32011R0364

EUR-Lex

Access to European Union law

This document is an excerpt from the EUR-Lex website

EUROPA
EUR-Lex home
Regolament - 364/2011 - EN - EUR-Lex

Help

Search tips

Need more search options? Use the Advanced search

Document 32011R0364

Help

Regolament tal-Kummissjoni (UE) Nru 364/2011 tat- 13 ta’ April 2011 li jemenda l-Anness I għar-Regolament Kummissjoni (KE) Nru 798/2008 u li jemenda r-Regolament tal-Kummissjoni (KE) Nru 1291/2008 dwar programmi ta’ kontroll tas- Salmonella f’ċerti tjur u bajd fil-Kroazja skont ir-Regolament (KE) Nru 2160/2003 tal-Parlament Ewropew u tal-Kunsill u li jemenda r-Regolamenti (UE) Nru 925/2010 u (UE) Nru 955/2010 Test b’relevanza għaż-ŻEE

ĠU L 100, 14.4.2011, p. 30–36 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

(HR)
⏵Dan id-dokument ġie ppubblikat f’edizzjoni(jiet) speċjali (HR)
Edizzjoni speċjali bil-Kroat: Kapitolu 03 Volum 064 P. 233 - 239

Legal status of the document In force

ELI: http://data.europa.eu/eli/reg/2011/364/oj

HTML

PDF

Official Journal

14.4.2011

Il-Ġurnal Uffiċjali tal-Unjoni Ewropea

L 100/30

REGOLAMENT TAL-KUMMISSJONI (UE) Nru 364/2011

tat-13 ta’ April 2011

li jemenda l-Anness I għar-Regolament Kummissjoni (KE) Nru 798/2008 u li jemenda r-Regolament tal-Kummissjoni (KE) Nru 1291/2008 dwar programmi ta’ kontroll tas-Salmonella f’ċerti tjur u bajd fil-Kroazja skont ir-Regolament (KE) Nru 2160/2003 tal-Parlament Ewropew u tal-Kunsill u li jemenda r-Regolamenti (UE) Nru 925/2010 u (UE) Nru 955/2010

(Test b’relevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Direttiva tal-Kunsill 2002/99/KE tas-16 ta’ Diċembru 2002 li tistabbilixxi r-regoli sanitarji għall-annimali u li jiddeterminaw il-produzzjoni, l-ipproċessar, id-distribuzzjoni u l-introduzzjoni ta’ prodotti li joriġinaw mill-annimali u li huma għall-konsum uman (1), u b’mod partikolari l-Artikolu 9(2)(b) tagħha,

Wara li kkunsidrat ir-Regolament (KE) Nru 2160/2003 tal-Parlament Ewropew u tal-Kunsill tas-17 ta’ Novembru 2003 fuq il-kontroll tas-salmonella u aġenti Zoonotiċi oħra speċifiċi li jkun hemm ġewwa l-ikel (2), u b’mod partikolari l-Artikolu 10(2) tiegħu;

Wara li kkunsidrat id-Direttiva tal-Kunsill 2009/158/KE tat-30 ta’ Novembru 2009 dwar il-kondizzjonijiet tas-saħħa ta’ bhejjem li jirregolaw il-kummerċ intra-Komunitarju, u l-importazzjoni ta’ tajr u bajd għat-tfaqqis minn pajjiżi terzi (3), u b’mod partikolari l-Artikoli 23(1) u 26(2) tagħha,

Billi:

(1)

Ir-Regolament tal-Kummissjoni (KE) Nru 798/2008 tat-8 ta’ Awwissu 2008 li jistabbilixxi lista ta’ pajjiżi terzi, territorji, żoni jew kumpartimenti li minnhom jistgħu jiġu impurtati u jsir tranżitu ta’ tjur u prodotti tat-tjur fil-Komunità u r-rekwiżiti ta’ ċertifikazzjoni veterinarja (4) jistipula r-rekwiżiti taċ-ċertifikazzjoni veterinarja għall-importazzjonijiet lejn u t-tranżitu mill-Unjoni ta’ dawk il-prodotti. Dan jistipula li l-prodotti koperti minn dak ir-Regolament għandhom biss ikunu importati, fl-Unjoni u jgħaddu minnha bi tranżitu mill-pajjiżi terzi, territorji, żoni jew kompartimenti li huma elenkati fil-kolonni 1 u 3 fit-tabella fil-Parti 1 tal-Anness I tiegħu.

