32003R1082

Ir-Regolament tal-Kummissjoni (KE) Nru 1082/2003

tat-23 ta’ Ġunju 2003

li jniżżel regoli dettaljati għall-implementazzjoni tar-Regolament (KE) Numru 1760/2000 tal-Parlament Ewropew u tal-Kunsill dwar il-livell minimu ta’ kontrolli li għandhom isiru fil-qafas tas-sistema għall-identifikazzjoni u reġistrazzjoni ta’ annimali bovini

(Test b’relevanza għaż-ŻEE)

IL-KUMMISSJONI TAL-KOMUNITAJIET EWROPEJ

Wara li kkunsidrat it-Trattat li jistabbilixxi l-Komunitajiet Ewropej,

Wara li kkunsidrat ir-Regolament (KE) Numru 1760/2000 tal-Parlament Ewropew u tal-Kunsill tas-17 ta’ Lulju 2000 li jistabbilixxi sistema għall-identifikazzjoni u r-reġistrazzjoni ta’ annimali bovini u dwar it-tabellar taċ-ċanga u prodotti taċ-ċanga u li jħassar ir-Regolament tal-Kunsill (KE) Numru 820/97 [1], partikolarment l-Artikolu 10(d) tiegħu,

billi:

(1) Ir-Regolament tal-Kunsill (KE) Numru 2630/97 tad-29 ta’ Diċembru 1997 tniżżel regoli dettaljati għall-implimentazzjoni tar-Regolament tal-Kunsill (EC) No 820/97 dwar il-livell minimu ta’kontrolli li jsiru fil-qafas tas-sistema għall-identifikazzjoni u reġistrazzjoni ta’ annimali bovini [2] ġie emendat b’mod kbir kemm -il darba [3]. Għall-iskopijiet taċ-ċarezza u razzjonalità dan ir-Regolament għandu jiġi kkodifikat.

(2) Huwa xieraq li jiġi definit livell minimu ta’ kontrolli li għandhom isiru biex tiġi assigurata l-implimentazzjoni tajba għall-identifikazzjoni u reġistrazzjoni ta’ annimali bovini.

(3) L-awtoritajiet lokali kompetenti ta’ kull Stat Membru għandhu jmexxi kontrolli bbażati fuq analiżi tar-riskju. L-analiżi tar-riskju għandu jikkonsidra kull fattur relevanti, inklużi konsiderazzjonijiet tas-saħħa pubblika u tas-saħħa ta’ l-annimali.

(4) Fil-prinċipju, kull annimal ta’ l-azjenda għandhu jiġi sottopost għall-kontrolli. Madankollu, fejn għar-raġunijiet ta’ prattiċità, mhuiex possobbli li jinġabru l-annimali fl-azjenda fi żmien 48 siegħa, l-awtoritajiet lokali kompetenti jistgħu jipprovdu għal sistema xierqa fejn jittieħdui l-kampjuni.

(5) L-awtoritajiet lokali kompetenti ta’ kull Stat Membru għandu jmexxi kontrolli fuq il-post, li, ġeneralment, għandhom isiru mingħajr twissija, kif previst fir-Regolament tal-Kunsill (KEE) Numru 3508/92 tas-27 ta’ Novembru 1992 li jistabbilixxi sistema integrata ta’ amministrazzjoni u kontroll għal ċerti skemi Komunitarji ta’ għajnuna [4], kif emendat bir-Regolament tal-Kummissjoni (KE) Numru 495/2001 [5].

(6) L-Istati Membri għandhom jagħmlu rapport ta’ kull sena lill-Kummissjoni fejn għandhom jagħtu dettalji tal-kontrolli.

(7) Il-Kummissjoni għandha tipprovdi rapport mudell lill-Istati Membri.

(8) Il-miżuri previsti f’dan ir-Regolament huma skond l-opinjoni tal Kumitat għall-Gwida u Garanzija ta’ l-Agrikoltura u tal-Fond ta’ Garanzija,

ADOTTAT DAN IR-REGOLAMENT:

Artikolu 1

Il-kontrolli previst fis-sistema għall-identifikazzjoni u reġistrazzjoni ta’ annimali bovini għandhom mill-inqas iħarsu l-ħtiġijiet minimi skond l-Artikoli 2 sa 5.

Artikolu 2

1. F’kull Stati Membru l-awtorità lokali kompetenti għandha tmexxi kontrolli fuq il-post, li jistgħu jsiru flimkien ma kontrolli oħrajn kif previst fil-leġislazzjoni tal-Komunità. Il-kontrolli għandhom, kull sena, jkopru minimu ta’ 10 % ta’ l-azjenda fit-territorju ta’ kull Stati Membru. Ir-rata minima ta’ kontrolli għandha tiżdied immedjatament meta jiġi stabbilit li l-liġi tal-Komunità dwar l-identifikazzjoni ma ġietx imħarsa.

