Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 42022D1046

Deċiżjoni (UE) 2022/1046 tar-Rappreżentanti tal-Gvernijiet tal-Istati Membri tad-29 ta’ Ġunju 2022 li taħtar Imħallfin fil-Qorti Ġenerali

ST/9007/2022/INIT

ĠU L 173, 30.6.2022, p. 77–78 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/dec/2022/1046/oj

Date of document:
29/06/2022; Data ta' adozzjoni
Date of effect:
30/06/2022; Dħul fis-seħħ Data tal-pubblikazzjoni Ara Art. 3
Date of effect:
30/06/2022; Applikazzjoni Ara Art. 2
Date of effect:
01/09/2022; Applikazzjoni Ara Art. 1
Date of end of validity:
31/08/2022; Tmiem tal-mandat Ara Art. 2
Date of end of validity:
31/08/2028; Tmiem tal-mandat Ara Art. 1
Author:
Ir-Rappreżentanti tal-Gvernijiet tal-Istati Membri
Form:
Deċiżjoni
Treaty:
Trattat dwar il-Funzjonament tal-Unjoni Ewropea , Trattat dwar l−Unjoni Ewropea
Legal basis:
Link
Link
Link
Select all documents mentioning this document
Instruments cited:
Link

30.6.2022   

MT

Il-Ġurnal Uffiċjali tal-Unjoni Ewropea

L 173/77

DEĊIŻJONI (UE) 2022/1046 TAR-RAPPREŻENTANTI TAL-GVERNIJIET TAL-ISTATI MEMBRI

tad-29 ta’ Ġunju 2022

li taħtar Imħallfin fil-Qorti Ġenerali

IR-RAPPREŻENTANTI TAL-GVERNIJIET TAL-ISTATI MEMBRI TAL-UNJONI EWROPEA,

Wara li kkunsidraw it-Trattat dwar l-Unjoni Ewropea, u b’mod partikolari l-Artikolu 19 tiegħu,

Wara li kkunsidraw it-Trattat dwar il-Funzjonament tal-Unjoni Ewropea, u b’mod partikolari l-Artikoli 254 u 255 tiegħu,

Billi:

(1)

Il-mandati ta’ sitta u għoxrin Imħallef fil-Qorti Ġenerali ser jiskadu fil-31 ta’ Awwissu 2022. Jenħtieġ li jsiru ħatriet biex jimtlew dawk il-karigi għall-perjodu mill-1 ta’ Settembru 2022 sal-31 ta’ Awwissu 2028.

(2)

Ġie propost li l-mandati tas-Sur Ion GÂLEA, tas-Sur Marc JAEGER, tas-Sur Dean SPIELMANN u tas-Sa Mirela STANCU bħala Mħallfin fil-Qorti Ġenerali jiġi mġedded.

(3)

Is-Sur Steven VERSCHUUR ġie propost għall-ewwel mandat tiegħu bħala Mħallef fil-Qorti Ġenerali.

(4)

Barra minn hekk, l-Artikolu 48 tal-Protokoll Nru 3 dwar l-Istatut tal-Qorti tal-Ġustizzja tal-Unjoni Ewropea, kif emendat bir-Regolament (UE, Euratom) 2015/2422 tal-Parlament Ewropew u tal-Kunsill (1), jipprevedi li l-għadd ta’ Mħallfin fil-Qorti Ġenerali għandu jiżdied fi tliet stadji sabiex mill-1 ta’ Settembru 2019 il-Qorti Ġenerali tkun komposta minn żewġ Imħallfin għal kull Stat Membru. Skont l-Artikolu 2(a) ta’ dak ir-Regolament, l-ewwel pass taż-żieda fl-għadd ta’ Mħallfin fil-Qorti Ġenerali jinvolvi l-ħatra ta’ 12-il Imħallef addizzjonali, li sitta minnhom għandhom mandat li jintemm fil-31 ta’ Awwissu 2016. Dawn is-sitt Imħallfin jintgħażlu b’tali mod li l-gvernijiet ta’ sitt Stati Membri jipproponu żewġ Imħallfin għat-tiġdid parzjali tal-Qorti Ġenerali fl-2016, li l-mandat jiddekorri mill-1 ta’ Settembru 2016 sal-31 ta’ Awwissu 2022. Il-kariga ta’ Mħallef addizzjonali li għandu jinħatar fuq proposta tal-Gvern tar-Repubblika Slovakka hija waħda mill-karigi tas-sitt Imħallfin addizzjonali involuti fit-tiġdid parzjali tal-Qorti Ġenerali fl-2016. Is-Sa Beatrix RICZIOVÁ ġiet innominata għall-kariga ta’ Mħallef addizzjonali fil-Qorti Ġenerali.

(5)

Skont l-Artikolu 7 tal-Protokoll Nru 3 u wara l-mewt tas-Sur Barna BERKE, jenħtieġ li jinħatar Imħallef fil-Qorti Ġenerali għall-bqija tal-mandat tas-Sur Barna BERKE, li jiddekorri sal-31 ta’ Awwissu 2022.

(6)

Is-Sur Tihamér TÓTH ġie nnominat għall-kariga li saret vakanti.

(7)

Il-kumitat stabbilit permezz tal-Artikolu 255 tat-Trattat dwar il-Funzjonament tal-Unjoni Ewropea ta opinjoni favorevoli dwar l-idoneità ta’ dawn il-kandidati għall-qadi tal-funzjonijiet ta’ Mħallfin fil-Qorti Ġenerali,

ADOTTAW DIN ID-DEĊIŻJONI:

Artikolu 1

Dawn li ġejjin huma b’dan maħturin Imħallfin fil-Qorti Ġenerali għall-perjodu mill-1 ta’ Settembru 2022 sal-31 ta’ Awwissu 2028:

—

Is-Sur Ion GÂLEA,

—

Is-Sur Marc JAEGER,

—

Is-Sur Dean SPIELMANN,

—

Is-Sa Mirela STANCU,

—

Is-Sur Steven VERSCHUUR.

Artikolu 2

Dawn li ġejjin huma b’dan maħturin Imħallfin fil-Qorti Ġenerali għall-perjodu mid-data tad-dħul fis-seħħ ta’ din id-Deċiżjoni sal-31 ta’ Awwissu 2022:

—

Is-Sa Beatrix RICZIOVÁ,

—

Is-Sur Tihamér TÓTH.

Artikolu 3

Din id-Deċiżjoni għandha tidħol fis-seħħ fil-jum tal-pubblikazzjoni tagħha f’Il-Ġurnal Uffiċjali tal-Unjoni Ewropea.

Magħmul fi Brussell, id-29 ta’ Ġunju 2022.

Il-President

P. LÉGLISE-COSTA

(1)  Ir-Regolament (UE, Euratom) 2015/2422 tal-Parlament Ewropew u tal-Kunsill tas-16 ta’ Diċembru 2015 li jemenda l-Protokoll Nru 3 dwar l-Istatut tal-Qorti tal-Ġustizzja tal-Unjoni Ewropea (ĠU L 341, 24.12.2015, p. 14).

Top