This document is an excerpt from the EUR-Lex website
Document 32011R1259
Commission Regulation (EU) No 1259/2011 of 2 December 2011 amending Regulation (EC) No 1881/2006 as regards maximum levels for dioxins, dioxin-like PCBs and non dioxin-like PCBs in foodstuffs Text with EEA relevance
Regolament tal-Kummissjoni (UE) Nru 1259/2011 tat- 2 ta’ Diċembru 2011 li jemenda r-Regolament (KE) Nru 1881/2006 fir-rigward ta’ livelli massimi għad-diossini, PCBs simili għad-diossini u PCBs mhux simili għad-diossini fl-oġġetti tal-ikel Test b’relevanza għaż-ŻEE
Regolament tal-Kummissjoni (UE) Nru 1259/2011 tat- 2 ta’ Diċembru 2011 li jemenda r-Regolament (KE) Nru 1881/2006 fir-rigward ta’ livelli massimi għad-diossini, PCBs simili għad-diossini u PCBs mhux simili għad-diossini fl-oġġetti tal-ikel Test b’relevanza għaż-ŻEE
ĠU L 320, 3.12.2011, p. 18–23
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
No longer in force, Date of end of validity: 24/05/2023; Impliċitament imħassar minn 32023R0915
Relation | Act | Comment | Subdivision concerned | From | To |
---|---|---|---|---|---|
Modifies | 32006R1881 | Emenda | anness | 01/01/2012 | |
Modifies | 32006R1881 | Sostituzzjoni | artikolu 7.4 | 01/01/2012 | |
Modifies | 32006R1881 | Żieda | artikolu 7.5 | 01/01/2012 | |
Modifies | 32006R1881 | Sostituzzjoni | artikolu 7 titolu | 01/01/2012 |
Relation | Act | Comment | Subdivision concerned | From | To |
---|---|---|---|---|---|
Corrected by | 32011R1259R(01) | (IT, EL) | |||
Corrected by | 32011R1259R(02) | (PL) | |||
Implicitly repealed by | 32023R0915 | 25/05/2023 |
3.12.2011 |
MT |
Il-Ġurnal Uffiċjali tal-Unjoni Ewropea |
L 320/18 |
REGOLAMENT TAL-KUMMISSJONI (UE) Nru 1259/2011
tat-2 ta’ Diċembru 2011
li jemenda r-Regolament (KE) Nru 1881/2006 fir-rigward ta’ livelli massimi għad-diossini, PCBs simili għad-diossini u PCBs mhux simili għad-diossini fl-oġġetti tal-ikel
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KEE) Nru 315/93 tat-8 ta’ Frar 1993 li jistabbilixxi proċeduri tal-Komunità għall-kontaminanti fl-ikel (1), u b'mod partikulari l-Artikolu 2(3) tiegħu,
Billi:
(1) |
Ir-Regolament tal-Kummissjoni (KE) Nru 1881/2006 tad-19 ta’ Diċembru 2006 li jistabbilixxi livelli massimi ta’ ċerti kontaminanti fl-oġġetti tal-ikel (2) jistabbilixxi livelli massimi għad-diossini u PCBs simili għad-diossini f'varjetà ta’ oġġetti tal-ikel. |
(2) |
Id-diossini huma parti minn grupp ta’ 75 konġeneru ta’ dibenżo-p-diossina poliklorinata (PCDD) u 135 konġeneru ta’ dibenżofuran poliklorinat (PCDF), li 17 minnhom huma ta’ tħassib tossikoloġiku. Il-poliklorobifenili (PCBs) huma grupp ta’ 209 konġeneru differenti li jistgħu jinqasmu f'żewġ gruppi skont il-proprjetajiet tossikoloġiċi tagħhom: 12-il konġeneru għandhom proprjetajiet tossikoloġiċi simili għad-diossini u għaldaqstant ħafna drabi jissejħu “PCBs simili għad-diossini” (DL-PCB). Il-PCBs l-oħra ma għandhomx tossiċità simili għad-diossina iżda għandhom profil tossikoloġiku differenti u huma msejħa bħala “PCB mhux simili għad-diossina” (NDL-PCB). |
