This document is an excerpt from the EUR-Lex website
Document 22022A0413(01)
Agreement in the form of an Exchange of Letters between the European Union and the Republic of Mauritius concerning the extension of the Protocol setting out the fishing opportunities and the financial contribution provided for by the Fisheries Partnership Agreement between the European Union and the Republic of Mauritius
Ftehim fil-forma ta’ Skambju ta’ Ittri bejn l-Unjoni Ewropea u r-Repubblika ta’ Mauritius dwar l-estensjoni tal-Protokoll li jistabbilixxi l-opportunitajiet tas-sajd u l-kontribuzzjoni finanzjarja previsti fil-Ftehim ta’ Sħubija dwar is-Sajd bejn l-Unjoni Ewropea u r-Repubblika ta’ Mauritius
Ftehim fil-forma ta’ Skambju ta’ Ittri bejn l-Unjoni Ewropea u r-Repubblika ta’ Mauritius dwar l-estensjoni tal-Protokoll li jistabbilixxi l-opportunitajiet tas-sajd u l-kontribuzzjoni finanzjarja previsti fil-Ftehim ta’ Sħubija dwar is-Sajd bejn l-Unjoni Ewropea u r-Repubblika ta’ Mauritius
ST/5658/2022/INIT
ĠU L 115, 13.4.2022, p. 45–50
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
ELI: http://data.europa.eu/eli/agree_internation/2022/614/oj
13.4.2022 |
MT |
Il-Ġurnal Uffiċjali tal-Unjoni Ewropea |
L 115/45 |
FTEHIM fil-forma ta’ Skambju ta’ Ittri bejn l-Unjoni Ewropea u r-Repubblika ta’ Mauritius dwar l-estensjoni tal-Protokoll li jistabbilixxi l-opportunitajiet tas-sajd u l-kontribuzzjoni finanzjarja previsti fil-Ftehim ta’ Sħubija dwar is-Sajd bejn l-Unjoni Ewropea u r-Repubblika ta’ Mauritius
A. Ittra mill-Unjoni Ewropea
Għeżież Sinjuri,
Bi pjaċir nikkonfermalkom li l-Unjoni Ewropea u r-Repubblika ta’ Mauritius jaqblu mal-arranġamenti provviżorji li ġejjin li jestendu l-Protokoll li jistabbilixxi l-opportunitajiet tas-sajd u l-kontribuzzjoni finanzjarja previsti fil-Ftehim ta’ Sħubija dwar is-Sajd bejn l-Unjoni Ewropea u r-Repubblika ta’ Mauritius (il-“Protokoll”), li applika mit-8 ta' Diċembru 2017 sas-7 ta' Diċembru 2021, sa ma jitlestew in-negozjati dwar it-tiġdid tal-Protokoll.
Għalhekk, l-Unjoni Ewropea u r-Repubblika ta’ Mauritius qablu dwar dan li ġej:
(1) |
Mill-1 ta’ Jannar 2022, jew kwalunkwe data oħra sussegwenti mal-iffirmar ta’ dan l-Iskambju ta’ Ittri, l-arranġamenti fis-seħħ matul l-aħħar sena tal-Protokoll għandhom jiġġeddu bl-istess kundizzjonijiet sakemm protokoll ġdid jiġi miftiehem u jsir applikabbli, iżda għal perijodu massimu ta’ sitt xhur. |
(2) |
Il-kontribuzzjoni finanzjarja tal-Unjoni Ewropea sabiex il-bastimenti jkollhom aċċess għall-ilmijiet ta’ Mauritius skont dan l-Iskambju ta' Ittri għandha tikkorrispondi għal nofs l-ammont annwali previst fl-Artikolu 4(2), punt (a), tal-Protokoll, u b’hekk tammonta għal EUR 110 000, ekwivalenti għal tunnellaġġ ta’ referenza ta’ 2 000 tunnellata. Dak il-ħlas għandu jsir f’pagament wieħed sa mhux aktar tard minn tliet xhur wara d-data tal-applikazzjoni provviżorja ta’ dan l-Iskambju ta’ Ittri. L-Artikolu 4(5) u (6) ta’ dan il-Protokoll għandu japplika mutatis mutandis. |
(3) |
Skont dan l-Iskambju ta’ Ittri, l-appoġġ għall-politika settorjali tas-sajd ta' Mauritius għandu jammonta għal EUR 110 000 u l-appoġġ għall-iżvilupp tal-politika marittima u tal-ekonomija tal-oċeani għandu jammonta għal EUR 67 500. Il-Kumitat Konġunt previst fl-Artikolu 9 tal-Ftehim ta’ Sħubija dwar is-Sajd għandu japprova l-ipprogrammar għal dan l-ammont skont l-Artikolu 5(1) tal-Protokoll sa mhux aktar tard minn tliet xhur wara d-data tal-applikazzjoni ta’ dan l-Iskambju ta’ Ittri. Il-kontribuzzjoni finanzjarja għall-appoġġ settorjali għandha titħallas f’pagament wieħed abbażi tal-programmazzjoni maqbula. |
