Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62012TN0406

Kawża T-406/12 P: Appell ippreżentat fil- 21 ta’ Marzu 2013 minn BG mis-sentenza mogħtija mit-Tribunal għas-Servizz Pubbliku fis- 17 ta’ Lulju 2012 fil-Kawża F-54/11, BG vs L-Ombudsman

ĠU C 156, 1.6.2013, p. 44–44 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

1.6.2013   

MT

Il-Ġurnal Uffiċjali tal-Unjoni Ewropea

C 156/44

Appell ippreżentat fil-21 ta’ Marzu 2013 minn BG mis-sentenza mogħtija mit-Tribunal għas-Servizz Pubbliku fis-17 ta’ Lulju 2012 fil-Kawża F-54/11, BG vs L-Ombudsman

(Kawża T-406/12 P)

2013/C 156/82

Lingwa tal-kawża: il-Franċiż

Partijiet

Appellanti: BG (Strasbourg, Franza) (rappreżentanti: L. Levi u A. Blot, avukati)

Parti l-oħra fil-proċedura: L-Ombudsman Ewropew

Talbiet tal-appellanti

—

tannulla s-sentenza tat-Tribunal għas-Servizz Pubbliku tal-Unjoni Ewropea tas-17 ta’ Lulju 2012 fil-Kawża F-54/11;

—

konsegwentement, tagħti lir-rikorrenti l-benefiċċju tat-talbiet tagħha fl-ewwel istanza u, b’hekk

—

prinċipalment, ir-reintegrazzjoni tagħha, b’mod retroattiv għad-data meta daħlet fis-seħħ id-deċiżjoni ta’ revoka, fil-pożizzjoni tagħha bħala amministratur fil-grad A5 skala 2, u l-ħlas tad-drittijiet finanzjarji li huma dovuti lilha fuq dan il-perijodu kollu, flimkien mal-interessi moratorji bir-rata tal-BĊE miżjuda b’żewġ punti;

—

sussidjarjament, l-għoti tas-somma korrispondenti għar-remunerazzjoni li kienet tirċievi mid-data meta daħlet fis-seħħ ir-revoka tagħha f’Awwissu 2010 sax-xahar meta tikseb l-età tal-irtirar, f’Lulju 2040, u r-regolarizzazzjoni rispettiva tad-drittijiet għall-pensjoni tar-rikorrenti;

—

f’kull każ, l-għoti tas-somma ta’ Eur 65 000 għad-dannu morali subit;

—

tikkundanna lill-parti l-oħra fil-kawża għall-ispejjeż;

—

tikkundanna lill-appellat għall-ispejjeż kollha taż-żewġ istanzi.

Aggravji u argumenti prinċipali

Insostenn tal-appell tagħha, l-appellanti tinvoka erba’ aggravji.

(1)

L-ewwel aggravju bbażat fuq żnaturament tal-proċess matul l-istħarriġ imwettaq mit-Tribunal għas-Servizz Pubbliku tal-osservanza tal-proċedura dixxiplinari u b’mod partikolari l-ksur tal-Artikolu 25 tal-Anness IX tar-Regolamenti tal-Persunal tal-Unjoni Ewropea, peress li t-Tribunal għas-Servizz Pubbliku interpreta b’mod żbaljat il-kunċett ta’ “proċeduri kriminali” (dwar il-punti 68 et seq tas-sentenza appellata).

(2)

It-tieni aggravju bbażat fuq ksur tal-istħarriġ tal-obbligu ta’ motivazzjoni u fuq żnaturament tal-proċess, peress li t-Tribunal għas-Servizz Pubbliku kkonkluda li l-Ombudsman ma kisirx l-obbligu ta’ motivazzjoni filwaqt li injora l-opinjoni tal-Bord Dixxiplinari (dwar il-punti 102 u 103 tas-sentenza appellata).

(3)

It-tielet aggravju bbażat fuq nuqqas ta’ stħarriġ tal-iżball manifest ta’ evalwazzjoni, fuq ksur tal-prinċipju ta’ proporzjonalità kif ukoll fuq żnaturament tal-proċess, peress li t-Tribunal għas-Servizz Pubbliku kkonkluda li l-Ombudsman ma kisirx il-prinċipju ta’ proporzjonalità meta impona fuq ir-rikorrenti l-iktar sanzjoni iebsa stabbilita fir-Regolamenti tal-Persunal (dwar il-punti 115 sa 130 tas-sentenza appellata).

(4)

Ir-raba’ aggravju bbażat fuq ksur tal-istħarriġ tal-osservanza tal-prinċipju ta’ ugwaljanza bejn irġiel u nisa u fuq ksur tal-obbligu ta’ motivazzjoni mit-Tribunal għas-Servizz Pubbliku, peress li t-Tribunal għas-Servizz Pubbliku ma eżaminax jekk l-istat tat-tqala tal-appellanti, li miegħu huwa marbut l-aġir tiegħu, wassalx jew kienx jikkostitwixxi diskriminazzjoni indiretta kontra l-appellanti (dwar il-punti 139 et seq tas-sentenza appellata).
Top