2. Bħala deroga minn paragrafu 1, fejn Stat Membru għandu database li jaħdem b’mod sħiħ skond l-Artikolu 5 tar-Regolament (KE) Numru 1760/2000 li jipprovdi għall-faċilitajiet għall-cross-checking, rata ta’ 5 % tista’ tkun mistennijja.

3. L-għażla ta’ l-azjendi li għandhom jiġu kkontrollati mill-awtoritajiet lokali kompetenti għandha ssir fuq bażi ta’ l-analiżi tar-riskju.

4. L-analiżi tar-riskju ta’ kull azjenda għandu jikkonsidra b’mod partikolari dan li ġej:

(a) L-ammont ta’ annimali fl-azjenda, inklużi d-dettalji ta’ l-annimali kollha preżenti u annimali identifikati fl-azjenda;

(b) konsiderazzjonijiet tas-saħħa pubblika u ta’ l-annimali, partikolarment tifqiegħ preċedenti ta’ mard;

(ċ) l-ammont ta’ premium bovin meħtieġa ta’ kull sena u/jew mħallsa lill-azjenda, imqabbel ma’ l-ammont mħallas is-sena ta’ qabel;

(d) kambjamenti mhux żagħar meta mqabblin ma’ snin preċedenti;

(e) riżultati ta’ kontrolli li jkunu saru tul is-snin, partikolarment:

(i) li jkun inżamm b’mod xieraq reġistru ta’ l-azjenda, kif previst fir-Regolament tal-Kummissjoni (KE) Numru 2629/97 [6];

(ii) li jkunu inżammu b’mod xieraq passaporti ta’ l-annimali preżenti fl-azjenda, kif previst fir-Regolament (KE) No 2629/97;

(f) komunikazzjoni xierqa tad-data lill-awtoritajiet lokali kompetenti;

(g) kriterji oħra li għandhom jiġu iddeterminati mill-l-Istati Membri.

5. Kull kontroll għandu jkun suġġett għar-rapport standardizzat fuq livell nazzjonali li jniżżel ir-riżultati tal-kontrolli u xi tisjibiet mhux xierqa, ir-raġun għall-kontroll u l-persuni preżenti. Il-gwardjan jew ir-rappreżentant tiegħu għandhu jingħata l-opportunità li jiffirma ir-rapport u, kif xieraq, li jesprimi l-osservazzjonijiet dwar il-kontenut tar-rapport.

6. Kopji tar-rapporti skond paragrafu 5 għandhom, fejn jiffliflettu xi ksur tar-Regolament (KE) Numru 1760/2000, jintbagħtu lill-awtoritajiet kompetenti li huma risponsabbli għall-implimentazzjoni tar-Regolament tal-Kummissjoni (KE) Numru 2419/2001 [7].

Artikolu 3

1. Il-kontroll għandu jkopri l-annimali kollha fl-azjenda li għalihom hija prevista l-identifikazzjoni skond ir-Regolament (KE) Numru 1760/2000.

2. B’deroga minn paragrafu 1, jekk għar-raġuni ta’ prattiċità mhuiex possibbli li l-annimali fl-azjenda jinġabru fi-żmien 48 siegħa, l-awtoritajietet lokali kompetenti jistgħu jipprovdu għal sistema fejn jittieħdu kampjuni iżda għandu jinżamm livell ta’ kontroll xieraq.

Artikolu 4

Kontrolli fuq il-post għandhom isiru, b’mod ġenerali, mingħajr twissija. Fejn tingħata twissija, m’għandiex tkun iktar milli hu neċessarju u, ġeneralment, mhux iktar kmieni minn 48 siegħa qabel.

Artikolu 5

1. Kull Stat Membru għandu jipprovdi rapport lill-Kummissjoni ta’ kull sena, u qabel l-1 ta’ Lulju kull sena, li għandu ikollu d-dettalji li ġejjin:

(a) in-numru ta’ azjendi fl-Istat Membru kkonċernat;

(b) in-numru ta’ kontrolli li saru skond l-artikolu 2;

(ċ) in-numru ta’ annimali li ġew kontrollati;

(d) xi ksur li ġie skopert;

(e) xi sanzjoni li ġiet imposta skond l-Artikolu 22 tar-Regolament (KE) Numru 1760/2000.

2. L-informazzjoni msemmija fil-paragraph 1 għandha tiġi trasmessa lill-Kummissjoni skond l-istruttura mudell fl-Anness I.

Artikolu 6

Ir-Regolament (KE) Numru 2630/97 huwa mħassar.

Riferenzi għar-Regolament imħassar għandhom jiġu kkunsidrati bħala riferenzi għal dan ir-Regolament u għandhom jinqraw skond it-tabella tal-korrelazzjoni fl-Anness III.

Artikolu 7

Dan ir-Regolament għandu jidħol fis-seħħ għoxrin ġurnata wara li jiġi ppubblikat fil-Ġurnal Uffiċjail ta’ l-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussel, fit-23 ta’ Ġunju 2003.