(4) |
F’każ li n-negozjati biex jiġġedded il-Protokoll iwasslu biex il-protokoll il-ġdid jiġi ffirmat u sussegwentement biex jiġi applikat (b’mod provviżorju) qabel jiskadi l-perijodu ta’ sitt xhur previst fil-punt (1) hawn fuq, il-kontribuzzjoni finanzjarja msemmija fil-punti (2) u (3) hawn fuq għandha titnaqqas pro rata temporis. Fejn ammont li jikkorrispondi għat-tnaqqis applikabbli diġà jkun tħallas, dak l-ammont għandu jitnaqqas mill-ewwel kontribuzzjoni finanzjarja dovuta skont il-Protokoll il-ġdid. |
(5) |
Matul il-perijodu ta’ applikazzjoni ta’ dan l-Iskambju ta' Ittri, l-awtorizzazzjonijiet tas-sajd għandhom jinħarġu f’konformità mal-Kapitolu II tal-Anness għall-Protokoll. Il-ħlas tat-tariffa minn qabel għall-bastimenti tas-sajd bit-tartarun tal-borża u għall-bastimenti tas-sajd bil-konz għandu jikkorrispondi għal nofs it-tariffi stabbiliti, u għal nofs il-kwantitajiet rispettivi ta’ tonn u speċijiet li jixbhu lit-tonn imsemmija fil-Kapitolu II, punt 3, is-subpunt 3(a) sa (c), tal-Anness għall-Protokoll għall-aħħar sena ta’ applikazzjoni tal-Protokoll. It-tariffa tal-liċenzja applikabbli għall-bastimenti tal-provvista għandha tikkorrispondi għal nofs it-tariffa prevista fil-Kapitolu II, il-punt (4), tal-Anness għall-Protokoll, u konsegwentement għandha tammonta għal EUR 2 000. |
(6) |
L-awtorizzazzjonijiet tas-sajd maħruġa skont dan l-Iskambju ta' Ittri għandhom jibqgħu validi sa tmiem il-perijodu ta’ estensjoni. |
(7) |
Fir-rigward tar-rappurtar tal-qabdiet stabbiliti fil-Kapitolu III tal-Anness għall-Protokoll, l-Unjoni għandha tipprovdi lil Mauritius, qabel tmiem kull trimestru, id-data dwar il-qabdiet għal kull bastiment tal-Unjoni awtorizzat. Mauritius għandu jipprovdi, fuq bażi trimestrali, id-data dwar il-qabdiet tal-bastimenti tal-Unjoni awtorizzati miksuba permezz tal-ġurnali ta’ abbord. |
(8) |
Għal kull tartarun tal-borża u konz tal-wiċċ, l-Unjoni għandha tibgħat dikjarazzjoni finali tat-tariffi dovuti mill-bastiment fir-rigward tal-attivitajiet tas-sajd tiegħu matul il-perijodu ta’ estensjoni lil Mauritius u lil sid il-bastiment rispettiv sa mhux aktar tard minn tliet xhur wara t-tmiem tal-perijodu ta’ estensjoni. Meta l-ammont fid-dikjarazzjoni finali jkun akbar mit-tariffa tal-ħlas minn qabel imsemmija fil-punt (5), sid il-bastiment għandu jħallas il-bilanċ pendenti, sa mhux aktar tard minn tliet xhur wara li jirċievi d-dikjarazzjoni finali. Kwalunkwe ammont imħallas għat-tariffa tal-ħlas minn qabel li jaqbeż id-dikjarazzjoni finali ma għandux jiġi rimborżat. Fir-rigward tat-tfassil, il-proċedura li għandha tiġi segwita minn Mauritius mal-wasla u l-kontestazzjoni tad-dikjarazzjoni finali, tal-Kapitolu III, il-punt (5), għandu japplika mutatis mutandis. |
(9) |
Fir-rigward tal-imbarkazzjoni tal-baħrin kif previst fil-Kapitolu VIII tal-Anness għall-Protokoll, matul l-attivitajiet tagħhom fl-ilmijiet ta’ Mauritius, sitt baħrin ikkwalifikati minn Mauritius għandhom jimbarkaw fuq il-flotta tal-Unjoni. |
(10) |
Dan l-Iskambju ta’ Ittri għandu japplika b’mod provviżorju mill-1 ta’ Jannar 2022 jew kwalunkwe data oħra sussegwenti mal-iffirmar, sa ma jidħol fis-seħħ. Huwa għandu jidħol fis-seħħ fid-data meta l-Partijiet jinnotifikaw lil xulxin li lestew il-proċeduri neċessarji għal dak il-għan. |
Nitlobkom ġentilment tikkonfermaw li rċevejtu din l-ittra u li tikkonfermaw li r-Repubblika ta’ Mauritius taqbel mat-termini tagħha.