(2)

Id-definizzjoni ta’ bajd stipulata fil-punt 5.1 tal-Anness I għar-Regolament (KE) Nru 853/2004 tal-Parlament Ewropew u tal-Kunsill tad-29 ta’ April 2004 li jistabbilixi ċerti regoli speċifiċi ta’ iġjene għall-ikel li joriġina mill-annimali (5) ma tinkludix bajd imsajjar filwaqt li d-definizzjoni ta’ prodotti tal-bajd stabbilita fil-punt 7.3 tal-Anness I ta’ dak ir-Regolament tkopri l-bajd imsajjar. Għalhekk, il-kodiċi xieraq tas-Sistema Armonizzata (HS) tal-Organizzazzjoni Doganali Dinjija għall-bajd imsajjar, speċifikament l-04.07, għandu jkun hemm riferenza għalih fiċ-ċertifikat veterinarju mudell għall-prodotti tal-bajd stabbilit fil-Parti 2 tal-Anness I għar-Regolament (KE) Nru 798/2008.

(3)

Meta l-prodotti tal-bajd koperti bil-kodiċi HS 04.07 joriġinaw minn żona taħt restrizzjonijiet tas-saħħa tal-annimali jiġu importati fl-Unjoni, huwa neċessarju li dawk il-prodotti jkunu ġew suġġetti għal trattament xieraq għall-inattivazzjoni ta’ dawn l-aġenti tal-mard. Għal dan l-għan, ċerti trattamenti għal prodotti tal-bajd rrakkomandati fil-Kodiċi tas-Saħħa tal-Annimali Terrestri tal-Organizzazzjoni Dinjija għas-Saħħa tal-Annimali (OIE) bħala standards għall-kummerċ internazzjonali għandhom jitqiesu u jiġu inklużi fl-attestazzjoni tas-Saħħa tal-Annimali fil-Parti II taċ-ċertifikat veterinarju mudell għall-prodotti tal-bajd.

(4)	Għalhekk, iċ-ċertifikat veterinarju mudell għall-prodotti tal-bajd stabbilit fil-Parti 2 tal-Anness I għar-Regolament (KE) Nru 798/2008 għandu jiġi emendat kif jixraq.

(5)

Ir-Regolament (KE) Nru 2160/2003 jistipula regoli għall-kontroll tas-Salmonella f’popolazzjonijiet ta’ tjur differenti fl-Unjoni. Dan jistipula li l-ammissjoni jew iż-żamma fil-listi ta’ pajjiżi terzi stipulati fil-leġiżlazzjoni tal-Unjoni, għall-ispeċi jew il-kategoriji relevanti, li minnhom l-Istati Membri huma awtorizzati li jimportaw dawk l-annimali jew bajd għat-tifqis koperti minn dak ir-Regolament hija suġġetta għall-preżentazzjoni lill-Kummissjoni mill-pajjiż terz ikkonċernat ta’ programm ta’ kontroll għas-Salmonella b’garanziji ekwivalenti għal dawk li jinsabu fil-programmi ta’ kontroll nazzjonali għas-Salmonella fl-Istati Membri.

(6)

Ir-Regolament tal-Kummissjoni (KE) Nru 1291/2008 tat-18 ta’ Diċembru 2008 dwar l-approvazzjoni ta’ programmi ta’ kontroll tas-salmonella f’ċerti pajjiżi terzi skont ir-Regolament (KE) Nru 2160/2003 tal-Parlament Ewropew u tal-Kunsill u l-elenkar ta’ programmi ta’ sorveljanza għall-influwenza tat-tjur f’ċerti pajjiżi terzi u li jemenda l-Anness I għar-Regolament (KE) Nru 798/2008 (6) japprova l-programmi ta’ kontroll ippreżentati mill-Kroazja fil-11 ta’ Marzu 2008 fir-rigward tas-Salmonella fit-tjur tat-tgħammir tal-Gallus gallus, il-bajd tat-tifqis tagħhom, it-tiġieġ tal-bajd tal-Gallus gallus, il-bajd tagħhom u l-flieles ta’ jum tal-ispeċi Gallus gallus maħsuba għat-tgħammir jew biex ibidu.