Ghall-Kummissjoni

Romano Prodi

Il-President

[1] ĠU L 204, tal-11.8.00, p. 1.

[2] ĠU L 354, tat-30.12.97, p. 23.

[3] Ara l-Anness II.

[4] ĠU L 355, tal-5.12.92, p. 1.

[5] ĠU L 72, ta' l-14.3.1, p. 6.

[6] ĠU L 354, tat-30.12.97, p. 19.

[7] ĠU L 327, tat-12.12.1, p. 11.

--------------------------------------------------

L-Anness I

Rapport dwar ir-riżultati tal-kontrolli li saru fis-settur tal-bovini fir-rigward tad-dispożizzjonijiet tal-Komunità għall-identifikazzjonu u reġistrazzjoni

1. Informazzjoni relatata mar-riżultati skond l-Artikolu 5(1)(a), (b) u (ċ):

(a) numru totali ta’ azjendi reġistrati fit-territorji ta’l-Istati Membri kif ġew ireġistrati fil-bidu tal-perjodu tar-rappurtaġġ/kontroll;

(b) numru totali ta’azjendi kkontrollati;

(ċ) numru totali ta’kontrolli li saru;

(d) il-kriterji ta’l-analiżi tar-riskju kif previst fl-Artikolu 2(4) għas-selezzjoni ta’l-azjendi kkontrollati, b-riferenza għall-awtoritajiet li mexxew dawn il-kontrolli; u, jekk huwa possibbli, skomposizzjoni ta’dik is-selezzjoni skond il-kriterji ta’ l-analiżi tar-riskju;

(e) numru totali ta’ bhejjem bovini kif reġistrati fil-bidu tal-perjodu tar-rappurtaġġ/kontroll;

(f) numru totali ta’ bovini li ġew ikkontrollati;

(g) tipi ta’ kontrolli, jiġifieri kontrolii fiżiċi, kontrolli dokumentarji, kontrolli dwar dewmien fin-notifikazzjoni ta’ movimenti.

2. Informazzjoni relatata mar-riżultati skond l-Artikolu 5(1)(d) u (e):

(a) numru ta’ksur li ġie skopert, partikolarment, it-tipi ta-diskrepanzi osservati għat-tipi ta’kontrolli skond il-punt 1(g);

(b) sanzjonijiet (inklużi tipi ta’ u informazzjoni dwar l-istatus tal-follow up tagħhom) imposti skond ir-Regolament tal-Kummissjoni (KE) Numru 494/98 [1] li ġie preżentat skond it-tip ta’kontrolli li saru u l-ksur li ġie skopert skond il-punti 1(g) u 2(a).

[1] ĠU L 60, 28.02.98, p. 78.

--------------------------------------------------

L-ANNESS II

Ir-Regolament mħassar u l-emendi suċċessivi

- Regolament tal-Kummissjoni (KE) Numru 2630/97 (ĠU L 354, tat-30.12.1997, p. 23).

- Regolament tal-Kummissjoni (KE) Numru 132/1999 (ĠU L 17, tat-22.1.1999, p. 20).

- Regolament tal-Kummissjoni (KE) Numru No 1898/2000 (ĠU L 228, tat-8.9.2000, p. 22).

--------------------------------------------------

L-ANNESS III

Tabella tal-korrelazzjoni

Regolament (KE) Numru 2630/97 | Dan ir-Regolament |

L-Artikolu 1 | L-Artikolu 1 |

L-Artikolu 2(1) | L-Artikolu 2(1) |

L-Artikolu 2(2) | L-Artikolu 2(2) |

L-Artikolu 2(3) | L-Artikolu 2(3) |

L-Artikolu 2(4)(a) | L-Artikolu 2(4)(a) |

L-Artikolu 2(4)(b) | L-Artikolu 2(4)(b) |

L-Artikolu 2(4)(c) | L-Artikolu 2(4)(c) |

L-Artikolu 2(4)(d) | L-Artikolu 2(4)(d) |

L-Artikolu 2(4)(e), l-ewwel inċiż | L-Artikolu 2(4)(e)(i) |

L-Artikolu 2(4)(e), it-tieni inċiż | L-Artikolu 2(4)(e)(ii) |

L-Artikolu 2(4)(f) | L-Artikolu 2(4)(f) |

L-Artikolu 2(4)(g) | L-Artikolu 2(4)(g) |

L-Artikolu 2(5) | L-Artikolu 2(5) |

L-Artikolu 2(6) | L-Artikolu 2(6) |

L-Artikolu 3 | L-Artikolu 3 |

L-Artikolu 4 | L-Artikolu 4 |

L-Artikolu 5 | L-Artikolu 5 |

— | L-Artikolu 6 |

L-Artikolu 6 | L-Artikolu 7 |

l-Anness | L-Anness I |

— | L-Anness II |

— | L-Anness III. |

--------------------------------------------------