(3) |
Kull konġeneru ta’ diossini jew DL-PCBs għandhom livell differenti ta’ tossiċità. Sabiex tkun tista' tiġi kkalkulata t-tossiċità ta’ dawn id-diversi konġeneri, ġie introdott il-kunċett ta’ fatturi ta’ ekwivalenza tossikoloġika (TEFs) biex jiġu ffaċilitati l-valutazzjoni tar-riskju u l-kontroll regolatorju. Dan ifisser li r-riżultati analitiċi li jirrigwardaw il-konġeneri individwali kollha tad-diossini u PCBs simili għad-diossini ta’ tħassib tossikoloġiku huma espressi fit-termini ta’ unità kwantifikabbli, jiġifieri l-ekwivalenza tossikoloġika tat-TCDD (TEQ). |
(4) |
L-Organizzazzjoni Dinjija tas-Saħħa (WHO) organizzat sessjoni ta’ ħidma għall-esperti mit-28 sat-30 ta’ Ġunju 2005 dwar il-valuri tat-TEF, li id-WHO kienet qablet dwarhom fl-1998. Inbidlu għadd ta’ valuri tat-TEF, b'mod partikolari għall-PCBs, il-konġeneri ottaklorinati u l-furani pentaklorinati. Id-dejta dwar l-effett tal-valuri tat-TEF il-ġodda u l-okkorenza riċenti huma miġbura fir-rapport xjentifiku tal-Awtorità Ewropea dwar is-Sigurtà fl-Ikel (EFSA) “Results of the monitoring of dioxin levels in food and feed” (3). Għaldaqstant, huwa xieraq li jiġu riveduti l-livelli massimi tal-PCBs filwaqt li tiġi kkunsidrata din id-dejta l-ġdida. |
(5) |
Fuq talba mill-Kummissjoni, il-Panel Xjentifiku dwar il-Kontaminanti fil-Katina Alimentari tal-EFSA adotta opinjoni dwar il-preżenza ta’ NDL-PCBs fl-għalf u fl-ikel (4). |
(6) |
L-ammont tas-sitt PCBs markaturi jew indikaturi (PCB 28, 52, 101, 138, 153 u 180) jinkludi madwar nofs l-ammont tat-total ta’ NDL-PCB li huwa preżenti fl-għalf u fl-ikel. Dak l-ammont huwa kkunsidrat bħala marka xierqa għall-okkorenza u l-esponiment uman għall-NDL-PCB u għaldaqstant għandu jiġi stabbilit bħala livell massimu. |
(7) |
Il-livelli massimi ġew stabbiliti filwaqt li ġiet ikkunsidrata okkurenza riċenti ta’ dejta miġbura mir-rapport xjentifiku tal-EFSA “Riżultati tal-monitoraġġ ta’ PCBs mhux simili għad-diossina fl-ikel u fl-għalf” (5). Għalkemm huwa possibbli li jinkisbu limiti aktar baxxi ta’ kwantifikazzjoni (LOQ), jista' jiġi osservat li numru konsiderevoli ta’ laboratorji japplikaw LOQ ta’ 1 μg/kg ta’ xaħam jew saħansitra 2 μg/kg ta’ xaħam. Jekk jiġu stabbiliti livelli massimi li huma stretti ħafna anki jekk ma ġie kwantifikat l-ebda PCB, meta wieħed jesprimi r-riżultat analitiku bħala livell ta’ fuq, f'xi każijiet dan se jirriżulta f'livell viċin il-livell massimu. Ġie rikonoxxut ukoll li għal ċerti kategoriji tal-ikel id-dejta ma kinitx estensiva ħafna. Għaldaqstant, ikun xieraq li jiġu riveduti l-livelli massimi fi żmien tliet (3) snin, ibbażati fuq bażi ta’ dejta aktar estensiva miksuba b'metodu ta’ analiżi b'livell ta’ sensittività li huwa suffiċjenti għal livelli baxxi ta’ kwantifikazzjoni. |
