This document is an excerpt from the EUR-Lex website
Document 32005R0919
Council Regulation (EC) No 919/2005 of 13 June 2005 amending Regulation (EC) No 827/2004 as regards the prohibition of imports of Atlantic bigeye tuna from Cambodia, Equatorial Guinea and Sierra Leone, and repealing Regulation (EC) No 826/2004 prohibiting imports of blue-fin tuna from Equatorial Guinea and Sierra Leone and Regulation (EC) No 828/2004 prohibiting imports of swordfish from Sierra Leone
Regolament tal-Kunsill (KE) Nru 919/2005 tat- 13 ta' Ġunju 2005 li jemenda r-Regolament (KE) Nru 827/2004 fir-rigward tal-projbizzjoni ta' l-importazzjoni tat-tonn t' għajnu kbira ta' l-atlantiku impurtat mill-Kambodja, mill-Ginea Ekwatorjali u mis-Sierra Leone, u li jħassar ir-Regolament (KE) Nru 826/2004 li jiprojbixxi l-importazzjoni tat-tonn tax-xewka kaħla mill-Ginea Ekwatorjali u mis-Sierra Leone u r-Regolament (KE) Nru 828/2004 li jiprojbixxi l-importazzjoni tal-pixxispad mis-Sierra Leone
Regolament tal-Kunsill (KE) Nru 919/2005 tat- 13 ta' Ġunju 2005 li jemenda r-Regolament (KE) Nru 827/2004 fir-rigward tal-projbizzjoni ta' l-importazzjoni tat-tonn t' għajnu kbira ta' l-atlantiku impurtat mill-Kambodja, mill-Ginea Ekwatorjali u mis-Sierra Leone, u li jħassar ir-Regolament (KE) Nru 826/2004 li jiprojbixxi l-importazzjoni tat-tonn tax-xewka kaħla mill-Ginea Ekwatorjali u mis-Sierra Leone u r-Regolament (KE) Nru 828/2004 li jiprojbixxi l-importazzjoni tal-pixxispad mis-Sierra Leone
ĠU L 156, 18.6.2005, p. 1–2
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV) Dan id-dokument ġie ppubblikat f’edizzjoni(jiet) speċjali
(BG, RO, HR)
ĠU L 164M, 16.6.2006, p. 182–183
(MT)
No longer in force, Date of end of validity: 26/03/2014; Impliċitament imħassar minn 32014R0249
16.6.2006 |
MT |
Il-Ġurnal Uffiċjali ta’ l-Unjoni Ewropea |
182 |
REGOLAMENT TAL-KUNSILL (KE) Nru 919/2005
tat-13 ta' Ġunju 2005
li jemenda r-Regolament (KE) Nru 827/2004 fir-rigward tal-projbizzjoni ta' l-importazzjoni tat-tonn t' għajnu kbira ta' l-atlantiku impurtat mill-Kambodja, mill-Ginea Ekwatorjali u mis-Sierra Leone, u li jħassar ir-Regolament (KE) Nru 826/2004 li jiprojbixxi l-importazzjoni tat-tonn tax-xewka kaħla mill-Ginea Ekwatorjali u mis-Sierra Leone u r-Regolament (KE) Nru 828/2004 li jiprojbixxi l-importazzjoni tal-pixxispad mis-Sierra Leone
IL-KUNSILL TA’ L-UNJONI EWROPEA,
Wara li kkunsidra t-Trattat li jistabbilixxi l-Komunità Ewropea, u b'mod partikolari l-Artikolu 133 tiegħu,
Wara li kkunsidra l-proposta mill-Kummissjoni,
Billi:
(1) |
Il-Komunità ilha Parti Kontraenti għall-Konvenzjoni Internazzjonali għall-Konservazzjoni tat-Tonn Atlantiku ffirmata f’ Rio de Janeiro fl-14 ta’ Mejju 1966, kif emendata mill-Protokoll anness ma’ l-Att Finali tal-Konferenza ta’ Plenipotenzjarji ta’ l-Istati li huma Partijiet għall-Konvenzjoni ffirmata f’Pariġi fl-10 ta’ Lulju 1984 (“il-Konvenzjoni ICCAT”) sa mill-14 ta’ Novembru 1997, wara l-adozzjoni tad-Deċiżjoni tal-Kunsill 86/238/KEE (1) |
(2) |
Il-Konvenzjoni ICCAT tipprovdi qafas għal kooperazzjoni reġjonali fil-konservazzjoni u l-ġestjoni tat-tonn u l-ispeċi li jixbaħ it-tonn fl-Oċean Atlantiku u l-ibħra li jmissu miegħu permezz tal-ħolqien ta’ Kummissjoni Internazzjonali għall-Konservazzjoni tat-Tonn Atlantiku (“l-ICCAT”) u l-adozzjoni minn dan il-korp ta’ miżuri ta’ konservazzjoni u ġestjoni li jorbtu lill-Partijiet Kontraenti. |
(3) |