(7)

Il-programmi ta’ kontroll ippreżentati mill-Kroazja fil-11 ta’ Marzu 2008 wkoll jipprovdu l-garanziji meħtieġa bir-Regolament (KE) Nru 2160/2003 għall-kontroll tas-Salmonella fil-qatgħat l-oħra kollha tal-Gallus gallus. Dawn il-programmi għandhom għalhekk ikunu approvati. Ir-Regolament (KE) Nru 1291/2008 għandu għalhekk jiġi emendat skont dan.

(8)	L-annotazzjoni għall-Kroazja fil-lista fil-Parti 1 tal-Anness I għar-Regolament (KE) Nru 798/2008 għandha tiġi emendata biex tqis l-approvazzjoni tal-programmi għall-kontroll tas-Salmonella fil-qatgħat l-oħra kollha tal-Gallus gallus.

(9)

Id-Deċiżjoni tal-Kummissjoni 2007/843/KE tal-11 ta’ Diċembru 2007 dwar l-approvazzjoni ta’ programmi ta’ kontroll tas-Salmonella f’qatgħat għat-tgħammir ta’ Gallus gallus f’ċerti pajjiżi terzi skont ir-Regolament (KE) Nru 2160/2003 tal-Parlament Ewropew u tal-Kunsill u li temenda d-Deċiżjoni 2006/696/KE, fir-rigward ta’ ċerti rekwiżiti tas-saħħa pubblika fl-importazzjoni ta’ tjur u bajd għat-tfaqqis (7) tapprova l-programm ta’ kontroll ippreżentat mit-Tuneżija għas-Salmonella f’qatgħat ta’ tiġieġ għat-tgħammir, skont ir-Regolament (KE) Nru 2160/2003. F’dik id-Deċiżjoni, kif emendata bid-Deċiżjoni tal-Kummissjoni 2011/238/EU (8), il-programm ippreżentat mit-Tuneżija tħassar minħabba li dak l-pajjiż terz waqqaf il-programm. L-anotazzjoni għat-Tuneżija fil-lista fil-Parti 1 tal-Anness I għar-Regolament (KE) Nru 798/2008 għandha tiġi emendata biex tqis dak it-tħassir.

(10)	Ir-Regolamenti (KE) Nru 798/2008 u (KE) Nru 1291/2008 għandhom għalhekk jiġu emendati skont dan.

(11)

Ir-Regolament tal-Kummissjoni (UE) Nru 925/2010 tal-15 ta’ Ottubru 2010 li jemenda d-Deċiżjoni 2007/777/KE u r-Regolament (KE) Nru 798/2008 fir-rigward ta’ tranżitu mill-Unjoni ta’ laħam tat-tjur u prodotti tal-laħam tat-tjur mir-Russja (9) fih żball ovvju fl-annotazzjoni għall-Iżrael (IL-2), fil-kolonna 7 tat-tabella stabbilita fl-Anness II għal dak ir-Regolament, li għandu jiġi kkoreġut. Ir-Regolament ikkoreġut għandu japplika mid-data tad-dħul fis-seħħ ta’ dak ir-Regolament.

(12)

Ir-Regolament tal-Kummissjoni (UE) Nru 955/2010 tat-22 ta’ Ottubru 2010 li jemenda r-Regolament (KE) Nru 798/2008 fir-rigward tal-użu ta’ vaċċini kontra l-marda ta’ Newcastle (10) fih żball fiċ-ċertifikat veterinarju mudell korrispondenti għal-laħam tat-tjur (POU) stabbilit fl-Anness għal dak ir-Regolament. L-iżball jikkonċerna l-annotazzjoni “Tip ta’ trattament”, li kienet ġiet introdotta bi żball fil-Parti I (Dettalji tal-konsenja mibgħuta) fil-kaxxa I.28 ta’ dak iċ-ċertifikat. L-annotazzjoni “Tip ta’ trattament” mhijiex applikabbli għal-laħam tat-tjur u għalhekk għandha titħassar miċ-ċertifikat mudell. Dak l-iżball għandu jiġi kkorreġut.

(13)	Huwa xieraq li jiġi stipulat perjodu tranżitorju biex jippermetti li l-Istati Membri u l-industrija jieħdu l-miżuri neċessarji biex jikkonformaw mar-rekwiżiti ta’ ċertifikazzjoni veterinarja applikabbli wara l-korrezzjoni għar-Regolament (UE) Nru 955/2010.

(14)	Ir-Regolamenti (KE) Nru 925/2010 u (KE) Nru 955/2010 għalhekk għandhom jiġu emendati skont dan.