(8) |
Ingħataw derogi lill-Finlandja u lill-Isvezja biex iqiegħdu fis-suq ħut li joriġina fir-reġjun Baltiku u li hu maħsub għall-konsum fit-territorju tagħhom b'livelli ta’ diossina ogħla mil-livelli massimi stabbiliti għad-diossini u l-ammont ta’ diossini u DL-PCBs fil-ħut. Dawk l-Istati Membri ssodisfaw il-kundizzjonijiet fir-rigward tad-dispożizzjonijiet tat-tagħrif lill-konsumaturi dwar ir-rakkomandazzjonijiet tad-dieta. Kull sena l-Finlandja u l-Isvezja jirrappurtaw lill-Kummissjoni r-riżultati tal-monitoraġġ tagħhom tal-livelli tad-diossini fil-ħut mir-reġjun Baltiku u l-miżuri għat-trażżin tal-esponiment tal-bniedem għad-diossini mir-reġjun Baltiku. |
(9) |
Fuq il-bażi tar-riżultati tal-livelli ta’ monitoraġġ tad-diossini u DL-PCBs li saru mill-Finlandja u mill-Isvezja, id-deroga mogħtija tista' tkun limitata għal ċerti speċi ta’ ħut. Meta wieħed iżomm f'moħħu l-preżenza persistenti ta’ diossini u ta’ PCBs fl-ambjent u konsegwentament fil-ħut, huwa xieraq li tingħata din id-deroga mingħajr limitu ta’ żmien. |
(10) |
Fir-rigward ta’ salamun selvaġġ maqbud, il-Latvja talbet deroga simili bħal dik li ngħatat lill-Finlandja u l-Isvezja. Għal dak il-għan, il-Latvja wriet li l-esponiment tal-bniedem għad-diossini u DL-PCBs fit-territorju tagħha mhuwiex ogħla mill-ogħla livell medju fi kwalunkwe Stat Membru u li għandha sistema sew sabiex tiżgura li l-konsumaturi huma infurmati bi sħiħ dwar ir-rakkomandazzjonijiet tad-dieta fir-rigward ta’ restrizzjonijiet dwar il-konsum tal-ħut mir-reġjun Baltiku minn taqsimiet vulnerabbli tal-populazzjoni li huma identifikati sabiex jevitaw riskji potenzjali għas-saħħa. Barra minn hekk, għandu jitwettaq il-monitoraġġ tal-livelli ta’ diossini u DL-PCBs fil-ħut mir-reġjun Baltiku u r-riżultati u l-miżuri li ttieħdu biex jitnaqqas l-esponiment tal-bniedem għal diossini u DL-PCBs minn ħut mir-reġjun Baltiku għandhom jiġu rrapurtati lill-Kummissjoni. Il-miżuri meħtieġa ġew implimentati sabiex ikun aċċertat li l-ħut u l-prodotti tal-ħut li ma jikkonformawx mal-livelli massimi tal-UE għal PCBs ma jitqiegħdux fis-suq fi Stati Membri oħrajn. |
(11) |
Meta wieħed jikkunsidra li l-mudell ta’ kontaminazzjoni ta’ NDL-PCBs fil-ħut mir-reġjun Baltiku juri xebh mal-kontaminazzjoni ta’ diossini u ta’ DL-PCBs u meta wieħed jikkunsidra li l-NDL-PCBs huma wkoll persistenti ħafna fl-ambjent, huwa xieraq li tingħata deroga simili fir-rigward tal-preżenza tal-NDL-PCBs għal dik għal diossini u DL-PCBs fil-ħut mir-reġjun Baltiku. |
(12) |