Nassigurak, Sinjur, Sinjura, mill-ikbar stima li għandi lejk.
B. Ittra mir-Repubblika ta’ Mauritius
Għeżież Sinjuri,
Għandi l-unur ngħarrfek li rċevejt l-ittra tiegħek bid-data tal-lum, li tinqara kif ġej:
“Bi pjaċir nikkonfermalkom li l-Unjoni Ewropea u r-Repubblika ta’ Mauritius jaqblu mal-arranġamenti provviżorji li ġejjin li jestendu l-Protokoll li jistabbilixxi l-opportunitajiet tas-sajd u l-kontribuzzjoni finanzjarja previsti fil-Ftehim ta’ Sħubija dwar is-Sajd bejn l-Unjoni Ewropea u r-Repubblika ta’ Mauritius (il-“Protokoll”), li applika mit-8 ta' Diċembru 2017 sas-7 ta' Diċembru 2021, sa ma jitlestew in-negozjati dwar it-tiġdid tal-Protokoll.
Għalhekk, l-Unjoni Ewropea u r-Repubblika ta’ Mauritius qablu dwar dan li ġej:
(1) |
Mill-1 ta’ Jannar 2022, jew kwalunkwe data oħra sussegwenti mal-iffirmar ta’ dan l-Iskambju ta’ Ittri, l-arranġamenti fis-seħħ matul l-aħħar sena tal-Protokoll għandhom jiġġeddu bl-istess kundizzjonijiet sakemm protokoll ġdid jiġi miftiehem u jsir applikabbli, iżda għal perijodu massimu ta’ sitt xhur. |
(2) |
Il-kontribuzzjoni finanzjarja tal-Unjoni Ewropea sabiex il-bastimenti jkollhom aċċess għall-ilmijiet ta’ Mauritius skont dan l-Iskambju ta' Ittri għandha tikkorrispondi għal nofs l-ammont annwali previst fl-Artikolu 4(2), punt (a), tal-Protokoll, u b’hekk tammonta għal EUR 110 000, ekwivalenti għal tunnellaġġ ta’ referenza ta’ 2 000 tunnellata. Dak il-ħlas għandu jsir f’pagament wieħed sa mhux aktar tard minn tliet xhur wara d-data tal-applikazzjoni provviżorja ta’ dan l-Iskambju ta’ Ittri. L-Artikolu 4(5) u (6) ta’ dan il-Protokoll għandu japplika mutatis mutandis. |
(3) |
Skont dan l-Iskambju ta’ Ittri, l-appoġġ għall-politika settorjali tas-sajd ta' Mauritius għandu jammonta għal EUR 110 000 u l-appoġġ għall-iżvilupp tal-politika marittima u tal-ekonomija tal-oċeani għandu jammonta għal EUR 67 500. Il-Kumitat Konġunt previst fl-Artikolu 9 tal-Ftehim ta’ Sħubija dwar is-Sajd għandu japprova l-ipprogrammar għal dan l-ammont skont l-Artikolu 5(1) tal-Protokoll sa mhux aktar tard minn tliet xhur wara d-data tal-applikazzjoni ta’ dan l-Iskambju ta’ Ittri. Il-kontribuzzjoni finanzjarja għall-appoġġ settorjali għandha titħallas f’pagament wieħed abbażi tal-programmazzjoni maqbula. |
(4) |
F’każ li n-negozjati biex jiġġedded il-Protokoll iwasslu biex il-protokoll il-ġdid jiġi ffirmat u sussegwentement biex jiġi applikat (b’mod provviżorju) qabel jiskadi l-perijodu ta’ sitt xhur previst fil-punt (1) hawn fuq, il-kontribuzzjoni finanzjarja msemmija fil-punti (2) u (3) hawn fuq għandha titnaqqas pro rata temporis. Fejn ammont li jikkorrispondi għat-tnaqqis applikabbli diġà jkun tħallas, dak l-ammont għandu jitnaqqas mill-ewwel kontribuzzjoni finanzjarja dovuta skont il-Protokoll il-ġdid. |
(5) |
