(1)

Il-validità tal-kriterji ekoloġiċi għall-għoti tal-Ekotikketta tal-UE għat-televiżjonijiet, u tar-rekwiżiti ta' valutazzjoni u ta' verifika relatati magħhom, stabbiliti fid-Deċiżjoni tal-Kummissjoni 2009/300/KE (2), tiskadi fil-31 ta' Diċembru 2019.

(2)

Il-validità tal-kriterji ekoloġiċi għall-għoti tal-Ekotikketta tal-UE għall-materjal tat-tkabbir, għas-sustanzi li jtejbu l-ħamrija u għall-ħuxlief, u tar-rekwiżiti ta' valutazzjoni u ta' verifika relatati magħhom, stabbiliti fid-Deċiżjoni tal-Kummissjoni (UE) 2015/2099 (3), tiskadi fit-18 ta' Novembru 2019.

(3)

Il-kriterji tal-Ekotikketta tal-UE għat-televiżjonijiet stabbiliti fid-Deċiżjoni 2009/300/KE jirreferu, fir-rigward tal-iffrankar tal-enerġija, għar-rekwiżiti tat-tikkettar enerġetiku u tal-ekodisinn għat-televiżjonijiet stipulati fir-Regolament tal-Kummissjoni (KE) Nru 642/2009 (4) u fir-Regolament Delegat tal-Kummissjoni (UE) Nru 1062/2010 (5) li t-tnejn li huma attwalment qegħdin jiġu rieżaminati fid-dawl tal-progress teknoloġiku.

(4)

F'konformità mal-konklużjonijiet tal-Kontroll tal-Idoneità tal-Ekotikketta tal-UE (REFIT) tat-30 ta' Ġunju 2017 (6), il-Kummissjoni, flimkien mal-Bord tal-Ekotikkettar tal-UE, kienet qed tivvaluta r-rilevanza ta' kull grupp ta' prodotti qabel ma tipproponi l-estensjoni assoċjata miegħu, filwaqt li tissuġġerixxi soluzzjonijiet biex jittejbu s-sinerġiji bejn il-gruppi ta' prodotti u biex jiżdied l-użu tal-Ekotikketta tal-UE, kif ukoll biex jiġi żgurat li, matul il-proċess ta' reviżjoni, tingħata attenzjoni xierqa lill-koerenza bejn il-politiki rilevanti tal-UE, il-leġiżlazzjoni u l-evidenza xjentifika. Saru wkoll konsultazzjonijiet addizzjonali mal-partijiet ikkonċernati pubbliċi.

(5)

Għad-Deċiżjoni (UE) 2015/2099, din il-valutazzjoni kkonfermat ir-rilevanza u l-adegwatezza tal-kriterji ekoloġiċi attwali u tar-rekwiżiti ta' valutazzjoni u ta' verifika relatati.

(6)

Għad-Deċiżjoni 2009/300/KE, jenħtieġ li din il-valutazzjoni tirrifletti iktar fuq ir-rilevanza u l-adegwatezza tal-kriterji, sakemm jiġu adottati r-rekwiżiti l-ġodda tat-tikkettar enerġetiku u tal-ekodisinn għat-televiżjonijiet, inkluż il-proposti għal rekwiżiti addizzjonali li jappoġġaw id-Direttiva dwar l-Iskart tat-Tagħmir Elettriku u Elettroniku u l-objettivi usa' tal-ekonomija ċirkolari.

(7)

F'dawk iċ-ċirkostanzi, sabiex jitħalla biżżejjed żmien għall-finalizzazzjoni tal-valutazzjoni u tar-reviżjoni potenzjali jew it-tneħħija tal-kriterji ekoloġiċi attwali għat-televiżjonijiet, jenħtieġ li l-perjodu ta' validità tal-kriterji eżistenti għat-televixins u r-rekwiżiti ta' valutazzjoni u ta' verifika relatati jiġi estiż sal-31 ta' Diċembru 2020.

(8)

Sabiex tingħata stabbiltà lis-suq, jiżdied l-użu tal-Ekotikketta tal-UE u d-detenturi attwali ta' liċenzja jitħallew igawdu l-benefiċċji tal-Ekotikketta tal-UE mill-prodotti tagħhom li ngħatatilhom din it-tikketta, jenħtieġ li l-perjodu ta' validità tal-kriterji attwali għall-materjal tat-tkabbir, għas-sustanzi li jtejbu l-ħamrija u għall-ħuxlief, u tar-rekwiżiti ta' valutazzjoni u ta' verifika relatati miegħu, jiġi estiż sat-30 ta' Ġunju 2022.

(9)

Għalhekk huwa xieraq li jiġi estiż il-perjodu ta' validità tal-kriterji ekoloġiċi għall-gruppi ta' prodotti “televiżjonijiet” u “materjal tat-tkabbir, sustanzi li jtejbu l-ħamrija u ħuxlief”, u tar-rekwiżiti ta' valutazzjoni u ta' verifika relatati.

(10)

Jenħtieġ li d-Deċiżjoni 2009/300/KE u d-Deċiżjoni (UE) 2015/2099 jiġu emendati skont dan.

(11)

Il-miżuri previsti f'din id-Deċiżjoni huma skont l-opinjoni tal-Kumitat stabbilit bl-Artikolu 16 tar-Regolament (KE) Nru 66/2010,