akbar mill-bilanċ disponibbli tal-kwantità inkwistjoni, il-bilanċ għandu jkun allokat pro rata fost l-applikanti. Il-Kummissjoni għandha tinforma lill-Istati Membri bit-teħid li jkun sar. Kull Stat Membru għandu jassigura li l-impurtaturi tal-prodotti inkwistjoni jkollhom aċċess ugwali u kontinwu għall-kwantitajiet sakemm il-bilanċ tal-kwantitajiet relevanti jkun jippermetti. L-Artikolu 4 Meta t-teħid permess taħt l-Artikolu 3 jlaħħaq għal 80 % tal-kwantitajiet murija fl-Anness, il-Kummissjoni, b'konsultazzjoni ma' l-awtoritajiet tan-Nepal, għandha tikkonsidra jekk ikunx meħtieġ li testendi l-applikazzjoni tad-deroga għal aktar minn dawk il-kwantitajiet. L-Artikolu 5 Dan li ġej għandu jitniżżel fil-kaxxa numru 4 taċ-ċertifikati ta' oriġini tal-Formola A maħruġa permezz ta' dan ir-Regolament: "Deroga - Regolament (KE) Nru 1715/97" L-Artikolu 6 F'każ ta' dubju, l-Istati Membri jistgħu jitolbu kopja tad-dokument li jiċċertifika l-oriġini tal-materjali użati fin-Nepal permezz ta' din id-deroga. Talba bħal din tista ssir fil-ħin tad-dħul f'ċirkolazzjoni ħielsa ta' l-oġġetti li jibbenefikaw mid-dispożizzjonijiet ta' dan ir-Regolament, jew fil-qafas tal-kooperazzjoni amministrattiva stabbilita fl-Artikolu 94 tar-Regolament (KEE) Nru 2454/93. L-Artikolu 7 Dan ir-Regolament għandu jidħol fis-seħħ fis-seba' jum ta' wara l-pubblikazzjoni tiegħu fil-Ġurnal Uffiċjali tal-Komunitajiet Ewropej. Għandu jkun applikabbli mill-1 ta' Awissu 1997. Dan ir-Regolament għandu jorbot fl-intier tiegħu u japplika direttament fl-Istati Membri kollha. Magħmul fi Brussel, fit-3 ta' Settembru 1997. Għall-Kummissjoni Mario Monti Membru tal-Kummissjoni [1] ĠU L 302, tad-19.10.1992, p. 1. [2] ĠU L 17, tal-21.1.1997, p. 1. [3] ĠU L 253, tal-11.10.1993, p. 1. [4] ĠU L 196, ta' l-24.7.1997, p. 31. [5] ĠU L 348, tal-31.12.1994, p. 31. [6] ĠU L 144, ta' l-4.6.1997, p. 13. [7] ĠU L 229, tas-17.8.1991, p. 1. -------------------------------------------------- L-ANNESS Numru fl-ordni | Kategorija tat-tessut | Nomenklatura magħquda | Deskrizzjoni tal-prodotti | Kwantità (1.1-31.12) | 09.8101 | 4 | 610510006105201061052090610590106109100061099010610990306110201061103010 | Qomos, qomos tal-komma qasira, jumpers u pullovers lightweight fine-knit bl-għonq polo, turtle jew roll (għajr dawk tas-suf jew xagħar fin ta' l-annimali), flokkijiet ta' taħt u bħalhom, maħduma bil-labar jew bil-ganċ | 684602 biċċiet | 09.8102 | 5 | 6101109061012090610130906102109061022090610230906110101061101031611010356110103861101091611010956110109861102091611020996110309161103099 | Ġerżijiet, pullovers, slip-overs, sdieri, twin sets, cardigans, bedjackets u jumpers, (għajr minn ġkieket jew ġlekkijiet) ġkieket tax-xita, windcheaters, ġkieket tal-qadd u affarijiet simili, maħduma bil-labra jew bil-ganċ | 235793 biċċa | 09.8103 | 6 | 6203411062034190620342316203423362034235620342906203431962034390620342196203425062046110620462316204623362046239620463186204691862113242621133426211424262114342 | Qliezet li jinqaflu taħt l-irkobba minsuġa ta' l-irġiel jew tas-subien, xorts għajr malji ta' l-għawm u qliezet (inklużi slacks); qliezet u slacks minsuġa tan-nisa u tal-bniet; partijiet t'isfel tat-track suits bl-inforra, għajr dawk fil-kategorija 16 jew 29, tal-qoton jew tal-fibri magħmula mill-bniedem | 140258 biċċa | 09.8104 | 7 | 610610006106200061069010620620006206300062064000 | Blawżijiet tan-nisa jew tal-bniet, qomos u blawżijiet qomos, kemm jekk huma maħduma bil-labar jew bil-ganċ u kemm jekk le, tas-suf, tal-qoton jew ta' fibri magħmula mill-bniedem | 208742 biċċa | 09.8105 | 8 | 620510006205200062053000 | Qomos ta' l-irġiel jew tas-subien, minn barra dawk li huma maħduma bil-labra jew bil-ganċ, tas-suf, tal-qoton, jew ta' fibri magħmula mill-bniedem | 177688 biċċa | 09.8106 | 10 | 611110106111201061113010ex61119000611610206116108061169000611692006116930061169900 | Ingwanti, mittens u mitts, maħdumin bil-labar jew bil-ganċ | 23229 par | 09.8107 | 12 | 6115120061151900611519906115201161152090611591006115920061159310611593306115939961159900 | Tajts tan-najlon u tajts, kalzetti, kalzetti li jintlibsu taħt l-ilbiesi, kalzetti, u kalzetti sa l-għaksa, kalzetti qosra u affarijiet simili, maħduma bil-labrar tal-malja jew bil-ganċ, barra minn dawk għat-trabi, inklużi kalzetti għal vini varikużi, minn barra prodotti tal-kategorija 70 | 19312 pari | 09.8108 | 13 | 610711006107120061071900610821006108220061082900 | Qliezet ta' taħt u qliezet ta' taħt qosra ta' l-irġiel jew tas-subien, u qliezet ta' taħt u qliezet ta' taħt qosra tan-nisa jew tal-bniet maħduma bil-labar jew bil-ganċ, tas-suf, tal-qoton jew tal-fibri magħmula mill bniedem | 1100 biċċiet | 09.8109 | 14 | 62011100ex62011210ex62011290ex62011310ex6201139062012000 | Kappotti minsuġa, kowtijiet tax-xita u kowtijiet oħra, mantari u mantelli ta' l-irġiel jew tas-subien; ġkieket u ġlekkijiet, tas-suf, tal-qoton jew ta' fibri magħmula mill-bniedem (minn barra parkas tal-kategorija 21) | 10805 biċċiet | 09.8110 | 15 | 62021100ex62021210ex62021290ex62021310ex620213906204310062043290620433906204391962013000 | Kappotti minsuġa, kowtijiet tax-xita u kowtijiet oħra, mantari u mantelli tan-nisa u tal-bniet; ġkieket u ġlekkijiet, tas-suf, tal-qoton jew tal- fibri magħmula mill bniedem (minn barra parkas tal-kategorija 21) | 61631 biċċiet | 09.8111 | 16 | 62031100620312006203191062031930620321006203228062032380620329186211323162113331 | Ilbiesi u lbiesi intieri ta' l-irġiel jew tas-subien, minbarra dawk maħduma bil-labar jew bil-ganċ, tas-suf, tal-qoton jew fibri magħmula mill-idejn, minbarra l-ilbiesi ta' l-iski, tracksuits ta' l-irġiel jew tas-subien bl-inforra, bil-qoxra ta' barra ta' materjal wieħed, tal-qotton jew ta' fibri magħmula mill bniedem | 3735 biċċiet | 09.8112 | 17 | 62033100620332906203339062033919 | Ġkieket u ġlekkijiet ta' l-irġiel jew tas-subien, minbarra dawk maħduma bil-labar tal-malja jew bil-ganċ, tas-suf, tal-qoton jew fibri magħmula mill bniedem | 36864 biċċa | 09.8113 | 18 | 620711006207190062072100620722006207290062079110620791906207920062079900 | Singlets u flokkijiet oħra, qliezet ta' taħt, briefs, night-shirts, piġami, bathrobes, dressing gowns, u oġġetti simili, ta' l-irġiel jew tas-subien, minbarra dawk maħduma bil-labra tal-malja jew bil-ganċ | 35,2 tunnellati | 620811006208191062081990620821006208220062082900620891116208911962089190620892106208929062089900 | Singlets u flokkijiet oħra, slips, petticoats, briefs, panties, nightdresses, piġami, négligés, bathrobes, dressing gowns u oġġetti simili, tan-nisa jew tal-bniet, minbarra