Matul il-perijodu ta’ applikazzjoni ta’ dan l-Iskambju ta' Ittri, l-awtorizzazzjonijiet tas-sajd għandhom jinħarġu f’konformità mal-Kapitolu II tal-Anness għall-Protokoll. Il-ħlas tat-tariffa minn qabel għall-bastimenti tas-sajd bit-tartarun tal-borża u għall-bastimenti tas-sajd bil-konz għandu jikkorrispondi għal nofs it-tariffi stabbiliti, u għal nofs il-kwantitajiet rispettivi ta’ tonn u speċijiet li jixbhu lit-tonn imsemmija fil-Kapitolu II, punt 3, is-subpunt 3(a) sa (c), tal-Anness għall-Protokoll għall-aħħar sena ta’ applikazzjoni tal-Protokoll. It-tariffa tal-liċenzja applikabbli għall-bastimenti tal-provvista għandha tikkorrispondi għal nofs it-tariffa prevista fil-Kapitolu II, il-punt (4), tal-Anness għall-Protokoll, u konsegwentement għandha tammonta għal EUR 2 000. |
(6) |
L-awtorizzazzjonijiet tas-sajd maħruġa skont dan l-Iskambju ta' Ittri għandhom jibqgħu validi sa tmiem il-perijodu ta’ estensjoni. |
(7) |
Fir-rigward tar-rappurtar tal-qabdiet stabbiliti fil-Kapitolu III tal-Anness għall-Protokoll, l-Unjoni għandha tipprovdi lil Mauritius, qabel tmiem kull trimestru, id-data dwar il-qabdiet għal kull bastiment tal-Unjoni awtorizzat. Mauritius għandu jipprovdi, fuq bażi trimestrali, id-data dwar il-qabdiet tal-bastimenti tal-Unjoni awtorizzati miksuba permezz tal-ġurnali ta’ abbord. |
(8) |
Għal kull tartarun tal-borża u konz tal-wiċċ, l-Unjoni għandha tibgħat dikjarazzjoni finali tat-tariffi dovuti mill-bastiment fir-rigward tal-attivitajiet tas-sajd tiegħu matul il-perijodu ta’ estensjoni lil Mauritius u lil sid il-bastiment rispettiv sa mhux aktar tard minn tliet xhur wara t-tmiem tal-perijodu ta’ estensjoni. Meta l-ammont fid-dikjarazzjoni finali jkun akbar mit-tariffa tal-ħlas minn qabel imsemmija fil-punt (5), sid il-bastiment għandu jħallas il-bilanċ pendenti, sa mhux aktar tard minn tliet xhur wara li jirċievi d-dikjarazzjoni finali. Kwalunkwe ammont imħallas għat-tariffa tal-ħlas minn qabel li jaqbeż id-dikjarazzjoni finali ma għandux jiġi rimborżat. Fir-rigward tat-tfassil, il-proċedura li għandha tiġi segwita minn Mauritius mal-wasla u l-kontestazzjoni tad-dikjarazzjoni finali, tal-Kapitolu III, il-punt (5), għandu japplika mutatis mutandis. |
(9) |
Fir-rigward tal-imbarkazzjoni tal-baħrin kif previst fil-Kapitolu VIII tal-Anness għall-Protokoll, matul l-attivitajiet tagħhom fl-ilmijiet ta’ Mauritius, sitt baħrin ikkwalifikati minn Mauritius għandhom jimbarkaw fuq il-flotta tal-Unjoni. |
(10) |
Dan l-Iskambju ta’ Ittri għandu japplika b’mod provviżorju mill-1 ta’ Jannar 2022 jew kwalunkwe data oħra sussegwenti mal-iffirmar, sa ma jidħol fis-seħħ. Huwa għandu jidħol fis-seħħ fid-data meta l-Partijiet jinnotifikaw lil xulxin li lestew il-proċeduri neċessarji għal dak il-għan. |
Nitlobkom ġentilment tikkonfermaw li rċevejtu din l-ittra u li tikkonfermaw li r-Repubblika ta’ Mauritius taqbel mat-termini tagħha.”.
Għandi l-unur nikkonferma li dak li ntqal aktar 'il fuq hu aċċettabbli għar-Repubblika ta’ Mauritius u li l-ittra tiegħek u din l-ittra jikkostitwixxu ftehim bi qbil mal-proposta tiegħek.
Nassigurak, Sinjur, Sinjura, mill-ikbar stima li għandi lejk.