L-EFSA ntalbet tagħti opinjoni xjentifika fir-rigward tal-preżenza ta’ diossini u PCBs simili għad-diossina fil-fwied tan-nagħaġ u taċ-ċriev u dwar kemm hu xieraq li jiġu stabbiliti livelli massimi għal diossini u PCBs fil-fwied u prodotti magħmulin minnu abbażi tal-prodott aktar milli abbażi tax-xaħam, kif inhu l-każ bħalissa. Għaldaqstant, id-dispożizzjonijiet dwar il-fwied u prodotti magħmula minnu għandhom jiġu riveduti b'mod partikolari d-dispożizzjonijiet fir-rigward tal-fwied tan-nagħaġ u taċ-ċriev ladarba tkun disponibbli l-opinjoni tal-EFSA. Sadanittant huwa xieraq li jiġi stabbilit il-livell massimu għad-diossini u PCBs abbażi ta’ xaħam. |
(13) |
Ikel b'inqas minn 1 % ta’ xaħam sa issa kien eskluż mil-livell massimu għad-diossini u DL-PCBs, meta wieħed jikkunsidra li dak l-ikel huwa b'mod ġenerali kontributur minuri għall-esponiment tal-bniedem. Madankollu, kien hemm każijiet b'ikel li għandu inqas minn 1 % ta’ xaħam iżda b'livelli għoljin ħafna ta’ diossini u DL-PCBs fix-xaħam. Għaldaqstant, huwa xieraq li jiġi applikat livell massimu għal tali ikel, iżda fuq bażi ta’ prodott. Filwaqt li wieħed jikkunsidra li livell massimu huwa stabbilit fuq bażi ta’ prodott għal ċertu ikel b'kontenut baxx ta’ xaħam, huwa xieraq li jiġi applikat livell massimu fuq bażi ta’ prodott għal ikel li għandu inqas minn 2 % ta’ xaħam. |
(14) |
Fid-dawl tad-dejta ta’ monitoraġġ għad-diossini u DL-PCBs fl-ikel għat-trabi u għat-tfal żgħar, huwa xieraq li jiġu stabbiliti livelli massimi aktar baxxi għad-diossini u DL-PCBs fl-ikel għat-trabi u għat-tfal żgħar. L-Istitut Federali għall-Valutazzjoni tar-Riskju mill-Ġermanja għamel talba speċifika lill-EFSA biex tivvaluta r-riskju tal-preżenza ta’ diossini u PCBs simili għad-diossina fl-ikel għal trabi u tfal żgħar. Għaldaqstant, id-dispożizzjonijiet dwar l-ikel għal trabi u tfal żgħar għandhom jiġu riveduti ladarba tkun disponibbli l-opinjoni tal-EFSA. |
(15) |
Il-miżuri stipulati f'dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali u la l-Parlament Ewropew u lanqas il-Kunsill ma opponewhom, |
ADOTTAT DAN IR-REGOLAMENT:
Artikolu 1
Ir-Regolament (KE) Nru 1881/2006 huwa emendat kif ġej:
(1) |
L-Artikolu 7 għandu jiġi emendat kif ġej:
|
(2) |
L-Anness huwa emendat skont l-Anness ma’ dan ir-Regolament. |
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Għandu japplika mill-1 ta’ Jannar 2012.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-2 ta’ Diċembru 2011.
Għall-Kummissjoni
Il-President
José Manuel BARROSO
(2) ĠU L 364, 20.12.2006, p. 5.
(3) Il-Ġurnal tal-EFSA 2010; 8(3):1385, http://www.efsa.europa.eu/en/efsajournal/doc/1385.pdf
(4) Il-Ġurnal tal-EFSA (2005) 284, p. 1, http://www.efsa.europa.eu/en/efsajournal/doc/284.pdf
(5) Il-Ġurnal tal-EFSA 2010; 8(7):1701, http://www.efsa.europa.eu/en/efsajournal/doc/1701.pdf
ANNESS
It- Taqsima 5: Id-diossini u l-PCBs tal-Anness għar-Regolament (KE) Nru 1881/2006 huma emendati kif ġej:
(a) |
Taqsima 5: Id-diossini u l-PCBs huma sostitwiti b’dan li ġej: “Taqsima 5: Diossini u PCBs (31)
|
(b) |
In-nota 31 f’qiegħ il-paġna hija sostitwita b’dan li ġej:
|
(c) |
In-nota 33 f’qiegħ il-paġna hija sostitwita b’dan li ġej:
|