dawk maħduma bil-labra tal-malja jew bil-ganċ | 09.8114 | 21 | ex62011210ex62011290ex62011310ex62011390620191006201920062019300ex62021210ex62021290ex62021310ex6202139062029100620292006202930062113241621133416211424162114341 | Parkas, anoraks, wind-cheaters, ġkieket sal-qadd u bħalhom, minbarra dawk maħduma bil-labra tal-malja jew bil-ganċ, tal-qoton jew ta' fibri magħmulin mill-bniedem; partijiet ta' fuq ta' tracksuits bl-inforra, barra dawk tal-kategorija 16 jew 29, tal-qoton jew ta' fibri magħmulin mill-bniedem | 22766-il biċċa | 09.8115 | 24 | 610721006107220061072900610791106107919061079200ex61079900 | Qomos ta' bil-lejl, piġami, bathrobes, dressing gowns u oġġetti simili, ta' l-irġiel jew tas-subien, maħdumin bil-labra tal-malja jew bil-ganċ | 70512-il biċċa | 61083110610831906108321161083219610832906108390061089110610891906108920061089910 | Nightdresses, piġami, negliges, bathrobes, dressing gowns u oġġetti simili, tan-nisa jew tal-bniet, maħdumin bil-labra tal-malja jew bil-ganċ | 09.8116 | 26 | 6104410061044200610443006104440062044100620442006204430062044400 | Ilbiesi tan-nisa jew tal-bniet, tal-qoton jew ta' fibri magħmula mill-bniedem | 281140 biċċa | 09.8117 | 27 | 6104510061045200610453006104590062045100620452006204530062045910 | Dbielet tan-nisa jew tal-bniet inklużi dbielet maqsumin | 34716-il biċċa | 09.8118 | 28 | 61034110610341906103421061034290610343106103439061034910610449916104611061046190610462106104629061046310610463906104691061046991 | Qliezet, fradal u qliezet qosra biċ-ċingi li jintrabtu minn taħt u xorts (għajr malji ta' l-għawn), maħduma bil-labar jew bil-ganċ, tas-suf, tal-qoton jew fibri magħmula mill- bniedem | 56206 biċċiet | 09.8119 | 29 | 62041100620412006204130062041910620421006204228062042380620429186211423162114331 | Ilbiesi u lbiesi intieri tan-nisa jew tal-bniet, minbarra dawk maħduma bil-labar jew bil-ganċ, tas-suf, tal-qoton jew tal-fibri magħmula bl-idejn, minn barra l-ilbiesi ta' l-iski, tracksuits tan-nisa jew tal-bniet bl-inforra, bil-qoxra ta' barra ta' materjal wieħed, tal-qotton jew ta' fibri magħmula mill bniedem | 14565 biċċa | 09.8120 | 31 | 62121000 | Riċipetti, minsuġa, maħduma bil-labar tal-malja jew bil-ganċ | 1100 biċċa | 09.8121 | 68 | 611110906111209061113090ex61119000ex62091000ex62092000ex62093000ex62099000 | Biċċiet tal-ħwejjeġ tat-trabi u aċċessorji tat-trabi, esklużi ingwanti tat-trabi, flokkijiet ta' taħt u affarijiet simili tal-kategoriji 10 u 87, u kalzetti tat-trabi, kalzetti u kalzetti qosra, għajr dawk maħduma bil-labar jew bil-ganċ, tal-kategorija 88 | 3,3 tunnellati | 09.8122 | 69 | 61081110610811906108191061081990 | Dbielet u lbiesi ta' taħt tan-nisa jew tal-bniet, maħduma bil-labar tal-malja jew bil-ganċ | 1100 biċċiet | 09.8123 | 72 | 61123110611231906112391061123990611241106112419061124910611249906211110062111200 | Malji ta' l-għawm, tas-suf, tal-qoton jew tal-fibri magħmula bl-idejn | 1100 biċċa | 09.8124 | 73 | 611211006112120061121900 | Tracksuits, maħdumin bil-labar jew bil-ganċ, tas-suf, tal-qoton jew tal-fibri maħduma mill-bniedem | 1100 biċċa | 09.8125 | 74 | 610411006104120061041300ex61041900610421006104220061042300ex61042900 | Ilbies jew taqbiliet, meħjutin bil-malja jew bil-ganċ u taqbiliet tas-suf, qoton jew fibri magħmula