Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32019D1678

Deċiżjoni ta’ Implimentazzjoni tal-Kummissjoni (UE) 2019/1678 tal-4 ta’ Ottubru 2019 li temenda d-Deċiżjoni 2009/821/KE fir-rigward tal-listi ta’ postijiet ta’ spezzjoni fil-fruntiera u tal-unitajiet veterinarji fi TRACES (notifikata bid-dokument C(2019) 7067) (Test b’rilevanza għaż-ŻEE)

C/2019/7067

ĠU L 257, 8.10.2019, p. 21–24 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document No longer in force, Date of end of validity: 13/12/2019; Impliċitament imħassar minn

ELI: http://data.europa.eu/eli/dec_impl/2019/1678/oj

8.10.2019   

MT

Il-Ġurnal Uffiċjali tal-Unjoni Ewropea

L 257/21

DEĊIŻJONI TA’ IMPLIMENTAZZJONI TAL-KUMMISSJONI (UE) 2019/1678

tal-4 ta’ Ottubru 2019

li temenda d-Deċiżjoni 2009/821/KE fir-rigward tal-listi ta’ postijiet ta’ spezzjoni fil-fruntiera u tal-unitajiet veterinarji fi TRACES

(notifikata bid-dokument C(2019) 7067)

(Test b’rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Direttiva tal-Kunsill 90/425/KEE tas-26 ta’ Ġunju 1990 dwar l-iċċekkjar veterinarju applikabbli għall-kummerċ intra-Unjoni ta’ ċertu annimali ħajjin u prodotti bil-ħsieb tat-tlestija tas-suq intern (1), u b’mod partikolari l-Artikolu 20(1) u (3) tagħha,

Wara li kkunsidrat id-Direttiva tal-Kunsill 91/496/KEE tal-15 ta’ Lulju 1991 li tistabbilixxi l-prinċipji li jirregolaw l-organizzazzjoni ta’ kontrolli veterinarji fuq annimali li jidħlu fil-Komunità minn pajjiżi terzi u li temenda d-Direttivi 89/662/KEE, 90/425/KEE u 90/675/KEE (2), u b’mod partikolari t-tieni subparagrafu tal-Artikolu 6(4) u l-Artikolu 6(5) tagħha,

Wara li kkunsidrat id-Direttiva tal-Kunsill 97/78/KE tat-18 ta’ Diċembru 1997 li tistabbilixxi l-prinċipji li jirregolaw l-organizzazzjoni tal-verifiki veterinarji fuq prodotti li jidħlu fil-Komunità minn pajjiżi terzi (3), u b’mod partikolari l-Artikolu 6(2) tagħha,

Billi:

(1)

Id-Deċiżjoni tal-Kummissjoni 2009/821/KE (4) tistabbilixxi l-lista ta’ postijiet ta’ spezzjoni fuq il-fruntiera approvati skont id-Direttivi 91/496/KEE u 97/78/KE u l-lista ta’ unitajiet ċentrali, reġjonali u lokali fis-sistema veterinarja kompjuterizzata integrata (TRACES). Dawk il-listi huma stabbiliti rispettivament fl-Anness I u fl-Anness II ta’ dik id-Deċiżjoni.

(2)

Wara l-proposta mill-Belġju, jenħtieġ li l-approvazzjoni tal-postijiet ta’ spezzjoni fil-fruntiera fil-port ta’ Antwerp u fil-port ta’ Zeebrugge tiġi estiża għall-prodotti mhux ippakkjati għall-konsum mill-bniedem. Għalhekk, jixraq li l-lista tal-entrati għal dak l-Istat Membru stabbilita fl-Anness I tad-Deċiżjoni 2009/821/KE tiġi emendata skont dan.

(3)

Wara l-proposta mid-Danimarka, jenħtieġ li ċentru ta’ spezzjoni ġdid jiġi elenkat fil-post ta’ spezzjoni fil-fruntiera fil-port ta’ Skagen għall-ispezzjoni ta’ prodotti sekondarji mill-annimali. Għalhekk, jixraq li l-lista tal-entrati għal dak l-Istat Membru stabbilita fl-Anness I tad-Deċiżjoni 2009/821/KE tiġi emendata skont dan.

(4)

Wara l-proposta minn Spanja, jenħtieġ li post ġdid ta’ spezzjoni fil-fruntiera fil-port ta’ Ferrol jiġi approvat għall-prodotti ppakkjati għall-konsum mill-bniedem. Barra minn hekk, jenħtieġ li titneħħa s-sospensjoni tal-post ta’ spezzjoni fil-fruntiera fil-port ta’ Santander għall-prodotti mhux għall-konsum mill-bniedem u ta’ wieħed miċ-ċentri ta’ spezzjoni tal-post ta’ spezzjoni fil-fruntiera fil-port ta’ Vigo. Għalhekk, jixraq li l-lista tal-entrati għal dak l-Istat Membru stabbilita fl-Anness I tad-Deċiżjoni 2009/821/KE tiġi emendata skont dan.

(5)

Wara l-proposta mill-Italja u l-ispezzjoni sodisfaċenti mwettqa mill-Kummissjoni, il-post il-ġdid ta’ spezzjoni fil-fruntiera fl-ajruport ta’ Verona jenħtieġ li jiġi approvat għall-prodotti ppakkjati għall-konsum mill-bniedem. Għalhekk, jenħtieġ li l-lista tal-entrati għal dak l-Istat Membru stabbilita fl-Anness I tad-Deċiżjoni 2009/821/KE tiġi emendata skont dan.

