EUR-Lex Access to European Union law
This document is an excerpt from the EUR-Lex website
Document 62012CB0153
Case C-153/12: Order of the Court (Eighth Chamber) of 21 March 2013 (request for a preliminary ruling from the Administrativen sad — Varna — Bulgaria) — Sani Treyd EOOD v Direktor na Direktsia ‘Obzhalvane I upravlenie na izpalnenieto’ — Varna pri Tsentralno upravlenie na Natsionalnata agentsia za prihodite (Article 99 of the Rules of Procedure — VAT — Directive 2006/112/EC — Articles 62, 63, 65, 73 and 80 — Establishment of a building right by natural persons who are neither taxable persons nor persons liable for payment in favour of a company in exchange for the construction of immovable property by that company for those natural persons — Barter contract — VAT on supplies relating to the construction of the immovable property — Chargeable event — When chargeable — Payment on account of the entire consideration — Payment on account — Basis of assessment in the event of consideration in the form of goods or services)
Kawża C-153/12: Digriet tal-Qorti tal-Ġustizzja (It-Tmien Awla) tal- 21 ta’ Marzu 2013 (talba għal deċiżjoni preliminari tal-Administrativen sad — Varna — il-Bulgarija) — Sani Treyd EOOD vs Direktor na Direktsia “Obzhalvane I upravlenie na izpalnenieto” — Varna pri Tsentralno upravlenie na Natsionalnata agentsia za prihodite (Artikolu 99 tar-Regoli tal-Proċedura — VAT — Direttiva 2006/112/KE — Artikoli 62, 63, 65, 73 u 80 — Kostituzzjoni ta’ dritt ta’ superfiċi minn persuni fiżiċi mhux taxxabbli u li ma għandhomx iħallsu t-taxxa għall-benefiċċju ta’ kumpannija inkambju għall-kostruzzjoni ta’ proprjetà immobbli minn din il-kumpannija għal dawn il-persuni fiżiċi — Kuntratt ta’ tpartit — VAT fuq is-servizzi relatati mal-kostruzzjoni ta’ proprjetà immobbli — Avveniment li jagħti lok għal ħlas — Eżiġibbiltà — Ħlas antiċipat tal-korrispettiv kollu — Akkont — Valur taxxabbli fil-każ ta’ korrispettiv ikkostitwit minn beni jew servizzi)
Kawża C-153/12: Digriet tal-Qorti tal-Ġustizzja (It-Tmien Awla) tal- 21 ta’ Marzu 2013 (talba għal deċiżjoni preliminari tal-Administrativen sad — Varna — il-Bulgarija) — Sani Treyd EOOD vs Direktor na Direktsia “Obzhalvane I upravlenie na izpalnenieto” — Varna pri Tsentralno upravlenie na Natsionalnata agentsia za prihodite (Artikolu 99 tar-Regoli tal-Proċedura — VAT — Direttiva 2006/112/KE — Artikoli 62, 63, 65, 73 u 80 — Kostituzzjoni ta’ dritt ta’ superfiċi minn persuni fiżiċi mhux taxxabbli u li ma għandhomx iħallsu t-taxxa għall-benefiċċju ta’ kumpannija inkambju għall-kostruzzjoni ta’ proprjetà immobbli minn din il-kumpannija għal dawn il-persuni fiżiċi — Kuntratt ta’ tpartit — VAT fuq is-servizzi relatati mal-kostruzzjoni ta’ proprjetà immobbli — Avveniment li jagħti lok għal ħlas — Eżiġibbiltà — Ħlas antiċipat tal-korrispettiv kollu — Akkont — Valur taxxabbli fil-każ ta’ korrispettiv ikkostitwit minn beni jew servizzi)
ĠU C 156, 1.6.2013, p. 16–17
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
1.6.2013 |
MT |
Il-Ġurnal Uffiċjali tal-Unjoni Ewropea |
C 156/16 |
Digriet tal-Qorti tal-Ġustizzja (It-Tmien Awla) tal-21 ta’ Marzu 2013 (talba għal deċiżjoni preliminari tal-Administrativen sad — Varna — il-Bulgarija) — Sani Treyd EOOD vs Direktor na Direktsia “Obzhalvane I upravlenie na izpalnenieto” — Varna pri Tsentralno upravlenie na Natsionalnata agentsia za prihodite
(Kawża C-153/12) (1)
(Artikolu 99 tar-Regoli tal-Proċedura - VAT - Direttiva 2006/112/KE - Artikoli 62, 63, 65, 73 u 80 - Kostituzzjoni ta’ dritt ta’ superfiċi minn persuni fiżiċi mhux taxxabbli u li ma għandhomx iħallsu t-taxxa għall-benefiċċju ta’ kumpannija inkambju għall-kostruzzjoni ta’ proprjetà immobbli minn din il-kumpannija għal dawn il-persuni fiżiċi - Kuntratt ta’ tpartit - VAT fuq is-servizzi relatati mal-kostruzzjoni ta’ proprjetà immobbli - Avveniment li jagħti lok għal ħlas - Eżiġibbiltà - Ħlas antiċipat tal-korrispettiv kollu - Akkont - Valur taxxabbli fil-każ ta’ korrispettiv ikkostitwit minn beni jew servizzi)