mill-bniedem, esklużi l-ilbies ta' l-iski | 5517-il biċċa | 09.8126 | 75 | 61031111610312006103190061032100610322006103230061032900 | Ilbies jew taqbiliet, meħjutin bil-malja jew bil-ganċ ta' l-irġiel jew tas-subien, u taqbiliet tas-suf, qoton jew fibri magħmula mill-bnedmin, esklużi l-ilbies ta' l-iski | 3456 biċċa | 09.8127 | 76 | 620322106203231062032911620332106203331062033911620342116203425162034311620343316203491162034931 | Ilbies industrijali jew ta' fuq ix-xogħol ta' l-irġiel jew tas-subien, minbarra dawk meħjutin bil-malja jew bil-ganċ | 1,1 tunellati | 62042210620423106204291162043210620433106204391162046211620462516204631162046331620469116204693162113210621133106211421062114310 | Fradal tan-nisa jew tal-bniet, smock-overalls jew ilbies ieħor industrijali jew tax-xogħol, minbarra dak meħjut bil-malja jew bil-ganċ | 09.8128 | 78 | 6203413062034259620343396203493962046180620461906204625962046290620463396204639062046939620469506210400062105000621131006211329062113390621141006211429062114390 | Tessuti, għajr dawk maħduma bil-labar jew bil-ganċ, esklużi tessuti tal-kategoriji 6, 7, 8, 14, 15, 16, 17, 18, 21, 26, 27, 29, 68, 72, 76 u 77 | 37,4 tunnellata | 09.81 29 | 83 | 61011010610120106101301061021010610220106102301061033100610332 0061033300ex61033900610431006104320061043300ex610439006112200061130090611410006114200061143000 | Kappotti, ġkieket, ġlekkijiet u tessuti oħra, inklużi ski-suits, meħjutin bil-malja jew bil-ganċ, esklużi t-tessuti tal-kategoriji 4, 5, 7, 13, 24, 26, 27, 28, 68, 69, 72, 73, 74 u 75 | 39,6 tunnellata | 09.8130 | 84 | 62142000621430006214400062149000 | Xalel, xalpi, mufflers, mantilli, veli, u affarijit oħra ta' din ix-xorta, minbarra dawk maħduma bil-labar jew bil-ganċ, tas-suf, tal-qotton jew tal-fibri magħmula mill-bniedem | 1,1 tunnellata | 09.8131 | 86 | 621220006212300062129000 | Kurpetti, ċinturini tal-kurpetti, ċinturini taċ-ċingi, ċingi, takkalji u affarijiet oħrajn ta' din ix-xorta, u l-partijiet tagħhom, kemm jekk maħdumin bil-malja jew bil-ganċ u kemm jekk le | 1100 biċċa | 09.8132 | 156 | 61069030ex61109090 | Blouses jew pullovers tan-nisa jew tal-bniet, maħduma bil-malja jew bil-ganċ, tal-ħarir jew rimi tal-ħarir | 2,2 tunnellati | 09.81 33 | 157 | 61019010610190906102901061029090ex6103390061034999ex61041900ex61042900ex610439006104490061046999610590906106905061069090ex61079900610899906109909061109010ex61109090ex6111900061149000 | Tessuti, maħdumin bil-labra jew bil-ganċ, għajr dawk tal-kategoriji 1 sa 123 u tal-kategorija 156 | 2,2 tunnellati | 09.8134 | 159 | 6204491062061000 | Ilbies, blouses u shirt-blouses, mhux maħduma bil-labar jew bil-ganċ, tal-ħarir jew tar-rimi tal-ħarir | 2,2 tunnellati | 62141000 | Xalel, xalpi, mufflers, mantilji, veli, u affarijiet ta' din ix-xorta, mhux maħduma bil-labar jew bil-ganċ, tal-ħarir jew tar-rimi tal-ħarir | 62151000 | Ingravajjet, ċfuf u cravats, tal-ħarir jew tar-rimi ta' ħarir | 09.81 35 | 161 | 620119006201990062021900620299006203199062032990620339906203499062041990620429906204399062044990620459906204699062059010620590906206901062069090ex621120006211390062114900 | Tessuti, mhux maħduma bil-labar jew bil-ganċ, għajr dawk tal- kategorija 1 sa 123 u tal-kategorija 159 | 1,1 tunnellata | --------------------------------------------------