(15)	Il-miżuri stipulati f’dan ir-Regolament huma f’konformità mal-opinjoni tal-Kumitat Permanenti dwar il-Katina Alimentari u s-Saħħa tal-Annimali,

ADOTTAT DAN IR-REGOLAMENT:

Artikolu 1

Emenda għar-Regolament (KE) Nru 798/2008

L-Anness I mar-Regolament (KE) Nru 798/2008 huwa emendat skont l-Anness ma’ dan ir-Regolament.

Artikolu 2

Emenda għar-Regolament (KE) Nru 1291/2008

L-Artikolu 1 tar-Regolament (KE) Nru 1291/2008 huwa sostitwit b’dan li ġej:

“Artikolu 1

Il-programmi ta’ kontroll ippreżentati mill-Kroazja lill-Kummissjoni fil-11 ta’ Marzu 2008 skont l-Artikolu 10(1) tar-Regolament (KE) Nru 2160/2003 huma b’dan approvati fir-rigward tas-Salmonella fil-qatgħat kollha tal-Gallus gallus.”

Artikolu 3

Korrezzjoni tar-Regolament (UE) Nru 925/2010

Fl-Anness II għar-Regolament (UE) Nru 925/2010, fl-annotazzjoni għall-Iżrael (IL-2), il-kolonna 7 hija kkoreġuta kif ġej:

(a)	fil-linja għaċ-ċertifikati veterinarji mudelli “BPR, BPP, DOC, DOR, HEP, HER, SRP”, id-data “1.5.2010” hija mibdula bl-ittra “A”;

(b)	fil-linja għaċ-ċertifikat veterinarju mudell ‘WGM’, l-“A” għandha titħassar.

Artikolu 4

Korrezzjoni għar-Regolament (UE) Nru 955/2010

Fl-Anness għar-Regolament (UE) Nru 955/2010, fil-punt (a), fil-kaxxa I.28 tal-Parti I taċ-ċertifikat veterinarju mudell għal-laħam tat-tjur (POU), il-kliem “Tip ta’ Trattament” tħassru.

Artikolu 5

Dħul fis-seħħ u applikabbiltà

Dan ir-Regolament għandu jidħol fis-seħħ fl-20 jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.

Huwa għandu japplika mill-1 ta’ Mejju 2011.

Madankollu, l-Artikolu 3 għandu japplika mill-5 ta’ Novembru 2010 u l-Artikolu 4 mill-1 ta’ Lulju 2011.

Dan ir-Regolament jorbot fl-intier tiegħu u japplika direttament fl-Istati Membri kollha.

Magħmul fi Brussell, it-13 ta’ April 2011.

Għall-Kummissjoni

Il-President

José Manuel BARROSO

(1) ĠU L 18, 23.1.2003, p. 11.

(2) ĠU L 325, 12.12.2003, p. 1.

(3) ĠU L 343, 22.12.2009, p. 74.

(4) ĠU L 226, 23.8.2008, p. 1.

(5) ĠU L 139, 30.4.2004, p. 55.

(6) ĠU L 340, 19.12.2008, p. 22.

(7) ĠU L 332, 18.12.2007, p. 81.

(8) Ara paġna 73 ta' dan il-Ġurnal Uffiċjali.

(9) ĠU L 272, 16.10.2010, p. 1.

(10) ĠU L 279, 23.10.2010, p. 3.

ANNESS

L-Anness I tar-Regolament (KE) Nru 798/2008 huwa emendat kif ġej:

(a)

il-Parti 1 hija emendata kif ġej:

(i)

l-annotazzjoni għall-Kroazja tinbidel b’dan li ġej:

“HR – il-Kroazja	HR-0	Il-pajjiż kollu	SPF
			BPR, BPP, DOR, DOC, HEP, HER, SRA, SRP	N	A	ST0”
			EP, E, POU, RAT, WGM	N

(ii)

l-annotazzjoni għat-Tuneżija hija sostitwita b’dan li ġej:

“TN – it-Tuneżija	TN-0	Il-pajjiż kollu	SPF
			DOR, BPR, BPP, HER		S0, ST0
			WGM	VIII
			EP, E, POU, RAT		S4”

(b)

Fil-Parti 2, il-mudell taċ-ċertifikat veterinarju għall-prodotti tal-bajd (EP) jinbidel b’dan li ġej:

“Ċertifikat veterinarju mudell għall-prodotti tal-bajd (EP)

Test ta 'immaġni

Parti II: Ċertifikazzjoni

PAJJIŻ

EP (prodotti tal-bajd)

II. Tagħrif dwar is-saħħa

II.a. Numru ta’ ċertifikat ta’ referenza

II.b.