Fl-1998, l-ICCAT adottat ir-risoluzzjoni 98-18 dwar il-qabdiet ta' tonn mhux dikjarati u mhux skond ir-regolamenti minn bastimenti kbar li jużaw il-konzijiet fiż-żona ta’ Konservazzjoni. Din ir-risoluzzjoni tistabbilixxi proċeduri għall-identifikazzjoni ta’ pajjiżi li l-bastimenti tagħhom kienu stadu għat-tonn u għal speċi li jixbaħ it-tonn b’mod li naqqas l-effetività tal-miżuri ta’ konservazzjoni u ġestjoni ta’ l-ICCAT. Din speċifikat ukoll miżuri li għandhom jittieħdu, li jinkludu jekk meħtieġ miżuri restrittivi tal-kummerċ mhux diskriminatorji fil-forma ta’ projbizzjonijiet ta' l-importazzjoni, sabiex iżżomm lil dawk il-bastimenti tal-pajjiżi milli jkomplu din l-attività ta’ sajd. |
(4) |
Mill-adozzjoni tar-risoluzzjoni 98-18, l-ICCAT identifikat il-Bolivja, il-Kambodja, il-Ginea Ekwatorjali, il-Ġeorġia u s-Sierra Leone bħala pajjiżi li l-bastimenti tagħhom jistadu għat-tonn t' għajnu kbira ta’ l-Atlantiku (Thunnus obesus) b’mod li jnaqqas l-effettività tal-miżuri ta’ konservazzjoni u ġestjoni ta’ l-organizzazzjoni u li jsaħħu l-konklużjonijiet tagħha b’data rigward il-qabdiet, il-kummerċ u l-attivitajiet tal-bastimenti. |
(5) |
L-ICCAT identifikat ukoll il-Ginea Ekwatorjali u s-Sierra Leone bħala pajjiżi li l-bastimenti tagħhom jistadu għat-tonn tax-xeka kaħla ta’ l-Atlantiku (Thunnus thynnus) b’mod li jnaqqas l-effettività tal-miżuri ta’ konservazzjoni u ġestjoni ta’ l-organizzazzjoni. |
(6) |
L-ICCAT apparti hekk identifikat is-Sierra Leone bħala pajjiż li l-bastimenti tiegħu jistadu għall-pixxispad ta' l-Atlantiku (Xiphias gladius) b’mod li jnaqqas l-effettività tal-miżuri ta’ konservazzjoni u ġestjoni tagħha. |
(7) |
L-importazzjonijiet ta’ tonn t' għajnu kbira ta’ l-Atlantiku li joriġinaw fil-Bolivja, Kambodja, Ginea Ekwatorjali, Ġeorġia u s-Sierra Leone fil-preżent huma projbiti mir-Regolament (KE) Nru 827/2004 (2). |
(8) |
L-importazzjonijiet ta’ tonn tax-xewka kaħla ta’ l-Atlantiku li joriġinaw fil-Bolivja, Kambodja, Ginea Ekwatorjali, Ġeorġia u s-Sierra Leone fil-preżent huma projbiti mir-Regolament (KE) Nru 826/2004 (3). |
(9) |
L-importazzjonijiet tal-pixxispad ta’ l-Atlantiku li joriġinaw fis-Sierra Leone fil-preżent huma fil-preżent projbiti mir-Regolament (KE) Nru 828/2004 (4). |
(10) |
Fl-14-il Laqgħa Speċjali fl-2004, l-ICCAT għarfet l-isforzi magħmula mill-Kambodja, Ginea Ekwatorjali u s-Sierra Leone biex jindirizzaw it-tħassib tagħha u adottat rakkomandazzjonijiet biex tneħħi miżuri restrittivi tal-kummerċ fil-konfront ta’ dawn it-tliet pajjiżi. |
(11) |
Ir-Reġolament (KE) Nru 827/2004 għandu għalhekk jiġi emendat. |
(12) |
Ir-Regolamenti (KE) Nru 826 u 828/2004 għandhom għalhekk jiġu mħassra, |
ADOTTA DAN IR-REGOLAMENT:
Artikolu 1
Ir-Regolament (KE) Nru 827/2004 qiegħed hawn jiġi emendat kif ġej:
1) |
Fl-Artikolu 2(1), “il-Kambodja, il-Ginea Ekwatorjali u s-Sierra Leone” g]andha tiġi mħassra; |
2) |
Fl-Artikolu 3 “Il-Bolivja, il-Ġeorġia u s-Sierra Leone” għandha tiġi mibdula minn “il-Bolivja u l-Ġeorġia”. |
Artikolu 2
Ir-Regolamenti (KE) Nru 826 u 828/2004 għandhom jiġu mħassra.
Artikolu 3
Dan ir-Regolament għandu jidħol fis-seħħ fis-seba’ jum wara l-jum tal-pubblikazzjoni tiegħu fil-Ġurnal Uffiċjali ta’ l-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussel, 13 ta' Ġunju 2005.
Għall-Kunsill
Il-President
J. ASSELBORN
(1) ĠU L 162, tat-18.6.1986, p. 33.
(2) ĠU L 127, tad-29.4.2004, p. 21.
(3) ĠU L 127, tad-29.4.2004, p. 19.
(4) ĠU L 127, tad-29.4.2004, p. 23.