2013/C 156/26
Lingwa tal-kawża: il-Bulgaru
Qorti tar-rinviju
Administrativen sad — Varna
Partijiet fil-kawża prinċipali
Rikorrenti: Sani Treyd EOOD
Konvenut: Direktor na Direktsia “Obzhalvane I upravlenie na izpalnenieto” — Varna pri Tsentralno upravlenie na Natsionalnata agentsia za prihodite
Suġġett
Talba għal deċiżjoni preliminari — Administrativen sad — Varna — Interpretazzjoni tal-Artikoli 62(1), 63, 73 u 80 tad-Direttiva tal-Kunsill 2006/112/KE, tat-28 ta’ Novembru 2006, dwar is-sistema komuni ta’ taxxa fuq il-valur miżjud (ĠU L 347, p. 1) — Leġiżlazzjoni nazzjonali li tipprovdi li kull provvista jew servizz b’korrispettiv li jkun kompletament jew parzjalment ikkostitwit minn merkanzija jew servizzi hija kkunsidrata bħala żewġ provvisti jew servizzi korrelattivi — Leġiżlazzjoni li tistabbilixxi bħala d-data tal-avveniment li jagħti lok għall-ħlas tal-VAT għall-operazzjonijiet korrelattivi ta’ skambju, id-data tal-avveniment li jagħti lok għal ħlas ta’ taxxa tal-provvista li tkun saret l-ewwel u dan anki jekk il-korrispettiv għal din il-provvista jkun għadu ma ngħatax — Persuni fiżiċi li jkunu kkostitwixxew dritt ta’ superfiċi favur kumpannija għall-finijiet ta’ kostruzzjoni ta’ proprjetà immobbli ta’ abitazzjoni, inkambju għall-obbligu tal-kumpannija li tibni bil-mezzi tagħha stess u li tittrasferixxi lill-kostitwenti l-proprjetà ta’ 25 % tas-superfiċi mibnija kollha f’terminu ta’ 12-il xahar dekorribbli mill-ħruġ tal-permess tal-bini — Determinazzjoni tal-valur taxxabbli — Applikabbiltà tal-kunċett ta’ avveniment li jagħti lok għal ħlas ta’ taxxa għall-operazzjonijiet eżentati, anki jekk dawn jitwettqu minn persuna li la għandha l-kwalità ta’ persuna taxxabbli u lanqas dik ta’ persuna responsabbli għall-ħlas
Dispożittiv
(1) |
L-Artikoli 63 u 65 tad-Direttiva tal-Kunsill 2006/112/KE, tat-28 ta’ Novembru 2006, dwar is-sistema komuni ta’ taxxa fuq il-valur miżjud, għandhom jiġu interpretati fis-sens li, f’ċirkustanzi bħal dawk inkwistjoni fil-kawża prinċipali, meta jiġi kkostitwit dritt ta’ superfiċi favur kumpannija għall-kostruzzjoni ta’ binja li fir-rigward tagħha għandha ssir proprjetarja sa 75 % tas-superfiċi totali mibnija, b’korrispettiv tal-kostruzzjoni tal-25 % li jifdal, li din il-kumpannija timpenja ruħha li tforni fi stat ta’ tlestija kompleta lill-persuni li kkostitwixxew dan id-dritt ta’ superfiċi, dawn ma jipprekludux li t-taxxa fuq il-valur miżjud fuq il-provvista ta’ servizzi ta’ kostruzzjoni ssir eżiġibbli mill-mument meta jiġi kkostitwit id-dritt ta’ superfiċi, jiġifieri qabel ma ssir din il-provvista ta’ servizzi, sa fejn, meta jiġi kkostitwit dan id-dritt, l-elementi rilevanti kollha ta’ din il-provvista ta’ servizzi futura jkunu diġà magħrufa u għaldaqstant, b’mod partikolari, is-servizzi inkwistjoni jkunu indikati bi preċiżjoni, u l-valur tal-imsemmi dritt ikun jista’ jiġi espress fi flus, liema fatt għandu jiġi vverifikat mill-qorti ta’ rinviju. F’dan ir-rigward huwa ineffettiv il-fatt li l-kostituzzjoni tal-imsemmi dritt ta’ superfiċi tkun operazzjoni eżentata mwettqa minn persuni li ma humiex persuni taxxabbli jew li ma għandhomx iħallsu t-taxxa fis-sens tal-imsemmija direttiva. |
(2) |
F’ċirkustanzi bħal dawk inkwistjoni fil-kawża prinċipali, li fihom l-operazzjoni ma twettqitx bejn partijiet marbuta fis-sens tal-Artikolu 80(1) tad-Direttiva 2006/112, liema fatt għandu madankollu jiġi vverifikat mill-qorti tar-rinviju, l-Artikoli 73 u 80 ta’ din id-direttiva għandhom jiġu interpretati fis-sens li jipprekludu dispożizzjoni nazzjonali, bħal dik inkwistjoni fil-kawża prinċipali, li skontha, meta l-korrispettiv ta’ provvista ta’ beni jew ta’ servizzi jkun kollu kemm hu kkostitwit minn beni jew servizzi, il-valur taxxabbli tal-provvista jew tas-servizz ikun, fi kwalunkwe każ, ikkostitwit mill-valur normali tal-beni jew tas-servizzi pprovduti. |