II.1. Attestazzjoni tas-saħħa tal-annimali

Jiena, il-veterinarju uffiċjali sottoskritt, b’dan qed niċċertifika li l-prodotti tal-bajd deskritti f’dan iċ-ċertifikat ġejjin minn bajd li ġej minn stabbiliment li fid-data tal-ħruġ taċ-ċertifikat ma għandux l-influwenza tat-tjur b’patoġeniċità għolja kif definit fir-Regolament (KE) Nru 798/2008 u li

jew

(1) II.1.1 [f’raġġ ta’ 10 km, inkluż, fejn xieraq, it-territorju ta’ pajjiż ġar, ma faqqgħetx l-influwenza tat-tjur b’patoġeniċità għolja jew il-marda ta’ Newcastle għal tal-anqas it-30 jum ta’ qabel.]

jew

(1) II.1.2 [il-prodotti tal-bajd kienu pproċessati:

(1) jew [il-likwidu tal-abjad tal-bajd kien ittrattat:

(1) jew [b’temperatura ta’ 55,6 °C għal 870 sekonda.]

(1) jew [b’temperatura ta’ 56,7 °C għal 232 sekonda.]]

(1) jew [10 % tal-isfar tal-bajd immellaħ ġie ttrattat b’temperatura ta’ 62,2 °C għal 138 sekonda;]

(1) jew [l-abjad tal-bajd imnixxef kien ittrattat:

(1) jew [b’temperatura ta’ 67 °C għal 20 siegħa.]

(1) jew [b’temperatura ta’ 54,4 °C għal 513–il siegħa.]]

(1) jew [il-bajd sħaħ ġew ittrattati mill-inqas:

(1) jew [b’temperatura ta’ 60 °C għal 188 sekonda.]

(1) jew [msajjra kompletament.]]

(1) jew [it-taħlitiet tal-bajd sħiħ ġew ittrattati mill-inqas:

(1) jew [b’temperatura ta’ 60 °C għal 188 sekonda.]

(1) jew [b’temperatura ta’ 61,1 °C għal 94 sekonda.]]]

II.2. Attestazzjoni tas-saħħa pubblika

Jiena, il-veterinarju uffiċjali/spettur uffiċjali sottoskritt niddikjara li jiena konxju tad-dispożizzjonijiet rilevanti tar-Regolamenti (KE) Nru 178/2002, (KE) Nru 852/2004 u (KE) Nru 853/2004 u b’dan qed niċċertifika li l-prodotti tal-bajd deskritti f’dan iċ-ċertifikat inkisbu skont dawk ir-rekwiżiti, u b’mod partikolari li:

II.2.1 ġejjin minn stabbiliment(i) li jimplementa(w) programm ibbażat fuq il-prinċipji tal-HACCP skont ir-Regolament (KE) Nru 852/2004;

II.2.2 ġew prodotti minn materja prima li tissodisfa r-rekwiżiti tal-Kapitolu II (II) tat-Taqsima X tal-Anness III tar-Regolament (KE) Nru 853/2004;

II.2.3 ġew immanufatturati skont ir-rekwiżiti tal-iġjene stipulati fil-Kapitolu II (III) tat-Taqsima X tal-Anness III tar-Regolament (KE) Nru 853/2004;

II.2.4 jissodisfaw l-ispeċifikazzjonijiet analitiċi fil-Kapitolu II (IV) tat-Taqsima X tal-Anness III tar-Regolament (KE) Nru 853/2004 u l-kriterji rilevanti fir-Regolament (KE) Nru 2073/2005 dwar il-kriterji mikrobijoloġiċi għall-oġġetti tal-ikel;

II.2.5 ġew immarkati b’marka ta’ identifikazzjoni skont it-Taqsima I tal-Anness II u l-Kapitolu II (V) tat-Taqsima X tal-Anness III għar-Regolament (KE) Nru 853/2004;

II.2.6 il-garanziji li jkopru l-annimali ħajjin u l-prodotti tagħhom ipprovduti mill-pjanijiet dwar ir-residwi li ġew ippreżentati skont id-Direttiva 96/23/KE, u b’mod partikolari l-Artikolu 29 tagħha, ġew sodisfatti.

Test ta 'immaġni

Top

Choose the experimental features you want to try