(6)

Wara komunikazzjoni mill-Finlandja, l-entrata għall-post ta’ spezzjoni fil-fruntiera fil-port ta’ Hamina jenħtieġ li titħassar mil-lista stabbilita fl-Anness I tad-Deċiżjoni 2009/821/KE.

(7)

Wara komunikazzjoni mill-Iżvezja, jenħtieġ li tingħata deroga fir-rigward tal-persunal responsabbli mit-twettiq tal-kontrolli u għall-ħruġ ta’ ċertifikati fil-post ta’ spezzjoni fil-fruntiera fil-port ta’ Helsingborg. Għalhekk, jixraq li l-lista tal-entrati għal dak l-Istat Membru stabbilita fl-Anness I tad-Deċiżjoni 2009/821/KE tiġi emendata skont dan.

(8)

Il-Ġermanja għarrfet lill-Kummissjoni li, wara ristrutturar amministrattiv, jenħtieġ li jsiru ċerti bidliet fil-lista ta’ unitajiet lokali fi TRACES għal dak l-Istat Membru. Għaldaqstant huwa xieraq li l-Anness II tad-Deċiżjoni 2009/821/KE jiġi emendat skont dan.

(9)

Il-miżuri previsti f’din id-Deċiżjoni huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

ADOTTAT DIN ID-DEĊIŻJONI:

Artikolu 1

L-Annessi I u II tad-Deċiżjoni 2009/821/KE huma emendati f’konformità mal-Anness ta’ din id-Deċiżjoni.

Artikolu 2

Din id-Deċiżjoni hija indirizzata lill-Istati Membri.

Magħmul fi Brussell, l-4 ta’ Ottubru 2019.

Għall-Kummissjoni

Vytenis ANDRIUKAITIS

Membru tal-Kummissjoni

(1)  ĠU L 224, 18.8.1990, p. 29.

(2)  ĠU L 268, 24.9.1991, p. 56.

(3)  ĠU L 24, 30.1.1998, p. 9.

(4)  Id-Deċiżjoni tal-Kummissjoni 2009/821/KE tat-28 ta’ Settembru 2009 Tfassil ta’ lista approvata ta’ postijiet ta’ spezzjoni fuq il-fruntiera, li tistabbilixxi ċerti regoli dwar l-ispezzjonijiet imwettqa mill-esperti veterinarji tal-Kummissjoni u tistabbilixxi l-unitajiet veterinarji fi TRACES (ĠU L 296, 12.11.2009, p. 1).

ANNESS

L-Annessi I u II tad-Deċiżjoni 2009/821/KE huma emendati kif ġej:

(1)

L-Anness I huwa emendat kif ġej:

(a)

in-nota li ġejja tiżdied mar-rimarki speċjali:

“(16) = Minbarra karkassi ta’ ungulati.”

(b)

il-parti li tikkonċerna lill-Belġju hija emendata kif ġej:

(i)

l-entrata għall-port ta’ Antwerp hija sostitwita b’dan li ġej:

“Antwerpen

Anvers

BE ANR 1

P

GIP LO

HC(16), NHC

 

Afrulog

HC(2), NHC”

 

(ii)

l-entrata għall-port ta’ Zeebrugge hija sostitwita b’dan li ġej:

“Zeebrugge

BE ZEE 1

P

 

HC(16), NHC(2)”

 

(c)

fil-parti li tikkonċerna lid-Danimarka, l-entrata għall-port ta’ Skagen hija sostitwita b’dan li ġej:

“Skagen

DK SKA 1

P

BIP

HC-(FR)(1)(2)(3), NHC(6)

 

IC

NHC-NT(4)(6)”

 

(d)

il-parti li tikkonċerna lil Spanja hija emendata kif ġej:

(i)

l-entrata li ġejja għall-port ta’ Ferrol tiddaħħal wara l-entrata għal Ciudad Real:

“Ferrol

ES FRO 1

P

 

HC(2)”

 

(ii)

l-entrata għall-port ta’ Santander hija sostitwita b’dan li ġej:

“Santander

ES SDR 1

P

 

NHC-NT”

 

(iii)

l-entrata għall-port ta’ Vigo hija sostitwita b’dan li ġej:

“Vigo

ES VGO 1

P

T.C. Guixar

HC, NHC-T(FR), NHC-NT

 

Frioya

HC-T(FR)(2)(3)

 

Frigalsa

HC-T(FR)(3)

 

Pescanova

HC-T(FR)(2)(3)

 

Fandicosta

HC-T(FR)(2)(3)

 

Frig. Morrazo

HC-T(FR)(3)”

 

(e)

fil-parti li tikkonċerna l-Italja, l-entrata li ġejja għall-ajruport ta’ Verona tiddaħħal wara l-entrati għal Venezja:

“Verona

IT VRN 4

A

 

HC(2)”

 

(f)

fil-parti li tikkonċerna lill-Finlandja, titħassar l-entrata għall-port ta’ Hamina.

(g)

fil-parti li tikkonċerna lill-Iżvezja, l-entrata għall-port ta’ Helsingborg hija sostitwita b’dan li ġej:

“Helsingborg

SE HEL 1

P

 

HC(1)(2), NHC-T(FR)(2), NHC-NT(2)’

 

(2)

L-Anness II huwa emendat kif ġej:

Fil-parti li tikkonċerna lill-Ġermanja, taħt it-taqsima “DE00010 SAARLAND”, jitħassru l-entrati għall-unitajiet “DE38210 REGIONALSTELLE MITTE” u “DE38310 REGIONALSTELLE WEST”.
Top